رواية رحلتي من نسيانك لحياة جديدة الفصل الثالث 3 بقلم نشوة عادل
رواية رحلتي من نسيانك لحياة جديدة الجزء الثالث
رواية رحلتي من نسيانك لحياة جديدة البارت الثالث
رواية رحلتي من نسيانك لحياة جديدة الحلقة الثالثة
-هقابله فى المقابر المكان اللى هو متعود دايما يكون فيه وهخليه هو اللى يكلمنى عشان مبقاش مكشوف ادامه
مروة: طب ازاى؟!
على: ازاى دى بتاعتى فسيبها لله وعليا واللى فيه الخير يقدمه ربنا
خرجت مروة وغدير من عند الطبيب فتساءلت مروة: تفتكرى هيقدر يعمل حاجة؟!
غدير: الله اعلى واعلم ادينا بنحاول
فى اليوم التالى كعادة عمرو ذهب الى المدفن الخاص برحمة وجلس يرتل بعض القرآن وفجأة سمع صوت بكاء شديد بكاء يبكى الحجر فاندهش وعلم ان الصوت يأتى من المدفن الخلفى وعندما ذهب وجد شاب يجلس ويبكى بحرقة اقترب منه واعطاه مناديل وعندما رأه الشاب هدأ قليلا واخذ المناديل ثم اعطاه عمرو زجاجة ماء فأخذها ايضا
عمرو: احسن دلوقتى؟!
الشاب: الحمدلله
نظر عمرو للمدفن ووجد انه لم يفتح جديد بل كانت اخر سنة للدفن عام ٢٠١٥ ومكتوب فقيدة الشباب رقية احمد
عمرو: انا اسف ع سؤالى بس انا اول مرة اشوفك هنا ؟!
نظر له الشاب: بالعكس انا باجى هنا ع طول وبشوفك دايما
عمرو: طيب ليه بتعيط بالشكل ده ؟!
الشاب: القبر ده بتاع مراتى اقصد اللى كانت هتبقى مراتى
عمرو باندهاش: مش فاهم
تنهد الشاب قليلا وقال: انا ورقية كنا بنحب بعض من الكلية وقررت ادخل البيت من بابه واتفقنا ع كل حاجة وتخيل انها يوم ما تموت تموت يوم فرحنا
عمرو وقد دمعت عيناه: هى كانت مريضة ؟!
الشاب: ياريت كنت عرفت ان المرض ان ربنا كتبه لها هو اللى اخدها منى بس الحقيقة ان العربية اللى اخدتنا من الكوافير للقاعة اتقلبت وعملت حادثة انا حصلى كسور وكدمات لكن هى جالها نزيف بالمخ وماتت
عمرو: ربنا يرحمها ويصبرك انت … انت متجوزتش بعدها ؟!
الشاب: اتجوزت ومعايا ولد وبنت
عمرو: طب انت كده مظلمتش مراتك انك تتجوزها وقلبك مع غيرها
الشاب: مين قال انى مبحبش مراتى انا بعشقها هى العوض والطبطة من ربنا لقلبى ورزقنى منها بأجمل هديتين ولادى طبعا بس خطيبتى بحب اجى ازورها ومراتى عارفة بكده
عمرو: ربنا يوفقك لكن مقولتليش انت اسمك ايه؟!
الشاب: اسمى على
عمرو: اتشرفت بمعرفتك وانا عمرو
على: انا اكتر يا استاذ عمرو انا اسف فى السؤال يعنى انت بتيجى هنا لمين ؟!
سكت عمرو واتنهد: الوقت اتأخر مرة تانية احكيلك
على: اعتبر ده وعد!
ابتسم عمرو: وعد
انصرف على واتجه عمرو لمدفن رحمة وهو يفكر بها اما على امسك هاتفه وتحدث مع مروة واخبرها ان عمرو تحدث معه ولكن قليلا وانه سيتحدث اليه فى اقرب وقت ثم اغلق واتجه الى عيادته ليتفاجئ بشاب منهار ويقول: من فضلك يا دكتور لازم اتكلم مع حضرتك ضرورى
على : طيب اهدى اتفضل معايا ع الاوضة وانت يا عم صالح هات ليمون للاستاذ
دخلوا الى غرفة الكشف وقال: اسم حضرتك ؟!
الشاب: اسمى هانى وجاى لحضرتك بخصوص اختى
على باهتمام: خير مالها ؟!
هانى: كانت مخطوبة لشخص وبتحبه جدا فأخدها ع مكان فيه بحر بحكم اننا بالصيف وللاسف مات غريق قصاد عيونها من وقتها وهى فاقدة النطق مبتكلمش ولا بتعيط حتى مبتقعدش مع حد ولو قعدت بتكون جسد بلا روح ارجوك يا دكتور ساعدنى انا مستعد ادفعلك لمليون جنيه بس اختى تتعافى
على: الموضوع ده بقاله اد ايه بالظبط؟!
هانى: بقاله حوالى سنة
على: طيب استأذن حضرتك اعمل مكالمة ضرورية
امسك على هاتفه واتصل ع مروة وطلب منها تجيله العيادة وبالفعل اتجهت الى هناك مسرعة ووجدت هانى وعلى يجلسان فجلست دون ان تفهم اى شئ
على: اعرفك يا انسة مروة ده استاذ هانى حالة اخته اشبه بحالة عمرو اخوكى لكن اقوى شويه لانها فى حالة صدمة نفسية وعقلها مش قادر يستوعب الحقيقة او بمعنى ادق يصدقها
وبدأ على يشرح لمروة حالة اخت هانى وتدعى هند وايضا شرح لهانى حالة عمرو وبعد ان انتهى : العلاج بتاع الاثنين عند بعض
مروة وهانى: ازاى؟!
على: لازم نخلى هند وعمرو يتقابلوا وواثق ومتأكد ان connect بينهم هو العلاج
مروة: ايوة بس ازاى هنقابلهم ببعض وازاى هيتكلموا وحتى لو عمرو اتكلم ازاى هند هتتكلم؟!
على: عشان الخطوة دى تتم لازم الاول عمرو يتكلم وحالة عمرو هتكون اسهل واكتر استجابة للعلاج لكن هند هتحتاج وقت واللى هيساعدنى فى علاجها عمرو نفسه
مروة: طيب حضرتك شايف الحل ايه دلوقتى؟!
على احنا هنعمل جروب واتس ما بينا احنا التلاتة هنتابع فيه مع بعض واللى فيه الخير يقدمه ربنا
وافق كل من مروة وهانى ع اقتراح على وبالفعل انضموا للجروب ع الواتس وفى اليوم التالى ذهب على الى المقابر ووجد عمرو بانتظاره فجلس الى جانبه وبدأ يستمع له وهو يسجل له اقواله بالهاتف ويراقب حركاته ولغة جسده ووووو………
استوووووووب يا ترى خطة على هتنجح ولا لا وياترى لسه فيه حب حقيفى فى زمنا ده بالشكل ده ؟!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية رحلتي من نسيانك لحياة جديدة)
