رواية حنين واحمد الفصل الثاني والعشرون 22 بقلم هايدي أحمد
رواية حنين واحمد البارت الثاني والعشرون
رواية حنين واحمد الجزء الثاني والعشرون
رواية حنين واحمد الحلقة الثانية والعشرون
احمد سمع صرخة جايه من جوى البيت قام بسرعه ودخل فى الاوضه الى فيها حنين
احمد: خير ايه الى حصل
كانت حنين بتعيط جامد وماسكه دراعها احمد قرب منها براحه عشان دراعها
احمد: مالك يا حبيبتي ايه الى حصل
ام ندى : انا اسفه يا بنتى مكنتش اقصد والله والله يا ابنى انا كنت بشوف دراعها بس وبحركه اشوف الكسر فين بس هو وارم اوى عايز دكتور
احمد بص على دراعها ومسكه عشان يشوفه
حنين بدموع : ااه لا متمسكوش
احمد: اهدى يا حبيبتي هشوفه بس مش هعمل حاجه
احمد شاف دراعها براحه ولقاه وارم اوى و فيه كدمه كبيره : عايز يتجبس واضح ان الكدمه دى كسر
على : خير يا جماعه فى ايه يا ام ندى
ام ندى: دراعها فيه كسر يا حج عايزه دكتور بسرعه
على : المشكله ان المستشفى بعيده عن هنا واحنا الفجر مش عارف مين ممكن يجى دلوقتى
احمد: حنين يا حبيبتي قوليلى انتى لما بتسيبيه من غير تحريك بيوجعك
حنين : بيوجعنى شويه بس الوجع مبيروحش كله
احمد: طب ممكن يا حاجه لو عندك اى مراهم للورم او الكدمات تجيبيها وياريت لو فيه رباط ضغط
ام ندى : حاضر ثوانى
على : طب يا ابنى انا هروح اتوضى انا وانتى ابقى الحقنى
احمد:حاضر يا حج استنى هاجى وراك
على : طيب بالاذن انا بالشفا يا بنتى
احمد: تسلم يا حج
احمد اخد حنين فى حضنه وطبطب عليها : انا اسف كل الى انتى فيه بسببى
حنين : لا مش بسببك ده قضاء وقدر مكتوب لازم يحصل والحمد الله ان احنا بخير وعايشين
احمد باس راسها : الحمدلله عدت على خير
جت ام ندى ومعاها الحاجه احمد قام وخد منها الحاجه
ام ندى: فيه عندك مرهم فيه مخدر حط منه الاول يابنى
احمد: تسلمى يا حاجه
احمد اخد المخدر وبعد الكم وبدأ يحطه براحه على دراع حنين وهى كانت بتتألم شوية وبعدين حط المهرم التانى وسابه شويه
احمد: ها حاسه بوجع
حنين : لا دراعى مبقتش حاسه بيه شويه
احمد: تمام هلف الرباط استحمليه لغاية اما نروح لدكتور يا حبيبتي
ام ندى: طب استنى يا ابنى همسكلها انا دراعها وانت لفه
احمد: تمام
بدأ احمد يلف الرباط على دراع حنين جامد عشان يمسك دراعها لو فيه كسر وهى كانت بتتألم وتعيط
احمد: خلاص يا حنين اهدى خلصت اهو
حنين : طب خفه شويه بيوجعنى
احمد: يا حبيبتي لازم كده عشان يمسك دراعك كويس على اما نروح للدكتور
خلص احمد وبعدين راح صلى الفجر مع عم على واخد الاكل من ام ندى ودخل لحنين
احمد: حبيبتي انتى نمتى
حنين : لا مش قادره انام
احمد حط الاكل وقرب منها يشوف الكدمه الى عند حاجبها وحط عليها مرهم براحه
احمد: قوليلى بتوجعك الف عليها شاش
حنين : لا مش لازم
احمد: طب استنى هجيب لزقه طبيه او شاش
راح جاب من ام ندى علبة الاسعافات وحط شاش وقطن عليها
حنين : طب انت كمان فى كدمه فى وشك هنا تعالى هحطلك عليها مرهم
احمد: لا سيبيها يا حبيبتي مش لازم
حنين : طب بتوجعك
احمد: لا يا حبيبتي يلا عشان تاكلى بس الاول
حنين حاولت تجيب المرهم وتحطله على الكدمه بس معرفتش احمد مسك ايديها وابتسملها وباس ايديها
احمد: برضه مش هتريحى نفسك يلا عشان تاكلى
اخد صينية الاكل وبدأ يأكلها بإيده
حنين : طب مش هتاكل انت بقى
احمد: لا لما تخلصى الاول افتحى بقك
حنين : لا لما تاكل الاول معايا
احمد: حنين متعانديش قولت كلى يعنى كلى يلا
حنين بصتله بزعل ومرضيتش تاكل
احمد نفخ بضيق : وبعدين معاكى …طب هاكل اهو يلا افتحى بقك
حنين : لا كل الاول وانا هاكل
احمد: حاضر يا ستى
بدأ احمد ياكل ويأكل حنين وقعد يضحكها عشان تنسى وجع دراعها لعند ما بدأت تغمض عنيها قرب واخدها فى حضنه لعند ما اطمن انها نامت وبعدين اخد الاكل ووداه لام ندى
ام ندى : ها يا ابنى اكلت
احمد: اه الحمدلله اكلت ونامت
ام ندى: طب الحمدلله ادخل انت كمان ارتاح ونام الطريق لسه طويل
احمد: حاضر بس هعمل مكالمه الاول اتفضلى انتى ومتقلقيش
ام ندى : تسلم يا ابنى تصبح على خير
احمد: وانتى من اهله
———————————-
: يا ترى مين بيتصل دلوقتى..الو
احمد: معلش صحيتك دلوقتى
حسن : خير يا ابنى فيه ايه حصل حاجه
احمد: كنت عايزك تيجى تاخدنى من ….انا وحنين
حسن : ايه الى وداك هناك ايه الى حصل
حكى احمد لحسن كل الى حصل امبارح لغاية دلوقتى
حسن : يا انهار ابيض ده كله حصل طب وحنين عامله ايه كويسه فيها حاجه
احمد: الحمدلله على كل حال هى كويسه دلوقتى بس لازم اوديها لدكتور وعايزك انت تيجى عشان ميوصلش حاجه للجماعه ويقلقوا ماما لسه مبقتش كويسه
حسن : حاضر متقلقش لو كنت اتصلت من قبلها الحقك بس الحمد لله عدت على خير انا جايلك مش هتأخر
احمد: تمام خلى بالك من نفسك
حسن : متقلقش ارتاح انت على اما اجى سلام
حسن قام جهز نفسه وكان نازل بس مريم صحيت
مريم : رايح فين بدرى كده يا حسن
حسن : نازل مشوار مهم وراجع علطول اما ارجع ابقى احكيلك ماشى نامى انتى
مريم : طب خلى بالك من نفسك كويس وطمنى عليك
حسن : حاضر يا حبيبتي يلا سلام
__________________________________
دخل احمد وراح لحنين وهو بيمشى ببطئ لإن رجله بتوجعه من الخبطة
قعد جمبها وملس على وشها وفحصها عشان يتأكد لو فى كدمات تانيه بس اتصدم لان جمبها اليمين كله متأذى من الخبطه : خلاص كلها كام ساعه ونروح المستشفى استحملى
وباس جبينها ونام جمبها لعند ما حسن ييجى والشمس تطلع
جه الصبح وحسن وصل لأحمد
: ايه يا ابنى صحى النوم
احمد: صباح الخير يا عم
سلموا على بعض ودخلوا
على : اتفضل يا ابنى تعالى
حسن : تسلم ياراجل يا ذوق..ها يا ابنى طمنى حنين عامله ايه
احمد : نايمه تعبانه عايز اخدها على المستشفى اول حاجه وبعدين اعدى على ماما
حسن : طب يلا هاتها عشان نمشى
ام ندى وهى بتحط الفطار : عليى فين يا ابنى افطروا الاول وبعدين امشوا ميصحش
على : يلا يا ولاد قدموا على الاكل الاول
احمد: لا كتر خيركم لغاية هنا اعفونا احنا لازم نمشى يلا يا حسن
ام ندى: لا يابنى نزعل منكم والله ما ينفع لازم تاكلوا الاول يبقى عيش وملح بينا يلا ..يلا متزعلونيش بقى
حسن : يلا يا ابنى تعالى اصل انا جعان اوى بصراحه
ضحكوا كلهم على حسن
احمد: يا اخى انت مبتسترش ابدا يلا قدامى
قعدوا فطروا وبعدين احمد راح لحنين لقاها لسه نايمه شالها براحه عشان متصحاش واخدها نيمها فى العربيه
احمد: مع السلامه يا جماعه والله يا عم على جميلك ده فوق راسي بقيت عمرى و خد رقمى معاك لو احتاجت اى حاجه انا تحت امركم
على : متقولش كده ده انتم زى ولادى واى حد مكانى هيعمل زى ما عملت واكتر
احمد: بس ربنا وقعنا فيك انت يا راجل يا طيب
احمد راح لام ندى وشكرها : صدق من قال ان حنية الامهات هتلاقيها فى كل مكان
ام ندى : متقولش كده ده انتم فى مقام ولادى ودى اقل حاجه اديهالكم
احمد: مع السلامه
سلموا على بعض وودعوهم ومشيوا
____________________________
:ها اخوك ومراته وصلوا
محمد: لا يا ريهام وجهزى اكل عشان امى هتطلع النهارده
ريهام : طيب يا اخويا تحب افرشلكم رمل بالمره
محمد: رييهاااام
ريهام : طيب طيب
محمد: يلا سلام …وقفل
ريهام: هجهز يا اخويا وفى حاجات تانيه هجهزها بالمره بس استنوا عليا
______________________________
وصل احمد وحسن المستشفى عشان يكشف على حنين
الدكتور جبس دراعها وفحصها عشان يتأكدوا ان مفيش اى كسور او كدمات تانيه
احمد: حاسه بأى جع تانى
حنين : لا الحمدلله..مش هنروح لماما
احمد: لا هوديكى البيت الاول وبعدين اروح عشان اجيبها
حنين : بس انا عايزه اشوفها الاول
احمد: مينفعش يا حبيبتي ابقى شوفيها بعدين بعد ما ترتاح شويه بلاش النهارده وبعدين لازم اروحك عشان ترتاحى
حنين : طب انت كويس في حاجه وجعاك
احمد: لا يا حبيبتي انا كويس
حنين بصت لحسن : حسن نادى للدكتور خليه يشوفه عشان خاطري
احمد: قولتلك انا كويس مش فيا حاجه متقلقيش
يلا يا حسن عشان نمشى انا هروح اقول الدكتور عشان اخرجها
حسن : تمام ماشى واسأله على روشتة العلاج
احمد: تمام
___________________________
محمد: صباح الخير عامله ايه يا ست الكل النهارده
الام: الحمدلله يا حبيبي اخوك وصل
محمد: ايوه رنيت عليه خلاص فى القاهره هنا بس هيودى حنين البيت لانها تعبت فى الطري. اا قصدى نامت
الام: تعبت تعبت مالها ايه الى حصلها
محمد: مفيش حاجه يا ماما الطريق بس كان طويل وكده ومناموش مش اكتر
الام : يا ابنى ليه بس قلتله كنت سيبه
محمد: مخلاص بقى يا امى الى حصل حصل كده كده كان هيجى
الام : بس على الاقل كان يجى بالنهار مش فى نص اليل كده
محمد: يلا الحمدلله انهم وصلوا بخير
الام : الحمدلله.هى هنا فين
محمد: هنا نايمه لسه
الام : طب يلا صحيها عشان نمشى كلم الدكتور يلا
محمد: حاضر هشوفه اهو
__________________________
وصل احمد حنين البيت ونيمها
احمد : ارتاحى يا حبيبتي على لما اروح اجيب ماما واجى ماشى متقلقيش مش هتأخر
حنين : طيب ماشى بس طمنى عليها اهم حاجه لما توصل ومتقولهاش عليا عشان متقلقش
احمد: متخافيش المهم نامى انتى على اما اجباك العلاج وانا جاى ماشى
باس جبينها ونزل ركب مع حسن وراح للمستشفى
محمد: ايه يا ابنى حمدالله على السلامه ده كله
احمد: عاملين ايه وماما عامله طمنى
محمد: كويسه مستنياك من الصبح
احمد: طب انت هدخل اشوفها
دخل احمد لمامته واول ما شافته قامت
احمد: خليكى ارتاحى
قرب منها وحضنها وباس ايديها : حمدالله على السلامه يا حبيبتي كده تقلقينى عليكى
الام : ياروحي حمدالله على سلامتك انا مكنتش عايزاهم يتصلوا بيك ويقلقوك كنت خايفه عليكم اوى
احمد: اهو ده الى كان هيزعلنى اكتى لو محد قالى اوعو تعملوها فيا ابدا المهم انتى اخبارك ايه دلوقتى ها تمام
الام : نحمد ربنا والله طمنى على حنين كويسه
احمد: ااه حنين الحمدلله بخير بس انتى عارفه الكريق كان طويل وجايه ميته من التعب
الام : يا حبايبى طب يلا عشان نروح وترتاح انت كمان محمد كلم الدمتور وكتبلى على خروج وانا معدتش حابه المستشفى دى
احمد: حاضر يا ست الكل ثوانى وهنخرج ونروح البيت
هنا : الله الله من لقى أحبابه
احمد: بتقولى ايه بت انتى ها
هنا : هه مبقولش .. حمدالله على سلامتك
احمد: الله يا يسلمك يا حبيبتي عامله ايه
هنا : بخير والله امال حنين فين
احمد: حنين فى البيت مستنياكم يلا اجهزوا
نزلوا واخدوا مامتهم وركبوها العربيه
هنا عنيها جت على حسن وقعدوا يبثوا لبعض شويه وبعدين هنا ركب مع مامتها
احمد: تسلم يا صاحبى مش عارف اقولك والله
حسن: تانى يابنى قولتلك احنا اخوات نتقولش كده تانى
احمد: بس مردودالك يا صاحبي و ده كله فوق راسي متشالينلك فى اى وقت
حسن عنيه جت على هنا : خلاص يا صاحبى خليك شايلهم
ركب احمد العربيه ومشيوا
_________________________
وصلوا البيت واحمد دخل مامته اوضتها عشان ترتاح واطمن عليها
احمد : ارتاحى انتى يا ست الكل وهجيلك بعدين عشان تاخدى علاجك وتاكلى ماشى
كان خارج بس وقف لما سمع مامته بتقوله
: ليه خبيت عليا يا احمد الى حصل مع اختك
احمد….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حنين واحمد)
