رواية حبيت رجل مجهول الفصل السابع 7 بقلم عبدالرحمن حسني
رواية حبيت رجل مجهول الجزء السابع
رواية حبيت رجل مجهول البارت السابع
رواية حبيت رجل مجهول الحلقة السابعة
منار مصدومه وبتعيط / حساااااام حسااام مالك فوق يا حسام فوق هو حصل ايييييه
شهد بتوتر / معرفش احنا كنا بنتكلم ومره واحده مسك قلبه وبيتوجع جامد
منار بعصبيه / طيب مش تندهي عليا او علي اي حد
شهد / مكنتش عارفه اتصرف انا اسفه
منار طلعت تجري / دكتووور سامح الحقني
د سامح / في ايه يا منار
منار / حسااام يا دكتور
د سامح / لا لا لازم العملية تتعمل ف اسرع وقت يلا بسرعه جهزو اوضتة العمليات يلااااااا
٠٠٠٠٠٠٠٠٠٠٠
شهد / مناار مش هيموت صح ؟
منار / ابعدي عني ابعدي خالص
شهد / ارجوكي طمنيني طيب
منار بتعيط / انا معرفش انا خايفه عليه اكتر منك سبيني ف حالي
٠٠٠٠٠٠٠٠٠
قعدت علي الارض مش قادره اخد نفسي سؤال شهد ف دماغي مش عايز يسبني هو هيموت يا منار ؟
مش قادره اجاوب هيمووت ولا لا طيب لو مات انا اعمل ايه ولو عاش هعمل ايه برضو ما هو مخطوب لشهد
اعمل ايه واروح فين انا تعبت من حياتي بس مش عايزه يمووت لا انا بحبه حتي لو هيبقا لغيري مش مهم المهم اشوفو
كويس قدامي ومبسوط يارب لا يارب ارجوك خليه يعيش مش هقدر يارب ادخل عليه الاوضه وألقي الممرضه بتغطي وشه
عشان مات مش هقدر اشوفهم وهما بيغسلوه مش هقدر اشوفو وهو بينزل القبر مش هقدر اروح اقرأء له الفاتحه مش هقدر
لا لا مستحيل لا مش هيحصل لا مش هيموووت لا
د اية / منار منار مالك ؟
منار / لا لا مش هيموت
د اية / هو مين ده اهدي ومالك قعده كدا ليه
منار / حساام مش هيموت صح مش هيموت
د اية / يحببتي قومي بس حسام مييين ؟
منار / حسااام حساام حبيبي
د اية / يلهووووي يبنتي حرام عليكي الموضوع ده فات عليه سنين حسام مات من زمان
منار بعصبيه / مااات يعني ايه من دا الي مااات حسااام جوه ف اوضته العمليات اهووو حسااام حساااااام
د اية / ادوها حقنه مهدء بسرعه ودخلوها اوضتها
منار بتصوت / سبوووووني حسااااااام انت فيييين
٠٠٠٠٠٠٠٠
مساء الخير يا دكتوره
د اية / مساء النور
هيا ملها
د اية / ايوه مين حضرتك الاول
احب اعرفك بنفسي انا خالد طالب في كليه طب جيت هنا اتعلم واخد فكره عن الطب النفسي عشان حابب اتخصص فيه
د اية / اهلا وسهلا بحضرتك
خالد / مالها دي يا دكتوره
د اية / دي يا خالد منار عندها ٢٧ سنه كانت دكتوره بس حصلها حاجات كتير اوي وحشه
خالد / زي ايه انا سمعتها بتتكلم عن حد اسمه حسام
د اية / ايوه حسام ده كان شاب جميل وكان بيحبها اوي وهيا كمان كانت بتحبو هو كان مريض قلب وهيا الدكتوره كانت بتاعته
وف يوم حسام تعب اوي وكان لازم يعمل العمليه ف اسرع وقت ودخل اوضته العمليات بس للاسف العمليه فشلت ومنار
حصلها حاجه كدا زي ما تقول دماغها وقفت عند نقطه معينه ف الاحداث دي يعني كانت قاعده قدام اوضته العمليات
مستنيا خبر ان حسام ممتش وعايش وعشان للاسف هو مات وهيا عرفت عقلها مصدقش عشان كدا هيا لحد دلوقت مش
عايزه تقتنع انو مات وده سبب طبعا مشاكل تانيا كتير ف صحتها
خالد / هيا اديلها كام سنه علي الحال ده
د اية / سنتين
خالد / ياااه طيب فين اهلها
د اية / اهلها محدش بيسأل فيها ابوها راجل مش كويس بيشرب وف اغلب الوقت مش ف واعيو وامها مايته
خالد / بعد اذنك يا دكتوره ممكن تكون منار هيا المريضه الي ابني عليها نجاحي انا عايز اعلجها
د اية / بس ده صعب يا خالد
خالد / ارجوكي يا دكتوره انا متاكد اني هعرف
د اية / تمام مفيش مانع انك تجرب ممكن تنجح لو لقيت في تحسن هخليك تكمل معاها
خالد / بشكرك اوي
٠٠٠٠٠٠٠٠٠
روحت البيت وانا فرحان جدا اخيرا هبدا اشتغل بس هشتغل علي مريضه صعبه اوي ان شاء الله هعرف اخليها ترجع تعيش حياه جميله من تاني
خالد / ماما
ماما / نعم ي حبيبي
خالد / افرحيلي استلمت شغل في المستشفي وهتابع مريضه
ماما بفرحه / بجد
خالد / ااه والله
ماما / طيب ي حبيبي خلي بالك عشان الي هناك دول مجاان
خالد / ماما اسمهم امراض نفسين
ماما / طيب طيب متزعلش تعال كل يلا
خالد / لا لا مش عايز انا داخل اشوف هعمل ايه اول مقابله معاها بكرا
ماما / يبني تعال كل اي حاجه
خالد / لا لا مش دلوقت
٠٠٠٠٠٠٠٠٠
اه تعالي بقا ي استاذه منار نشوف حكايتك من الاول ده التقرير بتاعها منار ابراهيم عندها ٢٧ سنه اتولدت ف ظروف صعبه
امها ماتت بعد ما اتولدت بي سنتين ابوها بيعملها وحش اوي اتجوز بعد ما مامتها ما ماتت كانت وحشه اوي معاها عمر ما
منار شفتها امها دايما بتقولها كلام يكسر قلبها ويعذبها كانت دايما ترفض العرسان الي بتجلها طيب ليه ؟ يمكن عشان كانت
بتحب حسام ! بس رغم كل القرف الي هيا عايشه في ده كانت ملتزمه اوي بالدراسه ودخلت طب وكانت شاطره جدا وف وقت
من الاوقات قرارات انها تسيب البيت بسبب مرات ابوها وابوها كمان وراحت عاشت مع صحبتها فاطمه وف الوقت ده هيا
اتعرفت علي حسام الي كان بيحبها من زمان ودايما بيراقب كل تحركتها من غير ما تعرف
الله طيب كدا في اكتر من سؤال
هيا ليه كانت بترفض العرسان ؟
وفين صحبتها دي دلوقت ؟
وحسام كان عارفها وبيرقبها من غير ما يكلمها ؟
طيب ليه هو كمان متقدمش للجواز ؟
او اتقدم وترفض او كان خايف يتقدم اصلا ؟
مش عارف هو كدا تمام عرفت معلومات كتير عنها واكيد مع الوقت هعرف زياده المقابله الاوله بكرا بيني وبنها ولازم اول حاجه الثقه
لازم تثق فيا جدا عشان توافق تحكيلي وهترتاح معايا
دلوقت ننام وبكرا ربنا يسهل
٠٠٠٠٠٠٠٠٠
ماما / قوم ي خالد هتتاخر
خالد / ي ماما سبيني انام شويه
ماما / ييني معاد المستشفي هيفوتك
خالد / هيا الساعه كام ينهر اسود الساعه تمانيه ونص
ماما / براحه بس وتعال افطر قبل ما تمشي
خالد / افطر ايه دا انا معادي الساعه ٩ مع منار سلام يا ماما
ماما / يبني خد بس ، طيب ربنا معاك ي حبيبي
٠٠٠٠٠٠٠٠
د اية / ايه يا خالد من اول يوم كدا تأخير
خالد / اسف والله يا دكتوره مش هيحصل تاني
د اية / طيب يلا منار جوه عايزه اشوف نتيجه كويسه
خالد / ان شاء الله
٠٠٠٠٠٠
( فتحت الباب )
منار كانت مدياني ضهرها وقعده ف البلكونه
خالد / احم ازيك يا دكتوره منار
منار وقفت ولفت وبتبص علي خالد بأستغراب
خالد / ازيك احب اعرفك بنفسي انا
منار / حساااااام !
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية حبيت رجل مجهول)
