رواية مملكة ميراث العشق الفصل الخامس عشر 15 بقلم مريم نصار
رواية مملكة ميراث العشق الجزء الخامس عشر
رواية مملكة ميراث العشق البارت الخامس عشر
رواية مملكة ميراث العشق الحلقة الخامسة عشر
ف الطريق..Автор: Меріам Насар
آريان سايق العربيه. ومعاه تيم.. وميرو وتمارا..بيوصلوهم للمطار..
تمارا : مسكت ايد ميرو.. وقالت. خلاص بقى ياميرو بطلي عياط..
ميرو : بحزن..مش قادره ياتمارا..مامي صعبانه عليا أوي..وكان نفسي أكون معاها الفتره دي.. وكمان هي رفضت تيجي معايا.
تمارا : ياميرو ماينفعش خالتو فريحه تسافر معاكي.. أولا عشان شغلها وكمان تالين في دراستها.. وبعدين أنتي آخرتي سفرك أنتي وتيم اسبوعين بحالهم.وكدا مش هينفع..واطمني إحنا كلنا جمبها ومعاها.. وكفايه بابا آدم وماما مريم مهونين جدآ عليها..ده غير بابا طارق..!!!
يعني المفروض تفكري في نفسك انتي وجوزك..ومش عايزاكي تقلقي ع خالتو خالص اوكي؟
ميرو : حطت ايدها ع أيد تمارا..وقالت بترجي.. ارجوكي خلي بالك من مامي ياتيما..
انا عارفه إن كلكم حواليها..بس برضو هفضل قلقانه عليها..
تمارا : ابتسمت.. اطمني ياحبيبتى..خالتو فريحه جوه قلبي وعينيا..
آريان : بهزار..وانا كمان هخلى بالي من مرات عمي..
تيم : بضحكه..ده غصب عنك مش بمزاجك يادكتور..
ميرو : مسحت دموعها وابتسمت..
تيم : بصلها ف المرايا.. وغمز ليها..
تمارا : شافت تيم..وضحكت وقالت..بقى حد يبقى معاه تيم أخويا ويعيط..كئيبه يامريم..
تيم : مثل البراءه..وقال بتنهيده..الله يكون ف عوني والله..
ميرو : شهقت.. وكشرت عينيها بغيظ..
آريان : مثل الجديه وقال.. لأ ياحبيبى فرمل عندك.. بنتنا لو مش عجباك أرجع بيها ع البيت.. ونشوف حوار الله يكون ف عونك ده .
ميرو : ضحكت بنصر.. وقالت ايوه كدا..انا مش لوحدي..
تيم : بضحكه..وانا اقدر برضه ع بعد مريم.. انا بهزر يصلاح..
آريان : بتكشيره.. أيوه كدا..ناس مابتجيش غير بالعين الحمرا..
تيم : خبطه في كتفه..وقال طيب أنجز بقى هنتأخر ع الطياره..
آريان : أتألم..ااه. يخربيت كدا.. إيدك ياعم انت..
كلهم ضحكو.. وبيتكلمو مع بعض..
في نفس الوقت..
عامر : سايق عربية كامليا..وهي قاعده في الخلف..
كامليا : بتبص في الساعه..وقالت انجز شويه ياعامر.. انا كدا هتأخر ع الميعاد..
عامر : بخنقه..ياكامليا هانم أنتي كدا بتحطي العقده في المنشار..
كامليا : بخنقه.. وأنت مالك أنت يابني ادم.. أنت تنفذ اللي اطلبه منك وأنت ساكت..
عامر : نفخ بخنقه..وقال.. انا والله بنفذ كل طلباتك..
بس حضرتك قولتي إن اللي إسمه دكتور تيم ده بعتلك تهديد قبل كده.. إنك لو فتحتي عياده.. هيدمر مستقبلك.. وأنتي رايحه دلوقتي تشوفي الشقه اللي هتفتحيها عياده.؟
افرض دكتور تيم عرف.. وقتها انا وأنتي هنروح في داهيه..
كامليا : رفعت حاجبها..وقالت..اها قول كدا بقى.. أنت خايف ع نفسك.. مش حكاية عياده وتيم.. مش كدا ياعامر..!!!
عامر : بصراحه ايوه ياست هانم.. اكدب عليكي واقولك مش خايف.؟
.دي قضية شرف..ومش أي حد.. دي حفيدة الامبراطور. وبنت عقيد في المخابرات.ده غير عيلتها إللي كلهم مستويات ورُتب عاليا..يعني فيها إعدام.. ومش عايزاني أخاف.؟
كامليا : سمعت عيلة مريم..وصكت ع أسنانها بكُره كبير.. وقالت بغيظ..
وانا مايهمنيش هي مين وبنت مييييين فااااهم.؟
. انا هفتح العياده..وتيم هيجيلي راكع تحت رجلي.. فاااااهم ياحيووووان..
ومش عايزاك تجبلي سيرتها..عشان متندمش ياعامر..صدقني..انا ممكن اقتلك..لو رفضت ليا طلب او اتجادلت معايا في أي حاجه أنا عايزه أعملها..
عامر : هز راسه بيأس..وقال..تمام ياهانم. انتي حره واعملي اللي أنتي شايفاه صح..
كامليا : بتكابر الحقد اللي واضح على ملامحها.. وقالت.. طيب سوق بسرعه خلينا نخلص..!!!
عامر : داس بنزين وساق…
——————بقلمي مريم نصار.
بعد شويه.. في الطريق..
تيم : بص ف الساعه..ونفخ بنفاذ صبر..وقال. ميعاد الطياره هيفوتنا يا آريان..باقي ربع ساعة بالظبط..
آريان : بيضرب كلاكس للعربيات اللي قدامه..وقال.. لأ إن شاء الله هنوصل بسرعه. بس العربيات دي تتحرك..
ميرو : بصت من الازاز..وقالت خلاص أهو هانت.. أيوه العربيه الكبيره اتحركت هناك اهي..
آريان : نفخ براحه.. وقال..ياستار. البلد زحمه جدآ.. متقلقش ياتيم..خلاص خمس دقايق ونوصل.. وداس بنزين وساق بسرعه كبيره..
تيم : مسح وشه بايديه ونفخ بنفاذ صبر..وقال أستغفر الله العظيم…
بعد دقايق..
عامر سايق بتركيز..
كامليا : قفلت فونها وبتحطه في الشنطه..و بصت من ازاز العربيه بالصدفه..وفتحت عينيها بصدمه كبيره..وقالت..تيم..!!!
عامر : بص عليها من المرايا..واستغرب تغيير ملامحها..
كامليا : بدأت تنهج..وقالت بصوت عالى..وقف العربيه.
عامر : بعدم فهم.. أقف هنا ليه؟ وا…
كامليا : بهستريا وجنون. قووولت وووقف العربيه حاااالا..
عامر : وقف بالعربيه..وقال حاضر..
كامليا : نزلت زي المجنونه..وبتحاول تعدي الطريق..
عامر : نزل ومستغرب..وقال.. اله؟ المجنونه دي بتجري ليه كدا؟
وبعدها..شاف تيم ومريم داخلين المطار..وقال بصدمه..ينهار اسو…. يادي المصيبه..انا لازم أتصرف..
كامليا : متغاظه لأن الطريق زحمه. وعايزه تعدي الطريق بسرعه. وتروح ل تيم..وندهت بصوت عالى..وقالت..تييييم…تيييييم..
تيم : وميرو.. داخلين بسرعه..وحطو الشنط تتفتش.. ومتوترين أنهم مايلحقوش الطياره..
عامر : جري وراها..وقال..كامليا هانم.. أنتي رايحه فين بس..تعالى معايا..
كامليا : بهستريا.. ابعد عني.. أنت تعرف اني شوفت تيم دلوقتي..؟
عامر : مثل الدهشه..وقال بجد..؟ طيب هو فين انا مش شايف حد..
كامليا : شاورت بايدها..وقالت هناك..قدام المطار.. بس دخل جوه المطار انا لازم الحقه..
تيم : جه بسرعه وقال..يلا يامريم كل حاجه تمام..بسرعه الطياره هتتحرك..ومسك أيدها
ميرو : ماشيه بسرعه. وقالت إن شاء الله هنلحق..
عامر : طيب تعالي انتي استريحي في العربيه..وانا هروح أشوفه بيعمل ايه ف المطار..
كامليا : ضحكت بدموع..بجد هتشوف تيم..وتجيبه لحد عندي..
عامر : هز راسه طبعاً..
كامليا : سمعت صوت طياره..وبصت لفوق..وكانت الطياره اتحركت.. وبدأت في الطيران..
كامليا : هزت راسها بضحكه..وقالت. أكيد مش هي..هو أكيد مش هيلحق يسافر بالسرعه دي..صح ياعامر.؟ هو اصلا ماينفعش يسافر ويسبني..
عامر : زعل عشانها..وقال طيب انا هدخل اشوفه فين.
كامليا : هزت راسها لأ لأ. رجلي على رجلك..مش هسيبه يبعد عني المرادي..وعدت الطريق بسرعه.. وعامر ماشي وراها..ودخلو المطار.. ودورو كتير جدا على تيم.. لكن مش موجود..
عامر : حمد ربنا.. أنه سافر..
كامليا : بتجري ع الاستعلامات..
عامر : لحقها..وقال..استني أنتي انا هروح أسأل سافر فين.. لأن طابور الستات زحمه وطابور الشباب فاضي..
كامليا : هزت راسها ايوه ايوه صح .. روح بسرعه وقولي الطياره اللي سافرت رايحه على فين..؟
عامر : راح وقف وسأل..وقالتله بريطانيا..
كامليا : شافت عامر جاي عليها .وجريت عليه..وقالت ها؟ قالتلك ايه؟
عامر : قالت إن الطياره مسافره على نيويورك..
كامليا : زعقت بصوت عالى.. أنت بتقول ايه؟ ماينفعش تيم يساااافر ويسبببني. هي اخدته منننني.. اخدته وبعدت بيه بعيييييد.. لكن انا مش هسكت..مش هسسسكت..!!!
عامر : بص حواليه..ولعنها في سره..والناس كلها بتتفرج عليهم..
فرد من الأمن جه..وقال بجديه..ايه الدوشه اللي حضرتك عملاها دي؟ اتفضلي اخرجي من المطار حالا..
كامليا : قبضت على أيديها بغيظ..وهتزعق للأمن..
عامر : بسرعه..قال..احنا متأسفين جداً..هي بس متأثره بسفر عيلتها.. يلا بينا ياكامليا..وشد أيدها.. وخرجو من المطار..
كامليا : دخلت في حالة توهان..وبتهمس.. أخدت تيم مني.. لأ لأ انا هروحله..انا هسافر..ايوه هسافر عشانه.. أكيد انا وحشاه أكيد..
عامر : نفخ بخنقه كبيره..وفتح باب العربيه..
كامليا : ركبت وهي على نفس الحاله..
عامر : ركب العربيه وغير مساره وساق وطالع ع شقتهم..
بعد شويه في شقة كامليا..
كامليا في الليفنج رايحه جايه بنرفزه وغضب واضح على ملامحها.
عامر : قاعد..وقال جواه..يابنت المجانين..انا مشوفتش في حياتي واحده بالجنان ده.!! ده أنتي أكلتي ضوافر ايديكي من الغل.. ولسه مصممه برضه على قتل مرات الدكتور تيم؟
سعات بتصعبي عليا..وسعات ببقى هاين عليا ارميكي من الدور الأخير على كمية الشر اللي جواكي دي..!!
الحمد لله إن تيم سافر بسرعه.. وإلا مكنتش عارف إيه اللي كان ممكن يحصل معانا..
كامليا : برجفة وكُره.. لأ لأ. انا يستحيل أسكت اكتر من كدا.. لازم أتصرف لازم.. انااااا ازاااااي كنت غبيه كدا؟ ازاااااي؟ يعني تيم كان هنا ف مصر وانا معرفش؟
وبصت لعامر..وجريت عليه..ومسكته من ياقته بقوه وغيظ كبير..وقالت بغضب..
يعني أنت كنت عارف إن تيم ومريم هناااااا وبتكدب علياااااا؟
عامر : نفخ بنفاذ صبر..وقال..وانا هعرف منين يعني؟ وهكدب عليكي ليه؟
وبعدين أنتي ليه متاكده أنه مسافرش من الأساس.؟ مش يمكن كان نازل أجازه أو أي حاجه؟ ممكن تهدي شويه.. إللي أنتي بتعمليه ده انا محتار الاقي ليه سبب مقنع؟
كامليا : بهستريا.وصوت عالي.سبب..!!!؟ تيم ده ملكي انا. تيم بتاعي انا وبس.. ومفيش حد يقدر ياخدو مني..مريم ظهرت في حياتي واخدته مني..مريم هي السبب في كل حاجه..وانا خليتك تمثل وتوهم تيم أنها بنت مش محترمه وسكتها شمال.. ولما يشوفها بالشكل ده وقتها يعرفها على حقيقتها..
والمصيبه أنها ضحكت عليه واتجوزها.. اتجوزهااااا بدال مايدوس عليها اتجوزها وداس عليا اناااااا…
وكمان بسببها انا خسرت نفسي..انا مثلت ليها جريمة اغتصاب.. لكن انا اتعرضت لاغتصاب حقيييييقي.. انا حياتي انتهت بظهور مريم.. وعشان كده انت لازم تقتلها ياعااامر..
عامر : بصدمه..اتعرضتي لايه؟
كامليا : زقته وقالت.. اومال أنت كنت مفكرني إني هتجوزك ليه ست شهور؟ من جمال وسحر عينيك. ولا مستواك اللي معدوم من الأساس..!! أنت مجرد واحد اشتريته بفلوسي..هتنفذ طلباتي وتقبض قصادهم..ولا أنت مش عايز وصولات الامانه بتاعتك ياعامر..!!!؟
عامر : ……………!!!
——————بقلمي مريم نصار..
قدام ملهى ڤيكتور..Автор: Меріам Насар
فهد : واقف ولمح عربية حيدر وعربيات الحراسه.داخلين على الملهى.. وقال بهمس.. صقر..!!!
مراد : في المطبخ مع چاك..وقال بصوت مكتوم.. امممم..
فهد : بهمس..احم..حيدر وصل..!
مراد : احم..تمام..ربنا معانا في اللي جاي..
فهد : يارب..
العربيات وقفت قدام الملهى..
آدم مراد : نزل..وفتح باب العربيه لڤيكتور..من سُكات.
ڤيكتور : نزل..وقال..هيا بيبرس.
بيبرس : نزل من العربيه..ورفع عينيه ع يافطة الملهى..وقلع النضاره..ومد أيدو..وقال.. هيا عزيزتي..
آليس : نزلت..وكانت فائقة الجمال وصغيره ٢٠ سنه.. وحطت أيدها ف أيد بيبرس..
بيبرس : أبتسم..وقال..لم أري ابتسامتك منذ وقت طويل حبيبتي..!!
آليس : ابتسمت..
ڤيكتور : هيا تقدمو نتحدث بالداخل. ودخل الملهى..
بيبرس : حط ايد آليس في أيدو..طالع جمبها ع السلم..وبص ل فهد..ودخل الملهى..!!
آدم مراد : قفل الباب بغضب مكبت..وراح وقف مكانه في الشغل قصاد فهد..
فهد : بص ل آدم..وشاف ملامحه باين عليها علامات استفهام كتيره.. وقال ل آدم مالك..!!!؟
آدم مراد : …………!!! مردش..وعينيه بتطلع شرار..
مراد : سمع فهد..وراح الحمام ..وقال بقلق..ف إيه؟
فهد : بِشك..الديزل واضح عليه أنه حصل حاجه كبيره جدا..وساكت..!!
مراد : هز راسه ومسح وشه بايديه ونفخ بخنقه و قلق..وقال.. طيب سيبه دلوقتي.. ولما نبقى لوحدنا هنعرف..
فهد : بص ع آدم اللي قابض على أيديه بقوه كبيره.. وهز راسه وقال..تمام.!!
آدم مراد : كشر عينيه وصاكك على أسنانه..ومخنوق جدآ..وساكت..
ڤيكتور : أبتسم.. مرحباً آليس.. أرجو أن يكون الملهى قد نال اعجابك..!!
آليس : بجديه. يوجد هذا الملهى منذ وقت طويل.. وانا أعرفه..ولايكن به أي جديد ليلفت انتباهي..
بيبرس : ضحك. وقال..ولما أنتي غاضبه هذا حبيبتي..هيا ارجوكي ابتسمي قليلاً..
صوفيا : بغيظ.. ڤيكتور يرحب بكم.. لأنه سيد هذه القريه.. ومن المعروف عنه أنه رجل كريم للغايه ويرحب بالجميع..
آليس : ضحكت بسخريه..ومردتش عليها..
ڤيكتور : باس ع ايد صوفيا..وقال..عزيزتي أين نخب ڤيكتور وأخيه الصغير بيبرس..!!
صوفيا : بدلع..على الفور عزيزي.
وبصت ل بيبرس وقالت بإغراء. مرحباً بك في اوكرانيا سيد بيبرس..!!
بيبرس : بص ليها بإعجاب..وقال.. شكراً صوفيا الجميله..!!
آليس : ……..!!!
صوفيا : ضحكت. وجابت ازازة خمره. وأربع كاسات..
وقدمت لڤيكتور..وقدمت لبيبرس..واخدها منها وتعمد أنه يلمس أيدها..وضحكت..وقدمت ل آليس..
آليس : بخنقه..لا أريد الشراب.. أريد أن أذهب إلى غرفتي..
بيبرس : اووو بليز آليس لا تكوني سخيفه..اشربي معنا نخب ڤيكتور..
آليس : بصتله بخنقه..بيبرس.. انت تعلم أني لا أحب الشراب.. أنه يدمر الصحه..ويجعلني اثمل..
بيبرس : مسك الكاس من صوفيا..وقال.. ولكن سعادة بيبرس في أن يراكِ ثمله حبيبتي. حينها أنتي تكوني أفضل بكثير لبيبرس..هيا تناولي شرابك..!!!
آليس : أخدت الكاس وشربت.. وقامت وقفت وقالت.. بيبرس انا حقا متعبه. أريد أن أذهب إلى غرفتي الآن..!!
بيبرس : باس ع أيدها..وقال..لكي هذا ياعزيزتي..
وبص ل ڤيكتور.. وقال.. أين روبرت ليوصلها لغرفتها..!!
ڤيكتور : بعدم اهتمام..قتلته..!!
بيبرس : مط شفايفه اممم إذن فهو يستحقها..
ڤيكتور : بمكر..في السماعه لفهد..قال .چاسبر لورانس تعال الي مكتبي..
فهد : بخنقه.. آجل سيد ڤيكتور..!!
بيبرس : كشر عينيه وقال من هذا چاسبر؟
ڤيكتور : بسخريه..شخص غبي ومتعجرف..ولكن أنا من سيكسره..
فهد : خبط ودخل..!! وقال..نعم سيد ڤيكتور؟
ڤيكتور : ببرود وكبرياء.. إحمل هذه الحقيبه..واذهب مع السيده آليس الي غرفتها في الطابق الثاني.. ومن الآن حمايتك هي آليس..فهمت..!!
فهد : قبض ع ايديه بغضب..
ڤيكتور : شافه وضحك بسخريه..وقال.. فهمت چاسبر..!!؟
فهد : غصب عنه..قال..نعم فهمت سيد ڤيكتور.. وشال الشنطه..وشاور ليها تتحرك…
آليس : ودعتهم وخرجت..وطالعه ع السلم..
فهد : طالع وراها..وبص ع المطبخ..ولمح مراد..
مراد : مسح ايديه بالفوطه..وقال بهمس..ربنا يستر عليك ياحوت…!!!
آليس : فتحت باب الاوضه ودخلت..ومن غير ما تبص لفهد وضهرها ليه..قالت..
ضع الحقيبه.. وأخرج على الفور..
فهد : بعد إهتمام..قال.. حسنا.. وحط الشنطه.. وخرج وبيقفل الباب..
سمع صوت عياطها..وكشر عينيه بعدم فهم.. ونزل..
ڤيكتور : قال..صوفيا اتركيني مع بيبرس قليلاً..
صوفيا : شربت الكاس الرابع ..وقالت بضحكه..حسنا بيبي.. وخرجت.. راحت على المطبخ..ودخلت في حالة السُكر.
چاك : بيعمل الأكل..
مراد : بيساعدو..
صوفيا : واقفه بتطوح يمين وشمال..وقالت..چ..چاك..
چاك : سمع صوتها..ولف ليها..نعم سيدتي..
صوفيا : قربت منه..وهمست بصوت واطي.. اشتقت لك كثيراً.هل تتذكر ما كنا نفعله في الطابق العلوي. وضحكت.. وسابته وخرجت..
چاك : واقف مكانه..وغمض عينيه وساكت..
مراد : سمع اللي صوفيا قالته.. وقال بمكر. لقد حان الوقت لاعترافك سيد چاك..!!!
چاك : فتح عينيه بصدمه..وبص ل مراد.. وهمس بتوهان..ماذا تريد مني چاكوب.؟ دعني وشأني..!!
مراد : قرب من وش.. وقال..بتوعد.. لن ادعك وشأنك أبدا. ولن استسلم حتى تقول ما هذا الذي عليه أنت الآن.. وماذا حدث لك ليكون هذا مصيرك..!!!
چاك : ………….!!!
بيبرس : قام وقف قدام صورة العيله..وقال. ماذا تريد ڤيكتور..
ڤيكتور : بجديه..ماذا حدث معك في شيكاغو.. وأين البضاعة المتفق عليها..!!
بيبرس : قلع الچاكت اللي لابسه..وحطه قدام ڤيكتور.. وقال قبل أن تحصل عليها.. أريد حصتي منها..!!
ڤيكتور : بنظره غامضه.. أين البضاعه بيبرس؟
بيبرس : قلع الجزمه..وقال..رغم أن قدمي ألمتني كثيرا عند الضغط على هذا الكنز..ولكن لا يهم كل هذا.. فالنقود تطيب كل ألامي..
ڤيكتور : طلع سلاح صغير..وحطه قدام بيبرس..
بيبرس : مسك السلاح.وضحك..وقال لما انت چاد بهذه الدرجه.. أهدأ قليلاً..فالكنز معي..
وفتح نعل الجزمه..وكان في كيس صغير أسود..
وفتح النعل التاني..وكان في كيس تاني..
وقال.. أهذا ما تبحث عنه منذ شهور اخي الأكبر؟
ڤيكتور : أبتسم بثبات..لكن قلبه مبسوط جدا من الثروه اللي هتبقى بين ايديه.. وقال.. أرى بعيني أولا بيبرس..!!!
بيبرس : جاب طفايه..وفتح الكيس..ونزل ألماس.. وفتح الكيس التاني وحط كل كمية الألماس المتهربه..!!! وقال..ما رأيك؟
ڤيكتور : فتح عينيه بدهشه..وقال.. هذا رائع حقا..
الباب خبط..
ڤيكتور : قام..واخد الألماس..ورايح ع الخزنه..وقال أدخل..
مراد : دخل..وشاف ڤيكتور بيقفل الخزنه..لكن قال.. الغداء في الطابق العلوي سيد ڤيكتور..
ڤيكتور : هز راسه..حسنا.. أخرج أنت تابع عملك..
مراد : أبتسم لبيبرس.. وقال حسنا.. وخرج..وقال ياترى بيبرس كانت عينيه هتطلع ع الخزنه ليه؟ وايه اللي حيدر بيخبيه في الخزنه؟
بيبرس : بغموض.. أين حصتي؟
ڤيكتور : قعد وقال..عندما يأتي السيد.. ويأخذ الألماس..ويدفع لنا..ستأخذ أنت النصف وانا النصف..
بيبرس : قام..وقال..حسنا.. إذن دعنا نأكل لأني اتضور چوعا.. بعد هذا استرح قليلاً. فا انا إشتقت حقا لاحتفال الملهى وجميع الفتيات..
ڤيكتور : ضحك..وقال.. ألم تبتعد عن النساء وتكتفي بآليس..؟
بيبرس : ضحك..وقال.. أنت هذا تحكم عليَ بالموت أخي.. إن النساء لهم رونق رائع.. فتفعلها يوما أنت..
ڤيكتور : مط شفايفه وقال..لا اظن.. لأني في اليوم الذي أرى فيه فتاتي المفضله. فلن اهتم لباقي النساء..
بيبرس : بدهشه..حقا ڤيكتور.. أنت وجدت أخيراً فتاه؟
ڤيكتور : ضحك..وقال لا..هذا في أحلامك بيبرس..
هيا حان موعد الغداء..
Автор: Меріам Насар
——————بقلمي مريم نصار.
في المطبخ..
مراد : حط الغدا على تربيزة المطبخ.. ونده ع الحرس.. والكل دخل يتغدا..
فهد : بياكل وسرحان..في آليس وصوت عياطها.. وأكيد في سر..!!
آدم مراد : سرحان..وبيقلب في الطبق…
چاك : بياكل ببطء وسرحان..
مراد : رغم أنه بيفكر في الخزنه..لكن شكل آدم إبنه بالطريقه دي.. خلاه يقلق.. وبص ل فهد ف اشاره.. معناها في إيه؟
فهد : أنتبه..واخد نفس عميق واتنهد..وهز راسه ليه.. مفيش..!!!
بعد فتره.. مساءاً
——————بقلمي مريم نصار.
فيلا الصاوي..
جاسر وملك ومالك وساره وكارما..قاعدين مع بعض في الليفنج..
ساره : بتراجع مع كارما في بعض المواد..في تانيه ثانوي..
مالك : لامه..عامله ايه ياست الكل..؟
ملك : ابتسمت..انا بخير ياحبيبى.. أنت اللي عامل ايه؟ المحكمه والشركه واخدينك مننا الأيام دي..
مالك : بتنهيده.. والله يا أمي شغل المحكمه ده صعب جدا.. وانك تاخدي قرار بالحكم على شخص مش سهل.. بحس اني شايل ذنبه..
ملك : ربتت ع أيدو وقالت.. أنت لحد دلوقتي..حاسس إنك ظلمت حد بالحكم عليه؟
مالك : بنفي.. أبدا والله يا أمي..انا باخد بأقوال الشهود والأدله القاطعه..
ملك : خلاص يامالك يابني..متحملش نفسك اكتر من طاقتك ياحبيبى..وربنا يوفقك وينور ليك بصيرتك..
مالك : الله.. أجمل دعوه منك ياست الحبايب.. ربنا ينور بصيرتي..وقتها مش هحس بتأنيب الضمير أبدا..
جاسر : قال..ده شيء طبيعي يامالك.. لأنك متربتش على الظلم أو الجحود..وكل اللي حوالينا بيتمنو الخير لبعض.. وربنا رزقك بلين القلب..وده سبب إنك بتأنب نفسك في كل محاكمه..لكن حكمك ده شيء طبيعي..عشان الناس تتعلم من أخطائها..ونعيش بسلام..
ملك : بالظبط..أبوك قال اللي كنت عايزه اقوله.. وريح عقلك شويه من التفكير.. فكر في كارو القمر دي.. وضحكت..
كارما : بتمثيل الزعل.. يفكر فيا ايه بس ياناناه.. بابي خلاص بقى مشغول وشكله كدا نسيني..!!
مالك : بضحكه..اااه..اهي قدرت تمسك عليا غلطه اهي ست كارما.. مع أنها عارفه إني مستحيل أنساها أبدا..وهو في حد بينسى بنته ياعبيطه أنتي..
كارما : بتفكير.. امممم..طيب هطلب من حضرتك طلب..فرصه بقى واغتنمها..
الكل ضحك..
مالك : عاجبك كدا ياماما؟ اهي البت هتشغل دماغها عليا.. ها اطلبي ياست كارما..
كارما : امممم انا عايزه وجبة ماكدونالدز. وبيتزا. وحاجه ساقعه.. بس كدا..انا في ثانوي ولازم اركز.. ايوه التركيز مطلوب..
مالك : هههههههه.. التركيز في طلب الاوردر قصدك.. ماشي يستي. نطلب للكل..ويبقى عشا دسم كدا عشان ننام مأنتخين.. ههههه ولا ايه يا ايسو..
ساره : ضحكت..هقول إيه؟ أنت مدلعها..وانا لما بتكلم تقول عايشه في خير باباها.. انتوا حرين مع بعض..
كارما : باستها من خدها..عين العقل يا ايسو والله..
الكل ضحك..
جاسر : بص ف الساعه وقال. اومال آسر فين؟
كارما : أبيه آسر فوق في اوضته بيذاكر..!!
في اوضة آسر..
آسر : قاعد على المكتب بيراجع..وفتح الدرج..وطلع منه ملزمه.. وصوره وقعت من الملزمه على الأرض.
وجابها..وشافها..وابتسم وقلبه دق..وقال.. حياة..
واتنهد بحب كبير..وقال..حياة جوه قلبي كلام كتير جدا عايز اعترفلك بيه..جوايا لهفه وعشق غير طبيعي عشانك..نفسي السنين تجري وتكوني على أسمي..واشوفك جمبي بالفستان. صدقيني انا بحلم باليوم ده..
بس خايف..خايف افوق على حقيقه تدمر كل أحلامي..نفسي اقولك إني بحبك..بحبك اوى يا حياة..
وفاق على صوت رنة فونه..واخد نفس عميق واتنهد.. وحط صورتها في الملزمه..وجاب الفون..وضربات قلبه زادت..وقال حياة..؟ ورد على طول..وقال الو حياة..؟
حياة : بدقة قلب. ورجفه..اء..الو..آسر..احم مساء الخير..
آسر : بسعاده..مساء الجمال..اذيك يا حياة؟
حياة : بحرج. الله يسلمك..احم. أنت عامل ايه؟
آسر : بتنهيده..انا كويس جدا..قوليلي انتي عامله في دراستك؟ أنتي آخر سنه ولازم تجيبي مجموع كويس جدا..
حياة : بخنقه..بجد الثانويه العامه دي دمرت نفسيتي. مواد كتيره..وحجات مكلكعه.. وامتحانات واختيارات كتير..بجد عايزه كل تركيزي فيها..
آسر : أبتسم..وقال. معلش هى فتره وهتعدي.. لازم نتعب شويه عشان نوصل لمستقبل أفضل..وانا متأكد إنك قدها..وبعدين أي حاجه واقفه معاكي كلميني ع طول وانا اساعدك فيها..
حياة : بحرج.. ميرسي جدا يا آسر. وخبطت ع جبينها وقالت..ياخبر..انا نسيت اقولك انا متصله ليه؟
آسر : سند أيدو ع المكتب..وقال. ليه ياحياة؟
حياة : بلعت ريقها بتوتر من نبرة صوته..وقالت..اص.. احم.. أصل مامي.اتصلت على ناناه ملك..ومحدش رد عليها..فقلقت..قومت أنا اتصلت على كارو..وبرضه مردتش..روحت متصله عليك.. لأن مامي كانت قلقانه..
ماليكا : دخلت على حياة..وقالت. خلاص ياحياة..جدك جاسر رد عليا..وفون مامي في اوضتها..
حياة : قلبها دق بخوف وتوتر. وهزت راسها. حاضر يا مامي..
ماليكا : خرجت..
آسر : أبتسم بحب وقال..ع فكره يا حياة أنا أبن خالك.وبتتصلي عشان تطمني علينا. مفيش داعي لكل التوتر ده..
حياة : ضغطت ع شفايفها بحرج..وقالت.. سوري يا آسر.. أصل مش متعوده اتصل عليك ديما.ومكنتش عايزه اعطلك..
آسر : بضحكه..يستي عطليني برحتك انا موافق.. المهم قوليلي ايه الصعب عندك في دراستك وانا هساعدك على قد ما اقدر..
وبعد كده..حياة قالتله..و آسر شرح ليها إللي هي مش فاهماه..وعدا عليهم الوقت من غير ما يحسو..
وحياة في الأول كانت متوتره..لكن شرح آسر ليها.. خلاها تندمج معاه وفهمت منه النقط اللي مش فاهمها.. لكن في المجمل أسر وحياة كانو مبسوطين.
وعدا الوقت..
——————بقلمي مريم نصار.
في ملهى ڤيكتور..الساعه سته صباحاً..
في السرداب..
مراد وفهد وآدم..
فهد : بقلق.. أنت متأكد من الخطوه دي ياصقر؟ أنت جبتنا هنا..مش خايف إن چاك يصحى.او حد يرجع و يدخل المطبخ في الوقت ده؟
مراد : متقلقش ياحوت..چاك نايم تحت تأثير المخدر.. وصوفيا أنت شوفت بنفسك هي وحيدر واللي إسمه بيبرس ده وآليس كانو سكرانين إزاي؟..وخرجو كلهم على اليخت ليله كامله..
ف انا شايف إن أحسن حل اننا نتكلم مع بعض وش لوش عشان نعرف كل واحد شاف ايه وايه اللي بتفكرو فيه؟
آدم مراد :………….!!! ساكت..Автор: Меріам Насар
فهد : تمام .بس قبل أي حاجه..المكان ده أمان؟
مراد : اطمن..انا فتشته كويس جدا..ومفيش مكان فيه معرفتوش..وكل حاجه أمان..
المهم بصو بقى. أنا انهردا شوفت حيدر بيخبي حاجه في الخزنه..وأخوه بيبرس كانت عينيه هتطلع ع الخزنه..
فهد : وطبعا ڤيكتور بما إنه هيقضي ليله كامله بره الملهى..قافل باب المكتب بالبصمه اللي عملها جديد..
مراد : نفخ بخنقه..وقال فعلا من يوم معمل البصمه وانا مش عارف أدخل المكتب..
فهد : بتفكير.. لأ دي سهله جدا..ناخد البصمه الالكترونيه..متقلقش انت..
مراد : تمام..بس أنت بقى في جديد؟
فهد : زي ما قولتلك..على اللي جوه الغرفه السريه.. وامبارح وانا بوصل آليس لأوضتها وخرجت.. سمعتها بتعيط وصوتها كان عالي..من وقتها وانا محتار.. وڤيكتور كلفني بحمايتها..
واللي أكد إن في سر.. أنها ساكته طول الوقت..حتى وقت لما كانو قاعدين بيتعشو..كانت ساكته..مهما صوفيا تستفزها. كان بيبرس اللي بيرد عنها.. وهي زي ما يكون ف دنيا تانيه..
مراد : كشر عينيه بتفكير.. امممم فعلا حاجه غريبه.. وبص ل آدم..وقال.. وأنت ياديزل..شوفت إيه شقلب حالك كدا..ومش مخليك راضي تتكلم..!!!
آدم مراد : بثبات.. أكرم..!!!
مراد وفهد بصو لبعض..وقاله باستفهام..آكرم؟
آدم مراد : مسح وشه بايديه ونفخ بنفاذ صبر..وقال أنا لما وصلت عند المطار..وحيدر نزل يسلم على بيبرس. كانو بيتكلمو بالعربي..
وحيدر كان ضهرو ليا..وحضن بيبرس..وبصيت عليهم..لكن الصدمه لجمتني..!!!
مراد وفهد : ……….
آدم مراد : وبيبرس في حضن حيدر.. انا مشوفتش وشه لكن شوفت ايدو وهي على ضهر حيدر..وكان لابس ساعة أكرم.. واتصدمت وقولت إن ده أكرم.. لكن لما خرج من حضن حيدر..كان واحد تاني خالص غير أكرم..
مراد : كشر عينيه بعدم فهم..ساعة أكرم؟
فهد : بتكشيره..بيبرس لابس ساعة أكرم..!! أنت متأكد من كلامك ده؟ ولو متأكد ده كدا تبقى كارثه..
آدم مراد : بخنقه.. أيوه متأكد..انا حافظ ساعة أكرم.. لأنها من الطراز القديم..وشكلها مميز جدا ونادره.. حتى أكرم قبل كده قالي.. إن الموت اهون عليه من أنه يخلع الساعه دي من أيدو..!!!
فهد : بخوف مبهم.. أنت عارف معنى كلامك ده مالوش غير احتمالين اتنين بس.؟
. يا إما قدرو يمسكو أكرم.وآسروه وقتلوه واخدو الساعه.. يا إما اكرم ساب الساعه لينا كدليل لأنه عارف إننا مش هنسيب رجالتنا..
آدم مراد : مسح وشه بايديه وقال..وده اللي أنا بفكر فيه..
مراد : سرحان..وبيفكر.. وقال..لازم نوصل للساعه دي..
آدم مراد : وده اللي أنا عايزه..انا لازم أوصلها بأي طريقة..
فهد : بتفكير..عشان ناخد الساعه من بيبرس..لازم يكون في بديل ليها..
آدم مراد : أكد على كلامه. وقال.. فعلاً.. لازم ساعه زيها بالظبط..والخبير يعملها لينا في أسرع وقت.. أنا لازم اتقابل مع المقدم رغد.. هي الوحيدة اللي هتقدر تجبلي الساعه. من الخبير..
فهد : بحده.. أنت مش هينفع تخرج من المكان ده.. لأن حيدر مصمم أننا منتحركش خطوه بره المنطقه..
مراد : بشرود..انا اللي هجيب الساعه..!!
آدم مراد : بقلق..بس…!!
مراد : قاطعه..وقال مفيش حل غير ده.. انا كدا كدا بروح لموريس و أورورا كل اول شهر بقعد يومين.. فأنا عايز منك صوره واضحه جدآ للساعه..وهسلمها لرغد واقولها على كل اللي إحنا عايزينه..وهي تبقى تجيبها وتيجيلي هنا الملهى زي يوم الحفله..
آدم مراد : تمام جدآ. وانا في أول حفله هبدل الساعه مع بيبرس..
مراد : بتفكير.. لأ استنى شويه..انا سمعت انهم هيحتفلو إحتفال ضخم في شهر فبراير الجاي. حفله تنكريه.. بمناسبة تسليم بضاعه كبيره..ووقتها أنت هتعرف تبدلها أو انا المهم هنتصرف وقتها..!!
فهد : تمام اوي..وكل واحد يركز اكتر..وانا هحاول أعرف ايه اللي ورا آليس.. ونشوف حوار بصمة حيدر.
وصح ياصقر..؟ چاك لسه مقالش ليك على سبب اسم تايلر؟
مراد : بسخرية..بيقولي عادي جدا تشابه اسماء..بس على مين؟ قريب جدا هيقولي على كل حاجه.. وكمان نعرف ايه حجم العلاقه اللي كانت بينه وبين صوفيا..!!
فهد و آدم بدهشه.. صوفيا..!!!
مراد : بخبث..مش سهله بنت الكل*ب بس هجيبها..!!! هي هتروح مننا فين..!!!
——————بقلمي مريم نصار.
بعد مرور شهر..Автор: Меріам Насар
فيلا مصطفى عزيز..
ليليان : بتتمشى في الليفنج بتعب لأنها في الشهر التاسع..
مريم عزيز : بقلق..مالك ياليليان ياحبيبتي حاسه بحاجه؟
ليليان : بتعب.. لأ ابدا ياماما..انا كويسه..بس لما بقعد بحس اني مش قادره اتنفس كويس.
مصطفى : من وراها..بتريقه..وهتتنفسي إزاي بعد كل حاجه كلتيها يامرات أخويا؟
ليليان : بصتله بغيظ..
مريم : بنفاذ صبر..ولد يامصطفى.. أنت لسه هنا بتعمل ايه؟ اتفضل على جامعتك يلا..ومتدخلش نفسك في اللي مالكش فيه..!!
مصطفى : بسخرية..هه.. دلوقتي ماليش فيه؟ لكن ساعة ماتجوع ليليان هانم.. أجري يامصطفى..هات يامصطفى.. ياالله عليكم..فيش حد صالح كله بتاع مصالح..
ليليان : ضحكت..وحاطه أيدها ع بطنها..وقالت.. مصطفى انا مش قادره اضحك الله يكرمك.. بص أنت الشهر ده تحاول تبعد عن طريقي. انا هولد قبل أواني منك..
مصطفى : حيث كدا بقى.. اسمعي دي..مره بيضه كانت سقعانه قالت لإبنها Egg فل الشباك ههههه..
كلهم بيضحكو..
كريم : نازل ع السلم..وقال..عايز ايه الواد ده؟
مصطفى : شاور لليليان..وقال .يلا شوفي شغلك ووقعي بين الإخوات..هي اصلا مش ناقصه العمليه..
ليليان ومريم : ضحكو..
كريم : خبط مصطفى على قفاه..وقال .هي مش قالتلك أخفى من وشها..مالك عامل زي الشريك المخالف ليه؟
مصطفى : اااه..شايفه ابنك يادكتوره بيعاملني إزاي؟
مريم : ااه ربنا يهديك يامصطفى ياحبيب قلبي يارب..
مصطفى : يبقى اتجوز..!!!
كلهم تنحو..
مريم : ببلاها ايه تتجوز؟
مصطفى : بيعدل ياقة القميص بغرور..وقال..ايوه يامريم يابنتي.. انا خلاص قررت اتجوز..ومتقلقوش هعزمكو على الفرح. ماهو مش معقول تربوني العمر ده كله..وفي الآخر متحضروش فرحي..عيب في حقي طبعاً..
ليليان : همست لكريم..كيمو..
كريم : متنح وقال.. ها..!!
ليليان : أنت متأكد إن مصطفى متكهربش ووقع ع راسه وهو صغير؟
كريم : هز راسه ببلاها.. لأ لأ متكهربش لأ.. بس أكيد وقع ع راسه..
مريم : بتفتح وتغمض ببلاها..وقالت..هتعزمنا على فرحك؟
مصطفى : هه.. عارف عارف.. أنكم مش مستوعبين. إني قد ايه متواضع..بس انا كدا دايما..قلبي رهيف ودمعتي قريبه..
كريم : مسكه من قفاه..وقال ولا انت امتى هتتكلم جد بقى..؟
مصطفى : مثل التوتر..وقال..اتنين وخميس..أو سبت واربع.. أيهما أقرب..
ايه ايه انت بتتحول ليه ياكريم..الحقي ياماما إبنك بيحمر..اهدا يابابا سنفور..
ليليان : هههههههه. بابا سنفور ههههه احم عيب يامصطفى تقول على جوزي كدا..
كريم : بغيظ..لا والله..ماشي ياليليان..حسابي معاكي بعدين..
مصطفى : وبعدين ليه..السعها قلمين وساوي وشها بالاسفلت عشان أنت مش اي حد.دا أنت بابا سنفور هههههههه احم..خلاص خلاص..
مريم : خلاص بقى أنت وهو.. وبطل هزارك في موضوع الجواز ده يامصطفى..انا للحظه صدقتك بجد..
مصطفى : ايوه ما انا بتكلم بجد..وع فكره عشان ننجز في الكلام..انا عايز في الاجازه اتقدم لچود السيوفي..
ليليان : شهقت بسعاده..وفرحت جدآ..
كريم : أبتسم للخطوه اللي هياخدها أخوه..
مريم : كشرت عينيها وقالت..چود؟
مصطفى : بمكر..ايه مش عجباكي؟ إتصال صغير ل ناناه رنا واقول انك رافضه..وكمان قولتي انها مش مستوانا..وا….
مريم : خبطته في كتفه..وقالت بغيظ..انا.. انا اقول كدا ياولد أنت؟ عايز تجبلي مصيبه..دي چود دي ست البنات.. بس انا مش عارفه أنت وچود مجانين.. انا بقى هتعايش معاكم إزاي؟
مصطفى : لأ من ناحية هتتعايشي ازاي دي بقى..سيبيها على الله..دي انتي هتشوفي ايام عنب.. بس اتجوز البت چود..
مريم : ضحكت بدموع..وقالت كبرت يامصطفى وعايز تتجوز..!!
مصطفى : لأ وكمان عايز اخلف..واد واسميه منقرع..
كلهم بصوت واحد.. ايييييييه؟
مصطفى : بتريقه.وصوت عالي.أنا كنت زمان بخاف على خوفه ..
– و دلوقتي بخاف على خفرع هههههه س س سلام..
Автор: Меріам Насар
في الجامعه..
آرين : قاعده ف المحاضره..وبتكتب كالعاده ورا المعيد..
لمار : قامت من مكانها..وراحت قعدت جمب آرين..
آرين : ماهتمتش ومركزه..
المعيد : خلص المحاضره وخارج..
آرين : قفلت الملزمه..ومسكت الشنطه..
لمار : بتوتر.. آرين عامله ايه؟
آرين : بتجاهل..كويسه بعد إذنك.. وجت تقوم..
لمار : مسكت ايدها بسرعه..وقالت آرين ممكن اتكلم معاكي شويه..بليز..
آرين : حطت الشنطه وقالت.. أظن احنا مافيش بينا كلام يا لمار..وانا وضحت ليكي قبل كده. وبعدين أنتي من آخر مره انا نبهت عليكي فيها تبعدني عني..وانتي فعلا بعدتي..ايه اللي حصل بقى؟
لمار : بزعل.. لأن بجد اكتشفت اني ماينفعش اصاحب غيرك..ارجوكي يا آرين بلاش تتعاملي معايا بالطريقه دي..
آرين : بنفاذ صبر..والمطلوب مني ايه بالظبط؟
لمار : بأمل..نكون صحاب من اول وجديد..بليز..
آرين : أسفه يالمار..انا وأنتي زي الليل والنهار ماينفعش نتجمع مع بعض أبدا.. لانك اظهرتي معدنك..وكمان كرهك ليا كان واضح أوي. ف الفتره الاخيره..مع اني مش لاقيا ليها أي سبب..بس قولت عادي جدا..انتي حره..
وانا مقدرش اجبرك تحبيني..لكن اللي أقدر اجبرك عليه إنك تحترميني..ومش هسمح ليكي أو لأي حد هنا في الجامعه او في اي مكان انه يشكك في أخلاقي أو حتى يلمح مجرد تلميح بيها.. وياريت بجد تخليكي في حالك ده أفضل ليا وليكي.. ودلوقتي انا لازم امشي..بعد إذنك..
واخدت شنتطها وخرجت بسرعه.. وراحت قعدت مكان آخر مره قعدت فيه وهي و آدم.. وفجاءه عيطت.
عيطت بوجع كبير ممزوج بإحتياج أكبر.. أبوها وحبيبها بعيد عنها.. اكتر من خمس شهور..
وقالت بشهقات.. وحشتني اوي يابابي..هتجنن واسمع صوتك يناديني..وحشني اوي منك آريني.. كل حاجه فيك وحشاني..نرفزتك وغيرتك وعصبيتك..وحنيتك..كل حاجه وحشتني.. نفسي ترجع وتشوف آيان. نفسي اشوفك مبسوط بيه.. عايزه اطمن عليك أوي..ياترى أنت كويس..!!؟ ورفعت عينيها للسما.. وقالت..يارب يارب.بابي يكون بخير وكويس..ويكون عدم اتصاله لينا لأسباب شغله لكن ميكونش انه في خطر.. أحفظه يارب من كل شر..
ونزلت عينيها..ومسكت السلسله من فوق الحجاب وغمضت عينيها ودموعها نازله..وقالت.. نفسي ترجع بقى يا آدم..نفسي أشوفك قدامي..نفسي أتمنى وأفتح عينيا والاقيك فعلا قدامي.. نفسي اووووي أسمع منك..ضي آدم..!!! أرجع بقى يا آدم.. أرجع ارجوووك..!!!
——————بقلمي مريم نصار.
عدا شهر كمان..
في بريطانيا.. ———-
الجزء الثاني
عدا شهر كمان..
في بريطانيا..
تيم : بيتكلم ف الفون…
ميرو : سمعته..وسابته ودخلت الاوضه…وقفلت على نفسها بالمفتاح. وبترتب السرير بنرفزه.. وبتعيط بصمت..
تيم : بيتكلم ف الفون..وقال..الف الف مبروك ياكريم باشا..يتربى في عزك ياحبيبي..معلش بقى جت متأخره يومين..كان في مشكله في الرساله انا ومريم.. ومحدش قالنا غير انهردا الصبح..
كريم : بسعاده..الله يبارك فيك يادكتور..ولا يهمك.. الدكتور محمد..قالي إنك متعرفش..
تيم : أبتسم..قولي بقى..عُمر شبهك ولا شبه ليليان؟ اوعى تقولي شبه مصطفى انت فاهم؟
كريم : هههههههه لأ لأ الحمد لله هو ميكس من العيله.لكن مصطفى. لأ ياعم استغفر الله العظيم..
تيم : ههههه.. عموماً الف مبروك ياحبيبي..وبما إن ليليان نايمه اول ما تصحى رن عليا عشان نبارك ليها انا ومريم..
كريم : حاضر يصحبي..وسلامي لمريم.. وإن شاء الله ربنا يكرمك قريباً..
تيم : بتنهيده.. إن شاء الله..سلامي للعيله. وقفل.. وبص ع الباب..واستغرب..وفتح الباب لكن مقفول.. وخبط وقال بتعجب..مريم انتي قافله الباب ليه ياحبيبتي؟
ميرو : قامت بسرعه..وقالت.. بدموع ثانيه واحده ياتيم..ومسحت دموعها..وحطت ميكب خفيف عشان تخفي آثار العياط..
تيم : واقف وخبط تاني وقال بقلق..مريم انتي كويسه ياحبيبتي؟
ميرو : فتحت الباب. وحاولت تبتسم..وقالت..ايوه انا كويسه..احم..معلش كنت برتب الاوضه..
وبصت بعيد .وقالت بوجع..بس من فرحتى بقى معرفش إزاي قفلت الباب.. آسفه..
تيم : لف وشها ليه بحنان..وقال.. أنتي معيطه يامريم؟
ميرو : هه أنا؟ وهعيط ليه يعني؟ بزمتك عندنا مناسبه حلوه زي دي واعيط؟
تيم : حط ايدو ع خدها وقال.. أنتي قلقانه أنه محصلش حمل لحد دلوقتي؟
ميرو : اترمت في حضنه وعيطت بوجع كبير.. وقالت..انا خايفه اوي ياتيم..بجد مرعوبه..
تيم : ضمها لقلبه بحنان كبير. وقال..مريم احنا لسه يدوب متجوزين جداد.يعني مالوش لازمه القلق ده . وبعدين انتي بتعيطي وقالقه نفسك على الفاضي.. من غير حتى مانكشف ونعرف إن في سبب حقيقي يقلقنا ولا مجرد وقت..
وطلعها من حضنه..ورجع شعرها ورا ودنها..وابتسم وباس جبينها وقال..عشر دقايق وتلبسي عشان خارجين..
ميرو : بصت ف عينيه وقالت بصوت مبحوح..فين؟
تيم : بابتسامه. مشوار مهم.. كان لازم أعمله عشان متقلقيش ولا أشوف دموعك دي..
انا وعدتك إني اكون ليكي آدم يامريم..
بعد فتره في العياده في غرفة الكشف..Автор: Меріам Насар
ميرو نزلت من ع السرير..وتيم ساعدها.. وقعدو قدام الدكتوره..
ميرو : أيديها ساقعه من القلق والتوتر..
تيم : هز راسه ليها..وقال اهدي ياروحي..
ميرو : بلعت ريقها بتوتر..وقالت للدكتوره. ماذا حدث. هل يوجد لدي مشكله؟
الدكتوره : ابتسمت..وقالت. لا عزيزتي اطمئني كل شيء على ما يرام.. ولكن سأكتب لك بعض الأدوية. وقريباً جداً ستحملين..ولكن قللي من قلقك.. فإن التفكير المستمر والتوتر يسبب عوامل نفسيه وتأثر على تأخير الإنجاب..لكن أنتي بخير ولا يوجد لديكي أي مشكله..
ميرو : ضحكت بدموع الفرح..وقالت بالعربي.. الحمدلله رب العالمين.. متشكره جداً.. احم قصدي.. شكراً لك شكراً جزيلاً..
——————بقلمي مريم نصار.
ملهى ڤيكتور..
المكان فيه ناس كتير متخصصه..بتجهز لحفله تنكريه كبيره..
وكل الحرس لابسين شبه بعض..وكمان قناع أشبه بالجمجمه..
حارس : جاي من بره وشايل بدلة ظابط شرطه.
آدم مراد : لحظه إلى أين أنت ذاهب..؟
الحارس : هذا الزي مخصص لسيد بيبرس. سأذهب واعطيها له..
آدم مراد : بتفكير..قال جواه.. فرصه وجات لحد عندي..وقال. نعم أعلم. أنا سأصعد الي الطابق العلوي..ما رأيك اعطيه إياها.. وإن كنت تمانع لا مشكله لدي..
الحارس : بتفكير.. حسنا.. أنت تسدي لي معروفا.. لأني على عجلة من أمري..تفضل..
آدم مراد : مسك البدله..وبص ل فهد..
.فهد : بص بعيد..وقال. متتاخرش.ومتجازفش..
آدم مراد : حط القناع..وقال. متقلقش.. واخد البدله وطالع بيها ع السلم..
ووقف قدام باب غرفة بيبرس. ولسه هيخبط..سمع..صوت بيبرس بيقول..
بيبرس : بغضب. ماذا تقولي آليس.. أخي ڤيكتور؟ هذا لا يعقل أبدا..
آليس : بنرفزه..حسنا انا أكذب عليك بيبرس.. انت لم تعد تهتم بي ولا تصدقني..
بيبرس: غضبه اختفى..وقرب منها وقال.. انتي تعلمين إني كم أحبك آليس.. وأنتي كذلك تحبينني صحيح؟
آليس : ابتسمت..وقالت نعم أحبك بيبرس.. وأنا اعتذر عن اتهامي لأخيك الكبير.. بأنه يحاول التحرش بي..
بيبرس : بيحاول يمتص غضبه..وقال.. اسمعي آليس. انتي تعلمين جيداً عقاب من يقترب منكِ. وأخي ڤيكتور يعلم بهذا الأمر.. وإن كان حدث ذلك فمن المؤكد أن ڤيكتور كان ثملا..وكان يتحرش بكِ لأنه يراكي صوفيا..
آليس : بدلع..اوكي بيبي لاعليك..
الباب خبط..
آليس : دخلت الحمام..
بيبرس : نفخ بخنقه..وقال أدخل..
آدم مراد : دخل..وقال..هذا الزي وصل الآن اليك سيد بيبرس..
بيبرس : بعدم اهتمام..نعم ضعه هناك.. وشاور ع السرير..
آدم مراد : عينيه ع أيد بيبرس لكن ملقاش الساعه.. وعينيه بتدور في كل مكان..ولمحها على الكمود..
بيبرس : ضهرو ل آدم..وبيكلم نفسه بحيره.. أيعقل أن ڤيكتور يريد آليس..!!!
آدم مراد : رايح عند السرير..وطلع الساعه من جيبه..وخباها تحت البدله..وحط البدله ع السرير وبخفة يد..بدل الساعه..وحط الساعه التانيه مكانها بالظبط..وحط ساعة أكرم في جيبه..
بيبرس : بص عليه..وقال بنرفزه. كم تستغرق لتضعها عندك؟ أخرج حالا من غرفتي..
آدم مراد : بشبح ابتسامه..هز راسه وقال.حسنا وخرج.
بعد شويه.. الحفله التنكرية بدأت..
بيبرس نزل ولابس بدلة شرطه..و آليس لابسه فستان منفوش.. ونازله جمبه.كانها بنته مش حبيبته. وقال ليها.. أتعلمين كل مايسعدني أنك منذ ثمانية أيام.. تبتسمين على غير العادة..وهذا يسعد قلبي حقا آليس..
آليس : ضحكت.. وقالت..اووو بيبرس كم انت لطيف جدا..
كل الحضور اتحركو لأن ڤيكتور وصل..
ڤيكتور : دخل ولابس بدلة سودا لمصاصين الدماء..
وقناع..
وصوفيا جمبه..لابسه بنطلون اسود ضيق جدآ وتوب قصير..وجزمه كعب عالي..وحاطه ميكب اسود وشكلها أشبه بمصاصين الدماء..
بدأت الحفله..
مراد : قدم العصاير وچاك بيقدم المشروبات..
مراد غمز لفهد..وقال دلوقتي..!!
فهد : لابس قناع وكلهم شبه بعض..ودخل الحمام.. وفتح الشباك..ونط منه.وطلع ع المواسير للدور التاني.. ونزل من ع السلم للبدروم..وشاف أنابيب الغاز.. وشاف فتحات التهوية من صالة الديسكو..
وشال أنبوبة فيها مخدر بيسبب هستيريا و ضحك
واسمه..أوكسيد النيتروز..
..وحطها مكان فتحات التهوية..والغاز بدأ يدخل للضيوف..
مراد : واخد احتياطاته..وقال لفهد..خليك مكانك.. أول ما اشوفهم بدأو يضحكو ويتخدرو..هقولك شيل الاسطوانه فوراً.. وبعدها بعشر دقايق كل حاجه هترجع لطبيعتها..
فهد : تمام..ربنا معاك..وخلي بالك من ڤيكتور..واتأكد إن المخدر آثر فيه..
مراد : بيقدم العصاير.. وبدأت الضيوف تهيس..وتضحك من غير سبب..
بيبرس : شم ريحة المخدر..وقال ماهذا..آليس..آين أخي ڤيكتور..
آليس : بدأت تهيس..وقالت لا اعلم أيها الأبله ههههه.
بيبرس : بِشك..لا الأمر ليس طبيعي..ماذا حدث لكل الموجودين..يجب عليٓ أن أخبر ڤيكتور.. ولكن أين هو..
ڤيكتور : واقف بيتكلم ف الفون وقفل..
بيبرس : جه بسرعه وقاله ڤيكتور هناك أمر مهم يجب أن أخبرك إياه..
ڤيكتور : كشر عينيه وقال..ما هو بيبرس؟
بيبرس : لسه هيتكلم.. لكن هيس..وقال. بتهييس انا أحذرك من أن تأخذ حصتي مثلما فعلت في الماضي ههههههههه.. وإلا قتلتك هههههه
ڤيكتور : صك ع أسنانه بغيظ مكبت..لكن ضحك بهستريا…وقال ماذا تقول أيها الجرذ.. ههههههههه انتم ليس لديكم أي حق. كل شيء لي انا فقط.. هههههههههههه
والكل بدأ في نوبة الضحك.
مراد : خلاص ياحوت شيلها..وانت بسرعه ياديزل دلوقتي..
آدم مراد : في ثواني نزل سكينة الكهربا..
الكل ف الضلمه بيضحك..
مراد : محدد مكان ڤيكتور..وقرب منه بسرعه..واخد منه البصمه.ومن بيبرس.. واتحرك بسرعه ع المطبخ..وقال تم..
آدم مراد : رفع السكينه والكهربا اشتغلت..
فهد : رجع وقف مكانه..و آدم وقف قصاده.. ومراد بيتابع شغله..
البنود التلاته وصلو الملهى..
المقدم رغد : راحت ووقفت جمب مراد وبيضحكو مع بعض..كأنهم قريبين من بعض..
چيهان : واقفه مع فهد وداليا مع آدم مراد..
مراد : بهمس في السماعه.. رغد في ازازة شامبانيا مكتوب عليها رقم تلاته..خديها وادفعي تمنها..واخرجي من المكان فوراً..
رغد : بتمثل أنها بتشرب..وقالت.. تمام يافندم..
آدم مراد : ل داليا..ف اشاره.. دلوقتي..
داليا : هزت راسها بضحكه..ودخلت الملهى..وخبطت في رغد..
رغد : بتمثيل الخنقه..ماهذا هل أنتي عمياء..!!
داليا : اوو سوري حقا لم أكن اراكي..
چيهان : جت..وقالت ل داليا.. ماذا حدث لكي ياصديقي..
داليا : بعدم اهتمام..لا تكترثي أنه أمر غير مهم..
رغد : ضربت داليا بالقلم..وقالت بغضب.. أنتي حمقاء.. ولا تجيدي التحدث مع الأكبر منك.. وشدت ازازة الشامبانيا..وسابتهم وخرجت بنفرفزه..
داليا : بصوت عالى..انا لم أترك هذه الحمقاء.. هيا لنعلمها درس انا وأنتِ..
چيهان : نعم هيا بنا..وخرجو وراها..
رغد : ركبت ريس..وساقت بسرعه..
چيهان : ركبت العربيه وداليا جمبها.وطلعت وراها..
والضيوف رجعو لطبيعتهم وكل حاجه ماشيه زي ما أبطالنا اتفقوا عليها..
بعد كدا البنات خرجو من المنطقه.واتقابلو في مكان محدد.
رغد : نزلت وقالت تعالو يابنات.العقيد مراد قالي إن كل حاجه في الازازه دي..
.وشافو في آخر الازازه..كيس صغير ملزوق..وورقه..
داليا : بتقرا الورقه..وقالت.. الي البنود الثلاثه.. تم أخذ البصمه الالكترونيه لرجلين الأعمال..وعليكم بعد غد أن تأتو بجهاز تحويل النقود للشركه مع الشرط الجزائي للشركه وانا معي رقم اهم بند..فمدير الشركه بانتظاركم.. W-A-H
چيهان : بعدم فهم..مش عارفه افك الشفره..يعني ايه؟
رغد : قالت..انا هفهمك..العقيد مراد..يقصد أنه عايز جهاز كمبيوتر صغير جدا أشبه باللاب توب بيحول الفلوس..وعايز نبعت ليه بصمات حيدر وبيبرس ..عشان يحول فلوس من رصيد بيبرس لحيدر او العكس.للتوقيع بينهم إذا أمكن..!!!
بعد الحفله..
Автор: Меріам Насар
آليس : سكرانه..وقالت بيبرس..ما رايك نذهب إلى اليخت الخاص بك..
صوفيا : سكرانه وقالت بغيره..ولماذا كل يوم تذهبي الي اليخت..
آليس : ببرود..من الممكن أن تأتي معنا إذا كنتي تحبين..
صوفيا : ف حضن ڤيكتور..وقالت مثلما ڤيكتور يريد.. هل تريد الذهاب حبيبي..
بيبرس : سكران..وقال..نعم دعيه يأتي معنا..وغمز لصوفيا..وقال..سنقضي وقتا ممتعا اعدك بذلك..هيا بنا ڤيكتور..لا تكن سخيف وترفض..
ڤيكتور : اممم حسنا هيا بنا.. وخرجو كلهم..وركبو مع السواق عربيه للاموزين.ومشيو..
——————بقلمي مريم نصار.
بعد كدا..
في السرداب..
مراد : بلهفه..ها يا ديزل عملت ايه؟ بدلت الساعه؟
آدم مراد : طلع الساعه من جيبه..وقال حصل ياصقر..
مراد : بقلق مبهم..طيب إزاي نعرف إن أكرم موجود بخير ولا لأ.. البنود التلاته..مش لاقيين ليه آثر.. ومفيش اي خيط يوصلنا ليه هنا..
فهد : مسح وشه بايديه ونفخ بخنقه كبيره. وقال يعني ايه.؟ احنا بقالنا ست شهور واكتر..ومش عارفين نوصل لأي طرف في القضيه..
مراد : ما أنت عارف ياحوت.. سلطة حيدر على المنطقه كلها هي اللي ملجمانا..
آدم مراد : من بين أسنانه بغضب..حيدر…!!! ده حسابه معايا بعدين..عن كل اهانه..سببها ليكم.. أقسم بربي ماحد هيقبض عليه ويربيه غيري أنا.. وبص للساعه بتركيز كبير..
وافتكر كلام جدو آدم.. أنه مايستهونش بأي دليل.. حتى لو قلم أو ورقه أو حتى ساعه..
مراد وفهد بصو لبعض بعدم فهم..لسرحان آدم كل ده..
آدم مراد : قال..انا عايز الأمان..ياريت تخرجو عشان محدش يكشفنا..
مراد : هز راسه..صح كدا.. وشوف انت بتفكر في ايه.. والمهم نوصل لنتيجه..
فهد : قام وقف..وقال..انا رايح الشقه عشان أظهر فى الكاميرا.. وأنت خليك معانا على السماعه..
آدم مراد : هز راسه ليهم.. بشرود.
مراد : وفهد خرجو من السرداب..
فهد : راح ع الشقه.. ومراد نام مكانه..وكل واحد سرحان وعلى أمل إن آدم مراد يلاقي دليل..
آدم مراد : قام.. وشال كل الكتب والخرايط اللي على المكتب وحطها ع السرير.. وقعد ع المكتب وشغل الاضاءه. وبدأ يفكك في ساعة أكرم..
بعد دقايق..من تفكيك الساعه.. آدم شال الحجاره..وشاف ورقه صغيره جدآ جدآ. وكانت تحت الحجاره.
آدم مراد : بلع ريقه بقلق..وشال الورقه بجفت.. وشاف فيها أربع حروف انجليزي متوزعين على أطراف الورقه..
وحرفين في النص لكن مش جمب بعض وفي نقطتين فراغ بينهم.. وتحت منهم خط..
آدم مراد : بدأ يعرق..ونفخ بحيره.. وقال..طيب الحروف دي لايه بالظبط..وايه معناها.
وحط الورقه وسابها تحت إضاءة اللمبه..ومسح وشه وشعرو بنرفزه..ولمح في ضهر الورقه من الضوء..أرقام مكتوبه بخط رفيع جدآ..مش واضحه أوي..
آدم مراد : كشر عينيه..ومسك الورقه تاني..وجاب ورقه وقلم.. وكتب الحروف..وكتب الأرقام.. وقال بغموض..دي أرقام احداثيات على الخريطه..!!! وفتح عينيه بزهول..وقال..ممكن يكون اكرم سايب لينا دليل مكانه على الخريطه..!!!!؟
وقام وقف بسرعه.. وقال..خريطه؟ انا عايز خريطة المنطقه كلها..وبص حواليه..وشاف الخرايط..وقال أهي.. واتحرك بسرعه..وجاب الخريطه وفتحها على المكتب..
وبيدور بكل تركيز..وقال بلهفه ممزوج بتوتر…الحرف ده بداية المنطقه الشرقيه..ايوه فعلاً..
كمل يا آدم كمل أكيد هتوصل ل أكرم.. والحرف ده مع الرقم التاني..فين فين.. وشافه..وقال أهو..دي المنطقه الشماليه..
وبعد حوالي ساعه من التفكير والبحث ع الخريطه..
آدم مراد : طيب أكرم في أنهي بلد..فيييين؟ ايوه أكيد اللي سايب تحتها خط.. أكيد..
دور يا آدم..فين البلد دي.. وقال.. أكرم كاتب أول حرف منها.. والحرف التاني ده أكيد الأخير.. والنقطتين دول أكيد باقي الحروف.. يعني ممكن جدآ.. البلد اللي فيها أكرم من اربع حروف..!!!
آدم مراد : واقف وبيدور على الخريطه.. وبيكتب في أرقام وحروف..
وبعد ساعتين واكتر.. آدم..وصل للحل الشفره..وعمل دايره ع المنطقه على الخريطه..
وابتسم.. وقال..هوصلك قريب أوي يا أكرم..!!!
بعد يومين كمان..!!
في ملهى ڤيكتور.. في غرفة صوفيا..
صوفيا : قامت من حضن بيبرس..وقالت.. هيا عزيزي..قبل أن يأتي ڤيكتور إلي الملهى..
بيبرس : ضحك.. وقال..اراكي خائفه من ڤيكتور. صوفيا..مع العلم أنها لم تكن المره الاولى لدينا..
صوفيا : بدلع..احارب الخوف لأجلك بيبرس.. وحمدا لله أنه لا يعرف بعلاقتنا..لكنت وقتها في عداد الموتى..فمن الجيد إنك في كل مره نتواعد فيها.. تطفيء أجهزة المراقبة لدينا في الملهى..
وفي الاونه الاخيره.. أشعر بأن ڤيكتور لم يعد يهتم لامري..
بيبرس : قام..وقبلها..وقال..انا سأهتهم بكِ..هيا اذهبي الآن..
صوفيا : لبست وخارجه وشافت آليس واقفه قدام الباب..وقالت باستفزاز.. لا تتأخر حبيبي.. وقفلت الباب..وبصت ل آليس بسخريه وسابتها ومشيت..
آليس : فتحت الباب على بيبرس..وبصت ليه..وساكته..
بيبرس : اووو حبيبتي ليس ثانية تغضبي مني.. فإنتي تعلمي عني كل شيء صحيح..!!!
آليس : ابتسمت..نعم معك حق..انا أعرفك..ولن تتغير بيبرس..
بيبرس : فتح ايديه ليها..وقال.تقدمي إلي حبيبتي..
آليس : قربت منه وحضنته..وساكته..
بيبرس : غمض عينيه وقال.. يالهي كم أحبك آليس..
آليس : بتنهيده..وانا أيضاً أحبك بيبرس..!!!
تاني يوم..Автор: Меріам Насар
ڤيكتور : دخل الملهى بغضب.. وقال بصوت عالى.. أين بيبرس..!!!
مراد : قال.. سيد بيبرس في غرفته سيدي..
ڤيكتور : طالع ع السلم بغضب واضح..
مراد : أبتسم..وقال.. ابتدى العد التنازلي ياشباب..
فهد و آدم ضحكو بصمت..
ڤيكتور : فتح الباب برجله..وزعق..بيبررررس…!!!
بيبرس : بيشرب كاس..وف ايدو سِجار..وقال بهدوء.. مابك يارجل..لقد افزعتني..ألم تتعلم أداب الدخول لغرفة أحد غيرك..
ڤيكتور : قرب منه بنرفزه..ومسكه قومه من ياقته.. وقال بغضب شديد.. لم يولد بعد الذي يتحدث معي بهذه الطريقة..حتى لو كنت أنت..!! والآن أريد أن أعرف كيف حدث هذا..!!!
بيبرس : نزل ايد اخوه..وقال بجمود..ماذا تفعل بحق الجحيم.. أنت لست بكامل وعيك صحيح؟
ڤيكتور : حط المسدس على راس بيبرس..وقال بغيظ.. انا وانت بالأمس قومنا بوزن الألماس سويا صحيح..!!!
بيبرس : كشر عينيه بعدم فهم..وبص للمسدس..ومهتمش وقال..نعم صحيح..وكان وزنه مائة وثلاثون غراما..ولكن لماذا؟ ولما أنت غاضب هكذا ڤيكتور..!؟
ڤيكتور : بغضب.. اتفقنا بالأمس على أن نسلم الألماس اليوم..وذهبت للسيد..وعند تسليم الألماس. ووزنه..وجدته مائة غراما..!!! والغيت الصفقه.. وزعق بصوت عالى جدا..وقال هذه المره الثانيه الذي أفشل فيها..وكل هذا بسببك انت.. انت لا غيرك بيبرس اللعين..!!!
بيبرس : كشر عينيه.. وبعدها ضحك..وقال..حسنا حسنا..قولت لي بأنك فشلت وينقص من الألماس ثلاثون غراما..
وبص في عينيه بقوه .وقال بجمود.. أسمع ڤيكتور.. أنا ليس هو اتفقنا؟
وإن كنت اتفعلت كل هذا من أجل أن تحصل على حصة أكبر..فهذا في أحلامك..انا لن أسمح لك..
وكمل بالعربي وقال..وبطل تعلق فشلك في الصفقه اللي فاتت عليا أنا..
ڤيكتور : عروقه برزت من الغضب..وزعق بصوت من نار.. وقال بالعربي..
يعني ايييييه؟ أنت فكرت اني ممكن اخد منك نصيبك..وليه متكونش أنت اللي عملت كدا. وهتتفق مع حد غيري..وتاخد النصيب الأكبر..وتفوز بالتلاتين جرام لوحدك أنت وآليس..!!!؟
بيبرس : بخنقه..ممكن تراجع الكاميرات الموجودة..من بعد ما خرجت من المكتب لحد دلوقتي..!!
ڤيكتور : هز راسه بغيظ..وقال..ماشي يابيبرس..وصدقني لو ليك يد في اللي حصل ده.. موتك على أيدي.. وسابه ونزل بسرعه.. وطلع البطاقه وفتح باب المكتب..وقعد ع الكرسي بيراجع الكاميرات..
بعد شويه..
زوي : داخله بتضحك..وقالت سيد ڤيكتور كيف حالك!!
وفجاءة وقعت على الأرض من قوة القلم اللي اخدته من ڤيكتور..
ڤيكتور : نزل على ركبه ونص..وشدها من شعرها..وشاور ليها على صورتها في الكاميرا وقال..
منذ متى وانتى تذهبي الي بيبرس غرفته..!! وهو يذهب إليكي..!!!؟
زوي : اتصدمت..وهزت راسها بخوف كبير..وقالت..تمهل سيد ڤيكتور..لا تأخذ خطوه وانت غاضب هكذا..انا لم أفعل شيئاً..!!
ڤيكتور : ضربها قلم تاني اقوى..وقال.. ومنذ متى تعلمين برقم خزانتي..!!!
زوي : هزت راسها برعب. لا لا..انا لم اعلم صدقني..
ڤيكتور : شدها من شعرها..لحد اللاب توب.. وقال إذن فلتشاهدي هذا..
زوي : .شافت أنها بتفتح الخزنه وأخدت كميه من الألماس.. وخرجت ودخلت في اوضة بيبرس..
زوي : اتصدمت..وقالت..انا لم أفعل شيئاً هكذا.. لست انا هى صدقني..انا لا أعلم من هذه السيده..
ڤيكتور : جرجرها بره المكتب من شعرها ونده على الحرس.. بصوت عالى..
وطالع بيها ع السلم..وهي بتصرخ من الخوف والألم..
بيبرس : سمع صوت صريخ زوي..وقال ماذا يفعل هذا المجنون..
ڤيكتور : زق الباب.. وزق زوي على الأرض..
فهد وآدم طلعوا بسرعه.. وقالوا نعم سيد ڤيكتور..!!
ڤيكتور : بأمر.. فتشوا هذه الغرفه جيداً.. ولننظر ماذا يوجد بها..
فهد و آدم هز راسهم .. وبدأوا يفتشو..
بيبرس : هز راسه بزهول..وقال..اتشك في أخاك بيبرس؟بعد كل هذا..!؟
ڤيكتور : …………!!!
بعد دقايق..
آدم مراد : قال لم نجد أي شيء مهم سيد ڤيكتور..!!
فيكتور : عينيه ع زوي.وقال متأكد هذا..!؟
آدم مراد : لسه هيتكلم..لكن قال.. لحظه سيد ڤيكتور..ما هذا.. ورجع خطوه لورا..وقال.. يوجد شيء تحت هذه السجاده..!!!
ڤيكتور : بسرعه..رفع طرف السجاده..وشاف كيس صغير فيه الألماس..
زوي : بتترجف.وهزت راسها..وقالت..لست انا صدقوني..
ڤيكتور : من غير تفكير قتلها.. وحط الألماس في جيبه.
بيبرس : باصص لأخوه بعتاب وزهول..
ڤيكتور : أبتسم لبيبرس وقال..لاعليك أخي..هي خائنه..وتريد الوقوع بيننا..وهذا لن يحدث أبدا.. فأنت اخي المفضل. وسابه وخرج..
——————بقلمي مريم نصار.
بعد أسبوعين..
آدم مراد : في الشقه.
مراد : نزل يصلي العصر في السرداب قبل وصول ڤيكتور..وقال بقلق.. آدم..!!!
آدم مراد : قد ايه وحشه إسمه من أبوه..لكن رد عليه بصوت مبحوح..نعم ياصقر..
مراد : بقلق وخوف..بلاش يا آدم..بلاش تاخد الخطوه دي.. شوف اي حل تاني..البرشامه اللي أنت هتاخدها دي.. بتعمل تسمم..وانا خايف أنك متاخدش الترياق ليها..في وقتها..
آدم مراد : بتنهيده..قال..متخفش عليا يابابا.. إبنك قدها..وهعملها إن شاء الله..والترياق مع رغد. وهى مجهزه كل حاجه في المستشفى حتى الدكتور تبعنا..وللحرص.. الحوت معاه ترياق عشان لو اتأخرت على المستشفى يلحقني.. متقلقش..
مراد : غمض عينيه بتعب..وقال ربنا معاك يابني..!!
آدم مراد : بثبات..مش عايزك تقلق..ياصقر..
فهد : بص ل آدم..وقال..ع فكره انا مش بكرهك..
آدم مراد : أبتسم..وقال عارف..
فهد : ربت على كتفه..وقال..خلي بالك من نفسك يابطل..
آدم مراد : أخد البرشامه..وقال إن شاء الله خير.. كلها يومين واوصل لاكرم..
بعد نص ساعه تقريباً.. أعراض التسمم ظهرت على آدم..ونقلوه بسرعه للمستشفى..وفهد معاه.. وڤيكتور أمر إن مايكل يروح معاهم ويراقبهم..
والدكتور قال .. حالة تسمم شديده ولازم المريض ييتحجز كام يوم..
فيكتور بعدم اهتمام..أمر فهد يرجع شغله.. وآدم هيتحسن..
وفهد رجع وطمن مراد اللي كان مرعوب على ابنه.. وقاله إن آدم بخير.. وهيتحرك لقرية أكرم الفجر..
تاني يوم الفجر..في المستشفى..
رغد : لابسه لبس طبيبه .ودخلت ع آدم.. وجابتله لبس وكل احتياجاته.. وامنتله الخروج..
آدم مراد : لبس واخد سلاحه..وبص ف الساعه..وقال ل رغد..المسافه لقرية أكرم..ساعتين ونص تقريبا..
رغد : تمام ياسيادة النقيب..عربيتك جاهزه خلف المستشفى..وفيها كل احتياجاتك..!!!
آدم مراد : هز راسه تمام.. وخرج بسرعه..من الباب الخلفي.. وركب العربيه. وشغل الجي بي اس.. وسافر القريه..
ودور على أكرم في أغلب أنحاء القريه.. ولكن مفقدش الأمل..
——————بقلمي مريم نصار.
بعد الضهر Автор: Меріам Насар
آدم مراد : سايق ومخنوق جدآ.. لأنه مش عارف يوصل..و شاف سوبر ماركت..ونزل يشتري ازازة ميا..
آدم مراد : فتح الازازه وبيشرب.. شاف قدامه..مكان كبير جدا..مخصص لتجميع السيارات المستعمله والقديمه..وخرده كتير جدا..والمكان بالمهجور.. ورفع حاجبه بتعجب..من كم عدد العربيات..
صاحب المحل..قال..هل تريد شيئاً آخر؟ عصير او ما شابه..!!
آدم مراد : مسح ع شعرو بخنقه..وقال..عصير..
الشاب : أي نوع تفضل..!؟
آدم مراد : هز راسه لا شيء محدد..!!
الشاب : حسنا تفضل. عصير التوت البري..
آدم مراد : اخد العصير.. ودفع الفلوس. واتمشى شويه. وهو بيشرب العصير..وباصص للعربيات.. ومش عارف يجيب آخرها..
واحد جاي في نفس طريق آدم.ودقنه طويله وشعرو طويل ومتبهدل..وشايل خرده كتير.. ووقعت منه..
آدم مراد : اتحرك بسرعة..وحاول يساعده..وقال..هل أنت بخير..!!
أكرم : سمع صوت آدم..وقلبه دق بقوه كبيره..ورفع عينيه بسرعه ولهفه..وقال..بزهول..الديزل…!!!؟ آدم مراد..!!!
آدم مراد : فتح عينيه بصدمه..وقال.. العقيد آكرم..!!!؟
——————بقلمي مريم نصار.
تاني يوم..Автор: Меріам Насар
آدم مراد : قاعد بيتكلم مع أكرم..ووصلته رسالة ڤيديو..
اكرم : مين يا آدم..!!!
آدم مراد : قال ده أكيد ڤيديو من المقدم رغد.. ثواني هشوفه..!؟ وفتح الفيديو واتصدم..وقام وقف وقلبه دق بخوف كبير لتالت مره..!!!
ڤيكتور : ضحك وقال..
تهانينا.كيران لورانس..!!! كفانا لعبا حتى الآن..
عُد إلي هنا وقدم لي ويليام و كارت الذاكره ..مقابل سلامة اصدقائك.وخاصة چاكوب موريس.. إلي اللقاء كيران..!!!!! ———
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
