رواية غرام تركي الفصل الخامس عشر 15 بقلم لؤلؤة محمد
رواية غرام تركي الجزء الخامس عشر
رواية غرام تركي البارت الخامس عشر
رواية غرام تركي الحلقة الخامسة عشر
رسلان كان واقف على السطح وهو مضايق ومتعصب من علي وازاي هو حاسس انه لأول مره في حياته ينخدع في حد كده وازاي ما زال حاسس إن علي محترم وبيخاف من ربنا ومستحيل يتاجر أو حتى يد’من بس للأسف هو شافه بعيونه واقف مع الدي’لر
علي / أنا قولت لغرام تعملنا كوبايتين شاي ولاقيت بابا وماما وعمي ومرات عمي راحوا يقعدوا على البحر شويه وقالوا لغرام تستنانا عشان لو حد فينا احتاج حاجه ماتيجي نروحلهم نقعد شويه على البحر زمان الجو دلوقتي تحفه وشكل البحر يجنن
رسلان كل ده باصصله وهو شايف علي متوتر وبيحاول يداري توتره بكلامه الكتير وازاي عمال يجيب كلمه من الشرق وكلمه من الغرب بصله جامد وقرب منه ورفع ايده وكان هيضربه بالبوكس بس فجأه غرام وقفت في وشه ومسكت ايده بقوه هو استغربها ازاي هي بالقوه دي وبصتله بعيونها نظرة قوة وجبروت هو أول مره يشوف النظره دي فيها
غرام بقوه وصوت باين فيه القوه والتحدي / انت عاوز تضرب أخويا ده لا عاش ولا كان
رسلان بسخريه / أخوكي المد’من والا تاجر المخدرا’ت
غرام بصتله باستغراب / انت بتقول ايه
رسلان رفع حاجبه اليمين وبصلها جامد / أخوكي اللي سيادتك بتدافعي عنه ده شوفته بعيني وهو واقف مع دي’لر في شارع معروف إنه بيتوزع فيه المخد’رات يحمد ربنا إن الحكو’مه مكبست’ش على الشارع وهو هناك كان زمانه لابس محضر عظمه وانتي بتوديله عيش وحلاوه
غرام بصت لعلي بصدمه / ايه اللي بيقوله ده يا علي
علي / هو معاه حق أنا كنت هناك فعلاً بس أنا بحقق في قضيه تهمني
رسلان باستهزاء / والقضيه قالتلك روح خد مخد’رات من الديل’ر يا أستاذ علي
غرام / احكي كل حاجه بالتفصيل
علي / انتوا عارفين رجل الأعمال المشهور مجدي أبو العز
غرام ورسلان بصوله جامد
رسلان / ومين ميعرفوش مجدي أبو العزم صاحب شركة أبو العز أكبر شركه استيراد وتصدير في الشرق الأوسط كله وكمان صاحب الأعمال الخيريه جوز بنات كتير مش قادره إنها تجهز نفسها وشغل شباب عاطلين وكمان متولي رعاية أُسَر كتيره ملهاش دخل وكمان عامل دار للأيتام ماله
علي بسخريه / ده اللي معروف عنه لكن اللي محدش يعرفه إنه تاجر مخد’رات
الإتنين بصوله بصدمه
علي / أيوه أكبر تاجر مخد’رات وس’لاح وكمان الدراع اليمين لزعيم ماف’يا (Cosa Nostra) أكبر ماف’يا في العالم كله
رسلان بصدمه / انت مستوعب اللي بتقوله
علي / أيوه _ طب انت تعرف إنه عنده أخ
رسلان بزهول / لأ طبعاً المعروف إنه ملوش إخوات غير أخ واحد ومات
علي / بس هو مماتش مجدي حطه في مستشفى أمراض عقليه ومنع أي معلومات تخرج عنه ده غير إنه بيداوم على إعطاؤه جرعه مخد’رات يومياً
غرام / طب وهو ليه يعمل كده في أخوه
علي / عشان والده قبل ما يم’وت كتب كل حاجه لماجد أبو العز أخو مجدي ومجدي حذره أكتر من مره وقاله يتنازل عن كل حاجه والا هيق’تله لكن ماجد كان أذكى راح اتجوز في السر وخلف ولد وبنت وكتب كل حاجه بإسم ابنه وبنته ولما مجدي عرف كان هيتج’نن لأن كل حاجه ضاعت منه كده حب’س أخوه في مخزن تبعه وفضل يع’ذب فيه عشان يقوله على مكانهم وهو متكلمش وطبعاً مجدي مكنش ساكت كان بيدور في كل مكان لكن ماجد كان مخبيهم كويس مقدرش مجدي إنه يوصلهم فأعلن إن أخوه مات وحطه في مستشفى الأمراض العقليه عشان لما مراته تعرف بخبر موته ترجع لكن بقالهم 23 سنه مرجعتش وهو مازال بيدور عليهم في كل مكان
غرام / طب وانت عرفت كل ده ازاي
علي / الدكتور الجديد في المستشفى يبقى صديقي ولما قعد مع ماجد حكاله كل حاجه وماجد قرر يساعده وكلمني وانا بحاول أساعده
رسلان / طب وعلامات الخن’ق اللي كانت على رقابتك
علي / ده كان تحذير من مجدي أبو العز إني أبعد عنهم
غرام بصتله جامد / وانت معرفتنيش ليه
رسلان بصلها باستغراب وغرام لاحظت بصته ليها
غرام دموعها نزلت وضربت علي على كتفه / ملكش دعوه بالقضيه دي يا علي أنا مش مستغنيه عنك ومش هستنى لما يجرالك حاجه
رسلان / ازاي يا غرام ( من رأى منكم منكراً فليغيره بيده ) أنا معاك يا علي
غرام بصت لرسلان بإعجاب شديد بيه وبموقفه
علي / مش كل اللي بنشوفه بيكون صح يا صاحبي
رسلان / فعلاً معاك حق حقك عليا
وحضنوا بعض
الجماعه جم من بره وكل واحده دخل ينام وكل واحد في دنيته وأفكاره
( عاوزه أقولكم أولاً مش كل حاجه بنشوفها بعيونا بتكون صح ممكن نشوف حاجه ونفهمها غلط ونسمع حاجه ونفهم غلط والمقصود بتكون حاجه تانيه خالص بلاش تسرع يا جماعه في الحكم على حد في العَجَلَه الندامه وفي التأني السلامه
أما ثانياً قال رسول الله صلّ الله عليه وسلم { من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان} لما تشوفوا حاجه غلط بتحصل حاولوا تغيروها حتى لو باللسان والمقصود هنا النصيحه )
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرام تركي)
