رواية شغف الغرام الفصل الثالث 3 بقلم همس كاتبة
رواية شغف الغرام الجزء الثالث
رواية شغف الغرام البارت الثالث
رواية شغف الغرام الحلقة الثالثة
(شغف الغرام )
بقلمي : همس كاتبة
قالت بصوت مبحوح : ازيك يا …
زين بابتسامة جانبية تدل على السخرية : يا ايه ؟!
غرام بتلقائية : يا ابن عمي
زين بسخرية : و جوزك
غرام لجدها : بعد اذنك يا جدو ممكن اروح انام عند خالتي عطر النهاردة
رباب : وه يا بت جوزك جيه النهاردة من السفر لازم تقعدي وياه
الجد اسماعيل: انا مليش كلمة عليكي يا بتي خودي اذن جوزك
نظرت غرام لزين بتوتر بادلها زين النظر بنظرات ساخرة
غرام : احم عن اذنكم هطلع اغير هدومي
الجد : غرام الفرح الخميس ده
غرام بصدمة : ايييه
الجد : لازم البلد كلها تعرف بجوازكم بقالكم سنتين كاتبين الكتاب كفاية
زين بنظرات ذات مغزى لغرام : وانا موافق
نظرت له غرام باستحقار شديد
غرام : عن اذنكم عندي لايف
و صعدت لأعلى
نظرت فرح باتجاهها بسخرية : لايف ايه ده
رباب : انتي ما تعرفيش ان البت غرام مشهورة و عندها فورورز كتير اوي
معتز بضحك : يما اسمها فولورز مش فورورز يعني متابعين ، اتكلمي عربي احسن
رباب : وانا اش فهمني بالحاجات دي ، الله
اتت ام هند من المطبخ مسرعة
ام هند : هند حببتي ازيك يا قلب امك
هند بابتسامة واسعة : انا كويسة يماما انتي عامية ( عاملة ) اية وحشتني اوي
نظرت ام هند لابنتها : انا كويسة يحببتي
ملاك : مش انتي اسمك ريما ؟ ازاي انتي هند انا مش فاهمة
هند : اصي ( اصل ) انتي مش عايفة( عارفة ) حاجة ، انا اسمي هند بس بابا بيقويي ( بيقولي ) ييما ( ريما ) ع اسم الست ايي ( الي ) بيحبها و خان ماما معاها و بعدين طيق( طلق ) ماما و اتجوزها
ام هند بنظرات نارية : بس يا بت اكتمي
ليث بضحك : دي فضحت العيلة
ملاك بضحك ايضا : دي مصيبة
صعدت غرام لأعلى و دلفت اوضة مامتها
غرام بدموع : ماما انتي كويسة
نعمة : مالك يا بنتي
غرام بدموع : زين هنا
نعمة بسعادة : رجعلك
غرام ببحة : لا ، ده رجع عشان جدو مش عشاني ، هو مش بيحبني يما ولا انا بحبه ، بس انتي عارفة الحق عليا من الاول
نعمة بتعب : ليه بس يا بنتي
غرام بدموع : عشان قبلت بوضع زي ده ، عشان انا الي طلبت من العريس يهرب و يروح يتجوز حبيبته مكنتش عارفة اني هدبس نفسي و كمان زين بالجوازة دي
نعمة : ما تقوليش كدة يا بتي ، انتي جمعتي بين قلبين بيحبو بعض و مكسرتيش بخاطر بت كانت هتقضي عمرها حزينة عشان حبيبها اتجوز غيرها ، انتي فضلتي سعادة غيرك على نفسك ، ودي اكيد ربنا شايلهالك للمستقبل او يمكن للأخرة
غرام : بس انا يماما من حقي اعيش حياتي مع انسان احبه و يحبني ، انا بقالي سنتين متعلقة لا طايلة ابيض ولا اسود
نعمة : اصبري يا بت بطني ، اصبري
غرام مسحت دموعها : ده وقت دواكي
نعمة : هاتيه يحببتي
في اوضة رباب
كانت ملاك تمشي وسمعت حديثها
رباب : مش عايز تتجوز يا معتز
معتز بعلامات حزن على وشه : عايز يما
رباب بسعادة : ميين ؟
معتز : بفكر اخطب فرح
رباب بخضة : يا مصبتي عايز بنت صفية ، لا و الختمة الشريفة ما انت متجوزها الا ع جثتي
معتز : ليه كدة يما
رباب : مستحيل اجوزك بنت صفية دي نسخة من امها
معتز بعبوس : طيب يما زي ما انتي عايزة اختاري على زوقك
رباب بحزن : ان كان عليا انا يا ابني كنت عايزالك غرام قطعة سكر تذوب في القلب بس اعمل ايه ، انا عارفة انك كنت عايزها بس ده نصيب
معتز بحزن ؛ مش نصيبي يما ، ربنا يهني زين فيها
رباب بسخرية : هو مقدر ، يا عيني عليكي يا بتي بقالها سنتين مكتوبة ليه بس هو مش عارف قيمتها
معتز : انا طالع يما عايزة حاجة
رباب : سلامتك يا حبيبي
ملاك : احم ، معتز
نظر لها معتز ببرود وقال : ابيه ، اسمي ابيه معتز انتي ناسية قد ايه في فرق سن بينا
ملاك برفعة حاجب : بس فرح مش بتقولك ابيه
معتز : ملكيش دعوة ، كنتي عايزة ايه
ملاك برقة : كنت عايزاك تذاكرلي انجليزي
معتز : مش فاضي
ملاك بدموع ؛ و النبي يا ابيه انا لازم اصور فيديو و اتكلم فيه بالانجليزي عشان الجامعة
معتز : خلاص خلاص شوية و هاجي
ملاك برقة : اوعك تتأخر تعال لاوضتي عشان البيت فيه ناس كتير
معتز : ماشي
دهب من امامها وهي نظرت له بمكر
ملاك بمكر : ملاك العبيطة ما.تت ، هتشوفو ملاك القوية دلوقتي
و ذهبت للمطبخ
ملاك : طنط
ام هند : ها يحببتي
ملاك ممكن تعمليلي كوباية شاي و تجبيها لاوضي عشان حاسة اني تعبانة خالص
ام هند : حاضر يحببتي
ذهبت غرام لاوضتها و خرجت للبلكونة نظرت امامها رأت زين يقف في الحديقة و بجانبه فرح و بتقرب منه بهدوء لحد ما بقت المسافة بينهم معدومة شافت المنظر و دلفت لاوضتها و هي تشتعل من نيران الغيرة
زين بغضب دفعها : فرح ايه الجنان ده
فرح : زين انا بحبك اوي
زين بجنون : فرح روحي من هنا ، انتي ناسية اني متجوز
فرح بدموع : بس انت مغصوب عليها و مش بتحبها و بقالك سنتين سايبها كدة
زين بنظرات نارية : مين قالك اني مش بحبها ، بالعكس انا بحبها و انا الي طلبت من جدي يجوزهالي و على فكرة انا سبتها كل الوقت ده عشان تكبر شوية لاني مش عايز احرمها من طفولتها
كانت هند بتراقبهم من بعيد بابتسامة غبية
اما فرح انسكبت الدموع من عنيها و بكت بقوة ثم ذهبت من امامه
اتى ليث بعدما ذهبت
ليث بضحك : هو الكلام ده بجد
زين بسخرية : لأ طبعا ، هي مين دي غرام الي ابصلها ، بس قولت كدة عشان فرح ما تحلمش كتير
ليث بضحك : ياعم يا تقيل يا معذب قلوب العذارا
زين : خليك انت بالمزة بتاعتك
ليث باستغراب : قصدك مين
زين بسخرية : هند بنت الشغالة
ليث و كأنه لدغته عقرب : اعوو ذ بالله ، دي ابصلها دي، يا انهار اسود
وهرب مسرعا من امام زين
رباب : لمين الشاي ده يا ام هند
ام هند : لملاك هانم ، بتقولي تعبانة و عايزة كوباية شاي
رباب : يا مصيبتي هاتي من يدك انا هوديهالها و اطمن عليها كمان
ام هند : اتفضلي يا ست هانم
دلف معتز اوضة ملاك
بس هي كانت بالحمام
خرجت بعدما تأكدت من دخوله ، كانت ترتدي روب الحمام و كان قصير جدا و كاشف اغلب تفاصيل جسمها و فاردة شعرها المبلول
خرجت وقالت برقة : انت جيت يا معتز
معتز لف وقال بغضب : قولنا ابي…..
ثم اكمل بصدمة : اييييه ده ، و استدار للخلف مرة اخري
معتز بغضب : روحي استري نفسك بسرعة
قربت ملاك منه و لفت ناحية وجهه و لفت ايديها حوالين رقبته
قالت بعشق : انا بحبك يا معتز
بالوقت ده كانت رباب واقفة ع الباب و شافت شكلهم مع بعض
رباب بصدمة : معتز …ايه ده
معتز بغضب : قولي لل**** دي تستر نفسها
خرج غاضبا
ملاك انصدمت من وجود رباب ، بس كملت ببراءة : ما تفهميش غلط يا عمتو ده كان ….
رباب بغضب : بس ، مش عايزة اسمع منك كلمة ، انا عارفة ابني كويس ، الاعيبك دي ما تمشيش عليا انتي فاهمة ، غوري استري نفسك يلا ، وحسك عينك حد يعرف بالي حصل
وخرجت من الاوضة
ملاك بغضب : يووووه انتي ايه الي جابك يا بومة ما كله كان ماشي تمام
شاهد زين معتز واقف و بينفث الدخان بقمة غضبه
زين : مالك يا معتز في حاجة
معتز : لا مفيش ، انت مالك
زين ببرود : ولا حاجة
معتز بهدوء : زين ، غرام بنت كويسة ، حافظ عليها وما تضيعهاش من ايديك
زين باستغراب : ليه بتقول كدة
معتز : عشان انت مش مقدر الي عندك ، غرام اخلاقها عالية اوي ، و هادية و كمان حلوة ، ما تسيبهاش تروح لحد غيرك
زين بغضب : ما تعدل كلامك يا معتز ، حد غيري مين دي مراتي و الي يفكر يقرب منها هسيح دمه
معتز برفعة حاجب : يا سلام
صفية : انتي ايه الي جابك هنا يا عطر هانم
عطر : جاية ازور اختي عندك مانع ؟!
صفيه : لا ، بس اختك كويسة اتكلي على الله
صوت فريد من وراها بغضب : صفية خشي جوة
صفية : يوه و انت ايه الي حشرك بين الستات
فريد نظر لعطر بعشق وقال : ازيك يا عطر هانم
عطر بسعادة : الحمدلله
رباب بسعادة : يا الف مرحب بعطر اهلا يحببتي تعالي تعالي دي غرام هتفرح اوي
في اوضة غرام دلفت هند مسرعة
غرام بصدمة : فييي ايييه
هند : عايزة اتكيلم ( اتكلم ) معاكي
غرام باستغراب : انتي هند صح ؟
هند : اه
غرام نظرت لها من فوق لتحت باستغراب : و عايزة ايه
هند : بصي انا حاسة انك احسن بنت في ايبيت ( البيت ) ده و عايزة اتكيم ( اتكلم ) معاكي كيلام ( كلام ) مهم
غرام بابتسامة : قولي يا هند انا سامعاكي
هند : ……………
غرام بصدمة : ايه …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية شغف الغرام)
