رواية غرباوية عاشقه شرقاوي الفصل الثاني 2 بقلم روياتي
رواية غرباوية عاشقه شرقاوي الجزء الثاني
رواية غرباوية عاشقه شرقاوي البارت الثاني
رواية غرباوية عاشقه شرقاوي الحلقة الثانية
غيرنا نقاش وفجأ خش محمد ولد عمتي وراجل فاطمه🤐
سلم ع ماما وبابا جا سلم عليا باليد بعدها قالي ماشاءالله طرابلس بسرعه ماتكبر ف بنات متغيره بكل والابتسامه ع وجا😆💓بابا قاله الله غالب ماعندنا الا هيا كل شي تاكل فيه وهذا كله مش طالع عليها بطريقه الي تاكل بيها قعدو. يضحكوا كلهم وانا ف حالة احراج معا ابتسامه خفيفه🙉🙈
بعدها عدا هوا بابا وعمي ايتغدو ونحنا صبايه ف دار ابروحنا
انسرع الاحداث … 🌹
مر شهر ع روتين ملللل لي ابعد الحدود بس بديت انتعود ع حوش وخذيت دار ابروحي لانه حوش عيت جدي كبير بديت انتعود ع عماتي وعمي ولكن مرات محمد مش طايقتها بكل ولا هيا ديما انحس فيها مش حابتني وتستنا فينا غير امتى انردو لطرابلس معا اني مش مضايقتها ولا عمري رقيتلها فوق ولا نحكي معاها واجد . . …
مجتمعين ع قهوة العشيه نحنا وحني وعمتي ولد عمتي ومراته .. نهدرزو بعدها قلت ال بابا انا نبي اندور صيدليه ونشتغل لاني ماله ونبي انغير نفسيتي ..
بابا قال خلاص مافي الا محمد ايدورلك منطقتهم وعارف الاماكن الكويسه فيها … 😌
محمد قال مافش مشكله توا اندورلك في حتى وحده ف شارعنا فاتحه جديده توا نسألك كان يبو ..
بابا قال ياريت اتكون اقريب نطمن عليها حتى ف مواصلات لانه شغلي ماعندش وقت معين .
طبعآ بابا دار نقل الشغل امتاعه ف بنغازي بس مش ديما عليه ماردينا …
ماما قالت بعد خطرها اليوم خوك كلمنا ويسلم عليك …
انا … سلمك وسلمه غريبه كلم مش بالعاده قالت لا قال كل كلمه انحصل فرصه انرن عليكم.
بابا قال المحامي قال 7 شهور ويطلع ..
انا.. معقوله واجد☹️
فاطمة مرات محمد … قالت بالعكس شويه المشاكل الشرف مفروض سنوات …
محمد بحت فيها نظرات حاده قال هوا مش طالع معاها البنت كله مكالمه مايستحقش سنوات بعدين مش معروف السبب الحقيقي ف حبس …
بابا قال باهي الي افتكيني من نسبتهم راجل واعر ومتاع شر …
محمد يبحت فيا شن رد فعلي …
انا مافش اي رد فعل قعدت انبحت لوطه وضاغطه ع يدي بالقوه وحاسه الكلام كيف سم وكأني انا السبب ف كل شي وتشريدت هلي … 😐
محمد قال نصيب ربي مش كاتبله تعيش معاه هوا هذا حكمه من ربي
كلهم شاركو ف حديث ع انهم يهونو علينا ….
انا صبيت وطلعت من احذاهم عديت الدار بروحي ودمعه ف عيني .. ومشاا اليوم عادي من دون احداث…
تاني يوم لابسه بيجامه ورافعه شعري فوق كيف الكعكه يعني ونغسل ف مواعين ف حوض المطبخ طبعآ مطبخ عيت جدي امقابل باب الصاله يعني الباب لما يقعد مفتوح وينزل حد من فوق ايشوف يلي ف مطبخ .. انا نغسل سارحه ونفكر ف كم حاجه ف بالي نلف فجأ نلقا محمد ينزل معا دروج بشويه ويبحت فيا بتركيز 😐… انا وخرت شويا العند معش قعدت باينه عليه ونحرجت اول مره ايشوفني من دون حجاب وبالبجامه …..
سكر باب الصاله وقعد ايدق عشان انا نقدر نطلع من المطبخ هوا بالعاده بعد ينزل ايدير ف صوت ومرات ايدق ع باب ومرات كان مفتوح ويسمع فيهم يهدرزو ايخش دغري عادي ..
خلاص انا طلعت بسرعه وعديت للدار وجت عمتي فتحت الباب وخش قعد يهدرز عادي وانا نسمع فيه ف داري بعدها قال ال ماما كلميلي نوسه نبي انقوللها حاجه … انا ف وقتها استكيت🙂
جت ماما كلمتني لبسة لابسة امتاع الصلاه وطلعت من دون القونه طبعآ قطعه الي من فوق بس …
خشيت سلمت باليد وقتله نعم وكنت منحرجه من الموقف الي صار باين عليا ..
هوا في ابتسامه ع وجا ☺️
قالي حصلتلك عمل
انا فرحت بجد لانه كنت محتاجته قتله والله جد ..
قالي والله .. 😍. . ف صيدليه ف منطقه مش بعيده واجد قالي جيبها لكن اول فتره تقعد مساعدت دكتوره عشان اتاكد منها انها مدربه كويس وبعدها تمسك ابروحها .. فتره صباحيه من 8 العند ساعه 2 ونص ..
قتله باهي تمام عادي بكرا نبدا😍
قالي وسعي بالك عليش مستعجله ع تعب😆
انا لا مش هكي بس لما قتلي قالك جيبها نحساب بكرا .. 😁
قالي عادي تبي تبدي من بكرا مافش مشكله ..
قتله خلاص توا انشوف بابا لما ايروح وياخذ منك الوصف ونعدي بكرا انشوفها ..
قالي تمام تبيني انعدي معاك …
قتله لا عادي نمشي معا بابا ..
قالي خلاص قوليلي انا الي من طرف محمد
قتله تمام …
قعدت حاجة ثواني وطلعت🌝
تاني يوم عديت وبديت ندرب ونشتغل ف نفس الوقت مرن كم يوم عادي من دون احداث …
بابا ف ايام يطلع فيهن بدري للشغل يعني معا ساعه 7 يطلع وانا بالعاده نطلع 8 لانه صيدليه تفتح ع وقت هذا. ..
بابا قال محمد ايوصلني لانه حتى محمد شغله ف صبح يوعه بدري بابا طلع مستعجل . …
وانا قعدت انوتي ف روحي ودرت مكياج خفيف قعدت نستنا فيه ينزل..
نزل.. وانا ف صاله مقابلته قالي صباح الخير ويبحت ف نظرات غريبه. ..
قتله صباح النور☺️… قالي هياا ..
طلعت .. قالي نمشو ف سياره قتله لا قريب مافش داعي ..
مشينا ع كرعينا نحكو ع عمل مواضيع عاديه وصلني وعدا .. .
.
مشا الوقت عادي وجا بابا روح بيا روحت تعبانه تغديت ورقدت طول ..😴
وعيت دزيت بابا ع حلو درت قهوه تنزل مرت محمد قالبه وجها عليا من دون سبب ..
شربنا القهوه وهدرزنا شويه طبعآ محمد كاين مش قاعد ..
عديت نغسل ف فناجين تلحقني فاطمه وتقولي ياريت ف صبح تخلي باتك هوا الي يوصلك ولا عدي ابروحك اطمني مش حايلحقك خطيبك هنا ….
انا … شن قصدك انتي ؟
هيا… ع فكره محمد مايحبش ايوصل بنات وصبايه مش شوره وتعصب بكل عدا عشان باتك حشما …
انا انصدمت ماتوقعتش الكلام الي قالته قلتلها اول حاجه انا مش غريبه عليه بنت خاله هوا ولد عمتي .. تاني شي لو ف حد اخرى كنت عديت معاه وانا هلي مش متعودين نمشي ابروحي ف شارع كان انتي واخذه عليها انا مش كيفك واطمني مش حانمشي معاه مره تانيه ..
قالتلي انتي كان خايفه ماديرش مكياج ولا تلبسي هكي البسي عبايه ماديرش مكياج ماحد ايجي شورك هنا حتى محمد قالها ع فكره ..
انا … قلتلها شن دخلك بيا نلبس كيف مانبي مالكش دخل بيا لا انتي ولا راجلك… تعصبت بكل وحسيت بشعور غريب ندمت اني مشيت معاه وهوا واخذ عليا فكره هكي .. معا انه ماكانش باين عليه معصب ولا شي …
خشت عمتي قالت شن في كنكن .. فاطمه قالت مافش شي ..
طبعآ عمتي هذي هيا ام محمد …
قالتلي نوسه كنك شن قالتلك …
قلتلها قالتلي محمد تعصب اليوم عشان وصلني مايحبش يوصل بنات مش شوره وانا والله بابا ماقالها ليا الا بعد ماقالها ال محمد ماكنتش عارفه الشي هذا ولا امخططا للموضوع انا ابروحي مانحبش نمشي معا حد غير بابا…
عمتي هزبتها وقالتلها ليش الفتنا هذي بنت خاله ف شنو غريبه عليه …
قعدت تنفخ وتمتم ف كلام مانسمعش فيه ورقت الشقتها …
عمتي قالتلي كذابه راه هذينا حركتها ياما مسببا مشاكل عشان الفتنه توصيل الكلام متحملينها عشان مانبش الخراب بس…
انا عادي ياعمتي مادورش مش زعلانه انا…
وانا ف وقتها حاسه كأنا نار ولعه فيا ومش طايقه روحي
خشيت الداري وقعدت انهدرز الخواتي فيديو ونخفف ع روحي شويه …
قلت ال بابا بكرا نبي نمشي ابروحي ماتكلمش محمد قالي انا من البدايه قتله اليومين هذينا وصلها قتله لا مانبش انقيده المكان اقريب مش خايفه .. حاولت معا بابا العند اقتنع بس من دون مايعرف السبب الحقيقي …
عدا اليوم عادي……
تاني يوم جهزت نفسي وطلعت من داري نلقا محمد ف صاله ومكسد ع تيلفون الحوش كله راقد ….
انا😳
ماكنتش عندي نيه نحكي معاه ولا انبحت فيه بعد الكلامه الي قالته مراته …
قالي صباح الخير… من امبدري نستنا فيك… وكان ملامح وجه واضح انه في حاجه وكأنا خايف من شي او منحرج….
انا قتله لا عليش تستنا فيا من امس قلت ال بابا نبي نمشي ابروحي مافش داعي اتعب روحك معايا ..
قالي لا انا قلت الخالي نبي انوصلك هياا ..
انا .. مانبش قتلك عدي العملك مزالت نبي نفطر ..
هوا .. لا عادي نبي نستناك افطري…
انا .. قتلك عدي 😒
هوا … مش ماشي افطري بسرعه عشان ماتأخرش..
انا.. نبي انتأخر ياريت اتخليني ع راحتي يامحمد ..😒
هوا.. عليك انتي انا قصدي كلا انا ماعندش مشكله قاعد نستنا فيك..
عديت للمطبخ درت قهوه وقمعزت ع طاولة المطبخ ونفكر كيف انفهمه …
خش صبا ع باب المطبخ .. وكان عطره فايح بزياده ف كامل اناقته….
قالي امي حكتلي فاطمه شن قالتلك امس
انا…😳
هوا … والله درت معاها مشكله كبيره اقسم بالله مافي منا الكلام هذا ولا قلتلها حاجه عليك ولا قلت اني مانبي انوصلك مستعد نحلف بي اي شي تبيه . 😐
انا… لو انت ماقلتش هكي شن عرفها مراتك بالدبش امتاعي ولمكياج …😒
هوا… والله هيا كانت اتبحت فينا من فوق من لما طلعنا اقسم بالله ماقلتلها حاجه صدقيني…
انا … مافش داعي تحلف مش مهم اني انصدق او لا ..
هوا … لا انا ايهمني وضروري اتصدقيني …
خذيت شنطتي كنت نبي نطلع معا باب المطبخ .
قتله حول لو سمحت ونبحت لوطه مانبش حتى عيني اتجي ف عينه …
قالي .. قولي انك صدقتيتي باهي.. ☹️
انا .. ياريت تحول لاني تأخرت…
هوا ساكت ويبحت ف نظرات غريبه …
انا .. محمد نحكي انا ونبحت فيه😒
هوا … حول من دون كلام ..
طلعت بسرعه لانه تأخرت جديات ..
نمشي ونحس ف خطوات ورايا..
بحتت لقيته هوا ماشي معايا..
قعدت نمشي مادورتش..
قرب مني بس مزال ورايا .. وقالي تحسابي روحك تعاندي بس انا اعند منك 😌
انا … محمد ممكن معش تحكي معايا..
هوا .. اوكي بدت فشاكة بنات طرابلس.
انا… 😡 لكن ولا كلمه قلتها ..
هوا … ساعه كم تطلعي ..
انا.. هذي حاجه تخصني انا وبابا ماما..
هوا .. شن قصدك..
شفت الصيدليه وقعدت نمشي ابسرعه وخشيت ومارديتش عليه..
عدا الوقت عادي كان يوم متعب وشفت اشكال واجد ف صيدليه كأنهم عارفين البخت ويزيدو فيه😑..
جت ساعه 2.. وخش الدكتور الي يفصل فينا ويبدا دورا هوا ..
ويخش وراه محمد دغري انا استكيت ونقول ف عقلي هذا شن جابه 😑
قالي هيا انا ماعرفتش نحكي شي قدام الدكتور..
طلعت طول..
قتله انا شن دويت معاك ف صبح …
قالي مانذكرش😌
قتله .. انت شن عرفك نبي نطلع توا كنت تستنا فيا .
قالي لا كنت امخطم شفت الدكتور جا قلت انروح بيك..
وانا كنت حاسه انه هوا كاين يستنا فيا لانه مش معقوله صدفه حتى لو مخطم راه جا ف سياره بس هوا جاي ع كرعيه..
المهم . . .
قتله .. محمد لو سمحت هذي اخر مره اتجيبني ولا تروح بيا انا مانبش مشاكل لا معاك ولا معا فاطمه ..
قالي فاطمه وقفتها عند حدتها وهيا عارفه روحها غلطت وكاين متعصب …
قتله حتى لو كان انا طالعه من مشاكل مش ناقصني مشاكل …
قالي قصدك ع كاين خاطبك🤔
قتله ياريت ماتفتحش معايا موضوع هذا..
هوا.. عليش مزال يأثر فيك .
.
انا .. محمد انا تعبانه ماعندش نيه نحكي .
هوا .. سؤال بسيط عادي يعني..
انا … مانبش نحكي..
هوا .. مزلتي تحبيه…
انا .. اسكت لو سمحت😤 كاين باين عليا اني تعصبت…
كنا اقريب من الحوش…
هوا … سكت وكل شويه يبحت فيا…
انا … دايره روحي انشوف ف حاجه ع تيليفون…
وصلنا للحوش قالي … عاندتي اني مانوصلكش وصلتك وروحت بيك اخرى مره تانيه معش تعانديني انا😉
انا.. عدي حل مشكله توا معا فاطمه نتيجة عنادك.. 😏
هوا … يضحك. وماقال شي ..
خشيت نفس العاده غيرت دبشي وكنت نبي نرقد تنزل فاطمه تقولي تعالي يا نوسه نبيك تساعديني ف رفع حاجه فوق وانا مستغربه كيف تحكي معايا وكانت ف مشكله بينا. …
حني . قالتي عدي سلم بنيتي..
مابيتش انرد كلمت حني صبيت وانا ماعندش نيه نحكي معاها حرف .
وكانت هذي اول مره نركب شقتها…
هيا لما نزلت كان لابسه لبسة الصلاه ولما خشيت معاها لشقه حولتها وكان لابسه روب احمر فاتحه غرفة النوم ودايره شموع ع سرير المشكله كانت قايله وساعه 2 وقت غداء مش وقت وحركات هذينه واضحه انها دايرتها مقصوده لانه مرتبكه وغداها ع نار مش وقت حركات هذينا كاين محمد ايدوش حمام امسكر نسمع ف صوت الميه وهيا عالقه اغاني طبعآ عشان محمد مايسمعش…
انا.. استغربت انه ماكلمتش محمد ايساعدها كنت نحسابه مش قاعد..
قلتها شنو الحاجه الي تبيها..
قالتلي … نبيك تخاطي راجلي..
انا .. شنو😳
هيا …شفتك من فوق وانتي تحكي معاه هوا يضحك امصبيه معاه ف شارع مش متحشمه من ناس وانا قتله معش تمشي معاه وانتي قلتي اخر مره تكذبي عليا لانه ف عقلك حاجات اخرى كان الحركات هذينا عندكم عادي ف طرابلس نحنا عندنا عيب بنت تضحك معا واحد ف شارع ياريت تلزمي احدودك احسن مانحكي ال باتك …
انا .. انتي كيف تحكي معايا هكي يا نقصيه انتي انسانه مريضه نفسيه…
هيا .. ع فكره والله صورتك وانتي تهدرزي لوطه نقدر نفضحك قدام الناس…
انا .. شنو ..شنو … من سمحلك تصورين من دون اذني توا تحذفي الصوره هيا مابتش تحذفها .
وانا سكرت راسي انها تحذف الصوره خفت ف وقتها اتحط فيا تهما مش فيا حتى مزالت ماشفت شكل الصوره …
انا انفكر ف صوره وهياا تقولي والله اطيري تنزلي ماتحلمي بيه يضحك معاك لوطه لكن يرقد معايا فوق. تقول ف كلام فاضي مش وقته ..
وانا مسكره راسي ع انه تحذف الصوره وقعدت كلمه بكلمه انا ويها ..
يطلع محمد ولف المنشف ع جسمه من لوطه بس …
انا شفت محمد بالمنظر هذا انصدمت😳
هوا … شافني انصدم😳
قال كنكم شن في فاطمه تعدي تجري تجيب منشف واحد تاني وتقعد تغطي ف صدر محمد وهوا ايقول كنكم ..
انا مرتبكه مش عارفه مانحكي..
فاطمه تقولي اطلعي برا بصوت العالي…
محمد قال سكري فمك بصوت العالي وتعصب..
اتستغرب كيف اتقولي هكي هيا ومش فاهم شي .
انا صبيت عند الباب ونقوله فاطمه صورتني انا وياك لوطه كيف تصور فيا من دون اذني ماتبش تحذف الصوره..
فاطمه قالت كذابه والله هذي صدق فيها خطيبها الي قال عليها كذابه وسيبها من عملها تبي اتسبب بينا مشكله وخلاص..
قعدت تدوي ومحمد ايسكت فيها بس بلا فايده…
انا عيوني اقعدن ادموع فجأ .. القني معش قدرت انتحمل الكلام كان جارح اكتر ماتخيلو☹️💔
طلعت بسرعه محمد يجري ورايا ويقولي اصبري شويه ماتنزلش …
بس انا نزلت بسرعه خشيت الحمام وسكرت ع روحي وقعدت نبكي بكا يشبه اليله الي صارت فيها المشكله معا خويا وخطيبي….🥺
محمد مالحقنش لوطه لانه اكيده عشان مش لابس …
ماما ادق عليا ف باب كنك يانوسه طولتي…
انا غسلت وجي وطلعت ..
تبحت فيا ماما تقولي كنك..
قلتها نبي نرقد..
خشيت الدار وسكرت الباب …
ماقدرتش نرقد …
بعد شويه نسمع ف هرجه طلعت سمعت عمتي تقول الحني فاطمه تبي تعدي الهلها محمد قالي متعاركين. …
حني اتقول كنهم عليش…
عمتي قالت محمد مابش يحكي توا بعدين بعد ايروح نسأل..
عمتي مش معدله واجد ف لحظتها فهمت انه ماكنش ف حد ايحبها من العيله 😑
انا بصراحه ماقدرتش نحكي خفت يفهموني غلط ويحسو انا السبب عندي فوبيه عشان انا السبب ف تحويلت هلي مش ناقصني نقعد ف نظر الناس اني سبب ف مشكله اخرى .. .
مشا الوقت عادي…..
جا اليل تقريبآ ساعه 12 ف ليل..
قاعده انا وعمتي ف صاله وضي طافي ونتفرجو ع تلفزيون ونهدرزو وهيا كانت تستنا ف محمد ايجي وانا مش جايني نوم ونتفرح ع تلفزيون معاها….
دق باب الصاله وعمتي عزقتلي وشاح امتاعها .. وقالتلي اكيد محمد …
انا ف لحظتها خفت ومش عارفه شن صارلي😥
قالتله تعال وطبعآ ماكنش ف حد واعي….. الا انا وعمتي ..
خش محمد وعيونه كانن عليا ويبحت فيا بتركيز …
انا انبحت وعيوني باين فيهن الحزن والخوف🥺….
هوا … قال …………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرباوية عاشقه شرقاوي)
