رواية عشقي الاول والاخير الفصل الخامس 5 بقلم أسماء مجدي
رواية عشقي الاول والاخير الجزء الخامس
رواية عشقي الاول والاخير البارت الخامس
رواية عشقي الاول والاخير الحلقة الخامسة
عمر طلع لبيت هنا ولسه كان هيخبط بس سمع صوت اغنيه لام كلثوم على الراديو فعرف أن هنا فوق طلعلها بهدوء لقاها واقفه بميله وسنده بكوعها على سور السطوح وحطه ايدها على خدها وسرحانه هو قرب ناحيتها بهدوء لحد ما وصل أنه بقا وراها بالظبط
عمر حط ايده على كتفها هنا اتخضت
هنا : خضتني يا شيخ يخربيتك 😳 ….قطعتلي الخلف
افرض كنت وقعت انا من السور من خضتي 👀
عمر/ بعد الشر عليكي يا هنا …متقوليش كده تاني 😡
انا مكنتش اقصد اخضك ..متزعليش
هنا بأنعره / تقبلته ( قالتها بأسلوب منى ذكي ف مسرحيه كده اوكيه 😹)
عمر /ايه رأيك ف العزومه بتاعت النهارده
هنا/ كانت لطيفه وطنط ابدعت ف الاكل اللي عملته بصراحه 😋
عمر/ يا بت بقا… دايما همك على بطنك … انا اقصد فريده وطريقتها معانا وكلامها معانا وكده ايه رأيك فيه
هنا اديتله ضهرها وبصت الناحيه التانيه وقالت بهدوء: فريده لطيفه جدا وبنت ناس .. وتستاهل كل خير … ربنا يتمملكوا على خير ( قالت اخر جمله وهي حسه بنار ايده ف قلبها … بس مبينتش حاجه بس عمر كان حاسس بيها
عمر/ هنا انا كنت عايز اقولك…..وسكت ومش عارف يقول ايه ولا يبدأ الموضوع ازاي
هنا / قول يا عمر عايز تقول ايه
عمر بتوتر/ يعني بخصوص فريده لما مسكت أيدي ….يعني انا مكنتش متوقع أنها هتعمل كده …انا مكنتش عايزها تعمل كده ومش عارف هي ليه حطت ايديها على إيدي
هنا / عادي يا عمر ده شئ طبيعي يحصل بين اتنين بيحبوا بعض ومخطوبين ..انت بتحاول تبررلي لي
عمر فضل باصص ليها ومش عارف يقول ايه
عمر بإندفاع: يعني انتي مفيش حاجه مزعلاكي مني ؟!
لا يا عمر انا عمري مزعل منك ابدا
– اومال طلعتي علطول كده ليه وطلعتي على السطح مش على بيتك
ابدا انا بس كنت مخنوقه شويه وعايزه اطلع أتهوا
عمر / طب وايه اللي خنقق
هنا توترت لما زنقها ف السؤال وحاولت تداري السبب الحقيقي : ابدا يا عمر عشان ضغط المذاكره وقلقانه من الامتحانات
عمر بص ف عينيها وكان متأكد أن هنا بتكدب وان ده مش السبب الحقيقي لأنه عارفها كويس بس عمل نفسه مصدقها : معلش يا هنا كله هيعدي على خير ان شاء الله متقلقيش انتي شاطره وهتجيب تقديرات عاليه كمان
هنا : يا رب يسمع منك يا عمر
هنا بتحاول تقفل الكلام مع عمر عشان ميستتدرجهاش ف الكلام ويفهم الحقيقه : طيب يا عمر انا هنزل انام بقا
عمر : احنا لحقنا نقعد …دا انا لسه طالع …ولا إذا حضرت الشياطين 🤔
لا طبعا … بس عشان عندي.محاضره الصبح بدري ….يلا باي
باي
عمر فضل واقف شويه على السطح وكان فيه كلام بيدور بينه وبين نفسه : ايه يا عمر مالك عامل زي التلميذ اللي عامل عامله كده ليه …انت اول مره تكلم هنا وانت متوتر كده …ومتكنش عارف تعبر عن اللي جواك…وتبقا ملخوم اللخمه السوده ديه
مش عارف أنا ايه اللي جرالي …ولما شوفت تعبيرات وشها النهارده لما فريده لمست أيدي
حسيت احساس مش عارف ايه هو … بس نظرتها قطعت قلبي …وبقيت حاسس اني عايز أراضيها باي طريقه …رغم اني مش عارف ايه السبب اللي أراضيها عشانه؟ ….وليه أراضيها ؟
انا مش فاهم ايه اللي بيحصل …انا نازل انام انا كمان 🤦🏻
بعد شهرين
هنا خلصت الامتحانات وجه يوم النتيجه
هنا كانت بتبص على النتيجه هي وشيرين ولقوا أنهم جيبين تقديرات كويسه جدا
هنا حضنت شيرين بفرحه لأنهم جابوا تقديرات حلوه : هنا بفرحه بصوت عالي اخيرا عملناهاااا …. ولله وعملوها الرجال 💃💃
شيرين بحماس وفرحه : الحمدلله …. عقبال التخرج أن شاء الله ☺️
وائل كان واقف بعيد شويه وباصص ناحيه هنا وهو على وشه ابتسامه لانه شايفها مبسوطه أوووووي بالنتيجه ….بس افتكر اسلوبها معاه ورجع يكشر وشه ويفكر ازاي يضايقها
بص عليهم لقا واحده زميلتهم ف الكليه بتعزمهم على حفله عيد ميلادها فعزمت هنا وشيرين
هنا : مش عارفه يا نور انا مليش ف جو الحفلات والجو ده
نور : لا لا لازم تحضروا الحفله هتعجبكوا جدا بجد … لو مجيتوش هزعل منكوا اوي
شيرين : خلاص بقا يا هنا وكمان ياستي اعتبريها احتفال بمناسبه نجاحنا
هنا : خلاص يا نور هنيجي ☺️
ونور عزمت وائل وباقي الدفعه
وائل ابتسم بخبث وقال لازم استغل الحفله ديه
هنا روحت البيت
وبعد شويه نزلت لبيت عمها تقولهم أنها نجحت
ونزلت قالتلهم فرحولها اوي أوي وعمر قالها ماشي يا ستي ليكي عندي عندي هديه ونخرج انهارده بقا احلى خروجه للست هنا
هنا : معلش يا عمر بلاش انهارده
عمر بإستغراب : ليه بقا إن شاء الله ؟!
هنا : ابدا يا سيدي …واحده زميلتنا ف الجامعه عزمانا على حفله عيد ميلادها النهارده ومصممه اننا نحضر
عمر بضيق : يا سلام..ومن امتى يختي وانتي ليكي ف الحفلات والسهرات
هنا : ده عشان خاطر بس هي صممت يا عمر
عمر بضيق : وصحبتك ديه بيتها فين ؟
هنا : ف فيلا محمد عثمان اللي ف منطقه #&$+
عمر: ياه …المكان ده بعيد ..مينفعش تروحوا لوحدكوا
هنا : طب خلاص يا سيدي تعالى معانا…عشان متقلقش
عمر : ماشي يا هنا
هنا : طيب انا هنزل اجهز اللبس اللي هلبسه بقا عقبال ما تجهز عشان الحفله كمان ساعتين
عمر : ماشي
بعد ساعتين
شيرين جت لهنا وعمر طلع ياخدهم عشان يروحوا الحفله
عمر لما شاف هنا واد ايه طلعه جميله ف فستنها فضل مركز معاها وبيبصلها ببتسامه تخطف القلب لقيته بيركز ف ملامح وشها عشان يتأكد أنها مش حطه ميكب ولما اتأكد أنها مش حطه : قالها ايوه كده ناس متجيش الا بالعين الحمرا 😉
هنا :ضحكت لانها فهمه هو يقصد ايه
هنا : طب يلا عشان منتأخرش
يلا
وصلوا الحفله كانت ف حديقه الفيلا وسلموا على نور : وقعدت هنا وشيرين وعمر ف تربيزه وكانت أجواء الحفله حلوه اوي شيرين قامت تروح الحمام وهنا وعمر كانوا قاعدين بيتكلموا ويهزروا مع بعض وائل شافها ابتسم بس اول ما شافها قاعده مع واحد وبتضحك معاه اتعصب وراح ف اتجاههم
وائل بعصبية : ودا بقا اللي ماشيه معاه وصدتيني عشانه
يابجحتك …وعاملالي فيها … الخضره الشريفه …وانتي مدوراها
هنا :انت اتجننت يا بني ادم انت ازاي تقول الكلام الزباله ده عليا يا حيوان 😡
عمر اتعصب جدا مسك ف وائل وكور ايده بعصبيه وقعد يضرب ف وش وائل وف بطنه وهو بيضربه قاله انت ازاي تقول عليها كده يا ابن &##& ديه اشرف منكوا كلكوا …وكمل ضرب ف وائل …وائل بيحاول يصد ضرباته مش عارف
هنا : طلعت تجري على عمر …كفايه يا عمر …كفايه …خلاص سيبه هيموت ف ايدك
وائل بأستفزاز وهو متكوم ف الأرض وبؤه بينزف دم : وانت تطلع مين بقا عشان تضحك معاها وتقعدوا لوحدكوا كده
عمر هجم عليه تاني وكمل ضرب وقاله ديه خطيبتي يا #&##…انا هعرفك ازاي تحرم تبصلها ولا تجيب سيرتها تاني .😡
هنا كانت مصدومه من الكلام اللي قاله عمر أنها خطيبته
الحرس جم وشالوا عمر عن وائل بالعافيه وعمر مُصر يرجع يكمل ضرب فيه تاني
هنا بعياط : كفايه يا عمر ….كفايه عشان خاطري … متوديش نفسك ف داهيه …يلا بينا
عمر هدا عشان خاطرها وقالها خلاص متعيطيش يلا بينا وخدها من أيدها وشيرين وراهم روحوا شيرين وبعد كده طلعوا على البيت
هنا كانت متنرفزه من الفضيحه اللي حصلت ف الحفله بسبب الخناقه ديه
وعمر كان بيفكر وهو بيغلي من جواه بسبب كلام وائل وأنه بيحاول يصاحب هنا ولكنها بتصده اتعصب اوي لما تخيل الموقف
هنا اول ما وصلوا البيت طلعت بسرعه على البيت
وعمر جه وراها : استني عندك … لسه فيه كلام كتير مخلص
هنا / عايز ايه تاني يا عمر … مش كفايه الفضيحه اللي حصلت ….عجبك كده
عمر بعصبيه / اسبقيني على السطح ….عشان نعرف نتكلم
هنا بنرفزه / لا يا عمر انا عايزه انام …كفايه كده
عمر وهو بيجز على سنانه / بقولك اطلعي بالذوق …. عشان امك متسمعش الكلام ده وتتعب …اتفضلي
هنا بنرفزه / طلعت وهو طالع وراها وهو ف قمه غضبه
عمر / قوليلي بقا يا هانم الاستاذ كان بيحاول يتعرف عليكي قبل كده …وانتي مقولتليش ليه
هنا / عادي يا عمر واحد حاول يتعرف عليه وانا صديته .. وخلص الموضوع … فين المشكله
عمر/ يا سلام وانتي ملكيش راجل يشكمك عشان يربي عيل زي ده لما يفكر يقرب منك
هنا / عمر انا عرفت اتصرف… انت ليه محسسني اني وافقت اني اصاحبه
عمر اتعصب من كلمتها وقام هب فيها / متقدريش يا هانم اصلا
هنا / عمر .. انا مش صغيره وبعرف احافظ على نفسي كويس
عمر / يا سلام يختي ….وعجبك الكلام اللي قاله عليكي انهارده ده
هنا / هو واحد مريض …اعمله اي يعني
هنا بجراءه / ثم تعالى هنا ….انت ازاي تقوله اني خطبتك
عمر بتوتر وعصببه / مش احسن ما زمايلك يفهموكي غلط ويفكروا أن انتي فعلا ماشيه معايا ومصحباني من ورا اهلك 😡
هنا بتوتر / برده مش مبرر انك تقول كده….كنت ممكن تقوله انك ابن عمي بس
عمر بتوتر / اهو اللي حصل بقا
هنا /وكان ايه لزومه انك تضربه …كنت تكلمه بالهداوه ….كان لازم ايدك تسبق لسانك 😡
عمر اتعصب منها ومسكها من دراعها جامد وقعد يهز فيها وقالها بعصييه :انتي كنتي عايزاني اسمعه بيتهمك ف شرفك وابقا هادي😡😡 …عايزاه يقول عليكي انك مدوراها وماشيه معايا وابقا هادي 😡
هنا وفي عيونها دموع : ايدي يا عمر . أيدي
عمر لقا نفسه كان ضاغط على دراعتها جامد من عصبيته وشال ايده من عليها وحاول يهدي من عصبيته : انا اسف يا هنا ….حقك عليه بس مقدرتش استحمل أنه يجيب سيرتك بالكلام القذر ده …ولا حتى أنه يقول اسمك على لسانه
هنا بهدوء : خلاص يا عمر … حصل خير …الحمدلله انها جت لحد كده
عمر بعصبيه : الولا ده ملكيش دعوه بيه نهائيا لو عرفت أنه حاول يقرب منك او يكلمك انا همحيه من على وش الارض
هنا : حاضر يا عمر … بس اهدا بقا
عمر ببتسامته العذبه : حاضر يا احلى هنا ف الدنيا كلها 🙂
هنا بكسوف : طيب يلا ننزل بقا عشان ماما متقلقش عليه
عمر : يلا.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقي الاول والاخير)
