رواية إستقرار إجباري الفصل السادس والثلاثون 36 بقلم رودي عبدالحميد
رواية إستقرار إجباري الجزء السادس والثلاثون
رواية إستقرار إجباري البارت السادس والثلاثون
رواية إستقرار إجباري الحلقة السادسة والثلاثون
طلعت ريناد الأوضة بعد ما سلمت علي أسماء ، دخلت أوضتها وإفتكرت كلام داغر بالرغم من إن هي عارفه إنو صادق في كلامو بس ن”ار الغيرة إن واحدة تانيه قربت من جوزها حبيبها موجودة جواها
نفخت بِضيق وطلعت المُفتاح من الدُرج وراحت فتحت الباب ودخلت لِزهرة اللي كانت قاعدة علي طرف السرير باصه في اللا شئ ..
قفلت ريناد الباب وراها وزهرة بصتلها وقامت وقفت وقالت : جايه تشمتي ولا إيه ؟ ، ما كل دا بسببك
ردت ريناد ببرود وقالت : مفيش حاجة حصلت بسببي ، إنتي اللي عملتي كل دا ، وبتجبري واحد متجوز إنو يكون معاكي حتي لو هو مش عايز المهم إنك ترضي كبريائك ونفسك وبس
ربعت زهرة إيديها وقالت : وإنتي إيه عرفك إنو هيكون معايا بِالعافيه! ، داغر متجوزك غصب عنو أصلاً ، أصلو كان بييجي يحكيلي وكنت بواسيه بس للأسف إنتي واخدة مقلب في نفسك أوي يا ريناد ، داغر بيحبني أنا لإن أنا بنتو وحبيبتو بس هو مش عايز يعترف بِدا علشان ميجرحش مشاعرك وعلشان سيبتو وزعلان مني ، لو مش كدا مكانش جالي هنا
ضحكت ريناد بِسخرية وقالت : المفروض دي تكون حاجة بيني وبين جوزي بس عادي خلينا نقول ونعرفك الحقيقه شوية.. ، داغر لو مش بيحبني مكانش قر.بلي
كملت كلامها وهي حاطه إيديها علي بطنها وقالت : مكانش هيكون جوايا حته منو في بطني دلوقتي
فكِت زهرة إيديها عن بعض وهي بتبص علي بطنها بِصدمة من غير ما تتكلم..
كملت ريناد كلامها وقالت : كان جالك من أول مرة أو ميعاملكيش وحش! ، ثم داغر مجاش ليكي وخلاكي تواسيه أبداً لإنو بقا يلجألي أنا دلوقتي ، حتي ماما اللي هي حماتي اللي كان بيلجألها مبقاش يروح بس بقا ييجي ويترمي في حض”ني أنا ويشكيلي همومو كلها حتي لو كان زعلان مني كان بييجي ويشتكيلي برضوا .. ، عارفه ليه ؟ ، لإننا واحد وشايفني مرايتو ونفسو اللي بيتكلم معايا بدون أي خجل أو خوف علشان عارف إن هفهمو حتي من نظرة ، وبعدين يا زهرة يا حبيبتي لو بيحبك ومعايا مجبور مكانش ضر”بك ولا إترنيتي علقه محترمة بسببي وبسبب إنك كنتي سبب في أذية حبيبتو ومراتو اللي هي أنا ، ولا كان حبسك كمان ولا إنتي شايفه إيه ؟
كانت زهرة واقفه بصالها بِغضب وساكته مش لاقيه كلام تقولو..
ضحكت ريناد علي منظرها بِسخرية وقالت : متبصيش لِحاجة غيرك مدام ضيعتيها من إيدك وكمان مهما حاولتي توقعي بيني أنا وداغر عُمرك ما هتقدري لإن اللي بيني وبينو ورابطنا سوا مش مُجرد دبلة جواز ولا ورقة تثبت إنو جوزي ، تؤتؤ اللي رابطنا أكبر من كدا بِكتير ، روحنا مربوطة بِبعضها بس للأسف دي حاجة إنتي مش هتفهميها ولا هتقدريها ولا هتحسي بيها أصلاً
وأه حاجة كمان.. ، إنتي للأسف محبتيش خطيبك سابقاً لإنك لو كنتي حبتيه مكونتيش بعدها بإسبوع بالظبط روحتي علي حُضن غيرو اللي أصلاً كنتي بتبصي عليه وعينك منو من وإنتي مخطوبة
قربت وشها منها وقالت : دا ربنا نجدو منك ومن أنانيتك
إبتسمت ريناد إبتسامة باردة وكانت هتخرج من الأوضة وقفتها جمله زهرة اللي قالت : هيسيبك وهيرجعلي ، هيلف يلف ويرجعلي ، داغر لو مش بيحبني مكانش سمح لِنفسو إن أبو”سو أو حتي أقر.ب منو يا اللي المفروض ماليه عينو..
إفتكرت ريناد منظرهم وبدأت تاخد نفسها بِعصبية ولفت لِزهرة ومسكتها من شعرها وميلت راسها لِتحت وقربت من وشها وقالت : لو لمحتك موجودة في مكان موجود فيه جوزي وعينك بس جات عليه ، أنا مش هعمل إحترام إنك من عيلة الدويري وساعتها هوريكي اللي جايه من الشارع بِحق بقا ، فوقي لِنفسك كدا وشوفي إنتي بتتكلمي مع مين وفكك بقا من إن متجوزة راجل راقي ومعروف ومُحترم وعيلة مُحترمة ، لأ أنا ساعتها هوريكي تربية الحواري بِحق ، هوريكي ريناد اللي بتقلب لما حد بييجي علي حاجة تخصها مبالك بقا بِجوزي!
شدت علي شعرها أكتر وقالت بِتحذير : لو قربتي من جوزي أنا عندي إستعداد أقت”لك ومش هرحم ، أنا كدا كدا عيلتي قتا”لين قُت”له فَ مش هتفرق كتير لما أبقا قا”تلة زيهم
زعقت وقالت : لو قربتي من جوزي تاني مش هرحمك
زقتها علي السرير وبصتلها بِقرف وخرجت وقفلت الباب وراها وهي داخله أوضتها شافت داغر داخل ممر الأوض وفي طريقو لأوضتهم بس وقف لما شاف ريناد قُدامو
بصلها بإستغراب وقال : مالك واقفه كدا ليه ؟
حطت إيديها اللي فيها المفتاح ورا ضهرها وقالت : كنت طالعه أشوفك إتأخرت ليه ؟
مدتلوش فرصه يِسأل عن أي حاجة تاني ودخلت الأوضة بِسرعة وحطت المفتاح في الدُرج
دخل داغر الأوضة وهي بتقفل دُرج التسريحة
بصلها وقال بتساؤل : كنتي فاتحه الدُرج ليه ؟
رجعت شعرها ورا ضهرها وقالت : عادي يا حبيبي ك..كنت بشوف فين التوكة علشان ألِم شعري بيها
شاور داغر علي التوكة اللي علي التسريحة وقال : التوكة أهي يا ريناد
بصِت علي التوكة وأخدتها وقالت : أه مشوفتهاش
حط داغر إيديه في وسطو وقال وهو بيقرب : إنتي روحتي لِزهرة مش كدا
هزت راسها بِ لأ وقالت : وهروحلها ليه يعني ؟
ضيق داغر عينيه وهو باصصلها من غير ما يتكلم
إتوترت ريناد من بصتو وقالت : بت..بتبصلي كدا ليه ؟
رد داغر وهو باصصلها نفس البصه وقال : روحتلها ليه ؟
بصِت بعيد عن عينيه وقالت : مروحتش..
كرر داغر سؤالو وقال : روحتلها ليه يا ريناد ومتصيعيش عليا ، أنا حافظك كويس أويي ، فَ لخصي
نفخت ريناد وقالت : أه روحت
ربع داغر إيديه وبصلها مستنيها تحكي..
ردت ريناد وهي باصه في الأرض وقالت : روحت إتكلمت معاها عادي وقولتلها يعني إن عيب مينفعش تعمل كدا مع راجل متجوز والكلام دا وبعدها خرجت وجيت هنا
مسمعتش منو أي رد فعل ، رفعت راسها لاقتو باصصلها ببرود
إتكلمت بإستغراب وقالت : إيه ؟
رد داغر ببرود وقال : الحقيقه ..
كانت لسه هتتكلم قطعها وقال : الشويتين دول تعمليهم علي حماتك أو علي واحدة من صحابك مش أنا ، أنا عايز الحقيقه كامله
حطت ريناد إيديها علي رقبتها وودت وشها الناحيه التانيه ومتكلمتش
إستنتج داغر هي عملت إيه وقال بِشك : إنتي ضر”بتيها ؟
مردتش عليه بس إبتسمت من غير ما ياخد بالو
خلاها داغر تبصلو وقال : إنتي ضرب”تيها بجد ؟
هزت راسها وقالت : أنا ؟ ، لأ مضربتهاش طبعاً ، دا عيب ومش من مقامي
أخدها داغر علي قد عقلها وقال : أه أه طبعاً عارف ..
إتكلم وهو مغمض عينيه بيحاول يهدا من العصبيه وقال : قولي يا ريناد خلصي
نفخت ريناد بِضيق وقالت : هوففف خلااص مض”ربتهاش ، مسكتها من شعرها بس
خبط علي وشو وقال : ليييه ، إحكي
ربعت إيديها وحكِت كل حاجة..
بصلها داغر بِذهول وقال : دا بجد
بصتلو وقالت ببرود : أومال هكدب ليه يعني ، ما دا اللي حصل
ضحكت بِصوت عالي وخبط كف علي كف وقال : لا حول ولا قوة إلا بالله
إتعصبت ريناد وقالت : إيه إنت شايفني مجنونة يعني ؟
ضحك وقال : مقولتش مجنونة .. إنتي صدقتيها بقا في اللي قالتو دا ؟
هزت راسها بِ لأ وقالت : نظرة الصدق اللي شوفتها في عينيك كانت أكبر من إن أصدقها
رد داغر وهو بيقرب منها وقال : وإنتي بتغيري عليا أوي كدا لِدرجة إنك تتخانقي معاها علشاني ؟
رجعت لِورا وقالت : أه طبعاً أومال أسيبها تعمل اللي عملتو وأعديها بالساهل كدا ؟
قرب منها تاني وقال : نا”رك هديت لما عملتي كدا ولا لسه غيرانه ؟
رجعت لِورا أكتر وقالت و هي متوترة من إنو عمال يقرب منها ومن نظرتو ونبرة صوتو : م..معرفش ، إنت بتقرب ليه
لِزقت ريناد في باب الحمام وحجزها داغر بين إيديه وقال : وحشتيني..
حطت إيديها علي صد”رو وقالت : داغر إبعد ، عايزة أخد شاور وأغير هدومي
قرب داغر ودفن راسو في رقبتها وقال : بقولك وحشتيني..
كانت ريناد بتاخد نفسها بِصوت عالي ومتوترة جداً..
با”سها داغر في رقبتها فَ ريناد غمضت عينيها وكانت بتحاول تبعدو بس هو حاطت إيديه علي وسطها ومقربها منو..
حطت ريناد إيديها علي إيد الباب وفتحت باب الحمام ودخلت جوا وقفلت الباب بِسرعة
وقف داغر مكانو بِصدمة وبعدها ضحك وقال بِصوت عالي علشان تسمعو : تمام هتروحي مني فين كدا كدا إنتي معايا في الأوضة يعني..
” في شقة فارس ”
دخلت تمارة الأوضة وهي لابسه بيجامة بيتي وشعرها مبلول ، كان فارس قاعد علي السرير وقدامو اللاب بيبص فيه بس رفع راسو لما تمارة فتحت باب الأوضة ودخلت
إبتسم وقال : ماشاء الله .. جمال رباني
ضحكت تمارة بِخجل وقالت : دا علي أساس إنك أول مرة تشوفني
ضحك علي ضحكتها وقال : تؤتؤ بس كنت بشوفك وشعرك ملموم وكمان بِهدوم واسعه وطويلة مش كدا
بصِت تمارة علي بيجامتها الضيقة وقالت يإحراج : أسفة بس بيجاماتي كلها ضيقة كدا ، مكانش فيه حاجة واسعه ألبسها
قام وقف ومسك إيديها وقعد بيها علي السرير وقال : بتعتذري علي إيه ، إنتي مراتي علي فكره..
هزت راسها ومردتش بس إفتكرت حاجة فَ رفعت راسها وقالت : ممكن أسألك سؤال ؟
هز راسو وهو بيتأملها وساكت
سحبت إيديها من إيده وقالت : هو أنا معطلاك عن شغلك ؟
رد تلقائي وقال : إنتي شغلي
بصتلو بإستغراب ومفهمتش حاجة..
وضح كلامو وقال : أنا حارس شخصي ليكي وكنت موجود هنا بحميكي ولِحد ما الموضوع يكون تمام مش هتحرك من البيت وهفضل ضلك ، لكِن لما بقيتي مراتي خلاص ، أه برضوا هفضل حارس شخصي لِحد ما الموضوع يخلص وبعدها حمايتك دي تخصني وهيكون ليا شغل تاني غيرك بس حمايتي ليكي مش هتتغير أبداً
إبتسمت وقالت : شكراً
مسك إيديها وبا”سها وقال : مفيش واحدة بتشكر جوزها وبعدين دا واجبي
إبتسمت بِخجل وسكتت..
” في بيت علاء ”
كان قاعد بيفكر في كلام داغر وفي كلام ملك وفضل رايح جاي في الأوضة وهو باصص علي صورة ملك اللي حطاها بروفايل واتساب ومُبتسم وبيقول : هو فيه حد وشو مُبهج أوي كدا ؟ ، أنا شوفت بنات أحلي منك كتير لكِن مشوفتش فيهم برائة ملامحك ولا لمعة عينيكي ولا ضحكتك ورقتك اللي جابتني علي وشي
فكر في حاجة وبعدها طلع من صورتها ونط علي السرير وطلع رقم داغر ورن عليه..
” في فيلا داغر ”
كان قاعد علي السرير مستني ريناد اللي قربت علي الساعه قاعدة جوا..
فونو رن بِرقم علاء ، مسح علي وشو ورد وقال : هاا ؟
كان علاء نايم علي ضهرو ورافع رجليه بيحركها في الهوا وقال بِصوت ناعم : داغر إحنا صحاب من إمتي ؟
بعد داغر الفون من علي ودنو وبصلو بإستغراب ورجعو علي ودنو تاني وقال : مين معايا ؟
رد علاء بِنفس النبرة وقال : ألاه ، جرا إيه يا ديغو نسيتني ولا إيه ، أنا علاء صاحبك
رد داغر عليه وقال : ألاء صاحبتي بقا بِصوتك دا
ضحك علاء وعدل صوتو وقال : داغر أنا بحبك أوي علي فكره
خشن داغر صوتو وقال : ولااااا ، إتعدل كدا إنت شايفني قدامك إيه
ضحك علاء جامد وبعدها قال : ياعم إحنا صحاب والصديق وقت الضيق والكلام دا
فهم داغر علاء وقال : مصلحة إيه المرادي ؟
حك علاء راسو وقال : طالب منك خدمة أفديك بيها بِعمري
نفخ داغر بِملل وقال : خلصني يا علاء
كح علاء وقال : إستعين المدام بتاعتك في عنوان صاحبتها ملك ووفق راسين في الحلال إلهي تنستر دنيا وأخره
عوج داغر بوقو وقال : ما تروح تاخدو منها..
إتعدل علاء وقال : يسطا عايز أعملهالها مُفاجأه ، هاتلي العنوان أروح أتنيل أتقدم ، علي الأقل ألقي الونس وأبطل اقرف فيك
حك داغر في راسو وقال : أنا لو هجبهولك ، هجبهولك علشان أخلص من قرفك والله يا علاء
بعتلو علاء بو”سه وقال : حبيبي يا ديب ربنا يخليك..
إبتسم داغر وقال : هبقا أسألها وأبعتهولك علي الواتساب
بعتلو علاء كذا بو”سة وقال : شالله يسترك دنيا وأخره ويوفقك زي ما هتوفق كدا
ضحك داغر وقال : لأ ملكش دعوة بيا أنا متوفق خليك في نفسك
ضحك علاء وقال : يا عم خلصانة.. هستناا منك العنوان علي الواتساب ، يلا Take Care Baby ..
قفل داغر في وشو ورمي الفون علي السرير وقام وقف جمب الباب وخبط وقال : ريناد دقيقه لو مخرجتيش هك”سر الباب وأدخل بِطريقتي
جالو صوتها بتقول : ما أنا مش معايا هدوم
رد وقال : إلبسي الروب يا حبيبتي وإطلعي
سكتت شوية بعدها قالت : مش لاقياه..
بص داغر في الأوضة لقاه موجود علي الشازلونج اللي موجود في أخر الأوضة
رد عليها وقال : دا موجود في الأوضة هنا ، لفي الفوطة عليكي يا ريناد وإطلعي لو هتتكسفي تتطلعي كدا
مردتش عليه تاني ، راح داغر قعد علي السرير وسند بإيديه عليه وفضل باصص للباب لِحد ما لقي الباب بيتفتح بالراحه و ريناد خارجه من جوا لافه فوطه علي جس.مها وشعرها بينقط مايه
فضل باصصلها وساكت تماماً
شدت الفوطة علي جس.مها كويس وراحت فتحت الدولاب تخرج هدوم ليها
حسِت بيه واقف وراها لفِت لاقتو في ضهرها علي طول بصتلو وقالت بِتوتر من نظراتو : وسع خليني أدخل ألبس هدومي
رجع شعرها لِورا وقال بِصوت مهموس : بتتهربي مني ليه ؟
بلعت ريقها وقالت : مش بتهرب بس إنت تعبان
با”س كتفها وقال : مش كنتي زعلانه مني ؟
صوت نفسها بقا عالي وهزت راسها وقالت : ك..كنت أه
رد وهو بيحط إيدو علي الفوطة علشان يفكها وقال : سيبيني أصالحك علي طريقتي
مسكت الفوطة كويس وفضلت بصالو بِتوتر
بصلها وقال بِضعف : صدقيني مش هقدر أسيبك ، صعب أبعد دلوقتي
ضحك وقال : مش قولتي لِزهرة إنك حامل ؟ ، يبقا نخليه حمل بجد مش هزار
بص لِشفا”يفها وقال وهو بيقرب : وحشتيني أوي
با”سها وريناد إستسلمت ، شالها داغر وهو بيبو”سها و ….
” في فيلا علاء ”
كان رايح جاي في الأوضة وهو بيقول : أه يا داغر الك”لب ، هتذلني أنا عارف ..
بص علي ساعة الحيطة ومسك الفون وكان هيرن علي ملك بس أتحرج يرن في وقت متأخر زي دا
فتح الواتساب ودخل علي شاتها وبعت ” ملك ”
فضل فاتح الشات لِحد ما هي بقِت أونلاين وشافت المسدج
إبتسم وقال لِنفسو : كويس إنها صاحيه
بعتتلو ملك مسدج مكتوب فيها ” أيوا ؟ ”
رد علاء بِ ” كويس إنك صاحية ”
ردت ملك بِ ” لسه مش بنام دلوقتي ”
رد علاء بِ ” أممم ، كنت حابب أتكلم معاكي شوية ، ممكن ؟ ”
ردت ملك بِ ” أكيد ، إتفضل ”
رد علاء بِ ” ما بلاش شغل الرسميات دي ، حضرتك وإتفضل وأستاذ والجو دا كلو ، خلينا نتكلم عادي ، إعتبريني صاحبك يا ستي ”
بعتت إيموجي ضحك و ردت بِ ” إحنا أسفين يا سيدي ، إتكلم أهو سامعاك ”
بعت إيموجي ضحك ورد بِ ” يعني كنت حابب أتعرف عليكي بِطريقه أوضح شوية لو معندكيش مانع .. ”
ردت ملك بِ ” أمممم لأ معنديش مانع ، شوفت إنت عايز تعرف إيه وأنا أحكيلك ”
رد علاء بِ ” عايز أعرف كل حاجة عنك لو تسمحي ”
بدأت ملك تحكيلو كل حاجة عنها وهو بيسمعلها ومُبتسم ومبسوط جداً لِدرجة إنو نام متأخر بسبب إنو كان بيتكلم معاها كتير ..
” صباح تاني يوم ”
صحي داغر من النوم وبص علي ريناد اللي نايمه في حض”نو ، قرب وبا”س خدها وبعدها با”س راسها وفضل يمشي إيدو في شعرها لِحد ما صحيت
إبتسم داغر وقال : صباح الخير
خبِت وشها في حض”نو ومردتش عليه
ضحك وقال : ما خلاص بقا يا رينو إيه لازمة الكسوف دا..
رفع راسها وبا”سها وقال : بلاش كسوف تاني
ردت وقالت : هحاول
كشر وشو وضغط علي شفتو جامد
إستغربت ريناد ريأكشن داغر وقالت : مالك ، إنت كويس
رد عليها بعد ما حاول يكون طبيعي وقال : كويس
إبتسم وقال : يلا نقوم نفطر بقا علشان جعان
لفِت الملايه علي جس.مها وقامت جابت هدوم ودخلت الحمام
قام داغر إتعدل ومسك كتفو بِوجع وفضل مكانو
بعد شوية طلعت ريناد من الحمام لاقتو قاعد علي السرير وإيديه علي كتفو
قربت وقعدت قُصادو علي الأرض وقالت : بيوجعك ؟
هز راسو وقال : جامد
قامت وقفت وجابت المُسكن من علي الكومود اللي جمب السرير وجابت مايه وإدتلو العلاج وقالت : إمتي أخر مرة غيرت مكانو ؟
شرب مايه وقال : من أول إمبارح
زعقت وقالت : ليه ، دا غلط علي فكره
رفع راسو وبصلها ببرائة وقال : ما إنتي مكونتيش بتكلميني إمبارح الصبح وبليل مكوناش فاضيين
بصِت علي شكلو وضحكت وراحت الحمام جابت علبة الإسعافات وراحتلو وقالت : أول وأخر مرة وبعدين مبتعرفش تعملو لِنفسك يعني ؟
إتنهد وقال : وجع قلبي وإنتي زعلانه مني كان مغطي علي أي حاجة
شالت اللزقة وقالت : مش هتحصل تاني ، حتي لو زعلانين من بعض دا ملوش أي علاقه إتفقنا ؟
حطت علبة الإسعافات علي الكومود وقالت : قوم الأول خدلك شاور علشان ميتبهدلش وبعدها أعملهولك
قام وقف وقرب منها وقال : مش هتيجي تاخديه معايا
حطت إيديها علي صد”رو وبعدتو لِورا وقالت : لأ لأ يا حبيبي كفايه بقا وبطل دلع وروح يلا
كشر وقال : إنتي فصيله
ضحكت وقالت : أه جداً كمان ، يلا روح
راح داغر أخد هدوم ودخل الحمام وقعدت ريناد علي السرير مستنياه بس سمعت صوت notification كتيرر بتيجي علي الواتساب علي فون داغر..
مسكت الفون وفتحتو وفتحت المسدجات اللي جات وخبطت علي صد”رها وقالت بِصدمة : يا نهارك منيل..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إستقرار إجباري)
