رواية غرام تركي الفصل السابع عشر 17 بقلم لؤلؤة محمد
رواية غرام تركي الجزء السابع عشر
رواية غرام تركي البارت السابع عشر
رواية غرام تركي الحلقة السابعة عشر
رسلان كان واقف في البلكونه اللي في الصاله مش جايله نوم من تفكيره في علي وغرام وكانت غرام سهرانه وطلعت عشان تعمل حاجه تشربها لاقيت رسلان واقف في البلكونه
غرام / انت لسه صاحي
رسلان بصلها جامد وهو بيضيق عيونه / كنتوا فين يا غرام انتي وعلي
غرام / كنا في دار الأيتام
رسلان / مع بعض
غرام / أيوه
رسلان / بس أنا شوفتك وانتي جايه لواحدك وعلي كان مستنيكي على باب الشارع
غرام / شوفتني وأنا ماشيه لواحدي ومشوفتنيش وأنا واقفه مع صاحبتي
رسلان باستغراب / صاحبتك
غرام / أيوه كنت جايه أنا وعلي ووقفت شويه مع جنات وعلي سبقني شويه واستناني على باب الشارع
رسلان/ اه تمام
غرام / ممكن أفهم ليه التحقيق ده
رسلان / لا تحقيق ولا حاجه أنا بس استغربت فقولت أسألك
غرام / وانت مشوفتش كنت بتسألني ازاي ده كأنك بتتهمني بحاجه أنا معرفهاش
رسلان بصلها جامد / غرام انتي عمرك ما حبيتي
غرام بصتله بصدمه ومش عارفه تتكلم
رسلان / ايه السؤال صعب أوي كده يا اه يا لأ
غرام / لأ
رسلان / ولا بتفكري
غرام / أفكر في ايه
رسلان / تحبي وتتحبي وتعيشي قصة حب زي الروايات والأفلام
غرام ببرود / الحب الحقيقي هو اللي يجي يخبط على بابي ويطلبني من أهلي لكن لعب العيال وجو دحرجيني يا لامونه ده مش تبعي
رسلان بإعجاب وضحك / دحرجيني يا لامونه
غرام / اه
رسلان / طب واللي يخبط على بابك ويطلبك
غرام / هرفضه
رسلان بصدمه / طب وترفضيه ليه
غرام بمرح / يرضيك أتجوز واحد يذلني بفشلي
رسلان بضحك / بمناسبة الفشل ازاي عندك 25سنه ولسه داخله تانيه كليه
غرام / أصل أنا الأول دخلت أصول دين سقطت وبعدين حولت شريعه سقطت سنه وأديني في تانيه أهو
رسلان / ده انتي قديمه في الشغلانه بقى
غرام / أينعم
رسلان / طب ولو مش هيذلك بفشلك وهيدعمك حتى لو فاشله تقوليله ايه
غرام / أقوله يا مراحب يا برنس
رسلان برفعة حاجب / برنس
غرام / انت هتصاحبني والا ايه تصبح على خيرات الله ودخلت بسرعه قبل ما تسمع رده
ورسلان كمان دخل نام
جه يوم جديد على الكل ورسلان صحي من النوم وراح المقر وهو عنده إصرار لازم يعرف مين هو الوحش وصل ودخل مكتبه شويه ودخل يوسف / ده الملف بتاع الوحش فيه كل معلوماته اسمه وعنوانه
رسلان فتح الملف والصدمه ظهرت على ملامحه بص ليوسف بصدمه ورجع بص للملف بصدمه بتزيد / دي ………….؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرام تركي)
