رواية معلمة من الصعيد الفصل الحادي والخمسون 51 بقلم مريم شعبان
رواية معلمة من الصعيد الجزء الحادي والخمسون
رواية معلمة من الصعيد البارت الحادي والخمسون
رواية معلمة من الصعيد الحلقة الحادية والخمسون
فرح بصدمة و هي باصة علي الطلقة اللي خرجت غلط و جات في اشرف
فرح بصدمة: ابني ابني و جريت
تيا: اشرف الكل يجري عليه
حاتم’ إسعاف بسرعة
فرح تجي جري و تنزل تحضن اشرف اللي مرمي علي الأرض و غرقان في دمه
فرح بصدمة: لا ابني لا مكنيش قصدي انت لا لا العقاب ميكنش كده جات فيك انت لا لا ابني لا
اشرف بحزن: امي انت ازاي السبب
فرح’ لا بطل كلام إسعاف بسرعة
اشرف بابتسامة: الله اشهد ان لا اله الا الله و اشهد ان محمد رسول و انطلقت روحه الي الله هو و خارج من الصلاة لتنتهي حياته بصلاة بعد أن كانت كلها ذنوب كما انت رحيم يا الله
فرح بصراخ: ابني ابني لا اشرف اشرف
تيا بعياط: اشرف متهزرش قوم بالله لا اشرف لا
فرح: ابني راح اه يا قلبي اه
حاتم: أنا مش فاهم حاجة في أي
رباب: فرح هي الكبير و كانت جاية تموت موده
حاتم: نعم
تيا بصدمة: و كنتي بتقولي عيلة سليم
فرح: عشان ابعد العيون عليا في الاخر ابني يموت لا لا كان لازم موده هي اللي تكون مش ابني هي من ساعة ما جات و هي اللي بدأت تبحث عننا لا لا لازم انتي اللي تكوني يا موده مش اشرف اشرف ملاك و برئ مينفعش يموت لا لا ابني اه ابني
ماهر بهمس لعز: خد موده و ادخلوا جوا بسرعة
عز: ليه
ماهر بغضب: اخلص
عز عمل كده و ياخد موده و يدخلوا
فرح بعصبية: رايحة فين أنا عمري ما هسيبك و مسكت المسدس
حاتم: نزلي المسدس
فرح: لا لا ابني مات خلاص مش عايزة حاجة من الدنيا كنت بعمل كل ده عشان يكون مستقبله احسن دلوقتي خلاص مش عايزة فلوس ولا اي حاجة
حاتم: نزلي المسدس مش في مصلحتك اللي بتعمله ده
فرح: مش هنزله و لو موده مش ماتت يبقي أنا اللي أموت و حطت المسدس علي دماغي و طلعت طلقة منه
حاتم حاول ياخد منها المسدس بس كانت اسرع منه و ماتت جنب ابنها …
****
مر شهر على موت اشرف و فرح حالة من الحزن علي بيت اهل تيا
تيا متدمرة نفسيا بسبب موت اشرف
تم القبض علي تامر و احمد و رباب و صحاب المطعم الإسرائيلي
الشباب و البنات ركزوا في الدراسة اكتر الشهر ده بعد ما كل حاجة وضحت قدامهم
***
في المدرسة في فصل جاد
موده: تيا
تيا: نعم
موده: ممكن تركزي معايا
تيا: مركزة
موده: و الله طيب روحي استني في المكتب بتاعي الحصة قربت تخلص و هيجي وراكي
تيا: حاضر و تخرج
يوسف: هنسيبها كده
موده: معلش الصدمة عليها كبيرة اوي لحد دلوقتي محدش فينا مصدق اني عمتها هي السبب في كل حاجة حصلت معاكم و معانا
جاد: الحمدلله بس احنا لازم نفضل معها و جنبها
موده: هنفضل يا جاد اهم حاجة دلوقتي تركزوا خلاص هانت علي الامتحانات
:حاضر
****
موده: اي يا تيا اي يا حبيبتي مالك
تيا: مفيش
موده: الكلام ده عليا أنا عارفة اني الموضوع صعب اوي عليكي بس لازم تفوقي عشان خاطر مستقبك و اهلك
تيا: مستقبلي ما هو راح عمتي من أكبر تجار المخدرات
موده: بس احنا قولنا مفيش اي حاجة تنشر علي النت مفيش اي حد عارف الموضوع غيرنا احنا بس
تيا: الحمدلله لكن نظرتي قدام نفسي صعبة اوي كل ما افتكر اني عمتي كانت السبب في كل حاجة حتي السبب في موت اشرف اشرف اللي كان في نفس اليوم بيسالني موافق عليه ولا لا و جبلي الحاجة اللي كنت هموت عليها مش قادرة بجد مش قادرة اعيش و انسا اشرف
موده: محدش قالك تنسي اشرف اشرف علي طول هيكون في بالنا لكنا بقولك لو بتحبه بجد انجح السنة دي عشان يكون فرحان بيكي
تيا: مش قادرة يا موده كل ما اذاكر افتكر أنه كان بيعد الايام عشان اخلص و أوفق و نتجوز مش قادرة اشرف كان طول حياته غلط في غلط لما يموت يموت كده ده مكنيش تائب غير من شهرين بس سنين عمره كلها تروح بشهرين بس ده حسن الختام اللي هو شافه خارج من صلاة الفجر و بعد الصلاة أقعد يقرا قران و نطق التشهد بابتسامة علي وشه
موده: ربك غفور رحيم يقبل التوبة بركعتين يمسح اللي فات كله و اشرف رينا يرحمه و يغفر له كان طيب و ربنا يرزقه حسن الختام دلوقتي لازم تركزي الامتحانات خلاص علي ابواب اوعدني انك هتركزي
تيا: اوعدك
*****
في المول
رحاب: سند أنا تعبانة يلا
سند: لا أنا هدخل هنا
رحا:ب و انا قولت لا ماما تعبانة
سند بعياط: لا أنا عايز ادخل العب
رحاب بعصبية: سند هي كلمة واحدة يلا قدامي يلا و تمسك أيده غصب و يمشوا و هو بيعيط و تروح عند ماهر
ماهر: مالك بتعيط ليه
سند: ماما زعقلتي
رحاب: ماما زعلانة منك
سند: و انا زعلان منك
ماهر: طيب ممكن افهم انتوا الاتنين زعلانين من بعض ليه
رحاب: أنا تعبانة و مش قادرة اقف و هو عايز يدخل يلعب
ماهر: ده صح
سند: اه أنا عايز العب
ماهر: بس ماما تعبانة و انت شايف انها تعبانة صح ولا لا
سند: صح
ماهر: يبقي هتثدر تقف لحد ما انتي تخلص لعب
سند: لا
ماهر’ طيب ازاي بقي تتعب و اخواتك يتعبوا ولا تجي تقول لبابا و انا اخدك و نروح
سند :أنا اسف يا ماما
رحاب حضنته :قلب ماما خلاص مفيش حاجة
ماهر: اتنين مجانين تعالوا اصوركم و انتوا كده
سند: استن احضن ماما اوي
رحاب بضحك: يا روح و قلب ماما
ماهر: صورت فيديو لنا بتحب ماما مش لسه كنتوا متخانقين
سند :ملكيش دعوة بينا امنا بنتخانق و نهزر في نفس الوقت صح يا امام
رحاب: صح يا قلب ماما اطلع انت من الحوار
ماهر يضحك: ما انت كنت جاي تششتكي
سند: أنا عملت كده
ماهر: و الله
سند: أنا بحب ماما اوي و هي زعقلتي عشان هي تعبانة صح
رحاب: اه و انا اسفة اني زعقت
سند: و انا بحبك اوي اوي اوي
رحاب: يا روحي
ماهر: ربنا يحفظكم ليا و يققل الفيديو
ماهر: فين البنات
رحاب: مع زهراء
ماهر: تمام
****
في المساء في فيلا سليم كلهم قاعدين موبايل ماهر يرنو
ماهر: المحامي في أي و يرد
ماهر: السلام عليكم
:وعليكم السلام استاذ ماهر في حاجة مهمة
ماهر: خير
‘جدة الولاد قدمت محضر أنها لازم تاخد الولاد
ماهر: نعم اي الكلام ده
:زي ما بقول لحضرتك جدة الولاد معاها فيديو و رحاب هانم بتزعيق لسند و اخدت المحكمة أنه سيتم العنف علي الاطفال و الجلسة بكرة
ماهر: طيب اقفل أنا هتصرف
سليم: في أي يا بني
ماهر حكلهم
رحاب: نعم اي الكلام ده انا امت زعقت لسند
ماهر: اكيد انهاردة اكيد كانت بتصورنا
رحاب: أنا انهاردة اتكلمت بعصبية شوية عشان تعبانة و دول عيالي أنا محدش هيقدر ياخدهم مني فاهم ولا لا
ماهر: اهدي محدش هيقدر ياخدهم
رحاب: ايوه محدش يقدر دول عيالي أنا
سليم: ممكن تطلعي فوق و تبطلي عياط عشان نعرف نتصرف ازاي
رحاب: لا اتصرفوا و انا هنا
صابر: رحاب اسمعي الكلام اطلعي فوق يلا
رحاب بعياط: حاضر ما كل حاجة رحاب رحاب و تطلع
ماهر: براحة يا مجنونة انتي حامل حد يطلع يقعد معاها
موده: يلا يا بنات و يطلعوا
ماهر: هنعمل اي دلوقتي
عز: بهدوء كده عشان نعرف نتصرف يلا بينا
****
زهراء: ممكن تبطلي عياط
رحاب: مش قادرة مستحيل لا
بيري: اهدي و الله محدش يقدر ياخدهم منك
رحاب: يارب يارب
***
غيث: انتوا كنتوا فين لما رحاب زعقت لسند
ماهر: كنا في المول احنا و الولاد و زهراء زهراء كانت مع البنات و رحاب كنت بتجيب حاجة هي و سند سند كان مصمم يدخل يلعب لكن رحاب كانت تعبانة مش قادرة تقف ف رحاب زعقت و انا كنت في المطعم لما راحوا عندي اتفقنا أنا و سند أننا نقوم نروح نلعب و هو كان في حضن رحاب بغد ما اتخانقوا خناقة عادي زي ما بيحصل بين اي ام و ابنها
عز: قولت في المطعم لما حضنته صح
ماهر: اه
عز: يبقي الكاميرات صورت ده يبقي نروح علي المطعم ناخد الجزء ده و المحكمة تشوفه بكرة و اهو عادي اي ام بتزعق لابنها و بعد كده تاخده في حضنها
غيث: بظبط بينا علي المول يلا بسرعة
****
غيث: يعني اي الكاميرا مكنتيش شاغلة في الوقت ده
:يا فندم اهو التسجيلات قدامك مفيش اي حاجة
ماهر: ازاي يعني فجأة كده
:كان في عطل فيها
عز: خلاص يا شباب يلا بينا و يخرجوا
ماهر: أنا متأكد انهم السبب
غيث: يارب هنعمل اي
عز: يلا نروح نشوف بعدين مش عارف اي السرعة دي ليه بكرة لازم نروح
ماهر: كله من تخططها هي يلا بس نروح نتكلم في بيتنا
****
رحاب: اي حصل اي
ماهر’ الكاميرات كانت عطلانة ساعاتها
رحاب: نعم ازاي
سليم: ممكن تهدي العصبية خطر عليكي يا بنتي
رحاب بعياط: يا جدو عايزين ياخدوا عيالي
سليم اخدها في حضنه: و الله ما مد يقدر يقرب منهم رحاب قعدت تعيط
ماهر: بس بقي يا رحاب
عز: بهدوء هنتصرف و الله
رحاب: ازاي … ماهر انت مش كنت مصور و احنا قاعدين بنهزر صح
ماهر: اه اه و فتح الموبايل
غيث: يا شيخ حرام عليك معك دليل و احنا هنموت
ماهر: نسيت بجد
صاب:ر طيب الحمدلله الفيديو ده و مع كام اثبت العيال هيرجعوا معاكم دلوقتي تطلعوا تناموا الساعة بقيت ٢ يلا
****
في جناح رحاب و ماهر
رحاب: كانت حاضنة سند و نورسين و بتعيط داخل ماهر: بص عليها بحزن و راح عندها
ماهر بهمس: طيب ممكن تسيبهم و تجي عايزك مينفعش كده
رحاب: خائفة
ماهر: تعالي نتكلم برة اخدها بصعوبة و خرجوا
ماهر: ممكن تبطلي عياط
رحاب دخلت في حضنه و قعدت تعيط
ماهر: طيب بس بس يا حبيبي و الله هيفضلوا معاكي
رحاب: مش قادرة خائفة اوي
ماهر: متخافيش و الله خير انا وعدتك أنهم هيفضلوا معاكي بس عياط عشان هم خايفين و غير كده انتي حامل اهدي شوية
رحاب: حاضر
****
تاني يوم فيلا سليم
سليم: احنا مش رايحين رحلة اللي جاين حاتم و غيث و عز و ماهر و رحاب بس فاهمين
هيام: طيب حد من الستات يروح بس
سليم: المجنونة دي لا
موده: أنا المجنونة
سليم: اه مش ناقصين
موده: مش هعمل صوت
سليم: لا يا موده
موده :طيب اسيب اختي لوحدها
سليم: اي بنت تانية تروح
موده: وراهم حاجة
سليم: هتروحي مش عايز اسمع صوتك تمام
موده: تمام
عز: و جوزك اللي واقف ده مش هتاخد أذنه
موده: ما جوزي حبيبي انا جاية معه
ماهر: احنا جاهزين
سهام حضنت نورسين و سند و قعدت تعيط
نبيل: بس يا سهام هيخافوا كده
سهام: في رعاية الله يا حبايبي
رحاب بتعب: بيري خلي بالك من لين
بيري: متخافيش يا حبيبتي في عيوني
سليم: يلا عشان اتاخرنا
****
في المحكمة يدخلوا كلهم و كانت جدة نورسين و سند موجودة و قاعدة
موده: سيبوني عليها
عز: اقسم بالله لو ما قعدتي ساكتة مش هيحصل طيب
موده’ حاضر و يقعدوا قصد جدة الولاد
:مش قولتلك هاخدهم يا ماهر اهو هاخدهم دلوقتي
ماهر: يبقي بتحلمي أنا كنت عامل احترم لبنتك الله يرحمها
:لا واضح اوي روحت اتجوزت واحدة زي دي منتقبة اكيد قاسية مع ولاد بنتي و بتضربها
سند.بعصبية: ماما مش وحشة انتي اللي وحشة
رحاب: سند عيب
سند: بتقول عليكي وحشة انتي مش وحشة أنا مش بحبها احنا جاين هنا ليه
موده: حتي الواد الصغير مش مستحملك و الله
عز: موده
موده: حاضر
:هاخدهم برضو من حقي أنا
ماهر: اي من حقي و حقك هم لعبة دول عيالي اللي بقالي سنين بتعب عشانهم و عند استعداد لتعب مليون سنة تاني عشانهم و بس بعد ما بنتك ماتت انتي مشيت و رفضتي تاخدهم اشمعنا لما رجعتي و لقيتني متجوز اه ردي عليا بس انسي رحاب دي امهم مستحيل حد ياخدهم منها
:يبقي نسيت انا مين
ماهر: مين يعني فوقي لنفسك
غيث: خلاص يا ماهر اهد
:اتفضلوا جوا يلا
****
:اسمع اقوالك
جدة نورسين و سند قامت
:دول عيال بنتي كنت سيبهم مع ابوهم علي أنهم امانه من ساعة ما رجعت و أنا عايزة اخدهم لكن رافض أنا خائفة عليهم من مرات ابوهم و اهو حصل اللي خائفة منه بتزعق لسند بطريقة وحشية و كان بيعيط
:ما اقوالك للفيديو ده يا ماهر نبيل
ماهر: الفيديو اتاخد نصه بس يا فندم فين الباقي
:واضح اكتر
ماهر: يعني رحاب اه زعقت لسند بس فين الباقي لما اتصلحوا و قال إنه اسف لوالدته
:قال هو اسف بعد اي لما زعقته و خليته يعيط بالشكل ده
رحاب :اسمحلي اتكلم أنا يا فندم
:اتفضلي
رحاب: أنا من قبل ما اتجوز ماهر من ساعة ما جيت القاهرة و انا معتبرة سند و نورسين ولادي بخاف عليهم اكتر من نفسي تعبت عليهم جدا علمتهم حاجات كتير لما اتجوزت ماهر بقول جزء مني لنا اه زعقت لسند بس زعيق ام تعبانة و خايفة علي انها تسيب ابنها لوحدها و تروح اي مكان انا حامل في توام و كنت بجيب لبس لسند و احنا راجعين لماهر سند كان عايز يدخل يلعب في الالعاب لكن انا كنت تعبانة جدا و قولتله لا هو كان مصمم زعقت فيه غصب عني لما روحنا عند ولده اتكلمنا و قولنا اسقيني لبعض اي ام بتعصب علب عيالها ثانية و بترجع تحضنعم و انا امهم عمري ما ضربتهم اتعصبت غصب عني بسبب تعبي هل ده سبب أنها تاخد عيالي هل ده سبب أنها تجي تتكلم كده ده عايزة تاخدهم علي جاهز مش شافت تعبنا و سهرنا معهم حضرتك توافق علي الظلم ده توافق أنها تاخدهم مرات الاب مس عب يطول بتكون وحشة ساعات كتير بتكون احسن من آلام نفسها أنا ربيت و تعبت معهم مستحيل اسمح حد ياخدهم مني حضرتك و الله تعبت معهم اوي دول ولادي أنا مش ولاد حد تاني
هي عايزة تاخدهم بس عشان تكسر قلوبنا مس اكتر اسال الولاد قدامك عايزين يعيشوا مع مين اسالهم اسال العسكري سند اول ما شافها بتزعق ليا عمل اي مستحيل اكون انا قاسية عليه و لما حد يكلمني كده يقوم عليه كده مستحيل يا فندم
ماهر: و ده فيديو يثبت كلام رحاب أنه اتصلحوا أما كنت بصورهم عشان الذكري و كده حضرتك تقدر تشوف التاريخ و الوقت نفس وقت التاريخ و الفيديو اللي معاك بس الفرق خمس دقائق
جدة الولاد بصت للمحامي بغضب
:صح الفيديو هو هو
****
كانوا قاعدين متوتريني مستنين الرد و يخرج القاضي
:حكمت المحكمة أن الحضانة للاب و الام رحاب رحاب حضنت الولاد و قعدت تعيط و ماهر حضنهم و سليم كان بيردد الحمدلله الحمدلله
موده: لولولولولولوي لولولولولولوي
عز بضحك: بس يا مجنونة
موده: لولولولولولوي لولولولولولوي خدنهم خدنهم
حاتم بضحك: يا بت بس بطلي جنان
موده: اسكتوا ده طلعت عيونا امبارح نايمين كلنا بتعيط و خايفين ينتقم منك ربنا يا شيخة
جدة الولاد كانت ماشية لكن ماهر واقفها
ماهر: استني ثواني
:عايز اي
ماهر: تقدري تشوفي الولاد وقت ما تحبي عمري ما همنعهم منك ‘سيبته و مشيت
موده: ام ولية رخمة
عز: يلا يا جماعة الحمدلله قولتلكم الولاد لينا يلا بينا
***
فيلا سليم
سهام: هم اتاخروا كده ليه
حسناء: مش عارفة ربنا ما يوجع قلوبنا عليهم يارب
يارب و الباب يتفتح و يدخل سند و نورسين جري
سند: تيته احنا جاين
سهام بعيط: حبايب قلبي وحشتنوني اوي اوي اوي
عز: شوية ستات اوفر ده احنا بقالنا ساعتين بس
سهام:بس يا قليل الاداب
موده: سيبك منه يا سوسو ده مش عنده إحساس
عز: و الله
موده: اه
عز: طيب اسكتي ببطنك دي
موده: بطني فين بطني دي أنا لسه في التاني
عز: اسكتي بردو
سليم: مش عايز خناق يلا حطو الاكل و يلا ناكل في الجنينة احتفال باحفادي حبايب قلبي أنهم بقوا بخير يلا واقفين يلا
****
يمر شهر كمان بدون اشياء متعبة الكل عايش في سعادة و حب يمروا ببعض المشاكل لكن تتحل في نفس اليوم فاضل شهرين علي امتحانات ثانوي عام الشباب متوترين جدا و بيعملوا كل شي عشان يركزوا و بس غيث و بيري اقربوا من بعض اوي
***
غيث: بيري بيري اي ده
بيري: اي ده اي
غيث’ شمع و تورتة و ورد و انت لبسه فستان ليه ده كله
بيري: عشان اقولك خير جميل
غيث: خير
بيري: في بيبي صغير هيشرف حياتنا
غيث بصدمة: بتهزري
بيري: لا حقيقية
غيث: يعني بجد هيكون ليا طفل منك
بيري: اه يا حبيبتي
غيث حاضنها: أنا مش مصدق نفسي و ربنا ما مصدق
بيري: بس يا مجنون اهد
غيث: اهد ازاي ده مصر كلها لازم تعرف
بيري بضحك: اهمد شوية نتحفل مع بعض و نروح نقولهم تمام
غيث: تمام يا اجمل نعمة ربنا رزقني بيها
****
جاد: هو ام المنهج ده مش بيخلص
يوسف: اشرب شاي اشرب
جاد: دي خمس كوباية شاي كل ما سوال يقف قدامي تقولي اشرب شاي
يوسف: صدقني ده الحل اشرب اشرب
موسي بضحك: بس يا يوسف بس
يوسف: ما نعمل اي الامتحان فاضل عليه شهرين و احنا قاعدين كده نعمل اي
وائل: خير يا شباب لا تخافوا
مروان: وربنا ما بخاف غير من الكلمة دي لا تخافوا ندخل الامتحان الامتحان يطلع عيونا و نطلع كده
امجد: التفاول يا مروان التفاول
يوسف: أو اشربي شاي كل ما تقف في حاجة اشرب شاي
مروان: أمشي من هنا يا يوسف
يوسف: لا و ربنا اخلص الاول
عز: في أي بتتخانقوا ليه
يوسف’ اشرب شاي
عز :نعم
موسي: ملكش دعوة بيه ده اتجنن خلاص كل ما حاجة تقف قدامنا يقولنا نشرب شاي
عز: و انا اقول الشاي خلص عندنا ليه اتنل ذاكر يا زفت
يوسف: خايف و ربنا
عز: متخفوش يا شباب لعله خير انتوا عملتوا اللي عليكم و التوفيق من ربنا يلا هانت شدوا حليكم هانت
****
يارا: ممكن تجي تقعدي عشان نذاكر بتحكي روج ليه دلوقتي يا تيا
تيا: كل ما تعطلي حطي روج
فيروز بضحك: مجنونة نعمل اي
حنين: طيب في اللجنة هتعمل اي لما يقف قدامك شوال
تيا: هعيط
غرام’ ليه يا بنتي بي عياط ليه
ايات: يا بنات احنا لسه فاضل لينا شهرين يعني نقدر نرجع المنهج تاني بلا بينا بقي و نبطل دلع و نحط روج
تيا: انتي فاهمة حاجة انتي شوفتي لما حطتت روج هحل السوال صح
فيروز: طيب يلا يا ختي قولي السؤال
***
يمر شهرين بهدوء و سلام الكل كان متوتر بسبب الامتحانات الكل بيدعي أنهم يعدوا علي خير
****
في جناح ماهر و رحاب
ماهر: مالك يا رحاب شكلك تعبان انهاردة
رحاب :مش عارفة مالي مش قادرة
ماهر: اوعي تكوني بتولدي
رحاب: لسه يا حبيبي الدكتور قالت اسبوعين كده
ماهر: ما كل الأعراض دي ولادة
رحاب’ بس بقي عشان مش قادرة
ماهر: طيب اهدي يمكت وجع عادي
رحاب بعيط: وجع شديد شديد اوي و تصرخ
رحاب: الحقني شكلي بولد بجد
***
سهام: يا حبايبي لازم تناموا كفاية كده
يوسف’ هنام شوية يا طنط
سهام :طيب امت الساعة بقيت ١١ ناموا و انا علب الفجر هيجي اقومكم
موسي: اخر حاجة بس
سهام: طيب خدوا السندوتشات تأكلوا و تخلصوا و تناموا علي طول فاهمين و يسمعوا صوت صراخ
سهام بسم الله في أي و يخرجوا كلهم جري و كان حاتم نازل شايل رحاب اللي بتصوت
سهام: في أي
حاتم: شكلها بتولد
موسي: انهاردة يا رحاب بقالك سنتين قاعدة جاية تولد يوم امتحانات
رحاب: هو بمزاجي يا حيوان
نبيل: خدها يا بني بسرعة علي المستشفي و خد والدتك و لنا وراك
ماهر: يلا يا ماما
سهام: يلا يا حبيبي و يشمول
موده: في أي
جاد: رحاب شكلها بتولد
موده: انهاردة
سليم: معلش هتاخد معاد بعد كده روحوا ناموا يا ولاد
موسي: ننام اي مش هعرف انام غير لما اطمن عليها سليم: هتكون بخير أنا هروح البيس و رايح وراهم و قبل اي كلمة محدش هيجي معايا تمام هروح و شوية انتوا تعالوا و خصوصا انتي يا موده بلاش تروحي و حد يطلع للولاد فوق اكيد خايفين و يمشي
موده: الله اشمعنا أنا
زهراء: عشان حامل متخافيش و كده يعني
موده: هو بغد صويت رحاب ده محدش هيخاف و ينزل عز
موده: رايح فين
عز: فين يعني علي المستشفي كلمت حاتم و غيث و رايحين نقف جنب ماهر و طنط حسناء و هيام رايحين معنا و بيري
موده: اشمعنا أنا
عز: يلا فوق عند الولاد و انتوا يا شباب خلو بالكم من البيت
****
اسماء: اه بقالي كتير بعيد عن البيت كلمت شهور و انا بعيدة اه و تدخل
اسماء: اي الهدوء ده كاظم بيري انتوا يا ناس
جاد: طنط اسماء ازيك كنت فين ده كله
اسماء: في تركيا كان عندي شغل مهم في أهل البيت
جاد: رحاب بتولد كلهم راحوا معها
اسماء بفرحة: ماشاء الله هات عنوان المستشفي عشان اروح
جاد: اتفضلي
****
في المستشفى كلهم واقفين بخوف و توتر
سليم: أنا مش عارف اي ده كله مش في رحلة احنا و انتي يا بيري جيت ليه
بيري: هسيبها لوحدها يعني
سليم: لا بس كلهم هنا كنتي قعدت مع البنات
اسماء: بيري
بيري بفرحة: ماما و تجري عليها
غيث: براحة
بيري بعيط: وحشتني اوي اوي
اسماء: و انت اكتر خلاص قاعدة معاكم علي طول مش هسافر تاني ازيكم يا جماعة الحمدلله حمدلله علي السلامة
اسماء: مفيش حمدالله علي السلامة يا كاظم
كاظم: وحشتني
اسماء حضنته: و انت اكتر
غيث: مش هنا يا جماعة في مستشفي احنا
كاظم: بس يا زفت
غيث بضحك: الله يسهل يا عمي
اسماء: غيث أنا اسفة
غيث بأس ايديها: مفيش حاجة انتي امي
اسماء: ربنا يحفظك ليا و تخرج الممرضة بطفلين ماهر جري عليهم
ماهر: رحاب كويسة
:الحمدلله زي الفل الولاد
ماهر: اللهم بارك و اخدهم و راح عند سليم
سليم بدموع: ماشاء الله
ماهر: سليم و سماء
سهام: حلوين اوي ربنا يباركلك فيهم يا حبيبي
***
في اوضة المستشقي التي تم نقل رحاب فيها
رحاب بتعب: ماما
حسناء: نعم يا حبيبتي حمدالله على السلامه
رحاب: فين الولاد
حسناء: اهم يا حبيبتي
ماهر راح عندها و بأس ايديها: حمدلله علي السلامة
بصي قمرات ازاي سليم و سماء
رحاب: ماشاء الله
سهام: مبارك يا ولاد
ماهر: الله يبارك فيكي يا امي
رحاب: العيال راحوا الامتحان
سهام: اه ادعلهم يجي سهل
****
في المدرسة
موسي: يلهوي علي التوتر
يوسف: اهد عشان انا متوتر لوحدي
جاد: بس بقي انتوا الاتنين
امجد: يلا علي اللجنة لعله خير
***
بعد مدة خلصوا الامتحان و خرجوا
وائل :اوف اي ده
يوسف: تلت التسعة كام
جاد: لا بص هترجع همشي
يوسف بضحك: يا بني و ربنا سوال معرفيش ليه يعني في العربي رياضة المفروض بعد كده نجيب إلة معنا
موسي: بظبط يلا نروح عشان نطمن علي رحاب
:يلا
***
رحاب خرجت من المستشفي و روحت البيت و كانوا عاملين ليها حفلة استقبال
موده: عملتوا اي
مروان: فل أن شاء الله
بيري: عملتوا تلت التسعة كام
موسي: لا احنا مش بنرجع
زهراء: ليه
جاد: عشان الحسد
اسماء: بلاش مراجعة اللي حصل حصل خلاص عملتوا اللي عليكم التوفيق من ربنا
يارا: صح يا طنط
بيري: المهم يعني عملتوا تلت التسعة كام
اسماء: أنا بقول اي اهمدي
بيري: بطمن عليهم
اسماء: خلاص اللي حصل حصل يلا عشان رحاب شكله وصلت
جاد: وصلت الشماريخ يا واد
موده: شماريخ انتوا في امتحانات ولا شماريخ
يوسف: يلا يا شباب و اخدوا الشماريخ و خرجوا و شغلوا اغنية يارب يا ربنا يكبر و يبقي زينا و طلعوا كلهم بشماريخ و الرقص الزغاريط و كانوا كلهم فرحانين و نسيوا الامتحان و تعبوا
….
سهام :عملتوا اي في الامتحان
يوسف: تلت التسعة كام
عز: نعم
فيروز : ده سوال عندنا انهاردة
ماهر: بتهزروا
حنين: والله
هيام: لا ده ربنا يستر بقي
موسي: يارب
جاد: و انتي يا رحاب جاية تولد انهاردة ما كان قدامك ايام ربنا كتير
رحاب: هو بمزاجي يا حيوان يلا الحمدلله انكم خلصتوا العربي علي خير عقبال الباقي
نورسين: ماما ماما
رحاب: نعم يا روحي
نورسين: عايزة اشوف اخواتي
رحاب: يا قلبي تعالي بصي سليم و سماء حلوين ازاي
سند: الله بقي عندي اخ
جاد: متفرحش كده هتدخل الجيش يا اهبل
يوسف: لسه صغير عشان كده فرحان
سهام :يلا قوموا الغدا جاهز يلا ناكل كلنا
****
تمر بعض من الامتحانات بفرحة و حزن و خوف و اكتئاب و كل المشاعر
فيلا سليم
يوسف: يا شهاب يا كذاب
موده: ماله ده
غيث بضحك: معلش القطعة بتاعت الانجليزي كانت بتتكلم علي الأغنية بتاعت يا شهاب
مروان: أنا فهمت الاغنية و القطعة لكن الاسئلة و ربنا مش فاهم حاجة
بيري: طيب يعني عملتوا اي
موسي: الامتحان متوسط لكن القطع رحمة اوي اوي و صعبة
زهراء: عملتوا اللي عليكم يلا المادة اللي جاية علم نفس سهلة
امجد: مش بنخاف احنا غير من السهلة دي
موده: تخاف من اي يا بابا دي مادتي يعني لقسم بالله لو ما ركزتوا فيها هولع فيكم فاهمين ولا لا
جاد: دي مادتك صح
موده: يلا تقوموا تغيروا و تأكلوا و بغد كده نبدا مراجعة
يوسف: انتي حامل و تعبانة اطلعي ارتاحي
موده: مين قالك اني تعبانة يلا يا زفت
مروان: يارب تولدي زي رحاب
موده: هولد في الخامس يلا يا اهبل انت و هو
جاد: يا خوفي مادتك تجي صعبة يا خوفي
موده: متخفش مادتي مفيش اسهل منها
يارا بدموع: الحقيني يا موده
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية معلمة من الصعيد)
