رواية ياسمينا الفصل الرابع 4 بقلم هدير بدر
رواية ياسمينا الجزء الرابع
رواية ياسمينا البارت الرابع
رواية ياسمينا الحلقة الرابعة
قبل بدايه البارت ان شاء الله في فصل من جبروت انثي الفهد وفصل من هاويه الغرام انهارده ان شاء الله
وياريت تقولوا رايكم ف الاسكريبت
نهال فضلت تبصله وهي مصدومه وبتبص للسكينه اللي في ايدها
قربت منه : براء فوق ماكنشي قصدي اعمل كدا
براء بصلها بتعب : ال الحقيني ب بموت
نهال اتصلت علي الإسعاف بس للاسف لحد ماوصلت كان براء مات
نهال فضلت واقفه مصدومه والشرطه جات خدتها
……….
طبعا ياسمين طلعت من الشركه لاقيت الياس واقفلها
جريت عليه بفرحه : حلمي اتحقق خلاص
الياس كان فرحان جدا لفرحتها وكان عايز يقولها علي مشاعره ناحيتها بس ماقدرشي يكتم اكتر من كدا بص في عيونها وكان قلبه بيدق بعنف ضغط علي ايده حاول يتحكم في مشاعره الفياضه وبعدين اتنهد: ياسمين تتجوزيني
ياسمين بصتله بصدمه: ايه
الياس بصلها بحب : صدقيني انا بحبك من اول يوم شوفتك فيه ماعرفشي حصلى ايه بجد كنت دايما اسمع عن الحب بنظره وكنت بضحك واتريق دلوقتي اتاكدت ان الحب ممكن يجي خطفه كدا انا حبيتك بجد امتي وازاى مش عارف بس اللي متأكد منه اني عشقتك مش حبيتك حاسس انك بنتي بحس بفرحه لما الاقيكي بتضحكي قلبي بيرقص بحس المكان اللي بتبقي معايا فيه مافيهوش أكسجين انا ادمنتك حبيت عفويتك حبيتك بكل تفاصيلك انا مش عايزك تردي دلوقتي خدي وقتك
طبعا هي الصدمه الجمتها وكان قلبها بيقرع طبول أقسمت لو حد قرب منها كان سمع دقات قلبها وصلت البيت وهي سرحانه مش قادره تتكلم
دخلت البيت وبدأت تحكي لأهلها بفرحه
باباها: شوفتي ان ربك بيعوض ازاى ربنا يسعدك ياحبيبتي وامها جات حضنتها
ياسمين بهدوء : هدخل اصلي وارتاح شويه
باباها ومامتها : ماشي ياحبيبتي
دخلت ورنيت على رنيم اللي اتصاحبت عليها مؤخرا
ياسمين بتوتر: هو انا ممكن اسالك سؤال
رنيم بابتسامه: قولى ياستي
ياسمين : انا عايزه اعرف الحب عباره عن ايه انا مش عارفه انا ف حاله حب والا مجرد تعلق والا إعجاب
رنيم طبعا عارفه ان ياسمين بتحب الياس بس حبت تساعدها علشان تشيل توترها
رنيم ابتسمت وبدأت تتكلم
ابسط حاجه لما تعملى حاجات عمرك ماعملتيها ولا كنتي بتحبي تعمليها بس بتعمليها علشان حبيبك بيعملها انك تتكلمي زيه وكل حاجه تبقوا شبه بعض فيها لما تكرهي حاجه كنتي بتموتي فيها بس لمجرد انك عرفتي انه مش بيحبها بتسبيها لما تلاقي ان كل العيوب اللي ممكن حد يشوفها فيك حد تاني قادر يشوفها مميزات زي الزن يطلع اهتمام والرغي يتشاف حب وحتي السكوت ونس لما تبتسمي تلقائي وقلبك يرقص لما تشوفي ضحكه منه لما تضحكي تلقائي لما تشوفي رساله منه او تيجي علي باله فاجاه لما تحلمي بيه حتي وانتي قاعده لما يكون دعوة ثابته في صلاتك لما تحبي تسمعي اسمك منه لما يتوجع تحسي بوجعه وتتمني تشيلي وجعه وتحطيه فيكي لمجرد انك مش قادره تشوفيه بيتوجع لما تكوني مضايقه وهو يجي يضحك او مبسوط فا تفرحي تلقائي لما يبعد عنك وماتشوفيهوش تحسي انك تايهه وحياتك باهته ومش عارفه تعملى حاجه يعني لما تجري عليه اول حد في مشاكلك وفي فرحك يعني تلاقيه سندك وقوتك يعني لما تشوفيه مع حد بتبقي هاين عليكي تقطعي الحد دا لما قلبك يدق ويرقص من الفرحه لما تروحي تقابليه لما تبقي متخانقه معاه ومش بتتكلموا بس في نفس الوقت هاتموتي وتسمعي صوته
كل دا بيتلخص في الاهتمام مصطلح وراه كل معاني الحب
الحب ان حبيبك يمسك بايدك للجنه ويساعدك في دي
الحب انه يتباهي بيكي قدام الخلق مش يداريكي مش يحبطك ويكون مصدر التوتر مش يعطلك علشان ماتبقاش احسن منه مش يقلل من انجازاتك يفرح بأقل حاجه ليكي يشوف نجاحك يشاور للكل عليكي اللي مايلغيش شخصيتك او يشك فيكي اللي يخليكي دايما واثقه من نفسك
وأهم من دا كله يقدر غيرتك عليه مايستهونشي بيها
وأروع امثله لتقدير غيره الست رسول الله
كان مره عازم صحابه في بيت السيده عائشه فا السيده ام سلمه بعتت للرسول اكل
فالسيده عائشه دخلت عليهم علشان.تديهم الاكل لاقيتهم بياكلوا غارت وجابت حجاره ورمتها في الطبق فا اتكسر
تخيلوا لو دا حصل اقل حاجه كان الراجل قام ضربها او زعقلها
لكن الرسول قام جمع الطبق وقال لصحابه كلوا غارت امكم وهو بيضحك وخدت صحفه عائشه فبعتها للسيده ام سلمه واعطي صفحه ام سلمه لعائشه
نكمل بقا
اللي لما تخافي تجري عليه ياخدك في حضنه يطمنك مايستهيفشي باللي بتقوليه اللي بيحاول يعملك اي حاجه تفرحك حتي لو الحاجه دي تافهه
اللي لما يكون قاعد ادامك تنسي العالم كله وتفضلي سرحانه في عيونه
اللي لما تقعي في مشكله مش تتوتري وعارفه أن حد.هايسد اللي تغيري عليه من اي حاجه حتي من اهله بس في نفس الوقت تحبي الناس تحبه شعور ملغبط
اللي لما تتعبي تنسي تعبك بنظره منه
مهما اتكلمت مش هاقدر اوصف الحب الي لما تصلوا يمسك ايدك ويسبح عليها
اللي يتفرج علي الكارتون معاكي ومش يقولك ياتافهه
اللي يخليكي بنته قبل حبيبته ومراته
اللي لو اي حد قاله عليكي كلمه مايصدقهاش ويسمع منك
الحب حاجه جميله جدا
طبعا ياسمين كانت بتسمع وقلبها بيدق بعنف
ياسمين بفرحه: انا حبيته انا بجد حبيته
انا انا لما بشوفه بنسي تعبي لما بسمع صوته قلبي بيدق مش عارفه ليه لما اعمل حاجه وهو بيفرح بحس اني عايزه اهد الدنيا علشان يشجعني اكتر ويفرح ويفتخر بيا
رنيم بفرحه لصاحبتها : ربنا يتمملكم علي خير ياروحي انا فرحنالك اوي واخيرا ربنا عوضك
ياسمين ابتسمت بود وقامت تصلي ركعتين شكر
وبعدين بلغت الياس بموافقتها وهو ماكنشي مصدق وبعدين جاب اهله واتقدملها وأهلها رحبوا جدا بيه
جيه يوم الخطوبه وهو بيلبسها الدبله بص في عنيها وقال
جوا منك الف حاجة مدارية
جوا منك حلمي في قلبك
و100 حكاية تحكيهم عينيا
يروح مني عمري ويزيد عمرك
يا وردة وسط الشوك وزرعوها
وعلي جدران شراييني رسموها
زي غنوة كتبها عاشق
وكان وراه الف واحد غنوها
جواكي جبل حنية ميهزهوش الريح
عينيكي نسيم سارح ولا التفاريح
انا شفت في كلامك الف ضحكة
وشفت ضحكة زي مهد طفلة
وجبت حلمي رسمته علي حلمك
لو مال كتفي يسنده كتفك
تكوني معايا سندي وعكازي
لو مالت عليا الدنيا تكوني أساسي
يا نجمة في السما وتاج علي راسي
تمت..
لقراءة الرواية كاملة اضغط على : (رواية ياسمينا)
