رواية من قلب الظلام الفصل الخامس عشر 15 بقلم منة الله محمد
رواية من قلب الظلام الجزء الخامس عشر
رواية من قلب الظلام البارت الخامس عشر
رواية من قلب الظلام الحلقة الخامسة عشر
بدأت نور تدور فى الورق والمذكرات إللى كانت خدتهم من بيت أمنيه .
نور :
خلينى أبدء بالملفات دى الأول .
المكتوب فى الملفات الطبيه لأمنيه بإختصار //
أمنيه عبد الرحمن مريضة فى مصح للإدمان أخدت علاجها سنه كاملة وبعد ما خرجت من المصحة كان عندها تلف فى الأعصاب وانهيار عصبى متكرر وكان فيه فى جسمها ندبات ا وكإنها بتتعرض لض’رب عنيف بشكل متكرر وبعد شهر من خروجها من المصح تعرضت لمحاولة اع’تداء .
والعلاج كان صعب بسبب حالتها ودخلت فى غيبوبة لمدة سبع شهور .
نور :
كدا أمنيه كانت لسه صحيه من الغيبوبة قبل جريمة القتل بثلاثة شهور بالظبط .
طيب ايه إللى حصل مع أمنيه ؟! و مين إللى كان بيسبب لها كل الأذى الجسدى دا ؟!
الحمد لله انا بدل ما يكون عندى أجوبه لأسئلتي بقى عندى اسئله اكتر والى ها تجاوب على كل الأسئلة دى هيا أمنيه .
و في الوقت دا رن تليفون نور وكان زياد
نور :
نعم يا زياد أكيد جايب ليا مصيبه جديده أصلى نقصة.
زياد :
والله انا مش عارف إللى انا ها أقوله مصيبه ولا لا على حسب انت ها تشوفيه ايه .
نور :
انجز انت ها تتكلم بالالغاز
زياد :
انا مش عارف ايه إلى مصبرنى عليكى لحد دلوقتي حاضر يا ست الحسن إلى انا كنت عايز أقوله ليكى ان المحل إللى قدام البيت جاب صورة واحد وهو داخل البيت و لازم تيجى ممكن تعرفيه .
نور :
تمام انا جايه .
و بعد ما نور خلصت مع زياد دخلت لأمنيه
نور :
أمنيه أنا أسفه صحيتك بس انا لازم اروح مشوار ضرورى
امنيه :
تمام بس ما تتأخريش ولو سمحتي خلى بالك كويس من نفسك انت لسه مش عرفا المجرم إللى انت بتتعاملى معاه
نور :
أمنيه احنا لازم نتكلم لما أرجع .
وبعدها سابت نور امنيه وراحت عند زياد فى القسم //
نور :
ممكن أشوف الفديو
زياد :
حاضر بس ياريت تتكلمى باحترام شويه انا صبرى بدء يقل
نور :
إخلص مفيش وقت للكلام الفاضى دا .
زياد :
حاضر يا نور حاضر
وفتح زياد الفديو قدام نور
نور :
انت بجد أسخف ظابط شرطه يا زياد
زياد بغضب :
نور احترمى نفسك.
نور :
هو دا اللى انت فالح فيه تقعد تزعق جايبنى هنا و قاعد تقول فديو فديو و فى الأخر الشخص إللى دخل البيت وشه مش باين أصلا استفدت انا ايه بقا يا ناصح .
زياد :
عرفتى أن إللى حصل جريمة مش مجرد حادثة.
نور :
ودى كمان معلومة قديمة .
زياد :
نور قديمة ازاى انت فيه حد بيهددك أو انت عرفه حاجه و مخبيه.
نور :
لا مفيش حاجه من دى بس بالعقل مش ماس كهربائى ولا تسريب غاز ولا اى حاجه ممكن تكون فى البيت تسبب حريق وفيه اثار بنزين فى البيت دا كله معناه ايه ؟!
زياد :
انت عرفتى المعلومات دى منين المعلومات دى موجودة معايا انا بس .
نور :
دى جريمة قتل واللى مات فيها بابا يعنى أكيد لازم أكون عرفه كل تفاصيل التحقيق وكمان يا حضرة الظابط أنا عندى معارفى برده .
زياد :
تمام يا نور اتمنى تعرفينى لو حصل معاكى اى حاجه .
نور :
تمام هاحاول.
وبعد كده خرجت نور من عند زياد ورجعت الشقة .
نور :
أمنيه أنا رجعت ولازم نقعد نتكلم دلوقت .
أمنيه :
وانا جاهزه يا نور .
انا كانت حياتى كلها مشيه تمام لحد ما قابلت الشاب إللى انا اتخطبت ليه .
أهلى كانو رافضين جوازنا من بعض بس هو كان ضاحك عليا على الأخر وانا كنت خلاص بقيت بحبه قوى لإنه أصلا كان معايا فى نفس الجامعة وعرفاه من زمان .
وبعد ما انخطبنا حصل معايا زى إللى حصل معاكى انت و يمنى هو كان مدمن وانا مكنتش اعرف مرة فى مرة كنت باروح معاه وأشرب الزفت إللى كان بيجيبوا ليه ولما كنت برفض اشرب كان بيقول أنه هايسبنى انا فعلا كنت بحبه قوى وكان أكبر مخاوفى أنه يسبنى وبعد شهرين تقريبا هو اختفا و معنتش اعرف عنه اى حاجه وطبعا بدء يبان عليا انى بقيت مدمنه وطبعا بقالى فتره مش بشرب ولا باخد حاجه فا حالتى بقت صعبه وأهلى خدو بالهم و ساعتها دخلت مصح لعلاج الإدمان وبعد ما خرجت بدأت حياتى تتدمر .
رجع خطيبى تانى ظهر فى حياتى بس من غير ما حد من أهلى يعرف وبدأ يهددنى بصور وحشه قوى وطبعا كانت كل الصور دى فوتوشوب ومش حقيقيه بس انا ما كنش عندى فكره اتصرف ازاى بس كان الأهم بالنسبه ليا ان أهلى مايعرفوش حاجه وأنه ماينشرش الصور دى فكان ديما يطلب منى فلوس وانا علشان اجيب كل الفلوس دى كنت بديه دهبى انا وماما من غير ما حد يعرف وكانت كل مره أقابله من غير فلوس كفايه كان يت’هجم عليا و يض’ربنى . وفضلنا فى الحال دا لحد ما خلصت كل الفلوس إللى كان ممكن انا اديهالوا
وكان كل شويه يهددنى ودا سبب ليا انهيار عصبى وبعد خمس شهور انا قررت أقول لأهلى وفى نفس اليوم إللى قلت فيه لبابا جه هو بالليل وكان شارب و سكران وحاول يتهجم عليا وكان زمانى زى حنين ، بس اهلى سمعوا الدوشه و جم وحاولوا يدافعوا عنى وهو علشان يهرب جرى على المطبخ وسحب السكينه وبابا حاول يدافع عنا بس هو طعنه بالسكينة ولما كان أخويا وماما يحاولوا يمنعوا كان يطعنهم بالسكينة و قتلهم كلهم وانا خبط راسى فى الحيطة و أغم عليه ودخلت فى غيبوبة سبع شهور واما صحيت تم تحويلى على المصحة النفسيه لحد ما قابلتك .
عودة للحاضر //
نور حضنت أمنيه إلى بتعيط زى العيال الصغيرة
نور :
خلاص اهدى يا أمنية اهدى بس ممكن أعرف الشخص الحقير دا أسمو ايه ؟!
أمنيه :
اسمه ٠٠٠٠٠٠٠٠٠٠٠٠٠٠٠٠٠٠٠٠٠٠
نور بصدمة :
انت قلتى مين !!……
تفتكروا مين إلى عمل كل ده ؟! ونور تعرفوا ازاى ؟!
من قلب الظلام.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية من قلب الظلام)
