رواية حي بداخلي الفصل الرابع 4 بقلم عهد عامر
رواية حي بداخلي الجزء الرابع
رواية حي بداخلي البارت الرابع
رواية حي بداخلي الحلقة الرابعة
الحلقه الرابعه
ياسين بخضه: ايه، اتخط*فت ازاى يا سها، اهدى، اهدى انا جاى
وطلع يجرى من الشركه من غير م يسمع لحد ولا حتى لمريم اللى كانت عايزه تعرف ايه اللى حصل ل صحبه عمرها.
……….
وصل ياسين ولقى المستشفى مقلوبه، ولقى رحمه ف حضن كامل بتعيط وسها واخده جنب وبتعيط
ياسين راح عندهم
ياسين: ايه اللى حصل وموج اتخط*فت ازاى
سها بعياط: روحت جبتلها عصير وبعدها نامت، وانا نزلت الكافتريا اشترى قهوه وطلعت
flash back..
طلعت سها من تحت وفتحت باب اوضه موج ملقيتهاش ع السرير، استغربت وخبطت على الحمام وفتحته برضو ملقيتهاش
طلعت تجرى لبره وهى بتنادى لحد م لمحت حد مقنع شايل موج ونازل بيها
back
سها: ملحقتش اصرخ ولا اعمل حاجه كان خدها ومشى ياياسين
بعدها بابا ورحمه جم ومن وقتها والمستشفى مقلوبه، انا خايفه عليها اوى يا ياسين
اخدها ياسين ف حضنه يهديها، وجه ظابط قرب عليهم (يامن)
يامن: السلام عليكم ورحمة الله وبركاته
ياسين: وعليكم السلام ورحمة الله وبركاته
يامن: انا الرائد يامن العدلى، وجالنا بلاغ من المستشفى ان مدام موج حرم الشهيد أدهم الصافطى اتخط*فت
ياسين: اهلا وسهلا بحضرتك، ده فعلا اللى حصل يافندم ومنعرفش مين عمل كده
يامن: طيب مين اللى كان معاها ف الوقت ده
سها بخوف: انا.. انا اللى كنت معاها ( وحكتله اللى حصل)
يامن: اكيد فيه كاميرات ف المستشفى
وبص على مدير المستشفى اللى جه من اول دخول يامن
يامن: بعد اذن حضرتك يا دكتور محتاجين نروح غرفه المراقبه
المدير: اتفضل يا فندم
راحوا كلهم غرفه المراقبه وسها اصرت انها تروح معاهم
فضلوا يبصوا ف كل الكاميرات وملقيوش حاجه
يامن: محتاج نسخه من التسجيلات دى بعد اذنك
المدير: اه طبعا تحت امرك، نص ساعه وتكون عند حضرتك
يامن: تمام
وخرجوا بره ورجعوا تانى قدام اوضه موج او اللى كانت فيها موج
.
يامن: انا هستجوب الكل وحاليا هبدأ بعيلها، نروح ع القسم مع بعض
ياسين: بعد اذن حضرتك استجوبهم هنا مش هينفع ابويا ولا اختى ولا مراتى يروحوا هناك
يامن: تمام اتفضل حضرتك اول واحد ف الاوضه جوه معايا.
دخل ياسين الاوضه مع الظابط ووقفوا كلهم بره
يامن: اسمك وسنك وعنوانك
ياسين: ياسين الصافطى، 35 سنه، ساكن ف……..
يامن: ايه علاقتك بمدام موج؟
ياسين: مراه اخويا الله يرحمه
يامن: تمام، استاذ ياسين كنت فين وقت اللى حصل
ياسين: كنت ف الشركه بتاعتى، كان عندى ميتينج مهم، ومراتى ومراتى عليا وجيت على طول.
يامن: مدام موج ليها اى اعداء او حد مهددها بحاجه، او حتى اخوك الله يرحمه؟!
ياسين: لا يفندم، موج انسانه طيبه جدا وف حالها دايما مش بتحب المشاكل
يامن: واخوك؟
ياسين: ادهم، ادهم اخويا كان جدع وحنين وشهم، وبيحب شغله وعيلته، مش من النوع اللى بيستغل سلطته ونفوذه،
يامن: تفتكر ممكن يكون حد من اعداء ادهم اخوك الله يرحمه، بحكم انه ظابط
ياسين: ممكن، بس هيستفادوا ايه، هيخلصوا تارهم من مرات واحد ميت؟! معتقدش
يامن: تمام تقدر تتفضل يا استاذ ياسين وابعتلى مدام سها
خرج ياسين ودخلت سها وهى متوتره وبتعيط
يامن: اهدى خالص حضرتك واعتبرينا بندردش سوا عادى
هزت سها بدماغها وقعدت قصاده
يامن: اسمك وسنك وعنوانك
سها: سها محمود، 28 سنه ساكنه ف……
يامن: علاقتك ايه ب مدام موج؟
سها: تبقى مراه اخو جوزى
يامن: كنتى فين وقت الحادثه؟
سها: نزلت اجيب قهوه ليا من تحت عشان ملقتش هنا، رجعت ملقتهاش و…
قاطعها يامن: لا لا واحده واحده، انتى قولتى قبل كده انك جبتيلها عصير وانتى بتوصلى ياسين، مجبتيش ليه قهوه ليكى؟
سها بتوتر: وقتها مكنتش عايزه، ومليش نفس وف نفس الوقت خوفت اتأخر عليها.
يامن: تمام، كملى
سها: رجعت ملقتهاش دورت عليها ف كل الاوضه برضو ملقتهاش، خرجت بره لقيت حد مقنع شايلها ونازل بيها جريت وراه لقيته اختفى
يامن: ليه محاولتيش تصوتى ع الاقل، ودور المستشفى كله ازاى مكنشى فيه حد؟
سها: معرفش حضرتك، انا كنت خايفه اوى وحاسه زى لسانى مربوط مش عارفه اعمل اى حاجه.
يامن: تمام، تقدرى تتفضلى يا مدام سها، وابعتيلى انسه رحمه
مر الوقت وخلص تحقيق مع الكل وكله قال كل حاجه ماعدا كامل اللى حكى موضوع خالد ويامن امر باستدعائه.
……………..
شخص مجهول واقف بالعربيه وجنبه موج بلبس المستشفى ونايمه، فونه رن ورد
*: ايوه، هى معايا اهى، وطالع بيها دلوقتى
@: خلى بالك، الظابط امر باستدعائك عشان كامل قاله عليك
اتنفض خالد من مكانه: نعم؟ ، استدعاء وهو ايه اللى خلاه يعمل كده؟
@: زى م بقولك كده، خلص اللى معاك، وارجع بيتك بسرعه
خالد: انا قدام المستشفى اهو، فلوسى فين
@: تمام وانا هبلغك بكل جديد، وفلوسك هتتحط ف حسابك بعد الاستجواب سلام
قفل وشال موج ودخل مستشفى الامراض النفسيه والعصبية، قابل دكتوره هناك
خالد: خدى الامانه اللى كلموكى عليها اهى
اخدتها الدكتوره منه وحطتها على ترولى ودخلوها اوضه وربطوا ايدها وخرجت، وخالد رجعه بيته وكأنه معملش اى حاجه.
………………
الكل رجع البيت واتجمع كامل وياسين وسها ورحمه وانضمت ليهم مريم بعد م عرفت اللى حصل
ياسين: ازاى يا بابا تقولهم على خالد، مستحيل يأذى اخته يعنى
كامل: انت متعرفش خالد يا ياسين؟ ، الفلوس بتعمى عنيه، انت ناسى موج وادهم اتجوزوا ازاى؟
ياسين: مش ناسى يا بابا بس متوصلشى بيه لكده
مريم: انا اسفه انى بتدخل يا مستر ياسين، بس موج قبل كده قالتلى ان اخوها ف مره كان هيجوزها لحد اكبر من والدها اصلا عشان الفلوس وعشان كان هيسفره بره مصر
ياسين: طيب يعنى هيستفاد ايه لما يخطفها
رحمه: ابيه ياسين، هو ممكن ينزل البيبى عشان يجوزها لحد
هنا ياسين استوعب حجم الكارثه اللى ممكن تحصل ووقف وقال
ياسين: او ممكن يوديها المشتشفى زى م كان بيهدد!
سها: ده لو كان هو فعلا اللى خطفها يا ياسين، اعتقد خالد جبان ميعملهاش
رحمه ببكاء: لو ابيه ادهم هنا كان زمانه مرجعها
الحزن خيم عليهم كلهم، ودعوله بالرحمه، ووقف ياسين
ياسين: وانا هحافظ عليها سواء ف حياة ادهم او عدمها وهجيبها.
وسابهم وخرج وسها استأذنت وطلعت فوق وكامل ورحمه ومريم قاعدين سوا.
……………
@: اسمعى، اديها حقنه تنزل اللى ف بطنها، ونقول من تأثير جلس*ات الكهربا مستحملتهاش
اادكتوره: بس هى لسه نايمه
@ بعصبيه: تفوق دلوقتى وتسق*طيها وهى صاحيه لازم تتحسر على ابنها اللى بينزل قصاد عنيها سامعه.
الدكتوره: حاضر هفوقها دلوقتى وهنفذ
قفلت الفون ودخلت اوضه موج لقيتها بدأت تفوق
موج: اه… انا فين
الدكتوره: انتى فى المستشفى يا عنيا وقومى كده اقعديلى
موج: ايه ده انتو رابط*ين ايدى ليه، وايه المستشفى دى
الدكتوره: دى يا حبيبتى مستشفى الامراض النفسيه والعصبيه
موج بصدمه: ايه؟ ، انتى بتقولى ايه ومين الى جابنى هنا؟
الدكتوره: حد عزيز عليكى اوى، ودلوقتى انا مش هضيع وقتى معاكى
وطلعت حقنه من جيبها
وقالتلها: الحقنه دى هتريحك اوى
موج بانهيار: تريحنى ايه، خرجونى من هنا، يا ادهممممم، الحقنى يا ادهم، تعالى الحقنى انا وابنك
الدكتوره ببرود: تؤ تؤ تؤ تؤ، ميصحش كده دانا بقول عليكى عاقله، بصى انتى صعبتى عليا اوى عشان كده هديكى حقنه مسكن جنبها عشان تشوفى النونو وهو بي*نزل بس لكن متحسيش بوجع شوفتى انا حنينه ازاى
موج وهى بتهز دماغها بهستيريا: لا لا، ابعدى عن ابنى لا، يا ادهمم لااااا، ابنى لا ابوس ايدك خدى كل اللى عايزاه
الدكتوره: يووووه انتى شكلك هتتعبينى.
نادت على اتنين معاها ودخلوا كتف*وها وهى ادتها الحقنه، وفضلت تصوت لحد م صوتها اختفى وقصاد اختفاء صوتها اختفى ابنها كمان.
……..
فى مكان مجهول
صحى من نومه مفزوع فضل يستغفر ربنا ويدعيله، صوت الفون رن اتعدل ورد
: ان الاوان ترجع بلدك، مراتك ف خطر.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حي بداخلي)
