رواية بداية جديدة الجزء الثاني الفصل الثامن 8 بقلم إسراء ابراهيم
رواية بداية جديدة الجزء الثاني الجزء الثامن
رواية بداية جديدة الجزء الثاني البارت الثامن
رواية بداية جديدة الجزء الثاني الحلقة الثامنة
بعد شويه
في الاوتيل
في اوضة يوسف وليلي
يوسف: ليلي انتي كويسة
يوسف: متخافيش من حاجه طول ما انا جمبك
ليلي بزعيق: كفاااااية كفاااااية بقا انت فاكر نفسك ملاك
انت بسببك انا معرفتش ادافع عن نفسي ومتخافيش طول ما انا جمبك!! ده بجد يوسف انا بخاف منك انت عمرك ما تكون مصدر اماني انا بكرهك بكرهك وبكره البنت اللي جت من غلطه وس*خه انت عملتها مش في وعيك يا اخي ابو ضعفي اللي خلاني مقدرش ادافع عن نفسي
يوسف قرب منها وبيحاول يمسكها
ليلي وهي بتبعد وبتضربه بالقلم: انت اهب*ل انت عايز مني اي تاني
احمد كان قاعد هو وملك وبيحاول يهديها
احمد كان قاعد جمبها وحس برعشه جسمها: ملك انتي كويسة بتترعشي جامد
ملك بدموع: اه اه انا كويسة
احمد: لا مش كويسة انتي بتترعشي جامد
ملك بعياط: مش عايزة حد يلمسني اللمسات القذ*رة دي هو انتم ليه مش بتفكروا فينا غير كده بجد اللي ابويا كان بيعملوا في امي زمان وببقا سامعه صوت صويتها بتستنجد ب اي حد بس محدش كان بيلحقها واللي يوسف عملوا في ليلي ليلي ادمرت مبقتش ليلي بتاعت زمان فين ثقتها في نفسها وشها بقا علطول علي حزن وهم فين ليلي بتاعت زمان
احمد: ملك اهدي علشان خاطري بطلي عياط طب ما زي ما بتبصي علي الوحش بصي علي الحلو اهو ياسين وجميلة وجومانا ومروان هما كويسين اوي مع بعض
ملك وبتمسح دموعها وقامت وقفت: خلاص مفيش حاجه انت هتصاحبني ياض انت وطلعت تجري
احمد: يااه يا ملك شايله كل ده جواكي علشان كده بتتعاملي بدبش مع الكل بس حبيت دبشك قبل ما احبك
تاني يوم
احمد وعمر كانوا قاعدين بيفطروا
احمد: مالك ياض يا عمر بقالك كام يوم مش مظبوط
عمر: فكك يا عم المهم دلوقتي بس نخلص حوار يوسف انا هقوم اجهز شنطتي علشان نرجع القاهرة بقا
احمد: اشطا وانا كمان هخلص فطار واقوم
بعد مرور اسبوع
في بيت ليلي ويوسف
يوسف كان بيكلم احمد وعمر في التليفون
يوسف: انا بجد مش عارف افاتحها في الموضوع ازاي
احمد: ما الصراحه يسطا احسن وقت كان في السفر
يوسف: ما متغظنيش يا احمد كانت لسه طالعه من حوار تحر*ش بجد كنت عايزني اقف قدامها واقولها ليلي انا رجعتلي الذاكرة من فترة وبجد انا بحبك وهعوضك عن كل اللي فات بذمتك كانت هتسمي عليا
عمر: الصراحه هتتف عليك وتمشي
يوسف: اهو قالك وفجاءة سمع صوت رزعة باب اوضة ليلي
يوسف: طب بقولكم اي سلام
يوسف حاول يفتح باب اوضة ليلي لكن كان مقفول من جوه: يا ليلي افتحي في اي انتي رزعتي الباب كده ليه انتي كويسة؟؟
في اوضة جوا
ليلي كانت قاعدة ورا الباب ومنهارة من العياط
عند احمد
كان قاعد بيفكر في حجه علشان يكلم ملك وفجاءة قام وقف: ايوه هي دي ومسك موبايلة ورن علي ملك
احمد: الو ازيك يا ملك
ملك: الحمدلله
احمد: عاملة اي
ملك: الحمدلله
احمد: كويسة
ملك: ما تخلص يا احمد متعصبنيش كلهم بنفس المعني عايز اي
احمد: اه كنت عايز نتقابل علشان نتفق علي فكرة تانيه يعني نساعد بيها يوسف انه يعترف لليلي بحبه
ملك: خلاص اشطا هكلم سارة وانت كلم عمر ونتقابل
احمد: مش لازم يعني احنا نتقابل احنا ونفكر ونبقي نقولهم
ملك: خلاص ماشي يلا نتقابل في المطعم اللي علطزل بنتقابل فيه بعد نص ساعه
احمد: ماشي سلام
ملك: سلام
بعد نص ساعه
عند ليلي ويوسف
ليلي خرجت من اوضتها وكان في ايديها شنطه هدومها واخدت مفاتيحها وكانت رايحه ناحيه باب الشقة من غير ولا كلمة
يوسف: في اي يا ليلي رايحه فين واي الشنطة دي
ليلي كملت مشي ناحيه الباب ومردتش عليه
يوسف شدها من ايديها: في اي رزعتي الباب كده ليه اي اللي حصل انا ضايقتك في حاجه
ليلي واستجمعت قوتها وحاولت تشيل ايده من عليها بس كان ماسكها جامد: انت عايز اي مني تاني اخدت مني كل حاجه يا اخي اخدت حبي الاول واخدت فرحتي زي اي بنت بليلة العمر واخدت فرحتي ببنتي وخلتني اكرها وفوق كل ده بتكذب عليا لا بجد ابليس بيسقفلك تستاهل لقب ابشع بني ادم عرفته في حياتي بلا منافس
يوسف: يا ليلي اسمعيني والله هعوضك عن كل ده انا بحبك انا بقيت بحبك انا كنت غبي زمان
ليلي باستهزاء: بجد بقيت تحبني وعايز تعوضني لا شكرا علي اشفاق حضرتك مش مستهلة خالص انت ضيعت بنت وسمعتها وخلتني ام بنت صغيرة اقل حاجه ليها هتطلع معقدة علشان عندها اب زيك كتر خيرك بجد
يوسف وبيقرب منها: يعني انتي مش لسه بتحبيني
ليلي بزعيق: اللي كانت بتحبك دي ليلي بتاعت زمان….
قاطعها يوسف: انا عايزها رجعيهالي
ليلي بعصبية شديدة: ما هي ضاعت بسببك انا مش عارفة الاقيها ابعد عني وزقته ومشيت
عند عمر
كان قاعد بيشتغل
فاطمة: ازيك يا عمر مالك مختفي بقالك كام يوم يعني ومش بتكلمني ولا بترد علي اتصالاتي حتي هو انا عملت حاجه
عمر: لا خالص دي شوية مشاغل عادي
فاطمة: بس انت مكنتش بتفوت يوم الا لما تكلمني
عمر بعصبية: ف اي يا فاطمة انتي بصفتك اي بتحققي معايا لو بصفتك زميلتي في الشغل فملكيش دعوة وانا فعلا كنت بتعامل معاكي بطريقة مبالغ فيها لكن انتي في الاول والاخر زميلتي في الشغل واخت صحبي اتشرفت بيكي
فاطمة والدموع في عنيها: يعني اي يا عمر
عمر: يعني لو عايزة تسالي في حاجه في الشغل تنوريني غير كده ملكيش دعوة وبعد اذنك ورايا ميتنج
عند ملك واحمد
ملك: ما تفكر معايا يا احمد انت هتفضل مبحلقلي كده
احمد: يووه ما افكارك غبيه يا ملك
ملك: افكاري انا غبية
احمد: والعياذ بالله انا اللي غبي ومش فاهم عمقها يعني ازاي هنخدها صحراء وتتوه وهوبا ينط عليها هو من السماء بطيارة هلكوبتر وبحببببببك انتي مجنونة يا ملك
ملك: انا غلطانة اني قاعدة بتكلم مع حد معندوش خيال زيك
احمد: طب اتلهي بالله عليكي علي جنب انا هكلم عمر يجي يفكر معانا
ملك باستهزاء: ها يعني عمر اللي هيجيب التايهه انا هكلم سارة هي اللي هتجبلنا فكرة
وفعلا احمد كلم عمر وملك كلمت سارة
عند عمر
لم حاجته وكان خارج من المكتب لقي فاطمة قاعدة بتعيط وحس بالذنب
عمر: مالك يا فاطمة انتي بتعيطي
فاطمة ومسحت دموعها بسرعة: مفيش حاجه وكانت قايمه تمشي مسكها من ايديها
عمر: انتي كنتي بتعيطي صح
فاطمة: انت دلوقتي عايز اي
عمر: معلش حقك عليا انا كنت متعصب وطلع فيكي
فاطمة: خلاص يا عمر مفيش حاجه
عمر: لا انتي لسه زعلانة تعالي معايا عملك مفاجاءة
بعد نص ساعه
احمد بصدمة: اي ده ازيك يا عمر عاملة اي يا فاطمة
فاطمة بنفس الصدمة: الحمدلله
احمد: تعالي يا عمر عايزك في كلمتين
عمر: في اي يا احمد
احمد: في اي انت يا عمر انت برضو عملت اللي في دماغك وجبتها انا قولتلك اننا مستحيل نتصالح انت ليه بتدخل نفسك في الموضوع
عمر: تعالي نقعد علشان متاخدش بالها وبعدين نتكلم
وفعلا راحوا قعدوا
بعد شوية سارة جت
سارة: اي ده ازيك يا فاطمة وحشاني اوي
فاطمة: سارة وقامت حضنتها
ملك: اي ده انتم عارفين بعض
سارة: دي بجد اعز صديقة عندي من الجامعة اول ما دخلت كنت محتاسه وهي اللي ساعدتني كانت في سنه رابعه
ملك: طب يلا يا سارة اقعدي عايزين فكرة نصلح بنهم
فاطمة: هو اي الحوار
وفعلا حكولها
فاطمة: طب جماعة لو عايزين راي متدخلوش في الحوار بتاعهم هما لو فعلا بيحبوا بعض هيلاقوا طريق يتصالحوا منه
احمد: انا متفق الكلام ده
وفجاءة تلفون ملك رن وكانت ليلي
ليلي وصوتها منهار من العياط: ملك انا مش عارفة اروح فين انا سبت البيت
ملك: اهدي يا ليلي وفهميني انتي فين دلوقتي
ليلي: انا جايلك علي بيتك
ملك: طيب يلا سلام خلي بالك من نفسك
ملك: ليلي سابت البيت وجايه علي بيتي يلا يا سارة نروح نقعد معاها ونفهم اي اللي حصل وانتي يا فاطمة اي رايك تيجي
فاطمة: ماشي يلا بينا
احمد: يلا بينا احنا كمان يا عمر نروح ليوسف
بعد شوية
في بيت ملك
ليلي حكت لهم كل حاجه
سارة: ليلي عايزة اقولك حاجه
ليلي: في اي يا سارة
سارة: بصراحه احنا كنا عارفين ان الذاكرة رجعتله وكنا بنساعده علشان يصالحك
ليلي بانفعال: بتساعدوه علشان يصالحني!! انتم ليه بتتصرفوا مانكم مش عارفين اللي عملوا فيا؟؟ انتم كده المفروض صحابي؟؟ وكانت هتمشي
ملك: ليلي اسمعينا بس احنا مكنش قصدنا حاجه غلط احنا بس كنا عايزينك سعيدة
ليلي: عايزني سعيدة مع الشخص اللي دمرلي حياتي انا بجد مش عايزة اعرفكم تاني
فاطمة: اهدي يا ليلي مينفعش كده دول صحاب عمرك اكيد مش هتخسريهم علشان غلطوا غلطة هبلة زي دي
ليلي: انتي مين اصلا واي اللي دخلك في الكلام بينا
فاطمة: مش مهم انا مين انتي مينفعش تخسري صحابك علشان شوية هبل حتي لو مش عايزة ترجعيله فدول صحتبك حسابك الحقيقي معاه هو مش مع ملك وسارة
عند يوسف
احمد: يعني هي سمعتك وانت بتكلمنا
يوسف بحزن: اه وسابت البيت
عمر: بصراحة معاها حق
احمد: مش وقتك يا عمر
يوسف بزعيق: يجماعه انا مش عارف ارجعها ازاي انا مش هقدر اعيش من غيرها
عمر: يوسف انت لو فعلا عايز ترجعها فلازم تعمل حاجه خارجه من قلبك علشان تحس هي بيها
يوسف بتفكير: طيب انا عارف هعمل اي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بداية جديدة الجزء الثاني)
