رواية عشق الرعد الفصل الثاني عشر 12 بقلم مريم أحمد
رواية عشق الرعد الجزء الثاني عشر
رواية عشق الرعد البارت الثاني عشر
رواية عشق الرعد الحلقة الثانية عشر
بيبصوا عليها لقوها واقعه علي الارض و دم’ها حواليها
قام رعد بسرعه و راحلها :عشققققق
فضل يهزها و يحاول يفوقها لكن مفاقتش و دم’ها عمال يزيد حواليها
رعد اول ما شاف كدا دماغه وقفت عن التفكير و قال بصوت مهزوز للناس الي حواليه: اطلبوا الاسعاف بسرعهههه..
مالك….. مفيش وقت يا رعد بيه دخلها العربيه و نطلع بيها علي المستشفي اسرع
شالها رعد و بسرعه البرق كانت العربيه اتحركت علي اقرب مستشفي و وراهم مراد
*************************************
المجهول بصدمه: مطلعش مشلول و بيشوف!!!!!
قطع تفكيره صوت مكالمة تليفونه و كان حمدي: ايه يا غبي كل دا و مخلصتشششش؟؟!
تجاهل كلامه و قالوا بصدمه….. رعد سليم و مفهوش عله يا حمدي بيه
حمدي بزهول: اي الي انت بتقوله دا؟!
المجهول…. قام من ع الكرسي و مشي ناحيتها قدام عيني و ركبوا العربيه كمان و اتحركوا
حمدي: اي!! انت بتقول اتحركوا!!
المجهول… اه اول ما نفذت عمل كدا
حمدي بعصبيه: و مستني اييييه اطلع وراه بسرعه و شوفهم رايحين فين
المجهول…. حاضر يا حمدي بيه
******************************************
*عند اميره*
منال بقلق قامت راحت علي اوضة اميره و هي بتقولها ببكاء: اميره اميره
اميره بخوف… ايه يا ماما مااالك!!
ردت عليها بقلق: اختك فيها حاجه اتصليلي حالا برعد حالا
اميره…. ايه!! حاضر حاضر
و بالفعل رنت علي رعد بس مكنش بيرد
اميره و هي بتبص لأمها بقلق: مبيردش
منال بلهفه….. يلا نروحلهم
قالتلها اميره: اهدي يا ماما هما اصلا مش فالبيت
منال… يعني اي؟ طب حاولي تاني لحد ما حد فيهم يرد
فضلت اميره تحاول بس مفيش فايده لحد ما جت ف بالها فكره: مراد!
جابت رقمه بسرعه و رنت عليه لحد ما رد
مراد: الو
اميره بخوف…. مراد انا اسفه بس هي *بلعت ريقها و هي بتنهج *
مراد بتوتر: اهدي اهدي
اميره بصوت مهزوز علي وشك الاختناق….. هي عشق كويسه؟!!!
سكت مراد شويه معرفش يقولها ايه
اميره بقلق و دموعها بدأت تنزل: مراد رد عليا ونبي هي عشق حصلها حاجه؟
رد عليها بقلق و تردد من رد فعلها…. اميره و احنا رايحين ناحية العربيات عشق اتصابت بط’لقه رصا’صه
وقع التليفون من ايد اميره من كتر الصدمه و مبقتش عاوفه تنطق كلمه واحده
منال: في اي يا اميره انطقي
نزلت منال جابت التليفون و قالت….. ايوا يا ابني… انا انا مامت عشق هي عشق فيها اي عرفني؟؟
مراد بحزن: هبعتلكم لوكيشن تيجوا عليه سلام و قفل
منال لاميره…. فهميني انتي يا اميره اي الي حصل
اميره ببكاء: عشق اتصابت بط’لقه يا ماما
منال بعدم استيعاب…. ايييييه لا لا الكلام دا كدب
قطع عياطهم صوت رساله مراد بموقع المستشفي قاموا بسرعه جهزوا و نزلوا
********************************************
*في مخزن *
كانت شمس قاعده و حاطه رجل فوق رجل حواليها حراسها و بتبص لحمدي بقرف و هي بتقول: و انت هتفضل مشرفني هنا كتييير؟؟
حمدي بتوسل…. انتي عارفه يا شمس الي حصل و انا زي ابوكي
شمس بزعيق: متقولش زي ابويا انت فاهمممم
حمدي….. لا معلش يعني و انتي هتطلعي كدا لمين
شمس بتحذير:انا قولتهالك قبل كدا و هعدهالك تاني متنساش نفسك يا حمدي احسنلك
حمدي…. انا مش صعبان عليا قد البت الي بتعتبرك اختها و انتي ف الاخر الي حطه كل الخطط دي
قامت من علي الكرسي بسرعه و راحت ناحيته و هي بتقوله: اقسم بالله لو حد عرف حرف واحد بس يا حمدي لمو’تك هيبقي علي ايدي انا.. و ساعتها بقي هتشوف وشي التاني
نظر لها حمدي نظرة استحقار و سكت
قالتله…. لا لا متبصليش كدا عشان انا و انت عارفين مين الي يستاهل النظره دي كويس اوي
حمدي: طب انا علي الاقل بعمل كدا عشان في بيني و بين ابوهم طار…. انتي بقي بتعملي معاهم كدا ليه؟.. يا شيخه دا انتي يعتبر متربيه معاهم و علي الاقل علي قلبك قد كدا مش زيهم غلابه
شمس بتوعد…. متدخلش في الي ملكش فيه و اعرف كويس اوي حدودك
و سابته و مشيت و هي بتقول جوا نفسها بكرهه: دايما كانوا احسن مني و دايما هما اعلي مني في طريقه كلامهم و تفكيرهم و حب عليتهم ليهم و احتوائهم…
**************************************
*في المستشفي*
عدي اكتر من اربع ساعات و كان رعد قاعد قدام باب العمليات خايف و حاطط راسه بين ايديه بيدعيلها
فجأه سمع صوت اميره و هي بتجري ناحيته و بتناديه قام وقف و بصلهم
منال ببكاء: بنتي فين يا رعد بنتي هتروح منيييي
رعد…. اهدي اهدي و ادعيلها
منال ببكاء: اهدي ازاي و انا بنتي جوه
قطع كلامهم خروج الدكتور بحزن
جريوا عليه كلهم و هما بيسألوه عن حالتها
رعد بخوف: عشق عامله ايه يا دكتور
الدكتور بحزن… البقاء لله ربنا يصبركم. ‘و سابهم و مشي’
منال بدموع و صريخ: لااااااااااااا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشق الرعد)
