رواية ملحد سرق قلبي الفصل التاسع عشر 19 بقلم لؤلؤة محمد
رواية ملحد سرق قلبي الجزء التاسع عشر
رواية ملحد سرق قلبي البارت التاسع عشر
رواية ملحد سرق قلبي الحلقة التاسعة عشر
عبدالهادي بصدمه وهو مش مصدق / انت …. انت أسلمت يابني
مايكل / الحمدلله الذي هدانا لهذا وماكنا نهتدي لولا أن هدانا الله يا عمي
عبدالهادي بدموع فرحه / مبارك عليكي يا مايكل يابني
مايكل / لا مايكل ايه بقى اسمي بقى عبدالله يا عمي
عبدالهادي/ عبدالله أجمل اسم يابني ربنا يثبتك ويجعلك من المغفورين لهم بإذن الله
عبدالله ( مايكل )/ بإذن الله ياعمي قولي بقى عنوانك الجديد عشان وحشتني ونفسي أشوفك وأتكلم معاك
عبدالهادي/ ده انا اللي عاوز أشوفك وأتكلم معاك العنوان ( …………….) تعالى بسرعه بقى عشان نقعد مع بعض
عبدالله/ في الطريق ياعمي
عبدالهادي/ تيجي بالسلامه ياغالي بإذن الله
بعد فتره وصل عبدالله ( مايكل ) وهو داخل من البوابه الخارجيه كان خالد خارج وشافه بصله بقرف
خالد / انت تاني هو انت ورانا ورانا
عبدالله بابتسامه / طب مش تلقي السلام الأول
خالد / لا سلام ولا كلام ولا ليك دعوه بيا ولا ليا دعوه بيك وسابه وماشي
عبدالله/ طب مش تباركلي قبل ما تمشي
خالد بسخريه / أباركلك ليه اتجوزت
عبدالله/ لأ أسلمت
خالد بسخريه / طب معلش وماشي ورجع وقف مكانه تاني وبص لمايكل وراح عليه جري / انت قولت ايه
عبدالله/ أسلمت الحمدلله
خالد بصدمه / أسلمت بجد والا بتستهبلني قول ورحمة أبوك
عبدالله بضحك / ورحمة أبويا
خالد وهو لسه على صدمته / قول والله كده
عبدالله/ والله
خالد / قول لا إله إلا الله
عبدالله/ لا اله الا الله محمد رسول الله صلّ الله عليه وسلم
خالد / خش في لحم أخوك يافواز وحضنه جامد / مبارك عليك يا مايكل
عبدالله/ راح زمن مايكل خلاص دلوقتي بقى فيه عبدالله
خالد بمرح / عبدالله عبدالله وماله كلها أسماء ربنا تدري ايش
عبدالله بضحك / ايش
خالد / حبيتك لله في لله كده والله ياجدع ماتجيب حضن
عبدالله/ لأ مبحبش التلزيق
خالد / على راحتك انت الخسران تعالى بقى ندخل اتفضل يا غالي اتفضل منور والله العظيم منور والله العظيم تلاته منور
عبدالله/ والله بنورك
عبدالهادي/ حمدالله على سلامتك ياغالي باركوا لعبدالله يا جماعه ربنا هداه لدين الإسلام
الكل فرح وكلهم بقوا يباركوله
عبدالهادي/ قولي بقى يابني عملتها ازاي بعد ماسيبت كل حاجه ومشيت
عبدالله ( مايكل ) / اللي حصل كأنه معجزه والله ياعمي
خالد وهو بيربع رجله وبيشيل طبق الفشار على رجله وبياكل منه / احكي يا شهرزاد
عبدالله بضحك / حاضر هحكي اللي حصل اني لما كلمت الأب الروحي للملحدين أقنعني إن دين الإسلام غلط ومش منطقي ونصحني أرجع والا هضعف وهتسحروني والكلام ده كله وقتها رجعت فعلاً عشان حسيت اني كنت بدأت أضعف بس اللي حصل اني رجعت لبلدي بس مقدرتش أرجع لحياتي الطبيعيه فضل كلامكم وأفعالكم ثابتين في دماغي وفي يوم حلمت حلم غريب جدا حلمت إن والدي ووالدتي واقفين ومتكتفين بسلاسل من حديد وواقفين في نار وبيحاولوا يخرجوا مش عارفين أنا روحت عليهم جري عشان أحاول أنقذهم وأخرجهم من النار دي بس المفاجأه أنهم مكنتش بيبصولي كانوا بيبصوا للأب الروحي وهو كمان كان واقف معاهم في النار وهما بيقولوا ليه انت السبب قالهم انتوا اللي جهلة وده ذنبكم انتم مش ذنبي انتوا اللي كنتم ماشيين ورا أي كلام يتقلكم وبس قالوله بس انتي اللي كنت بتقنعنا وبتقولنا ارجعوا لعقلكم قالهم وانتوا مرجعتوش لعقلكم فعلاً ليه لو كنتوا رجعتوا لعقلكم كان زمانكم مش هنا ده ذنبكم انتم مش ذنب حد تاني وفجأه ظهر شخص ورايا قاعد في مكان عالي بنور بنور جميل وكان بيقرأ بصوت جميل وخاشع ومزهل وبدأ يقول (إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الأَسْبَابُ) صحيت من نومي خايف ومرعوب لدرجة أن جسمي كان بيتهز ومكنتش عارف أحدد
اللي أنا سمعته ده كان ايه أو الشخص ده كان بيقرأ ايه فتحت النت وكتبت اللي أنا سمعته في الحلم والصدمه اللي أنا أخدتها لما لاقيته قرآن وفجأه رنت في ودني جملة ( لو كنتوا رجعتوا لعقلكم كان زمانكم مش هنا ) يعني ايه لو كنتوا رجعتوا لعقلكم كان يقصد ايه وقتها بدأت أبحث في الإنترنت عن كل حاجه عاوز أفهمها أول مابحثت بحثت عن أقوال المسلمين في الملحدين طلعلي مناظرة أبي حنيفه مع الملحدين مكنتش عارف مين أبي حنيفه ده بس كل اللي أعرفه اني عاوز أقرأه وأشوف هيقولهم ايه لاقيت مكتوب
( أن الشيخ ابو حنيفة النعمان كان على موعد لمناظرة عدد من الملحدين لإقناعهم بوجود الله فتأخر ابو حنيفة متعمدا عن موعد المناظرة، وعندما وصل ابو حنيفة الى موعده وجدهم بانتظاره فقال لهم ابو حنيفة: “هل تعرفوا لماذا تأخرت؟”، ثم أكمل ابو حنيفة كلامه مجيبا على سؤاله بنفسه: “اني رأيت الواح خشبية ومسامير وحبال طارت في الهواء وحدها وجمعت نفسها بنفسها وتحولت على شكل قارب” ثم سأل ابوحنيفة مناظره الملحد سؤالا استنكاريا: “هل تصدقا كلامي ؟ طبعا ابو حنيفة بحسب القصة اراد ان يقول ان الكون لم يصنع نفسه بنفسه كما ان القوارب لا تنصنع نفسها بنفسها
وبدأت المناظرة بسؤال من الملحدين لأبي حنيفة : في أي سنة وجد ربك ؟
قال : الله موجود قبل التاريخ والأزمنة لا أول لوجوده
قال لهم أبو حنيفة : ماذا قبل الأربعة ؟؟
قالوا : ثلاثة
قال لهم :ماذا قبل الثلاثة ؟
قالوا : إثنان
قال لهم : ماذا قبل الإثنين ؟
قالوا : واحد
قال لهم : وما قبل الواحد ؟
قالوا : لا شئ قبله
قال لهم : إذا كان الواحد الحسابي .. لا شئ قبله، فكيف بالواحد الحقيقي وهو الله ! إنه قديم لا أول لوجوده
قالوا : في أي جهة يتجه ربك ؟؟
قال : لو أحضرتم مصباحا في مكان مظلم إلى أي جهة يتجه النور ؟
قالوا : في كل مكان
قال : إذا كان هذا النور الصناعي فكيف بنور السماوات والأرض
قالوا : عرّفنا شيئا عن ذات ربك ؟ أهي صلبة كالحديد أو سائلة كالماء ؟ أم غازية كالدخان والبخار؟؟
فقال : هل جلستم بجوار مريض مشرف على النزع الأخير ؟
قالوا : جلسنا قال : هل كلمكم بعدما أسكته الموت ؟
قالوا : لا
قال : هل كان قبل الموت يتكلم ويتحرك ؟
قالوا : نعم
قال : ما الذي غيره ؟
قالوا : خروج روحه
قال : أخرجت روحه ؟
قالوا : نعم
قال : صفوا لي هذه الروح ، هل هي صلبة كالحديد أم سائلة كالماء ؟؟ أم غازية كالدخان والبخار ؟؟
قالوا : لا نعرف شيئا عنها
قال : إذا كانت الروح المخلوقة لا يمكنكم الوصول إلى كنها فكيف تريدون مني أن أصف لكم الذات الإلهية )
وقتها فكرت لو فعلاً زي مابنتعلم أن الكون اتوجت من تلقاء نفسه كان كل حاجه في الكون اتوجدت من تلقاء نفسها هي كمان وقتها مش هنحتاج لمصانع ولا عمال للتصنيع ولا مكن صنع ولا ده كله كانت كل حاجه هتتعمل من تلقاء نفسها وافتكرت في الحلم لما قال ( وانتوا مرجعتوش لعقلكم فعلاً ليه لو كنتوا رجعتوا لعقلكم كان زمانكم مش هنا ده ذنبكم انتم مش ذنب حد تاني ) فعلاً هو ده العقل هو ده المنطق المنطق والعقل بيقولوا زي مافيه مصنوع فيه صانع زي مافيه مفعول فيه فاعل وبما إن الكون مصنوع يبقى فيه رب صانع
بدأت أقرأ وأتعمق في الدين الإسلامي أكتر لحد ماربنا هداني وأسلمت وبدأت أتعلم الصلاه وأحفظ القرآن والحمدلله أصبحت مسلم وغيرت اسمي
رسلان بفرحه / فرحانلك أوي أوي يا عبدالله بجد فرحان
عبدالله/ أيوه صح أنا سمعت انك اتجوزت مبروك يا صاحبي
رسلان بإحراج وبيوجه نظره على ملاك / احم وطلقت مفيش نصيب
عبدالله/ يا ساتر ليه كده
خالد وهو بيغير مجرى الحوار / هعلمك درسين هينفعوك يا أخ عبدالله
عبدالله/ ايه هما
خالد / مفيش حاجه اسمها مبروك عشان مبروك دي دعوه أصلاً معناها برك عليك البعير أما الصح تقول مبارك
الدرس الثاني مفيش في أسماء الله عز وجل ساتر أو ستار فيه سَتِير وهو ده الصح
عبدالله/ شكراً يا خالد جزاك الله كل خير مكنتش أعرف المعلومه دي
عبدالهادي/ بإذن الله هتعرف كل حاجه يابني ربنا معاك ويعينك يارب
جمال / فيه معلومه جيت في بالي ملهاش علاقه بالكلام بس قولت يمكن أفيد
عبدالله/ قول يا عمي
جمال / المعلومة عن جملة ( كذبة إبريل ) اللي أطلق المسمى ده يبقوا اليهو،د سموها كذبة إبريل عشان سيدنا محمد صلّ الله عليه وسلم ولد في شهر إبريل وهما بيكذبوا مولده عشان كده سموها كذبة إبريل
عشق / أول مره أعرف المعلومه دي يا عمي
عبدالله بص للي اتكلمت وأعجب بيها وبملامحها الهاديه والجميله
رسلان/ جزاك الله كل خير يا عمي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملحد سرق قلبي)
