رواية أولاد عمي الفصل الرابع عشر 14 بقلم منة وائل
 |
| رواية أولاد عمي الفصل الرابع عشر 14 بقلم منة وائل |
رواية أولاد عمي الفصل الرابع عشر 14 بقلم منة وائل
ناديه ببكاء:اااااه يابني قولتلك ماتنزلش ماسمعتش كلامي
شروق :يارتني كنا موجوده يا ماما كنت منعته
ناديه :يارب ونبي يارب
شروق بلهفه :يادكتور اخويا عامل اي اكيد تعب كل مره مش كده
الدكتور بحزن:للأسف لا
شروق بخوف:تعب اكتر والا اي
الدكتور :احنا حاولنا على قد ماتقدر بس للاسف ماقدرناش نلحقه الباقيه في حياتكم
شروق بصدمه :انت بتقول اي
ناديه بصراخ:ابنيييييييي
شروق بجنون:لا انت بتكذب صح قول انك بتكذب
الدكتور بأسف:انا اسف والله مش باءيدنا الولد اخدت كميه مخدرات رهيبه وهو صدري مش مستحمل انا اسف، الباقيه في حياتكم
شروق :يعني اي، يعني امير راح خلاص، انا بحلم مش كده
ناديه :ااااااااه يابني ياحرقه قلبي عليك يا بني ااااااااه
شروق :هههههه بس يا ماما امير بيهزر معانا زي كل مره امير مش هيسبنا
ناديه :لااااااااا ااا ااااااااه يابني لاااا….
شروق :ماما قومي مش هتسبني انتي كمان
الدكتور :شلوها بسرعه على الاوضه
بقلمي منه وائل
❣️❣️❣️❣️❣️❣️❣️❣️
في الصباح في قصر العرباوي
يجلس عبد الرحمن علي رأس مائده الطعام وشارد تماما لا يشعر بمعتز وهو ينظر له ويستعجبه
معتز:جدو يا جدو
عبد الرحمن باءنتباه:اي يا معتز في أي
معتز:يا جدو مالك انا بقالي ساعه عمال بتكلم معاك وحضرتك مش معايا خالص
عبد الرحمن :معلش كنت سرحان شويه
معتز بمرح:واي اللي واخد عقلك بنت الجيران والا اي
ههههههههههه
عبد الرحمن باءستحقار:بس يا عره انت هو كل حاجه في دماغك النسوان، انا بفكر فولاد عصام ازاي اقدر الاقيهم، عارف نفسي يرجع بيا الزمن لورا ١٨ سنه كنت معملتش كل اللي حصل ده، عارف انا مكنتش ناوي أبعدهم عن بعض بس ابوك زن على دماغي وقالي ان الخدامه هتضحك على عصام وهتاخد كل فلوسه، رغم امي ماشوفتش منها حاجه وحشه كانت بتراعني وبتعملي كل حاجه، دي يابني حتى كانت الممرضه بتاعتي يعني لو كانت وحشه كانت لغبطت في دوايه او اذتني حتى، بس انا بدون رحمه روحت انا وابوك البيت اللي كان عمك معيشها فيه وكنا في نص الليل وفي عز الساقعه والمطره، طردنها من البيت من غير اي حاجه بالهدوم اللي عليها وكان معاها طفله في حوالي سبع سنين كده وكان في بطنها طفل، مش عارف ازاي ماصعبوش عليا، ازاي جالي قلب ارمي لحمي ودمي في الشارع وفوق كل ده رمت البنت اللي راعتني طول حياتها وعمرها ما عملتني وحش
معتز :يااا يا جدو انت اول مره تفضفض كده، بس بابا عمره ما قال كده، ده قالنا ان هي ضحكت على عمي وكانت نصابه وبنتها كمان كانت حراميه
عبد الرحمن بسخريه :يعني بزمتك طفله سبع سنين هتكون حراميه ازاي بس، ابوك ده مش ابني بردو بس يقول للشر قوم وانا اقعد مكانك وللأسف انا اللي زرعت الزرعه الشيطاني دي وبحصدها اخو دلوقتي وبدفع تمنها غالي، عمري ماحسسته بالمسؤليه كل حاجه كان عاوزها كان بياخدها فضلته على عصام رغم ان عصام بيحبني اكتر منه وللأسف رعد اخوك شبه ابوك في كل حاجه بس يعني عنده رحمه شويه
معتز :طب وحضرتك ناوي تعمل اي
عبد الرحمن :ناوي أصلح اللي بوظتوا من ١٨ سنه، هدور على ناديه وعيالها وهعوضهم عن اللي شافوا
معتز :وتفتكر ولادها دول باقرا كان سنه
عبد الرحمن :على ما اظن البنت ممكن تكون ٢٤ او ٢٥، اما اللي في بطنها بقا مش عارف ده بقا كان بنت او ولد بس الطفل ده زمانه ١٨ سنه كده
معتز :ما شاء الله كبار يعني طيب يا جدو انا مع حضرتك في أي حاجه وهدور عليهم في كل حته، المهم انا عملت اللي حضرتك قولتلي عليه امبارح
عبد الرحمن :تمم واحنا كده يومين وهنروح نحدد معاد للخطوبه بس نشوف موضوع بنت عمتك ده وبالمره نادر يشوف ابو مشيره هينزل والا لا وهيوافق يديلوا بنته والا لا عشان يبقا بالمره انتوا الاتنين
معتز :تمم يا جدو
عبد الرحمن :عقبالك انت كمان يا رعد يا بني
رعد :مين بيجيب في سيرتي، صباح الفل يا جدو
عبد الرحمن :صباح الخير يا حبيبي
رعد :اي خير يا جدو جايب في سيرتي في أي
عبد الرحمن :كنت بقول عقبال اما اشوفك عريس
رعد وهو يزفر :يا جدو قولتلك ميت مره انا اطمن على اخواتي وكله تمم وبعدين ابقا افكر بقا لكن حاليا انا كده كويس
عبد الرحمن باءستعجاب :لا اله الا الله ربنا يعقلك يابن المجنون انت
رعد :انا مجنون يا جدو
عبد الرحمن :اه وعبيط كمان داخل في ال٢٠ او عندك ٣٠ اصلا ومش عاوز تتجوز يبقا مجنون والا مش مجنون
رعد :لا مش مجنون ولا حاجه وكله في وقته
نادر :صباحو قشطه عليكم
عبد الرحمن :صباح الخير يا حبيبي تعالي ياعاقل انت
نادر :حبيبي يا جدو
عبد الرحمن :قولي هتكلم عمك يحيي امتا
نادر :هكلمه النهارده ان شاء الله
عبد الرحمن :خلاص على خيره الله
معاذ :صباح الخير
الجميع :صباح النور
عبد الرحمن :تعالي سياده المقدم يا مشرفني، وانت َمش ناوي تتجوز والا اي
معاذ :لااااا اتجوز اي بس يا جدو انا حياتي على كف عفريت يعني ممكن اموت في أي وقت عاوزني اتجوز واحده واحبها وأخلف منها وبعدين اسبهم ويتيتموا بعدي لا كده احسن
عبد الرحمن :يابني هو انت الفت سيناريو حياتك واخرجته ومثلته كمان وانت يعني عارف في علم الغيب بصوا والله العظيم انتوا عيال مجانين كلكم بلا استثني
وائل :خير يا بابا مزعلينك في أي دول
عبد الرحمن :بس انت كمان ماانت الزرعه المعفنه اللي خلفت القرف ده داتكم ستين نيله، و اه يكون في علمكم كل واحد فيكم بيتنك كده وربنا هيقع على بوزوا وقعه وبكره تقولوا جدو قال أوعوا انا طالع اوضتي بلا هم
وائل باءستغراب:اي ده هو ماله بابا
رعد :ههههههه قلب علينا في ثانيه المهم يلا يا نادر ورانا شغل كتير
نادر وهو ياكل لقمه :حاضر اهو
رعد:يلا يا اخي يخربيت طفاستك
معاذ:وانا كمان ورايا كام حاجه كده قبل مااسافر
وائل :هنسافر فين
معاذ:سفريه تبع الشغل يوم الجمعه
رعد:هترجع امتا
معاذ:لا مش عارف لسه
معتز:طب مش هتحضر خطوبتي
معاذ :حددوها وهبقا انزل احضرها وترجع تاني يلا سلام
بقلمي منه وائل
❣️❣️❣️❣️❣️❣️❣️❣️
في المستشفى عند نورهان
حسام :يا عمتي انتي من امبارح انتي ومشيره هنا وما ارتحتوش خالص عشان خاطري يلا بقا روحوا
سحر :اروح واسيب بنتي يا حسام
حسام :وانا يعني شفاف منا موجود اهو
مشيره :ايوا يا حسام بس بردوا لازم ست معاها تغيرلها وكده
حسام :طب روحي انتي يا عمتي وانا مشيره قاعدين اهو
مشيره :ايوا يا ماما روحي وانا موجوده انا وحسام اهو
سحر:هتخالوا بالكم منها
حسام :يا عمتو اومال هنعذبها يلا بقا تعالي اروحك وهرجعلك تاني يا مشيره
مشيره :خلاص ماشي
حسام :يلا يا عمتو
سحر :يلا يا حبيبي
دب دب
مشيره :صاحيه والا نايمه انونو
نورهان : هههههه يابنتي بطلي اسلوب سواقين الميكروباص ده انونو اي بس
مشيره :ههههههههه، عامله اي دلوقتي يا روحي
نورهان :الحمدلله احسن من الاول بس رجلي نار
مشيره :معلش تلاقيها بس الشرايح والمسامير، شوفتي يا بت حسام كان عامل ازاي
نورهان :عامل ازاي يعني ما بني آدم اهو
مشيره :انتي هتفضلي على طول كده، قصدي يعني شوفتي كان ملهوف عليكي امبارح ازاي
نورهان :عادي يعني بنت عمته وخايف عليها
مشيره:لا والله بنت عمته طب والعياذ اللي عيطه
نورهان بصدمه :نعم هو حسام عيط
مشيره :اه يابنتي ده عيط، فسحي كده شويه
نورهان :اااااه رجلي براحه
مشيره :معلش معلش، المهم اتصل برعد وقاله انك عملتي حادثه وكان بيعيط ويتشحتف كده ياقلب امه اما كمشيره اختك معيطش كده
نورهان :ما اهو عشان نادله
مشيره:يعني هو ده اللي لفت نظرك
نورهان :وهو كان في حاجه تاني المفروض تلفت نظري
مشيره :احييييييه اقطع شرايني
نورهان :اي ده في أي بس
مشيره :حسام بيحبك يا متخلفه
نورهان :بس هبل بيحب اي بس احنا صحاب، ودمغنا بس شبه بعضها
مشيره :وليه ماتقوليش ان هو اللي بيحاول يخليها شبهك
نورهان :مش عارفه بس انا لسه مش حاسه من ناحيتي تجاهه بحاجه
مشيره:ياستي خدي وقتك براحتك بس ماتضيعيش الواد من ايدك سامعه
نورهان :طب ياختي طيب
بقلمي منه وائل
❣️❣️❣️❣️❣️❣️❣️❣️
في المستشفى
الدكتور :ضغطها وطي والسكر وطي
شروق :هي كويسه دلوقتي
الدكتور :اه الحمدلله ماتقلقيش أن شاء الله خير، والباقيه في حياتك مره تاني عن اءذنك
شروق ببكاء : حياتك الباقيه عاصم :شروق انا اول ماعرفت جيت جري على طول حصل ازاي ده
شروق :مستر عاصم مش عارفه اقول لحضرتك والله امير مات خلاص
عاصم :اهدي بس ربنا رحمه من عنده ماتياسيش وربنا يخليلك ماما انا طلعت شهاده وفاه وتصريح الدفنه لأمير اهو
شروق :شكرا اوي يا مستر عاصم مش عارفه اقول لحضرتك اي تعبينك معانا
عاصم :ماتقوليش كده يا شروق انتي اختي الصغيره، المهم هتدفنوا امتا
شروق :بعد الضهر لما ماما تفوق وستات الحاره والرجاله يجوا
عاصم :طب ومين اللي هيفك عليه الكفن
شروق ببكاء :عمي صالح اقرب حد لينا بعد ربنا
عاصم :ونعم بالله اهدي كده يا شروق وامسكي أعصابك لازم تكوني قويه عشان ماما ربنا يصبرها
شروق ببكاء:امير ده كان ابني مش اخويا انا كنت بشتغل عشانه هو ماما مكنتش عاوزه حاجه انا كنت مش عاوزاه اقل من صحابه كنت هدخله الجامعه والله هتوحشني اوي يا امييييرر ااااااااااه
عاصم :اهدي عشان خاطري يا شروق ربنا كبير وبدل ماتعيطي ادعيلوا بالرحمه والمغفره هو محتاج الدعاوى دلوقتي
شروق ببكاء:ربنا يرحمك يا حبيبي، بس وحيات حرقه قلبي دي لهجيب حقي انا وانت وامي يا أمير حق اللي شوفته في حياتي وحرقه قلبي عليك واللي انت وصلتله يا أمير بسبب اهلي هدمرهم كلهم عشان هما السبب في كل ده
عاصم :بصي انا معاكي في اي حاجه بس بلاش قتل يا شروق
شروق :ده انا هخليهم هنا اللي يتمنوا الموت وجدي اللي اسمه جدي ده هيشوف مني ايام سوده
بقلمي منه وائل
❣️❣️❣️❣️❣️❣️❣️❣️
في مديريه الشرطه
معاذ :صباح الخير
العسكري :صباح الخير يا باشا، فارس بيه جوا هو و حضره الظابط ساره
معاذ :هما الأتنين بقالهم قد اي
عسكري :يعني ساعه مستنين سعادتك
معاذ :تمم روح هاتلى قهوه
عسكري: حاضر يا باشا
فارس :هههههههههه اه والله كنا شبه الجمبري المسلوق
ساره :ههههههههه مش قادره خلاص
فارس:بصي بصي هنا معتز كان مسخره السنين كان يوم عيد ميلاده وكان عاملوا في جنينه القصر عندهم، والبنت اللي كان بيكرش عليها كانت معزومه وهو بقا مامته لابسته اللبس ده كان زي مايكون طالع من فيلم قديم كان شبه احمد رمزي هههههههههه والبت كانت بتبصله ومعجبه بشكله اوي معرفش على أي
ساره :هههههههههههههه اه ياني
معاذ :يا سلام بيَزعوا نكت في مكتبي والا اي
فارس :هههههههه معاذ تعالي تعالي كنت بوريها الصور بتاعتنا بتاعه زمان ايام ماكنا في ابتدائي ويوم عيد ميلادك
معاذ :هي لسه معاك الصور دي
فارس :اه يابني وهي دي حاجات تضيع دي فضايح
معاذ بغضب :واما هي فضايح بتوريهالها
فارس :في أي يا معاذ عادي يعني دي صور قديمه وكنا قاعدين مستنينك وقولت اسليها يعني مش اكتر
معاذ :اه لا والله وحضرتك اتسلتي وانبسطي اوي وضحكتي
ساره :اي ده في أي هو بيتكلم كده ليه هو حد داسلك على طرف انا رايحه مكتبي ولما يبقا يتعلم يتكلم كويس ابقا ناديني سلام
معاذ :لا انا بتكلم كويس غصب عنك على فكره
فارس :في أي يا معاذ اهدي مش كده هي ماغلطتش انت أعصابك تعبانه والا اي
معاذ وهو يجلس ويزفر :مش عارف مالي كده اعصابي بايظه
فارس :طب اهدي كده ومكنش ينفع اللي انت عملته ده هى ماغلطتش انت اللي داخل عصبي
معاذ :اعمل اي طيب
فارس :لازم تعتذرلها
معاذ :نعم اعتذر لمين انا انت اتجننت لا طبعا
بقلمي منه وائل
❣️❣️❣️❣️❣️❣️❣️❣️
في مكتب وائل
انجي :انت دلوقتي مش وراك حاجه بقا يلا بينا بقا على شقتي وحشتني بقا
وائل :طب خلاص طيب حاضر انزلي اسبقني على العربيه.و انا هحصلك ماشي
انجي بفرح:بجد ياحبيبي انا بموت فيك خالص امووووواه
بحبك
وائل :وانا كمان بحبك ياروحي يلا
……………..
وائل :يلا يا ستي اركبي
انجي :ماشي يا روحي
راجل :ايوا كده حلو اوي الصور دي، الو يا باشا البت السكرتيره والراجل ابوهم اهم شايفهم قدامي راكبين العربيه سوا ومبسوطين اه اخدتلهم كام صوره لا منا ماشي وراهم اهو عشان اصورهم وهما طالعين البيت ماشي يا باشا بالسلامه
