رواية موج الرعد الفصل السابع 7 بقلم سما الحملاوي
رواية موج الرعد الجزء السابع
رواية موج الرعد البارت السابع
رواية موج الرعد الحلقة السابعة
موج صدمه….ديااب!!
رعد بصلها بعيون تشبه الجمر من الغضب…نعمممم
وهييبه بقلق…رعد استنى افهم
دياب راح لها…انتي اتجوزني رعد ولااا قاعده معاه اصل رعد مش وش جواز منا وهو واحد
رعد مقدرش يصبر وكان هيدي بالبوكس لكن موج مسكت ايدو وقالت…استنى يارعد
رعد بصلها بغضب وكلهم اتفاجئوا هي بتدافع عن دياب…
موج راحت لدياب وادتوا بقلم جامد على وشه بأيدها السليمه من قوته خلاه يتحرك من مكانه وقالت بغضب…انت تخرس خالص مش كل الناس شبهك نجسين رعد جوزي على سنة الله ورسووله وضوفروا انضف منك ياحقييير اطلع برااا
دياب بغضب…انا هوريكي ياموج وهدفعكوا التمن
رعد راحله بغضب واداه بالبوكس…اطلع برااا مش عاوز اشوف وشك هنااا
دياب مشي وهو بيمسح وشه مكان قلم موج وبصلها قبل ما يمشي بخبث وخرج…
رعد بغضب…انا عااوز افهم علاقتك ايه ب ديااب
انعام…اهدى يارعد نفهم منها بهدوء
رعد…هي خلت هدووووء فهمينييي
موج وقفت بهدوء وقالت…تمام هقول القصة دي محدش يعرفها غير ماما وهيبه القصة بدأت من سنه كنت لسه تامه ١٩سنه وزيي زي اي بنت دخلت جامعة نفسها يكون عندها لبس وميكب وحاجات خاصه بيها لكن عمي كان بيديني فلوس المواصلات وبس قررت انزل شغل لما شوفت اعلان من شركة»الهاارون«طلبين مواظفين قولت لماما وهيبه ونزلت الشغل دياب قبلني لأني كنت بستوعب بسرعه خلاني السكرتيرة بتاعته الخاصه كان بيعاملني حلو وبيحترمني وانا اعجبت بيه وبشخصيته ف هو جه وقالي انه معجب بيا وبيحبني وكدا ف انا فرحت وقولتلوا انه يجي يطلبني من ابن عمي وماما وهيبه لكن رده صدمني…
فلاااش باك..
موج بفرحه…بجد وانا كمان بردو انت ممكن تيجي تتقدملي من ابن عمي وماما وهيبه
دياب بسرعه…بس انا مش قصدي كدا ياموج
موج بأستغراب…مش فاهمه اومال ايه قصدك
دياب…قصدي يعني اني اخدك تعيشي معايا في فيلتي بصراحه حوار الجواز دا بدري عليه يعني نعرف بعض اكتر نقرب من بعض ونفهم بعض وبعدين نشوف حوار الخطوبة والجواز وكدا انا وانتي بنحب بعض ودا المهم
موج بصدمه وخذل…عاوزني اعيش معاك من غير جواااز
دياب وحط ايديه على دراعتها وقال…ايوه انا بحبك ياموج
موج زقته جامد وقالت بدموع…انت اوطى انسان شوفته انا مش عاوزه اشوف وشك دا تاني روح لواحده شمال تقولها كدا
باااااك…
موج بدموع…وحاول اكتر من مرا يكلمني لكن انا صديته لحد ما زهق وبطل يحاول انا كل حياتي وجع في وجع
كلهم حزنوا عليها وقربوا منها انعام ووهيبه…اهدي ياموج اهدي
رعد قرب منها وهما بعدو مسك دراعها وشدها لحضنه وفضل حاضنها جامد نسي كل الي حواليه مش شايف غيرها ولا حاسس غير بيها هي ارتاحت في حضنه وحضنته بأيدها السليمه…
وهيبه وانعام بصولهم بصدمه وفرحه..
زادت صدمتهم لما رعد شال موج الي حضناه وبتعيط في حضنه…
شالها ومهتمش بوجع رقبته وطلع بيها لأوضتهم…
نزلها ومسح دموعها وشال طرحتها وفك شعرها وحضنها جامد تاني..
مشهد في مشاعر تليق عليه الكوبليه دا…
في حضنك بفتكر أمي
وبنسى دنيتي وهمي
ده انا امشي معاكي متغمي
في ايه بعد الأمان دا في ايه
رعد بحنان…اوعدك اني هكون ليكي السند هكون ليكي الاب والاخ والزوج هكون ليكي كل حاجه اوعدك اني هفضل جنبك مش هسيبك وهنتقم من دياب على كل الي عملوا فيكي و هضمك لحضني اخبيكي من العالم مش هسيبك تعيطي تاني انتي غيرتي فيا كتير في وقت قصير حسيت بكتير معاكي ياموج
موج بدموع…توعدني ان دا كله يحصل
رعد باسها بتعمق وقال…اوعدك ياموج اوعدك
موج مسحت دموعها وفرحت اوي…
༺༺༺༺༺༻༻༻༻༻
عدا الوقت ونزل رعد بغضب…
وهيبه…رايح فين يارعد
رعد بغصب جحيمي…رايح اخد حقي وحق مراتي واه عمتي جه وقت اني اخد حقي من مدحت
رعد خرج بغضب وراح لدياب…
دياب…اهلا بشريكي القديم
رعد بغضب…جيت اعرفك ان الحرب هتقوم عليك يادياب
دياب بضحك…ليه بس يارعود دا انا حتى بعزك
رعد بسخريه وقوة…دياب الهارون تصدق انا حزين حقيقي كنت انت لسه مدخلتش في المجال دا وانا كان عندي ١٨سنه وبشتغل مع ابويا من اولى جامعة وكنا بنتعامل مع سعد الهارون ابوك حقيقي كان رجل ونعم الكلمه امين وخلوق وصادق ياشيخ السجارة مكنش بيشربها ومكنش بيسيب فرض جابك انت تدمر كل الي بناه في ٣٠سنه مات وساب املاكه لمريض زيك وصدقني هوريك كويس ازاي تعمل الي عملتوا فيا زمان وعملتوا في مراتي هدفعك التمن كويس يادياب
رعد خرج بأنتصار انه عرف يستفزه…
دياب بص جمبه وكسر كل حاجه وقال بغضب…هفضل ادمرررر فيك يارعددد لحد ما تنتهييي في اسرار كتيرة معاياا وهتشوف هعمل ايهه فيك كويس
༺༺༺༺༺༻༻༻༻༻
عند دارين…
نزلت بضيق من البيت وراحت وقفت برا قدام بوابة فيلا رعد…
رعد وصل وشافها شاورلها بأيدو من العربية والبوابه اتفتحت دخل وهي دخلت وراه نزل من العربية ووقف قدامها وبينهم مسافة ٢متر هي الحزن باين عليها وهو واقف بشموخ…
دارين…انت اعترفت يارعد بأنها زوجتك
رعد…دارين انا وانتي مينفعش نكمل مع بعض
دارين بضحك…متنفعش ايه تكمل معاياا لا بتهزر
رعد بضيق…دارين انا بتكلم جد انا وانتي مينفعش نكون مع بعض
دارين بغيظ…عشان الي فوق دي لا يارعد واه متعملش نفسك طيب انت عمرك ما تتغير انت هتفضل زي ما انت تشرب وتصاحب وتمشي مشي بطال انا وانت الي نليق على بعض يارعد انت مش ملاك وهثبتلك دا كويس
لفت وسابته ومشيت ورعد بص فوق شاف موج بتبص عليه بسخريه دخلت وهو طلع على فوق على طول…
رعد…موج
موج بمقاطعه…بص انا كنت غبيه من ساعتين اني اتكلمت معاك عارف لما فكرت لقيت اني عليت من شأنك قدام دياب وانت قبلها كنت قاعد تهين فيا بكلامك وافعالك رعد دارين عندها حق انتو شبه بعض امشي يارعد امشي مش عاوزه اشوف وشك
رعد بصلها بغضب شد عروق ايدو وبصلها وكان هيض”ربها بالقلم لكن اتمالك نفسه وخد بعضه ومشي…
كان نازل لكن مسك رقبته جامد من الوجع وقال….ااااه
موج فتحت الباب وخرجت لي بسرعه…انت تعبان تعالى اقعد
رعد بوجع وسخريه…وانا كان امري يهمك
دخل خد علاجه وخرج وهو مخنوق….
༺༺༺༺༺༻༻༻༻༻
يمان جه وكان طالع اوضته لكن شاف موج قاعده على الارض تبكي…مووج مالك في ايه
موج بسرحان…انا انا فيا كتير يايمان كل وحش بيحصلي عارف انا مش هنكر ان حصلي ايام حلوة في حياتي لكن ايام انا كنت بقعد بالشهور ببكي من الحزن انا عمري ما اعترض على قضاء ربنا لكن ليه يا يمان بيحصلي كل دا انا وحشه للدرجادي
يمان طبطب على ايدها…لا ياموج مش وحشه لكن العالم هو الي وحش ومش كل الي بنحبوا وبنختاره بناخده
بص على باب غرفة رغد بحزن…
موج…عارف يايمان انا بتمنى أني اعيش مع رعد معرفش ازاي لكن انا قلبي نبض لي المضحك اني حبيت عيوبه
يمان بضحك…دا الحب ياميجو
موج بحزن…لكن القصة الي بدايتها حزن نهايتها حزن يايمان
يماان…فرفشي بس وتععالي نشوف ست رغد دي كمان
دخلوا ليها…
موج…رغووود
يمان…ياهااانم
رغد ابتسمت بهدوء..
موج…مش ناوية تتكلمي معانا بئا
يمان…لا يابا شكلها مش بتحبنا
رغد ضحكت بصمت…
موج…يارغود مش نفسك تدخلي جامعة
رغد عيونها لمعت بفرحه…
يمان…وكان نفسها في كلية لغات وترجمه
رغد بصتلوا بمعنى لسه فاكر…
موج…الله هي دارسه لغات بئا
يمان بثقه…بنت خالي وبلا فخر واخده ٣شهادات في الفرنساوي والالماني والاسباني
موج بأعجاب…واااو
يمان…ايوه والله كانت وخداهم من اماكن مشهوره برا مصر وبتدعمها دول كتير اوربيه انا كنت كل مرا بنفسي اجبها واوديها
موج…لا انا عاوزه اسمع
يمان…ياختي بيقولك صباح الخير بالأسباني يعني Bonjour
رغد بسرعه وسعادة لكلامهم…لا يعني Buenos dias بنجور بالفرنساوي
موج بضحك…شوفتي خلناكي تتكلمي ازاي
يمان فرح وقال…شوفتي ازاي كلامك حلو
رغد بفرحه…انا بحبكم اويييي
يمان وموج….واحنا كمان
رغد ويمان عيونهم اتلاقت…
موج لاحظت وابتسمت وقالت…هنروح لدكتور تاني يارغد متيأسيش ممكن
يمان…عشان خاطري
رغد…وانا موافقه
حضنوها بفرحه كبيره…
خرجوا وسابوها ويمان دخل اوضته وهيبه نادت لموج…
حضنتها وقالت…عيطي ياموج عيطي
موج بوجع…اااااه ياماما ااااه على وجع قلبيييي
فضلت تعيط لحد ما هديت ووهيبه قالت…كل حاجه حلوة هتيجي بطلي عياط بئا ومتوجعيش قلبي انا قولتلك تعيطي عشان تخرجي الي خنقك خرجتي ف اهدي يانور عيني
༺༺༺༺༻༻༻༻༻༻༻
بليل رعد دخل الاوضة شافها قاعده تصلي…
قعد جمبها وخلصت وقالت…انت كويس
رعد…ايوه كويس
شدها من دراعها السليم وقعدها في حضنه…انتي عامله ايه
موج بخجل…الحمدلله
رعد…ممكن متزعليش
موج…افرق معاك
رعد….اه ياموج تفرقي وانا بجد مش عاوز يحصل بنا مشاكل
موج…طيب عاوزه اقولك مفاجأه
رعد….ايه هيا
موج…رغد اتكلمت انهاردة وكمان وافقت تعمل العملية
رعد بفرحه…بجددد
خرج بسرعه وراح اوضة رغد اخته…
رعد حضنها…حبيبت قلبيي
رغد بأبتسامه…رعد
رعد باسها من راسها وقال…ايوه ياحبيبت اخوكي ايوه
رغد…اناهكشف تاني عشان اعمل العملية واخف
رعد…ان شاء الله ياقلب اخوكي
بعد شوية خرج من عندها وراح لموج…
موج…ها شوفتها
رعد باس راسها…شكرا ليكي
موج ببرود…لا انا معملتش حاجه رغد اختي
راحت تنام ورعد راح وراها حضنها وقال…المرادي سبينا ننام كدا عشان خاطري
موج وافقت ونامت…
تاني يوم في الجامعة…
موج قاعده مع غادة بضيق…
موج بضيق…غادة
غادة بتوتر…نعم ياموج
موج…كنتي قاعده مع رعد وخد رقمك ليه ياغادة
غادة بتمثيل…انتي بتشكي فيا ها
موج بقسوة…اه ياغادة بشك فيكي
غادة…انا مش عاوزه اعرفك تاني خسارة صداقتنا
وسابتها ومشيت…
غادة بغل…والله لدفعك التمن غالي اوي
موج رجعت البيت بضيق…
طلعت الاوضة رعد جه ودخلها…مالك قاعده كدا ليه
موج ببرود…قاعده في اوضتي.
رعد…بتتكلمي كدا ليه
موج…رعد افهم انا بتكلم طبيعي
رعد…انتي كدا طبيعيه
موج…ايوه
وسابته وخرجت من الاوضة وفضلت طول اليوم متجنباه لحد الليل..
نامت وصحيت تاني يوم ولكن حصل المفاجأه..
موج…انا تعبت خلاص تعبتتتت ابعدو عني كلكم دمرتوني
رعد بقلق…موج اهدي
موج بغضب…ابعد عنييييي ابعد
رعد بخوف عليها…ارجوكي اهدي ياموج
موج زقته…ابعد عني بقولك انت مش فااااهم
رعد بعد عنها وفجأة موج قالت بهدوء…اتجوزنا وانت دمرتني وكل دا والمفروض متكلمش واستحمل استحملت اهانه منكم كلكم بس عارف انا استحملتك لأني بحبك واستحملت عمي وخيانه صديقة عمري ليا واستحملت امي وابويا الي سابوني وكل واحد راح في اتجاه يعيش حياته ليهههه واستحملت اهانه وذل استحملت كل دا والمفروض اني استحمل كمان كفايا بئا ليه استحمل كل دا
مشيت بهدوء ودخلت الاوضة بتاعتها وقفلت على نفسها ورعد وقف موجوع عليها وبيبص عليها بحزن…
بعد شوية خرجت من اوضتها وهي دموعها ناشفة على وشها…
فتحت باب الفيلا وهو مستغرب منها…
فضل ماشي وراها بيكلمها وهي مش بترد ومش عارف يلحقها لأنها ماشيه بسرعه…
خرجت برا الفيلا وهي ماشيه تايها…
فجأة مسكها جامد وقالها…انتي بتعملي ايه
بصتلوا ودموعها نزلت وحضنتوا جامد…ااااااااااااااه تعبت تعبت يارعد بجددد
زقته فجأه ومشيت بسرعه بعيد عنه وبتبص جنبها فجأة لقت شاحنه كبيره وعماله تزمر وتنور جامد رعد حاول يلحقها معرفش….لااااااااااا
وفجأه خبطتها…
رعد بصراخ…مووووووووووووج
༺༺༺༺༺༻༻༻༻༻
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موج الرعد)
