رواية سهر (أم البنات) الفصل الثالث 3 بقلم إسراء محمد
رواية سهر (أم البنات) الجزء الثالث
رواية سهر (أم البنات) البارت الثالث
رواية سهر (أم البنات) الحلقة الثالثة
صيحت سهر وفطرت وفطرت البنات وروقت الشقه
ولسه هتقعد لقت الباب بيتفتح
في الاول افتكرته اياد
لكن اتفاجأت بصوت واحده
بتقول : انتي مين وبتعملي اي في شقتي
سهر باستغراب ؛ : شقه مين يا ختي دي شقتي انا وجوزي
اريج : جوزك اللي مش عارفه تجبيله الواد
سهر : اه قولي كده بقي انتي خطيبته
اريج : اه يا روحي وهنتجوز في الشقه دي
سهر : نجوم السما اقربلك من انك تتجوزي في شقتي
اريج : هنشوف
سهر : هنشوف دلوقتي
وفتحت الباب وصوتت عشان تلم الجيران
والجيران اتلمت بالفعل
حد من الجيران
يدعي عزيز : خير يا ام ديما في اي
سهر : الهانم جايه تقتحم عليا شقتي وبتقول انها شقتها
عزيز : شقة مين دي شقة الست ام ديما بقالها هنا اكتر من 6 سنين
اريج بكدب : اه هي بقالها فتره بس هما مأجرين الشقه مني وانا جايه ارجع شقتي
عزيز : شقه اي اللي مأجرينها منك اذا كان الأستاذ اياد صاحب الشقه شاريها مني انا صاحب العماره
اريج بصدمه : اي
سهر خلتهم مشغولين في الكلام وبلغت البوليس من غير ما حد ياخد باله
وهما وافقين يتكلموا
دخل البوليس
الظابط : مين اللي قدم البلاغ
سهر : انا يا حضرة الظابط واهي اللي اقتحمت شقتي وبتقول عليها شقتها
اريج : دي شقتي انا والله
سهر والجيران : كدابه يا باشا
الظابط : بس واحد واحد يتكلم
عزيز : انا صاحب العماره يا باشا والأستاذ اياد جوز الست سهر شاري مني الشقه من اكتر من 6 سنين عشان يتجوزوا فيها وبالفعل اتجوزوا ومن ساعتها وهما قاعدين فيها
احمد جارهم : عم عزيز معاه حق يا باشا انا ساكن هنا من 15 سنه وعارف استاذ اياد والمدام من اول ما اتجوزوا
عمر : وانا جاي هنا من 3 سنين ومشوفتش حد غير المدام والأستاذ اياد
والجيران كلها أكدت علي كلام سهر
الظابط : اي رأيك في اللي سمعتيه
اريج بخوف : هما معاهم حق بس انا خطيبت اياد وهنتجوز في الشقه دي
سهر : كدابه يا باشا جوزي بيحبني وعمره ما فكر انه يتجوز عليا ده انا حتي لسه مخلفه وطاير بالبنات طير
اريج : والله خطيبته حتي اكلمهولك اسأله
واتصلت علي اياد لكن مفيش رد
سهر : يا باشا انا عايزه اعمل محضر تعدي وتهجم عليا وعلي بيتي
الظابط : طب يلا معايا ع القسم
اريج : لا قسم لا انا اسفه حقك عليا
الظابط : هتسامحيها يا مدام
سهر : لا يا باشا ومصممه اعمل محضر
الظابط : طب يلا
ونزلوا راحوا القسم وراح معاهم الجيران عشان يشهدوا مع سهر
وسهر سابت البنات مع مرات احمد عشان صاحبتها وهتطمن علي البنات وهما معاها
وبالفعل عملت المحضر واريج دخلت التخشييه
ورجعت ع البيت
مشيره مرات احمد : عملتي اي
سهر : عملتها محضر ودخلت التخشيبه
مشيره : طب قوليلي اي حوار خطيبته ده
سهر بوجع : للاسف كانت بتقول الحقيقه
مشيره بصدمه : يعني اي
سهر : يعني هي خطيبته بجد ومن بجحته مديها المفتاح عشان تيجي تطردني من شقتي
مشيره : اي الجبروت ده
سهر : شوفتي الوجع اللي انا فيه
مشيره : طب قولتي لمامتك وباباكي
سهر : ويارتني ما قولتلهم
مشيره : لي
سهر : ماما حاطه طلاقي قصاد طلاقها
مشيره : مش فاهمه
سهر : يعني لو انا اتطلقت هي كمان هتطلق وساعتها انا وبابا مش هيبقي لينا مكان نقعد فيه عشان الشقه باسم ماما
مشيره : اي الحظ ده
سهر : عشان كده لازم استقوي واجيب حقي لان محدش هيجبهولي
مشيره : ربنا معاكي يا بنتي
سهر : يارب
في الوقت ده دخل
اياد بغضب : ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سهر (أم البنات))
