رواية دواء قلبي الفصل الرابع 4 بقلم سلمى عبدالجليل
رواية دواء قلبي الجزء الرابع
رواية دواء قلبي البارت الرابع
رواية دواء قلبي الحلقة الرابعة
محمد اول م دخل سچا جريت عليه : بابا اتاخرت كدا لي وفين سيف لسه مرجعش م الچيم لحد دلوقتي
محمد حاول يتماسك قدام بنته وقال : سيف مش ف الچيم
سچا بتعجب : اومال فين
محمد حكالها الي حصل وهو بيبكي
سچا وقعت ع الارض اغمى عليها من الصدمه منى طلعت م المطبخ جري ومحمد فضل يفوق ف سچا منى قامت جابت ميه وحاولت تفوق سچا
بعد شويه سچا فاقت
منى : مالك ي حبيبتي اي الي حصل ي محمد
محمد حكى لمنى الي حصل فضلت تعيط : ابنيي ازاي دا حصل ازااي
سچا بعياط : ودوني ليه انا عايزه اشوفه
محمد طبطب عليها وقال : ممنوع الزياره ممنوعه انهارده الدكتور قال تعالو بكره هنروح بكره
سچا بصريخ : لااا ودوني لييه انا مش هقدر افضل كدا وهو تعبان هناك
محمد حضنها وحاول يهديها : ي سچا ي حبيبتي اهدي هنروح بكره والله بدري وبعدين عمرو هناك مش هيسيبه لوحده ولو حصل حاجه هيكلمني يلا كل واحد يرتاح عشان هنمشي بكره بدري
سچا قامت بتعب ودخلت اوضتها خرجت كل الالبومات بتاع صورها وهي معاه وفضلت تتفرج وتعيط : انت صاحبي واخويا وابويا دا انا شوفت الدنيا ع ايديك ياارب اشفيه وفوقه م الغيبوبه الي هو فيها يارب وقامت تتوضى عشان تصلي فضلت تصلي وتدعيله
ف اوضه محمد ومنى …
منى بعياط: يعني ابني مش هيقوم ابني خلااص راح مني
محمد بيحاول يهديها : ي منى وحدي الله الدكتور قال هيفوق ويقوم بالسلامه هو محتاج دعواتنا مش الندب دا يلا نقوم نصلي وندعيله
قامو اتوضوا وفضلوا يصلوا ويدعوله
ف المستشفى
عمرو ماسك المصحف عمال يقرا قرا سبع اجزاء وبعدها فضل يدعي كتير اوي وقام اتوضى عشان يصلي وفجاه لقى موبايله بيرن خرج م الحمام مسك الموبايل لقى الدكتور
عمرو : السلام عليكم خير ي دكتور في حاجه سيف كويس
الدكتور بصوت حزين : الحاله غير مستقره حاليا ي استاذ عمرو محتاجين نقل دم ضروري وسيف فصيله دمه نادره ومش موجود ف بنك الدم غير كيسين دم بس وهو محتاج اكتر
عمرو : انا فصيله دمي نفس فصيله دمه ثواني هكون عند حضرتك انا ف المسجد تحت
عمرو لبس الكوتش بتاعه ع طول وقام طالع بسرعه ووصل
عمرو وهو. بينهج: انا موجود اهو ي دكتور ومستعد
الدكتور :لازم يتعملك فحص عشان نشوف دمك نقي ولو عندك مرض او حاجه
عمرو : انا لسه عامل فحص شامل ع نفسي اول امبارح وانا كويسه ومعايا التقارير ع الموبايل وقام مطلع موبايله واداه للدكتور عشان يشوف التقارير
الدكتور : طب الحمدلله يلا انت كدا تمام
عمرو راح معاه اخدو منه الدم الي هما محتاجينه ونقلوه لسيف وجابوله اكل وعصاير عشان يعوض فقد الدم ده
بعد ساعه
الدكتور : الحمدلله الحاله رجعت استقرت تاني متشكرين جدا ي استاذ عمرو لولا وجودك كان زمان الاستاذ توفى
عمرو : بعد الشر عليه ربنا يقومه بالسلامه انا افديه بقلبي مش بدمي بس
اادكتور : ربنايخليكوا لبعض في ممرض هيفضل معاه ولو حصل حاجه هيكلمني وانا بيتي ف وش المستشفى
عمرو : تمام ي دكتور
الدكتور ساب عمرو ومشي عمرو نزل عشان يصلي فضل يصلي ويدعيله كتيير اوي لانه صاحب عمره و بالنسباله اهم شخص ف حياته
عدت الليله بسلام وحاله سيف كانت مستقره لكنه لسه ف الغيبوبه مفاقش
الساعه سبعه الصبح ..
ف بيت محمد الكل كان لابس وجاهز وهيمشوا اخدو اكل عشان عمرو هناك ماكلش حاجه وراحوا عشان يشوفوا سيف
وصلوا المستشفى وكان عمرو قاعد ع كرسي قدام العنايه المركزه محمد راح بسرعه عليه
محمد : فااق ؟
عمرو بحزن : للاسف لا ….. انا عايزك ف حاجه ي عمي
واخد محمد ومشي
محمد : خير ي ابني في اي
عمرو حكاله الي حصل بالليل
محمد بلوم : ومرنتش عليا لي ي عمرو
عمرو : لاني كنت عارف انك كدا قولتلهم واي مكالمه هتعمل قلق والحمدلله حالته استقرت
محمد : ربنا يحفظه ويشفيه ويقومه بالف سلامه يارب
عمرو : يارب ي عمي يلا نروح عشان طنط منى وسچا
راحوا لقوا سچا عماله تعيط هي ومنى
محمد راح عليه : اهدوا بق ي اما هروحكوا الي هتعيط هتروح البيت احنا جايين نطمن مش جايين نتعبه اكتر
الاتنين سكتوا بعدها الدكتور وصل
عمرو : نقدر نشوفه دلوقتي ي دكتور
الدكتور : ايوه بس كل واحد لوحده مش هينفع تدخلوا كلكوا وبعدين مش هينفع الستات يدخلوا
عمرو : تمام ي دكتور وبص لمحمد وقال : اتفضل انت ي عمي ادخل
محمد : خلي بالك منهم ي عمرو
عمرو : حاضر ي عمي
سچا : انا عايزه اشوفه
عمرو : ممنوع ي سچا الدكتور قال لا
منى يعياط : انا عايزه اطمن ع ابني
عمرو : ي طنط بعد اذنك الموضوع صعب لوحده متعيطيش لو سمحتي مش هينفع تشوفوه انهارده ان شاء الله تشوفوه بكره
الاتنين سكتوا
محمد دخل وشاف سيف وكان محطوط ع اجهزه كتيره ودماغه ملفوفه بشاش عشان الفتح الي موجود ف دماغه محمد وقع ع الارض م الصدمه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية دواء قلبي)
