رواية ريم ويونس الفصل الثالث 3 بقلم حنين محمد
رواية ريم ويونس الجزء الثالث
رواية ريم ويونس البارت الثالث
رواية ريم ويونس الحلقة الثالثة
شخص مجهول : فكراني
ريم بتبص عليه : شكلك مش غريب عليا و(هيا فكراه اصلا)
الشخص المجهول: كنت ف الفرح اللي انتي فيه الويتر اللي صحبتك خدت الطبق منه اللي انا جبتهولك
ريم بضحكه : افتكرتك ي …
_ يونس
وانا اسمي
_ ريم
اي ده انت عرفت اسمي منين
_ مش هقولك دلوقت انتي بيتك هنا
اه ف العماره دي بالظبط واتشرفت بيك يا يونس سلام
_ هشوفك تانيي ؟
معتقدتش …
_______________
يونس شاب عنده ٢٢سنه وسيم وملامحه هاديه مش طويل اوي ف كليه طب ظروفه الماديه خليته يشتغل ويصرف علي نفسه وكليته
________________
ريم روحت البيت وفي ابتسامه علي وشها وبتفكر ف شكل يونس وقد اي هو حلو
ماما ريم: اي الابتسامه دي قالك بحبك ولا اي يا بتت
ريم: هو مين يا امي
ماما ريم : اللي طالعه مبتسمه بسببه وعينك هتطلع قلوب عشانه
ريم : يا امي هو مينفعش ابتسم ف البيت ده خالص
ماما ريم ابتسمي يختي
ريم : ماما معاذ لسه بيمشي ورايا
ماما ريم : متقلقيش انا هتصرف …
______________
ريم دخلت الاوضه وكلمت مريم حكت علي يونس
مريم : وقعنا ولا اي
ربم : معرفهوش اصلاا
مريم : يا بت عليا انا
ريم : والله معرفهوش بس شكله حلو
مريم: اتقي الله فاضل اسبوع علي الامتحانات بتاعتنا
ريم : صح عايزين نبدأ المراجعات ونستعد كفايه كده كليه الطب مستنيانا
مريم : قصدك الملاحق والكحك
ريم : يا بومه بس بقاا
مريم : هحضر الكتب وهحمل ڤيديوهات المراجعه ونذاكر ف مكتبه اسكندريه احسن والله ما بفهم ف الاعداد الكتيره اللي عند المدرسين
ريم : ماشي موافقه بس بشرط
مريم : اي هو
ريم : بعد ما نخلص هتيجي تقعدي عندي
مريم : بس كده عيوني
________________
ريم دخلت اوضتها ومعاها نسكافيه وبتحضر الكتب عشان تذاكر شويه لقيت مسدچ جت علي تليفونها
_كنتي قمر اوي
استغربت ودخلت علي الاكونت يونس احمد !!
انت عرفت الاكونت بتاعي ازاي !
_ يا بنتي انا مش قليل بردوا
بجد والله
_ عارف اسمك كنت محتاج مجهود ادور ف الاكونتات ودورت لغايه ما لقيتك
ده انت مراقبني بقااا
_ حاجه زي دي نبقي صحاب؟!
افكر
_بس بسرعه عشان معنديش وقت وغيرك يلحق يصاحبني
__________
بعد تلت ساعات ريم ويونس بيتكلموا سوا وعرفوا حاجات كتير اوي عن بعض ف وقت قليل اوي
ريم : هقوم اجهز انا عشان مريم هتستناني
يونس : الطفسه
ريم : كله الا صحبتي
يونس : هتروحوا فين
ريم : مكتبه اسكندريه
يونس: تمم هقفل انا عشان الشغل سلام
ريم : ربنا معاك سلام
____________
ريم بتبص للوقت يخربيتك يا يونس كان المفروض اذاكر يختااي لبست بسرعه وجمعت حاجتها ونزلت
مريم : المره دي انتي اللي اتأخرتي
ريم: علي الاقل مره
مريم : غلسه
ريم : يونس بعتلي
مريم : مين يونس
ريم طلعت الفون بتاعها وريتها
مريم : اوبببب يابت اللعيبه هو ده
ريم : اه
مريم : لا فورتيكه مشاءالله معندهوش اخوات
ريم : لا يا حلوفه
مريم: يا خساره بعدين اي كل الكلام ده اتكلمتوه امته
ريم : مش عارفه بس اول مره اكلم حد كده
مريم : حصل والله وناويه تعملي اي
ريم : هركنه لبعد الامتحانات
مريم : او تسلفهولي
ريم : تؤ مش هيحصل
راحوا المكتبه وذاكروا
_______________
عند يونس ف سوبر ماركت سرحان
علاء : اي يعم سرحان ف اي
( علاء يبقي صاحب يونس معاه ف كل حاجه ظابط قد الدنيا امه متوفيه وابوه اتجوز ومش بيصرف عليه اتعرفوا علي بعض من خمس سنين الشغل جمعهم ومن وقتها وهما سوا مش بيتفارقوا )
يونس : فاكر البنت اللي كنت بقعد اكلمك عنها واقولك نفسي اشوفها تاني
علاء : اه
يونس : شوفتها
علاء : اخيرا وعملت اي
يونس : يعني قربنا نبقي صحاب شويه مثلاا وانت عارف اني عندي شقه فاضلي سنتين بس ف الكليه دي وعايز اخد خطوه حاسس ان ف حاجه جذبتني ليها
علاء : الف مبروك يا صحبي وانا معاك مش هسيبك
يونس: اخويا
علاء: هقابلك بليل يعم هه
يونس : ماشي هرن عليك
رجع يونس للشغل تاني وعلاء مشي
_______________
بعد اسبوع تبدأ امتحانات ريم ومريم وصداقتها مع يونس بتزيد وبيشجعها كتير ….
_________
ريم : فاضل يومين امتحانات ونخلص اخيرا انا تعبت بجد
مريم : اه انا اتخنقت من كتر العياط
ريم : عملنا اللي علينا ان شاء الله خير
مريم : عكيت ف الانجليزي يا ريم
ريم : ان شاء الله خير متخفيش
مريم : ان شاءالله
ريم : متخيلاني انا وأنتي ف كليه طب لابسين بلطو ابيض الله
مريم: لا احلمي مع نفسك يختي
ريم : مش بقولك بومه
مريم : اخبار يونس
ريم : مش بكلمه اوي عشان الامتحانات بس بيشجعني اوي طلع ف كليه طب اصلاا
مريم : اوه وانا اقول الاحلام دي اي
ريم : لا بحلم بيها من قبل يونس يختي
مريم : ايوه ايوه عارفه
ريم : بصي هو عايز يقابلني اخر يوم امتحانات
مريم : لا يا ريم
ريم : معلش مره واحده متخفيييش
مريم : مش مرتاحه بجد انتي عمرك ما عملتي كده وبعدين انتي متعرفيهوش اوي
ريم : مش هبقي لوحدي هتيجي معايا تستنيني
مريم: كمان هتاخديني البس ف الحيط معاكي
ريم: واطيه
مريم : مش جايه ولا انتي هتروحي
ريم : هجبلك برجر لحمه كبير
مريم : هتتقابلوا فين
ريم : بتاعت بطنك والله
مريم : معاه بيبسي !
ريم : عيوني
________________
وأخيراً اخر يوم امتحان …
ريم : عملتي اي
مريم: كان كويس بجد وانتي عملتي اي
ريم : امتحان زي العسل
مريم : حلو اوي
ريم : خدي ده البرجر ودي البيبسي يلاا
مريم : ريم هيا عشر دقايق تشوفي عايز اي ونخلع
ريم : متخافيش بقا اه هيبقي معاه صاحبه تقريباً
مريم : يخربيت كدهه ربنا يسترر
___________
يونس قاعد مستني ريم
ريم : يونس
يونس : ريم عايز اقولك علي حاجه
ريم : معاك عشر دقايق عشان مريم واقفه هناك اهي
يونس: علاء راح يجيب حاجه عقبال ما اكلمك المهم عايز اقولك حاجه
ريم : ف اي مالك
يونس : انا
ريم : ايوه
يونس : ان.. انااا
ريم : انت اييي
يونس بتوتر: عارفه اول مره شوفتك فيها لما كنت عارف اسمك
ريم بضحكه : اه لغايه دلوقت نفسي اعرف
يونس : انا اللي بعتلك اسيل
ريم : كنت حاسه والله وبعتها لي
يونس : لاني اول مره اشوفك فيها حسيت بشعور غريب قولت يمكن اعجاب ولما كلمتك وبقينا صحاب اتأكدت من احساسي انا ….
ريم : كمل
يونس : ريم انا بح….
معاذ : الله الله كبرنا وبقينا نقابل انتي مش موافقه بيا عشان الكتكوت
يونس : مين ده
ريم : انت لسه بتمشي ورايا انا بكرهك يا اخي بكرهك
مريم اتدخلت بسرعه: سيبها ف حالها بقا
معاذ: اطلعي منها انتي يا عسل
ريم : احترم نفسك بعدين ملكش دعوه بيا يا معاذ وانا مش بعمل حاجه غلط
معاذ بص ليونس ب شر
وصفر صفاره عاليه
شباب اتجمعت وفضلوا يضربوا يونس
ريم بتصرخ يونس يونسسس وبتحاول تبعدهم
صوت طلقه نار ف الهوا الكل يجري بسببها و …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ريم ويونس)
