رواية زوجة للايجار الفصل التاسع عشر 19 بقلم اسماعيل موسى
رواية زوجة للايجار الجزء التاسع عشر
رواية زوجة للايجار البارت التاسع عشر
رواية زوجة للايجار الحلقة التاسعة عشر
بصت مروه لقيت راجل واقف قدامها بشنب غريب عمال يبص عليها وهو مبتسم بعد ما قفل غرفة الفحص، كان لابس جلباب صعيدى وعمه
مروه خافت، ياربى دا هيعمل ايه هنا هيغت*صبنى ولا ايه؟
الراجل ده راح يقلع الجلابية
صرخت مروه انت هتعمل ايه؟
قال الراجل بصوت ناعم متخفيش
مروه سمعت الصوت واترعبت اكتر، الصوت الناعم خلاها ترتبك وتتوتر
قلع الراجل الجلابية ورمى العمه على الأرض وشال الشنب وهو بيقول
اللبس ده كان هيخنقنى
مرره بتبص لقيت بنت جميله واقفه قدامها بعد ما قلعت هدوم الرجاله
البنت ضحكت، متستغربيش يا مروه كان لازم نعمل كده عشان ننقذك
مروه؟ انتم؟ هو فيه اشخاص تانى غيرك؟
البنت ___احنا تلاته يا مروه تلاته
اكيد فهمتى احنا مين؟
مروه مفهمتش حاجه خالص!؟
البنت يلا بينا فى الطريق هحكيلك كل حاجه دلوقتى لازم نهرب من المستشفى فيه حراس بيراقبو المستشفى من كل مكان
طلعو من باب خلفى خاص بالموظفين
مروه هو صحيح انا عندى مرض معدى؟
البنت لا انتى زى الفل، دى كانت مجرد خطه
مروه، انتو مين بقا؟
ركبو عربيه كان بتسوقها بنت تانيه كانت واقفه داخل شارع جانبى
العربيه اتحركت
البنت بصى بقا يا ستى تقدرى تقولى احنا وانتى حاجه واحده
احنا ضحايا الباشا، زوجات محمد قبلك
كلنا اتبهدلنا واتزلينا واتوسخنا على ايد محمد والباشا
لكننا اقسمنا اننا هننتقم منه ومش هنسمح إلى اتعمل فينا يتكرر تانى
وصلت العربيه بيت فيه اربع شقق، مروه طلعت معاهم الشقه
داخل الشقه كانت فيه بنت تانيه منتظراهم
البنت خدت زمايلها بالحضن، الخطه نجحت الحمد لله
نعرفك بقا بالزعيمه إسراء هى إلى خططت لكل حاجه
إسراء سلمت على مروه ورحبت بيها
مروه بصت على الشقه كانت تشبه سكنه عسكريه، فيه اسلحه وزخيره وسكاكين فى كل مكان
خريطه كبيره على حيطه مرسوم فيها ومكتوب خطة إنقاذ مروه
مروه هو انتو داخلين حرب ولا ايه؟
ضحكو البنات، لازم نحافظ على نفسنا ونستعد لأى طاريء
إلى شفناه مش قليل يا مروه
لاحظت مروه ان إسراء لابسه لبس رياضى وكان جسدها ممشوق
مروه من زمان وهى بتتمنى تكون زى كده
لكنها شعرت ان إسراء عنيفه
إسراء طلعت مصحف وحطت ايدها عليه، البنتين التانين عملو زيها وبصت على مروه وطلبت منها تيجى ناحيتها
انتى هتقسمى على القرأن زيننا
قسمك انك متتخليش عننا وانك واحده من الفريق فى السراء والضراء.
مروه أقسمت معاهم ورحبو بيها كواحده من المجموعه
إسراء بفرح قالت الأكل جاهز ودخلت جابت صنيه فراخ بالبطاطس
ورز وسلطات
ضحكت مروه، إلى يشوف شكلك يا إسراء ميقلش انك تعرفى تطبخى؟
إسراء بضحك لسه لما تدوقى اكلى مش هتقدرى تقاومى انا طباخة الفرقه الأولى
وهما بياكلو قعدو يتناقشو فى إنقاذ فرح وزياد، لأنه كانت ترلطهم بيهم علاقه قويه
مروه قالت بخجل وعمر كمان خطيبى السابق
إسراء قالت طبعا، لكن الاولويه هتكون لفرح، الرجاله تقدر تستحمل
من المعلومات إلى وصلتنا فرح محتجزه جوه الفيلا، ومقرر النهرده هتتسلم للرجاله عشان يعملو عليها حفله زى ما بيقولو
لكن الحفله هتكون عليهم أن شاء الله
انتهى الاكل ونضفو الطاوله وشربو الشاى، إسراء قالت كل واحده فيكم عارفه هتعمل ايه كويس
البنات قالو ايوه
مروه قالت انا مش عارفه؟
إسراء قالت انتى هتنتظرى فى الشقه هنا، لأنك ليه مش مستعده للى هنعمله
بس لازم تكونى على تواصل بينا من خلال سماعات الإير بوز
خليكى جاهزه، اى تغير فى الخطه لازم تكونى مركزه
يلا يا مروه ساعدينى!! قالت سماح ودى البنت إلى كانت مع مروه فى المستشفى
البنت التالته اسمها عبير
مروه قالت اساعدك ازاى؟
سماح هتساعدينى البس الجلباب دا تانى مره تانيه واحط العمه والشنب
قبل ما تلبس الجلابية الرجالى سماح حطت مسدس محشو بالزخيره
وسكاكين تحت هدومها
ولبست الجلابية وظبت العمه والشنب وقالت انا هسبقكم بقا لازم اكون هناك دلوقتى
كل ده ومروه مندهشه من إلى بيحصل، كل واحده كانت عارفه هتعمل ايه كويس
القصه بقلم اسماعيل موسى
خرجت سماح وقفلت باب الشقه وراها ولاحظت مروه ان اسراء
ماسكه بندقيه بمنظار وحاطه عليها كاتم صوت
فكت البندقيه ورصتها فى حقيبة جلديه ورصت جنبها سكاكين وزخيره
علقت إسراء الحقيبه فوق ضهرها وقالت انا كمان لازم أمشى
عايزه الاقى مكان كويس يكون كاشف البيت استخبى فيه واقدر اشوف الرجاله
يلا سلام يا حلويين
مروه؟
انا هرجع جعانه، ياريت تطبخى استيك ولو، ممكن مكرونه نجرسكو
خرجت إسراء وانغلق باب الشقه ومروه بتفكر ازاى هنا بيفكرو فى الأكل وهنا داخلين على معركه زى كده
حاجه غريبه بجد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زوجة للايجار)
