رواية سادة الرائد الشرير الفصل الثالث 3 بقلم آية الموافي
رواية سادة الرائد الشرير الجزء الثالث
رواية سادة الرائد الشرير البارت الثالث
رواية سادة الرائد الشرير الحلقة الثالثة
بخوف: اعقل يا محمد انا عارفه انك مجنون بس مش للدرجه دي
محمد ببرود: انزلي على الارض يلا واعملي مية ضغط يا اما اللي هيحصل مش هيعجبك خالص
مريم بصدمه: مية ضغط ايه يا محمد ده انا باخد نفسي بالعافيه انت فاهم غلط
محمد ببرود: يلا
مريم بخوف: حاضر
وطت مريم على الارض وهي بتقول:
– حسبي الله ونعم الوكيل في كل ظالم ومفتري
محمد: بطلي برطمة
مريم بغيظ: حاضر
عملت مريم اثنين ضغط وجت تعمل التالته اما واقعة على وشها، مريم بوجع:
– اه
كتم محمد ضحكته عليها بصعوبه وقال:
– حتى دي مش فالحه فيها، انتي منتيش فالحه في اي حاجه غير طوله اللسان وبس
مريم بغيظ: عاجبك كده
محمد: قومي يا موكوسه قومي
قامت مريم وقالت بفرح:
– عفوت عني خلاص؟
محمد ببرود: لا
مريم بغيظ: ما تتهد بقى يا عم بقى انا معنديش صحة لكل الفرهدة دي
محمد بغيظ: انما عندك صحه انك تروحي عيد الميلاد من ورايا صح
مريم: ميبقاش قلبك اسود بقى يا حماده خلاص انا اسفه مش هكررها تاني
محمد: حظك ان انا ورايا مهمه صعبه كمان يومين، انتي عارفه لو المهمه دي مكانتش ورايا انا كنت عملت فيكي ايه
مريم بخوف: مهمه ايه دي يا محمد، انت ما بتقولش على اي مهمه صعبه غير لما بتكون فعلا صعبه ونسبه نجاحها قليله
محمد: هي فعلا صعبه ونسبه نجاحها قليله
مريم بخوف: محمد بالله عليك بلاش تروح المهمه دي
محمد: انتي بتقولي ايه يا مريم مش هينفع طبعا، انا رائد لو مش واخده بالك يعني المهمات اللي زي دي ما ينفعش انسحب منها ابدا
مريم بدموع: مش مهم المهم متروحش عشان خاطري
مسح محمد دموعها وقال:
– ما تخافيش عليا يا حبيبتي انا هرجع زي كل مره ان شاء الله
مريم بخوف: محمد صدقني انا مش هسامحك ابدا لو جرالك اي حاجه
محمد بضحك: يا بت ما تفوليش عليا بقى قولنا ما تخافيش
مريم بدموع: هتبقى كويس مش كده
محمد بابتسامه: اه يا حبيبتي هبقى كويس ان شاء الله ما تخافيش انتي بس، وكمان انا عندي خبر حلو اوي ليكي
مريم باستغراب:
– خبر ايه ده
محمد بحب:
– اول لما ارجع من المهمه ان شاء الله هطلب ايدك وعلاقتنا هتبقى رسمي
مريم بفرح: بجد يا محمد
محمد: بحب بجد يا عيون محمد
بص محمد في ساعه ايده وقال:
– يلا اروحك عشان ما تتاخريش على البيت
مريم ابتسامه: حاضر
خرجوا بره وركوبوا العربيه بس استغربت مريم لما لقت محمد وقف العربيه وهما لسه ما وصلوش للبيت، مريم باستغراب:
– وقفت العربيه ليه؟
محمد وهو بينزل:
– استني خليكي هنا هجيب حاجه وجاي
دخل محمد محل حلويات وطلب تورته بالشوكولاته اللي مريم بتحبها، بعد ما اشترى التورته ركب العربيه وحطها على رجلها وقال:
– كلي دي لما تروحي
استغربت مريم وفتحت الشنطه واتصدمت لما لقت انها تورته، مريم بصدمه:
– تورته
محمد بابتسامه: بعد كده لما نفسك تروح لاي حاجه اطلبي مني على طول
مريم بابتسامه: حاضر
وصل محمد لبيتها وقال:
– خلي بالك من نفسك
مريم بضحك: المفروض انا اللي اقولك كده على فكره مش انت
محمد بحب: انا وانتي واحد
مريم؛ متنساش تكلمني يا محمد قبل ما تروح المهمه دي
محمد بابتسامه: حاضر متقلقيش
مريم: ومتنساش تطمني لما تخلص المهمه بالله عليك
محمد بابتسامه: حاضر اطلعي يلا بقى عشان مامتك متقلقش عليكي
مريم بابتسامه: حاضر
طلعت مريم فوق وهو فضل يبص على طيفها لحد ما اختفت من قدام بيتها
خبطت مريم على باب بيتها فقالت رقيه:
– مين؟
مريم: ده انا افتحي
رقيه: لا مش فاتحه
مريم بغيظ: افتحي يا رقيه يلا
رقيه: هتدفعي كام
مريم بغيظ: هفتحلك دماغك حلو كده
ضحكت رقيه وفتحت الباب وقالت:
– انتي على طول عنيفه كده
مريم: اه واذا كان عاجبك
جت علا وقالت بابتسامه:
– اتبسطتي في عيد الميلاد؟
مريم بسخريه: ده انا اتبسطت جدا، حتى شوفي اديتني تورته لوحدي
رقيه بلهفه: تورته
مريم بتحذير: اقسم بالله يا رقيه لو لقيت التورته دي ناقصه حته لا هزعلك مني جامد
رقيه بغيظ: انتي عايزه تاكليها لوحدك ولا ايه
مريم: وانتي مالك انتي
رقيه: على فكره اللي ياكل لوحده يزور
مريم: يا ستي انا عايزه ازور مالكيش انتي دعوه
ضحكت علا عليهم وقالت:
– انا هدخل انام عايزين حاجه؟
مريم ورقيه: لا يا ماما مش عايزين
علا بابتسامه:
– تصبحوا على خير
مريم ورقيه: وانتي من اهله يا حبيبتي
دخلت علا اوضتها عشان تنام ومريم قالت:
– هاتي طبق اما اديكي حته
رقيه بفرح: كنت عارفه اني مش ههون عليكي تاكليها لوحدك
مريم: لا انتي فاهمه غلط انا هأكلك منها عشان عينك ما ترشقش وابات في المستشفى انهارده بسببك
رقيه بغيظ: حد قالك قبل كده انك بارده
مريم باستفزاز: ياه كتير اوي
نفخت رقية بضيق وهي رايحه تجيب الطبق ومريم قالت بخوف:
– ربنا يرجعك ليا بالسلامه يا محمد يا رب
بعد ما اكلوا التورته مع بعض دخلت مريم اوضتها ولقيت ايه بترن عليها، ردت مريم بغيظ وقالت:
– يا نعم
ايه: انتي لسه عايشه، طب الحمد لله اديني اطمنت عليكي، يلا عايزه حاجه بقى قبل ما اقفل
مريم بغيظ: لا والله
ايه بضحك: انا عارفه ومقدره انك عايزه تتفي في وشي بس وانا ايه اللي عرفني يعني انه هيقفشك مش انت اللي قولتي ان هو في مهمه
مريم بغيظ: مهو عشان حظي اللي شبه وشك المهمة اتلغت
ضحكت ايه عليها وقالت:
– مقبوله منك يا ستي
اتاوبت مريم بنعاس وقالت:
– اقفلي بقى عشان انا صاحيه انهارده من الصبح
ايه بابتسامه: ماشي تصبحي على خير
مريم: وانتي من اهله
عدى يومين ومحمد كلم مريم قبل ما يروح المهمه، كانت مريم قاعده على اعصابها وكل شويه تدعيله ان المهمة تنجح ويرجعلها بالسلامه، فات اول يوم على المهمه ومريم كانت هتموت من الخوف عشان محمد لسه ما كلمهاش لحد دلوقتي، مريم:
– يارب رجعهولي بالسلامة يارب
كانت مريم مبتتنقلش في حته غير والموبايل معاها عشان لو رن ترد على طول، عدى خمس ايام وبرضو محمد ما كلمهاش فاعدت تعيط وتقول بخوف:
– هو مرنش ليه، يارب ما يكون جراله حاجة يارب
دخلت رقيه الاوضه وقالت بصدمه:
– مريم انتي بتعيطي
مسحت مريم دموعها بسرعه وقالت:
– لا مبعيطش ده انا بس كنت بتابع مسلسل فعيطت بسبب اللي البطل عمله في البطله
ضحكت رقيه وقالت:
– ربع تفاهتك والحياه عندي هتبقى حلوه
مريم بغيظ: انتي دخلتي عشان ترخمي عليا ولا ايه
رقيه بتوتر: لا انا دخلت بصراحه عشان عايزه البس البلوزه الجديده بتاعتك
مريم :ماشي خوديها
رقيه بصدمه: ايه
مريم باستغراب:
– في ايه
رقيه: انتي بجد وافقتي
مريم: اه
رقيه بصدمه: اصلها ايه ده انتي مكنتيش بتوافقي غير لما اقعد اتذلك ساعتين بحالهم
مريم بغيظ: بقولك ايه هتاخدي البلوزه وتحلي عن نفوخي ولا احلف بالله ما انتي لابساها
رقيه بخوف: لا خلاص خلاص
اخذت رقيه البلوزه وخرجت بره ومريم فضلت تعيط وتدعي ربنا ان محمد يرجع بالسلامه
• بليل
لبست مريم هدومها بضيق وقالت:
– يعني حبكت يعني يجيلنا ضيوف دلوقتي، وكمان ضيوف مين دول
دخلت علا عليها الاوضه وقالت بصدمه:
– ايه اللي انتي لابساه ده
مريم باستغراب: ماله لبسي
علا بغيظ: هو في واحده تقابل العريس باللبس اللي انتي لابساه ده، البسي فستان
مريم بصدمه: عريس
علا: اه
مريم بعصبيه: وانتي ماقولتليش ليه من الاول يا ماما، انا مش عايزه اقابل عرسان
علا: علشان انتي على طول بتقعدي ترفضيهم فاضطريت اني ادبسك
مريم: انا مش هقابل حد يا ماما
علا: انا اديت كلمه ليهم مينفعش تصغريني قدامهم، اقلعي اللي انتي لابساه ده والبسي فستان يلا عشان زمانهم على وصول
خرجت علا بره ومريم قالت بضيق:
– ده العريس ده وقعت امه سودا عشان فكر يتقدملي
خلصت مريم لبسها وعلا دخلت وقالت:
– تعالي يلا عشان الناس اجت
مريم بضيق: حاضر
خرجت مريم وراها بس اتصدمت لما لقت محمد قاعد جنب مامته وبيبصلها بحب، ادت رقيه صينيه العصير لمريم عشان تقدمهالهم ومريم اخذتها منها وحطيتها على الترابيزه قدامهم وهي بتقول بتوتر:
– اتفضلوا
صفاء مامه محمد بابتسامه:
– ما شاء الله، لا عرفت تنقي يا محمد
احمرت خدود مريم من الكسوف وصفاء قالت:
– يلا نسيبهم لوحدهم شويه عشان يتعرفوا على بعض
صفاء بابتسامه: اتفضلي معايا
راحوا قعدوا في حته بعيد بس شايفينهم ومريم قالت بصدمه:
– انت جيت امتى ومقولتليش ليه
محمد: حبيت اعملهالك مفاجاه وانفذ وعدي ليكي
مريم بعصبيه: انت تعرف انا كنت قلقانه وخايفه عليك قد ايه
محمد بضحك: عارف، خلاص فكي بقى
مريم بغيظ: والله، طب ابقى شوف بقى مين اللي هيوافق عليك
محمد بغيظ: مريم متجننيش
مريم بعند: مرة من نفسي، ولا هو انت بس اللي ليك الحق انك تجنني
محمد بغيظ: اتظبطي بدل ما اظبطك
كشرت بضيق وهو قال:
– يا بت متبقيش بومة بقى فكيها
مريم بغيظ: بعد كل ده وتقولي بومة
محمد بضحك: يا ستي انا اللي بومة اضحكي بقى
ابتسمت مريم وهو قال:
– اخيرا
ضحكت عليه وهو قال:
– بحبك يا احلى حاجة في حياتي
مريم بكسوف وحب: وانا كمان بحبك
تمت
لقراءة الرواية كاملة اضغط على : (رواية سادة الرائد الشرير)
