رواية سادة الرائد الشرير الفصل الثاني 2 بقلم آية الموافي
رواية سادة الرائد الشرير الجزء الثاني
رواية سادة الرائد الشرير البارت الثاني
رواية سادة الرائد الشرير الحلقة الثانية
محمد بحده وهو بيجز على سنانه:
– ورايا
مريم بخوف: ها
محمد بحده: بقولك ورايا
مشى محمد من قدامها ونزل من البيت ومريم لطمت على وشها بخوف وقالت قبل ما تنزل:
– يا لهوي يا لهوي، يا رب عدي اليوم ده على خير ده انا غلبانه ومش قده، منك لله يا اية انتي السبب، حسبي الله ونعم الوكيل
سمعت مريم محمد وهو بيزمر بالعربيه بتاعته بعصبيه فبلعت رقها بخوف وقالت جايلك يا حبيبي اصبر شويه
ضحكت ايه عليها فقالت مريم بغيظ:
– استني بس لما ابقى افضالك، ده انا هطلع اللي هو هيطلعه عليا عليكي، اصبري بس
ايه بضحك: طب انزلي بسرعه بدل ما يطلع ومحدش هيعرف ممكن يعمل ايه بجنانه ده
مريم بخوف: ربنا يستر
قالت مريم الشهاده بخوف وهي نازله على السلم لحد ما وصلت قدامه، فتح محمد باب العربيه من غير ما يتكلم عشان تركب وركب هو من ناحيه السائق، ركبت مريم وهي بتترعش وقفلت الباب وهو ساق باقصى سرعه، مريم بخوف:
– خف السرعه شةية وحياه ابوك ده انا لسه ما دخلتش دنيا
بصلها محمد بحده فبلعت ريقها وقالت بخوف:
– لا ده انت تسوق زي ما انت عايز يا وحش، براحتك يا كبير
فضل محمد سايق ومريم قالت تخوف:
– بقولك يا…
مكملتش كلامها ولقيته بيقول بعصبيه:
– برضه عملتي اللي في دماغك يا مريم ورحتي، انا هوريكي
مريم بخوف: استنى بس هفهمك
رفع حاجبه بحده وهي قالت بخوف:
– انا ما كنتش رايحه على فكره، بس هي اللي اغرتني
محمد باستغراب: اغرتك
مريم: اه، قالتلي اني لو رحت عيد ميلادها هتجيبلي تورته لوحدي
محمد بصدمه: يعني انت عملتي كل ده عشان تورته
شهقت مريم بصدمه وقالت:
– عاجبك كده
بصلها باستغراب وهي قالت:
– نسيت اخذ التورته وانا نازله وايه مش هتصدق وهتاكلها لوحدها
سمعت صوت تنفسه العالي وشفات عيونه حمرة من كتر العصبيه، مريم بخوف:
– في ايه يا محمد مالك
محمد بهدوء ما قبل العاصفه:
– انا هوريكي
مريم وهي بتحاول تخلي صوتها رقيق عشان يهدى شويه:
– ههون عليك يا حماده
ابتسم محمد بخبث وقال:
– لو انتي مفكره ان نبرتك دي هتخليني اتراجع تبقى غلطانه
كمل محمد سواقته وهي قالت بخوف:
– طب احنا رايحين فين؟
مردش عليها فقالت:
– يا محمد
محمد بعصبيه: ما تسكتي بقى ايه لوك لوك لوك لوك ما بتفصليش ابدا
مريم بغيظ: ما انت اللي مش راضي تقولي احنا رايحين فين الله
محمد بحده: انتي كمان ليكي عين تتكلمي بعد العامله اللي انتي عملتيها دي
مريم: ما انت اللي مش راضي تخليني اروح الله، خلي بالك انا عامله زي الحمامة الصغيره لو ضغطت عليها جامد هتفعص في ايدك يا محمد، هتخنق وانا مش عايزه اموت مخنوقه
محمد: كملي كملي يا فيلسوفه كملي
مريم: المفروض بنت رقيقه وجميله زيي تتعامل برقه مش بالطريقه اللي انت بتعاملني بيها دي
محمد بسخريه: رقيقه اه، اومال مين اللي طلع جعفر اللي جواه وفضل يجعر عشان اخته اخذت حاجه بتاعتك ومش بتاعتها؟
مريم: وانا ايش عرفني ان انت كنت لسه على الخط؟ بشم على ظهري ايدي يعني انا ولا حاجه!
محمد: افضلي اتكلمي كده كتير لحد ما تجيبي اخري اكتر ما انا جايبه اصلا
مريم بخوف: محمد ده انا مريم حبيبتك
محمد بشماته: انسي، هتتعاقبي يعني هتتعاقبي
مريم ببرطمة وصوت واطي: يا عم اقعد على جنب كده ده انت بق ومش هتعمل حاجه
محمد: بتقولي حاجه؟
مريم بخوف: لا يا اخويا ما بقولش
وقف محمد العربيه مره واحده وقال بعصبيه:
– نعم اخوكي
مريم بخوف: ده تعبير مجازي يا محمد في ايه
محمد بغيظ: ماتعبريش يا اختي
مريم ببرطمه: حتى كمان التعبير هتتحكم فيه
محمد: افضلي برطمي كده كتير ماشي يا مريم
ودت مريم وشها الناحيه التانيه بتكشيره وهو فضل سايق لحد ما وصل للمكان بتاعه، بصتله لمريم لما لقيته وقف العربيه وقالت باستغراب وهي بتبص حواليها:
-انت جايبني فين؟
محمد بخبث: انزلي وانتي هتعرفي
مريم بخوف من ابتسامته: انا مش مطمنه من الابتسامه دي ولا النظرات دي
محمد بخبث: لا ده انا عايزك تطمني خالص
مريم بخوف: انت ناوي تعمل فيا ايه يا محمد! على فكره بقى انا واحده مهمه خلي بالك يعني لو عملت في حاجه كلهم هيلاحظوا اختفائي وهتروح في ستين داهيه
محمد بسخريه: مهمه ايه يا مريم ده انتي ما حدش يعرفك غيري انا وامك واختك وصاحبتك اللي ما بطيقهاش دي ولا هي بتطيقني
مريم بغيظ: قصدك ايه بقى
محمد ببرود: انزلي يلا مريم
بخوف: لازم؟
رفعع حاجبه بعصبيه وهي قالت بخوف قبل ما تنزل:
– اوامرك يا باشا
نزلت مريم وهو نزل من العربيه ومسك ايدها وسحبها وراه، دخلت مريم معاه واستغربت لما لقيت ادوات عسكريه وحاجات خاصه بالفنون القتاليه، مريم باستغراب:
– ايه ده يا محمد
محمد بخبث: دي الاوضه العسكريه الخاصه بيا
مريم بصدمه: وانت جايبني هنا ليه
محمد بخبث: انا هقولك
فضل محمد يدور حواليها وهو بيقول:
– عصيتي كلامي وروحتي لعيد الميلاد، لا وكمان طالبه اوبر، يعني اعدتي في العربيه مع راجل غريب لوحدك
مريم بصدمه: راجل غريب ايه يا محمد! ده السواق
محمد بعصبيه: وهو السواق ده راجل ولا مش راجل؟
مريم بخوف: راجل بس هي مبتتحسبش كده، اهدى بس وانا هفهمك
محمد: لا متفهمنيش عشان هي بتتحسب كده
مريم بخوف: انت عرفت منين اصلا ان انا في عيد الميلاد، مش انت كان وراك مهمه انهارده
محمد: اتاجلت عشان اكشفك
مريم ببرطمة: لا هي اتاجلت عشان حظي النحس
محمد: يعني انتي كمان كنت بتستغفليني
مريم بخوف: ها، لا طبعا استغفلك ايه ما تقولش كده احنا اهل
محمد بغيظ: لا والله! بامأره لما استغليتي اني مش هبقى فاضي عشان تروحي من ورايا، ده يبقى ايه يا هانم استغفال ولا مش استغفال
مريم ببلاهة: اعتبرها استغفال نص ونص كده وكده يعني
محمد بعصبيه: احنا هنهزر
مريم بخوف: لا طبعا
محمد بغيظ: ده انا اول لما عرفت ان المهمه بتاعتي اتاجلت قلت يا واد روح خدها من بيتها ووصلها عيد الميلاد واحضر معاها عشان متنامش زعلانه، ده مهما كان عيد ميلاد صاحبتها برضو، تقومي عامله كده
مريم بخوف: وانا ايه اللي عرفني يعني ان ده هيحصل، وكمان منها لله ايه هي السبب
محمد: بتعلقي غلطتك على شماعة غيرك، وهو انا اهم مين انتي ولا اللي اسمها ايه دي
مريم: انا طبعا
محمد: يبقى مين اللي المفروض غلطان انتي ولا هي
مريم: احم بسم الله الرحمن الرحيم الاجابه انا
محمد: طب كويس انك عارفه
مريم: بقولك ايه يا سياده الرائد، ما الصلح خير والدنيا حلوه روحني بقى
محمد بخبث: ده بعدك
مريم بخوف: طب قولي بس انت ناوي تعمل ايه
مسك محمد الس..لاح بتاعه ووجه ناحيتها فقالت بخوف:
– هارسوح، انت هتعمل ايه يا مجنون! بص استنى اما افهمك حرام لما تدخل السجن بسبب واحده زيي
محمد بخبث: لا مالكيش دعوه انتي انا عايز ادخل السجن
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سادة الرائد الشرير)
