رواية مكاني في قلبك الفصل الثاني 2 بقلم سولييه نصار
رواية مكاني في قلبك الجزء الثاني
رواية مكاني في قلبك البارت الثاني
رواية مكاني في قلبك الحلقة الثانية
-انتِ بتهزري!!!صح يا نيرمين …مستحيل تكوني بتتكلمي بجد …أنتِ …أنتِ عايزة تسيبيني !!!!
كان بيبصلها بصدمة وانكـ.سار …مذهول أنها ممكن تبعد عنه ووقتها حس بخوف كبير اوووي …خوف اكبر من اي خوف حسه قبل كده …لأن نيرمين مش بتمثله الحب هو بيشوف فيها الآمان …
غمضت نيرمين عينيها وهي بتحاول تقـ.سي قلبها وقالت:
-مقدرش اكمل وانا شايفة ان مشاعرك بالكامل مش ليا …حس بيا يا رائد ..انا بغير عليك ..بغير اووي ..ودي حاجة انا مقدرش اتحكم فيها …من حقي يبقي قلبك كله ملكي …أنا هستناك لحد ما مشاعرك كلها تبقي ليا لكن غير كده مش هربط نفسي بيك عشان اكتشف بعد الجواز أنك لسه بتحب حور وانا اللي قلبي يتكـ.سر …لا يا رائد أنا مش هكـ.سر قلبي بإيديا …
بلع ريقه وبعدين مسك كتفها وقال:
-نيرمين ..نيرمين ممكن تهدي ..طيب بلاش ننفصل ممكن نتكلم …ممكن نأخد break بس متقفليش كل حاجة في وشي كده انا مقدرش اعيش من غيرك …
-انا مش بقفل كل حاجة يا رائد أنا بقولك هستناك لحد ما تقدر تتخطي حور …
ساب كتفها ومسك كفها وقال:
-ما أنتِ هتساعديني اتخطاها يا نيرمين …انتِ الوحيدة اللي تقدري تساعديني …
هزت نيرمين رأسها وقالت:
-كفاية يا رائد لو سمحت كفاية …
بعدين زقته.وزعقت :
-كفاية …كفاية …انت فاكرني ايه حجر …
دموعها بدأت تنزل وكملت:
-هو أنا مفروض اقعد واسمع قصص حبك مع طليقتك وأحط جز.مة في بوقي …مفروض اسمع واناقش واطبطب من غير ما يكون ليا الحق أني احس بالغيرة يا رائد !!! عشان بس انا دكتورتك النفسية مفروض اسمع واكتم قهـ.رتي جوا قلبي عشان اساعدك …وانا مين يساعدني يا رائد مين !!!
انا بمو.ت …بمو.ت من الغيرة لما بتتكلم عليها قدامي ومش برضي اعلق …بسمعك وبس عشان اساعدك ..بس خلاص انا مبقتش قادرة اساعدك …أنا لازم اساعد نفسي لاني تعبانة يا رائد تعبانة اووي ومن الظـ.لم أنه تتمسك بيا من غير ما تديني مشاعرك كلها …أنا من حقي يكون قلبك كله ملكي زي ما قلبي وروحي وكل مشاعري ملكك …لو سمحت امشي …ابعد متكـ.سرنيش اكتر من كده…متحاوليش تستغل ضعفي قصادك.
كان نفسه يعترض بس ملامحها المنهـ.ارة خلاه يسمع الكلام فورا …قرر يكلمها تاني يوم تكون هديت اكتر
-تمام يا حبيبتي مش هضايقك اكتر من كده …ارتاحي دلوقتي …
وبعدين باسها بلطف علي خدها ومشي علطول …
قعدت هي علي الأرض وبدأت تبكي بعنـ.ف …حست وكأن جزء منها مشي وسابها …هي حبته…حبته بنفس الهوس اللي بيحب بيه طليقته !!مكانش ده لازم يحصل …كان لازم تسيطر علي مشاعرها بس هي سابت نفسها لحد ما قدر يسيطر عليها وهي الوحيدة اللي هتعاني دلوقتي وخاصة لو رائد فـ.شل يحبها !
………….
في منتصف الليل
في فيلا رائد
كان بيتقلب علي سريره وهو حاسس كأن بيتقلب علي جـ.مر من الجحيم ….حاسس بالنا.ر بتحر.ق كل أجزاء جسمه …مش مصدق انها سابته…هو خسر مرة تانية …بس حاسس ان الخسارة دي اكبر من اي خسارة خسرها …لانه خسر الامان اللي بتوفرهوله نيرمين …غمض عينيه جامد وهو بيفتكر شكل دموعها …قلبه وجـ.عه عشانها …اتمني أنه ميكونش اناني بالشكل ده …ياريت ما كان اذاها بالشكل ده ياريت كان احتفظ بمشاعره لحور في قلبه ومقلهاش حاجة تجر.حها ..لأن نيرمين تستحق كل السعادة اللي في العالم وعشان يكون صريح مع نفسه اوقات كتير كان بيشوف أنها كتيرة عليه …
قام من السرير بتعب وهو حاسس وكأن برج من دماغه هيطير …كان عايز يخرج فورا من البيت…عايز يلهي نفسه عن التفكير لانه لو استمر يحلل اللي عملته مش هيقاوم ويروحلها دلوقتي وممكن يجبرها أنها تتجوزه …
خرج من الفيلا وهو لابس البيجامة الكحلية بتاعته وفتح باب عربيته وركبها وانطلق بيها …
…….
كان عمار نايم جمب تمارا وبنتهم الصغيرة رقية لما تليفونه رن …قام بسرعة ومسك التليفون وهو بيكتم الصوت وبيبص علي رقية اللي لسه نايمة…بصتله تمارا بغضب وقالت:
-لو كانت صحيت بسبب رنة تليفونك كنت هقتـ.لك فعليا يا عمار…
ابتسم وقال:
-اسف يا حبيبتي نسيت اعمله سايلنت …
-اصلا كان مفروض تسيبه في الصالة مينفعش تحط تليفونك هنا وبنتك نايمة…
-حاضر هبقي اعمل كده وبعدين قام ورد بصوت واطي علي رائد …
بعد لحظات قفل معاه وبص لتمارا اللي ابتسمت بسخرية وقالت :
-قولي عايز ايه منك ضرتي يا عمار ..
-هو شكله متضايق وقاعد قدام البيت هروح اشوف ماله وارجع بسرعة
-ايه رايك نجيبه هنا ..بكلمك بجد والله احنا نجيبه ونربيه مع رقية …ما احنا خلفناه ونسيناه …
ضحك عمار وراح ناحية الدولاب وقلع بيجامته ولبس بنطالون جينز مع قميص ازرق وقال:
-حبيبي مش هتأخر …
وبعدين طلع وسابها …
……..
-يخربيتك حد يجي في الوقت ده تمارا كانت هتاكلني …
قالها عمار وهو بيضحك وبيقعد في عربية رائد ..بس رائد مبتسمش حتي …بصله عمار بحيرة واتصدم لما لقيه لابس البيجامة بتاعته
-خير يا رائد فيه ايه ؟!!
-نيرمين فسخت الخطوبة !
قالها رائد وهو بيضغط علي أسنانه
-ليه ؟!
سأله عمار رغم أنه كان عارف السبب بس حب يسمعه من رائد
تتنهد رائد وحكاله كل حاجة …
بعد ما خلص رائد قال عمار :
-ما عندها حق يسطا انت زودتها …
-انا مكنتش عايز أجر.حها !
-وجر.حتها للاسف يا حيلتها انت بتستهبل يا رائد كان لازم تعرف أن البنت هتيجي في وقت وتنفـ.جر …تخيل تكون بتحب واحدة تجيلك كل شوية وتحكيلك أنها بتحب حد غيرك …
سكت رائد وبان عليه الخجل وقال:
-اعمل ايه دلوقتي يا عمار ..أنا مقدرش اخسر نيرمين …أنا محتاجها…محتاجها اووي …
-هي دي المشكلة يا رائد ..
قالها عمار بهدوء وبعدين كمل لما شاف حيرة رائد :
-انك.دايما بتتكلم عن احتياجك ليها مش حبك …اتكلم عن حبك لنيرمين …اعرف مشاعرك كويس …وبصراحة يا رائد أنا حاسس أنه مبتحبهاش …
-لا طبعا .ازاي تقول كده ؟!
بص عمار في عيون رائد وقال:
-بصلي وقول انك بتحب نيرمين …
بصله رائد وفضل ساكت شوية وبعدين قال بتعب :
-الحقيقة معرفش …معرفش إذا كنت بحبها ولا لا …أنا حاسس نفسي مشوش .
-يبقي تحترم رغبتها في أنها تبعد لحد ما تنظم حياتك يا رائد قلوب الناس مش لعبة في ايديك !!
……….
تاني يوم
في عيادة نيرمين …
رغم أن عمار نصحه أن يحترم قرار نيرمين أنها تبعد ونصحه كمان يبعد عنها حاليا لكن رائد مسمعش الكلام …فضل سهران للصبح واول ما ميعاد شغل نيرمين قرب لبس بسرعة وجه العيادة…
اتنهدت نيرمين وهي بتبص لرائد …هو صحيح عنده جلسة النهاردة بس ده مش ميعاد جلسته خالص …اتأملته بطرف عينيها وشافت قد ايه وشه مجهد كأنه منمامش من امبارح …
هزت رأسها عشان تصفي ذهنها وقالت وهي بتلبس نضارتها :
-رائد ده مش ميعاد جلستك …
ابتسم رائد وقال:
-ايه يا دكتورة أنا عارف ان الوقت ده ميعاد راحتك اللي قبل الجلسات ولا غيرتي الروتين …
-لا مغيرتش يا استاذ رائد واديك قولت ميعاد راحتي وانت كمريض عندي ليك ميعاد محدد مش مسموح لك تيجي في اي وقت مبحبش الفوضي …
قام فجأة وقرب منها فقامت هي كمان لما حست من عينيه أنه هيتـ.هور…كانت قصيرة بالنسباله يدوب رأسها واصلة لصدره ….بلعت ريقها لأنها حست أنه بدأ يحاصرها وخصوصا أنه بيقرب منها بالطريقة دي
-ابعد …ابعد يا رائد واطلع برا !!!!!
زعقت نيرمين في رائد وهي بترجع لحد ما اتخبطت في الحيط اللي وراها بصت علي رائد بتوتر لقيته وافق قدامها ومحاصرها …مكانش ليها اي مفر …كان سادد عليها الطريق …
-ولو مبعدتش !
قالها بغموض …
وبعدين قرب اكتر وهو بيحط ايديه حواليها وقال:
-انا لحد دلوقتي مش فاهم أنا ليه اتسابت!!أنا منمتش طول الليل وانا حاسس نفسي هتجـ.نن يا نيرمين …أنا من اول ما عرفتك وانا بحاول أسعدك..وكلامي معاكي عن حور لانك دكتورتي النفسية اللي مفروض مخبيش عنها حاجة واظن اني بتقدم بسرعة في العلاج ويعتبر هو.سي بيها اختفي لكن مشاعري لسه !
بلعت ريقها والدموع بدأت تظهر في عينيها وقالت:
-وانا مش هقبلك اللي لما تكون مشاعرك كلها ليا…أنا غلطت غلطة كبيرة اني ارتبطت بيك…ممنوع اصلا الدكتور النفسي يرتبط عاطفيا بمريضه وانا غلطت الغلطة البشـ.عة دي وارتبطت بيك وانا عارفة حالتك وعشان أصلح الغلطة دي انا قررت قرار تاني …
-قرار تاني مصيري صح ..ومن غير ما اكون انا في الصورة !
قالها بغضب وهو بيقرب اكتر لدرجة أن أنفاسه ضر.بت وشها …وشها احمر شوية وبعدته الناحية التانية وقالت:
-انا مش هبقي دكتورتك من هنا ورايح وهحولك علي دكتور تاني …عادل عبد المجيد استاذي هو الوحيد اللي هيساعدك!!!
شدها ليه وهو بيشم شعرها بهوس:
-انا محتاجك.متبعدنيش عنك …
غمضت عينيها …كانت بتضعف …بس فجأة قدرت تسيطر علي نفسها وتقول بصوت مخنوق:
-وانا عايزاك تحبني …عايزة قلبك …
اتنهد رائد وقرر يخضع …قرر يسمع الكلام ..هو مش حمل خسارة تانية لأن الخسارة الأولي د.مرته ..بس الخسارة دي ممكن تنهيه نهائيا …
حضن وشها وحط جبينه علي جبينها وقال:
-هعمل اللي أنتِ عايزاه…هعمل اللي يخليكي مبسوطة يا برينسس !
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مكاني في قلبك)
