رواية أولاد عمي الفصل السابع والأربعون 47 بقلم منة وائل
 |
| رواية أولاد عمي الفصل السابع والأربعون 47 بقلم منة وائل |
رواية أولاد عمي الفصل السابع والأربعون 47 بقلم منة وائل
عبد الرحمن :رعد يلا يابني عشان تكتب الكتاب
رعد : ماشي
عصام :ربنا يستر
ناديه :قلبي مش مرتاح
نظر لها رعد ثم قال بعلو صوته، هاتي يا شروق بطاقتك
شروق :اااا…..
رعد :مالك يا شروق في أي
شروق :رعد انا…… انا اكون
رعد :بنت عمي مش كدا، شروق عصام عبد الرحمن حسن العرباوي بنت عمي عصام، وحفيده عبد الرحمن العرباوي، اللي المفروض كانت شغاله عندي سكرتيره واسمها شروق عصام حسن رزق، مش كدا والا اي يا بنت عمي
شروق :……
رعد :اي ساكته يعني، والا يكونش انا غلطت في معلومه وانا مش واخد بالي
عصام :يا رعد يابني اهدي بس وافهم….
قطع رعدحديثه قائلا :منا هادي اهو انا اتكلمت انا بس بصحح معلومه الهانم، ما هو اصل شروق اللي كنت هتجوزها ماتت، دلوقتي انا بتجوز شروق تانيه خالص، مش عارف بقا اي مستخبي تاني، اكتب يا مولانا يلا
وائل :انت بتعمل اي يا رعد ماتفهمنا يابني
رعد:هتعرفوا كل حاجه، تعالي ياعمي
عصام :انا
رعد:ايرا ياعمي هو في غيرك مش انت وكيل العروسه يلا
عصام :ايوا يابني بس
رعد:بس اي مش المعلومه وضحت يلا
عصام وهو ينظر لوالده ماذا يفعل
أشار له عبد الرحمن بأن يذهب
رعد :يلا يا مولانا
الماذون :بسم الله
……………. وبعد كتب الكتاب
رعد:شكرا لحضور الجميع بس الحفله انتهت جود نايت
نظر الحاضرين جميعهم بعضهم البعض وبداءت الخمسات تتعالى، وبداء الجميع يرحل لم يتبقى سوي عيله العرباوي
فاطمه :انا مش فاهمه حاجه يابني ما تفهمنا
رعد :ماتفهميهم يا شروق، مش انتي بنت عمهم، فهميهم
معاذ :يا رعد سيبك من شروق دلوقتي، فهمنا انت تقصد اي بكلامك
رعد بغضب وصوت عالي:افهمكم اي، ها افهمكم ان شروق مش شروق، وانها بنت عمنا والله اعلم كانت جايه تعمل اي، جايه تنتقمي صح انتي وامك، صحيح ابويا كان عارف انكوا تستاهلوا كدا، انتي ايييييي معندكيش دم، انا ماصعبتش عليكي، جدي الراجل الكبير اللي حبك من كل قلبه ما صعبش عليكي، دا انتي عملتي خطه ولا اجدعها خطه، دا ابليس يصقفلك بقا، ثم قام بالتصفيق بحده ثم قال:عارفه انتي فعلا قدرتي تقطمي ضهر البعير، انتي كسرتني اكتر من حياه
صمت الجميع ولا احد يستطيع قول شئ
ذهب رعد تجاهها ثم قال:انتي ساكته ليه ها، مش لاقيه كلام تقوليه صح، عارفه انتي اوسخ بني ادمه شوفتها في حياتي وفعلا بتمنى انك تموتي، انا بكرهك
وبعد صمت شروق المستمر تحدثت شروق وهي تحاول حبس دمعتها :طب. اتجوزتني ليه، كملت كتب الكتاب ليه كان باءيدك مابتكملش، ماانت عارف من بدري
رعد :سؤال حلو، هقولك ليه، عشان انا رعد العرباوي، اللي مش بيسيب حقه ها، اللي اسمه بتوقفله بلاد كدا سامعه، وحقي هخده منك يا شروق وانتي مراتي
شروق بدموع :انا متت هقولك، بس انت مدتنيش فرصه انت….
رعد بغضب:انا اي، انا اي ماتنطقي، كنت قدامك من بدري ماقولتليش ليه من اول ماقولتلك بحبك شوفتني ضعيف صح، حبتي تكسرني مش كدا، والا ضميرك بيصحي قبل فوات الأوان، والا يكونش حبتني، لا معتقدش اللي ذيك عمره ما يكون عنده قلب يحب انتي دا اسمه حجر، صخر قسوه
شروق بانهيار:كفايا بقا، ايييي عمال تبيع وتشتري فيا، انا عملت كل دا بسبب اهلك، اهلك اللي داسوا عليا انا وامي واخويا، فاكره اخويا، امير العيل الصغير اللي مات بسببك انت وأهلك كنت عاوزني اعمل اي ها، اجي اقولكم اننا عايشين عشان عمي اللي المفروض ابويا التاني يقتلني، اللي وكي امي في عز البرد وهي حامل في اخويا وانا جنبها، اللي لو كان وصلنا كان زمانا في قبرنا، ارحم بقا انت انسان اناني ومعندكش دم، انا لو مش بحبك مكنتش كملت معاك، كان بأيدي اكمل انتقام بس بطريقه تانيه بس انا حبيتك اوي
رعد وكان سيصفعها على وجهها :اسكتي ماتقوليش حبتني انتي واحده كدابه
عبد الرحمن مسرعا:رعد
نظر له رعد وانزل يده
عبد الرحمن :لحد كدا وكفايا، شروق غلطت وانا كنت عارف، بس كنت بديها فرصه عشان تقولك، مش معنى انها غلطت انك تمد ايدك عليها وانا واقف
رعد:هههههههه حتى انت يا جدو كنت عارف، دا انتوا شكلكم كلكم عارفين بقا وأنا الحمار اللي وسطكم، ثم نظر لناديه وقال، اقلعي يا مرات عني النقاب ما خلاص
فاطمه :اهدي يابني عشان خاطري
رعد:انا هادي خالص اهو انا زالفل، النهارده فرحي واخر تمم، ثم نظر فجاءه لشروق وقال:تعالي
نظرت شروق له ثم نظرت للجميع
رعد بزعيق:بقولك تعالي
انتفضت شروق خائفه ثم ذهبت له
امسك رعد يديها وضغط عليهم
شروق بألم :اااه يا رعد ايدي
رعد:تصبحوا على خير يا جماعه
عصام:انت رايح بالبنت فين
التفت رعد الي مصدر الصوت ثم قال:خير يا عمي طالع انام انا ومراتى هي مش دي مراتي والا اي
ناديه :لا سيب بنتي مش هتطلع معاك في حته
رعد:محدش يتكلم، شروق مراتي انا حر فيها واللي هيتكلم، واقسم بالله لهعرفه تمم، اه يا جدو بقولك اي ماتخليش حد فيهم يطلع ورانا تمم، اصلنا عرسان جداد بقا وانت عارف
، ثم اخذ شروق وصعد الدرج
عصام:بابا انت ساكت ليه هتسيبوا كدا، دا ممكن يعمل فيها حاجه
عبد الرحمن :رعد عمره ما ياذي شروق وهتشوفوا
…………. في جناح رعد
رعد:اتفضلي يا عروسه برجلك اليمين
نظرت له شروق بعدم فهم
رعد:اي مش عارفه رجلك اليمين والا اي يلا ادخلي
دخلت شروق وهي تشعر برعب
رعد:بصي بقا انتي هنا الخدامه بتاعتي يعني تنفذي كل حاجه بقولك واي حاجه انا عاوزها مفهوم
نظرت له شروق بصدمه
رعد:انطقي مفهوم
شروق :لا مش مفهوم وانا مش خدامه لحد ومش معنى اني بحبك اني هتنازل عن كرامتي لا فوق يارعد
صفعها رعد على وجهها بحده
اخثت شروق بأن الغرفه تهتز ولم تشعر بوجهها سوي انه ملئ بالدماء
رعد:ما اسمعش نفسك تاني، انا بكرهك اوي انتي اوسخ بني ادمه حبيتها في حياتي
ثم فتح باب الغرفه ونظر لها وكادا انا يبكي ولكنه تماسك ثم رحل
شروق ببكاء:رعد يارعد عاااااااا ياااا رعد، اخذت تبكي بكل ما بداخلها من اوجاع والألام، اخذت تبكي بشده حتى انفطر قلبها، لماذا كل هذه القسوه؟ ، هل لم تعد تحبني.؟ ام ان خطئ هو من فعل بك ذلك؟ ثم اتكئت على قدماها ووقفت وفتحت باب الغرفه تسرع لتلحق رعد
……………..
عصام :انت عملت اي في بنتي
رعد :هههه اسأل بنتك هي اللي عملت اي، مش عاوز حد يجي ورايا، ابعدوا عندي انتوا مقرفين اوي، ثم رحل
نادر:انا رايح وراه
عبد الرحمن :سيبه يا نادر هو محتاج يقعد يفكر هو متلغبط ومصدوم، معذور برضو
نظر الجميع الي الدرج وجدوا شروق تهبط سريعا ووجهها ملئ بالدماء ويوجد قطرات دماء على الفستان والدموع تملئ عينيها
ناديه بفزع:يالهوي بنتي
عصام :عمل فيكي يا بنتي قولي
شروق وهي تبعد يداهم، اوعوا فين رعد، رعد راح فين
عبد الرحمن :يابنتي اهدي بس هو شويه وجاي
شروق ببكاء شديد :لااا انا عاوزه رعد اوعوا، ثم قامت بالذهاب الي الباب وفتحته وخرجت
ناديه :بنتي ياعصام الحقها
خرج الجميع وراء شروق مسرعين
….حياه :نفذ
رجل:تمم يا هانم
ذهبت شروق الي الخارج وتجري مسرعه تعبر الطريق
ناديه :ارجعي يا بنتي رعد مشي خلاص
عبد الرحمن :الحقها يا معاذ يابني
معاذ :حاضر يا جدي
وعندما كانت تقف شروق على حافه الرصيف جاءت عربيه سوداء اخذتها ورحلت
عصام :الحق يا بابا العربيه اخدت شروق
ناديه :بنتيييييي
بقلمي منه وائل
❣️❣️❣️❣️❣️❣️❣️❣️❣️
عند كورنيش النيل يقف رعد كالطير الجارح، يقف والانكسار حليفه، ماذا يفعل وماذا يقول على حبه لها سيفوز ام الانتقام، وماذا سيفعل عندما يعود، وهل سيعود حقا، المزيد والكثير من الاسئله باتت تدور في رائسه واحس ان قلبه يؤلمه كثيرا وكان احدا ما قام بفتح مكان قلبه واقتلعه من جسده
رعد:ايييييييه بس يا شروق لييييه، انا عملت فيكي اي عشان تعملي معايا كدا، ذنبي ان هو ابويا وانا ابنه، ذنبي اني حبيتك وفتحتلك قلبي، ذنبي اي انا، وظل يبكي ويبكي ليس بيديه شئ غير البكاء فالذي طعته حقا أقرب الناس الي قلبه، ماذا سيفعل انه امر صعب حقا، توقف رعد عن البكاء وظل يتذكر الكثير من الذكريات معاها وكيف انه احبها بكل صدق، وفجاءه مسح دموعه وركب سيارته ورحل
بقلمي منه وائل
❣️❣️❣️❣️❣️❣️❣️❣️❣️
في مكان يملؤه الظلام
تجلس شروق على مقعد ويدها الاثنان مقيدتان وقدماها وعيناها مغلقه
شروق :انا فين، مين انتوا وبتعملوا كدا ليه، يانااااس، حد يلحقني ونبي، يارعد انت فين الحقني، هئ هئ
رجل :اسكتي بقا يا بت ماتصدعيناش الله.
شروق:انتوا مين وعاوزين مني اي بقا
رجل:انتي هتسكتي والا اقوم اسكتك بنفسي
شروق بخوف :لا خلاص هسكت، بس فكلي ايدي وعيني ونبي مش قادر وجعني اوي
رجل :ما قولنا اسكتي
شروق بدموع:حاضر، يارب ونبي
بقلمي منه وائل
❣️❣️❣️❣️❣️❣️❣️❣️❣️
في قصر العرباوي
شروق ببكاء :ااااااه يابنتي انا عاوزه بنتي مليش دعوه
عبد الرحمن :اهدي يا ناديه، ان شاء الله هتلاقيها، رعد رد عليك يا نادر
نادر :لا يا جدو مش بيرد
عبد الرحمن :جرب معاه كذا مره
معاذ :انا اخدت نمره العربيه وان شاء الله هجبها
عصام :ايوا ونبي يابني بسرعه لحسن احنا مانعرفش ممكن يعملوا فيها، انا ماصدقت لاقتها
وائل :ان شاء الله خير، بس يرد رعد بس
فاطمه :معذور يا حبيبي محدش شاف كسرته دي قده
معتز:هيكون راح فين بس
حسام :اكيد بيلف بالعربيه شويه
عبد الرحمن :يارب جيب العواقب سليمه يارب
بقلمي منه وائل
❣️❣️❣️❣️❣️❣️❣️❣️❣️
في منزل رعد
رعد وهو ينظر إلى أركان المنزل :كل مكان بيفكرني بيها، انا ازاي كنت مغفل كدا، ازاي مااخدتش بالي، ثم صمت قليلا ووقف فجاءه وقال :عاصم
اخذ هدفه وضغط على الازرار وطلب رقم
رعد:الو يا عاصم، انت كنت تعرف ان شروق بنت عمي
عاصم :ااااا…..
رعد :رد عليا.
عاصم :شروق كانت شغاله عندي قبل ما تجلكم الشركه ولما كانت بتحاول تتهرب مني يوم الحفله شكت ولما جتلكم الشركه شوفتها اليوم دا هي قالتلي كل حاجه، وانها كانت محتاجه مساعده وكدا، مش هحذب عليك بداءت اساعدها بس لما شوفت انكم قد اي كنتوا بدوروا عليها وان جدو محتاجها وقفت كل حاجه حتى كتير كلمتها انها تقول الحقيقه بس مش عارف هي كانت بتفكر في أي ساعتها
رعد:ههههههههههه، انا حاسس اني في فيلم، جاي انت يا عاصم يالهوي، ثم أغلق الهاتف في وجهه وأغلق الهاتف تماما، والقى بجسده على الفراش، وذهب في نوم عميق ينسيه ما حدث
بقلمي منه وائل
❣️❣️❣️❣️❣️❣️❣️❣️❣️
في المخزن المظلم
شروق :اااااه ايدي، انا تعبت بقا، ونبي فكلي ايدي وعيني. الراجل :يا بت بطلي زن بقا
شروق :مش قادره ايدي
الراجل :يعني مش هتسكتي في يومك الأزرق دا
كادت شروق ان تتحدث ولكن اوقفها صوت فتح باب حديد
الراجل :منوره ياهانم
:هي دي؟
الراجل :ايوا يا هانم.
:شيل اللي على عينها دا، وأخرج برا
الراجل :حاضر
شروق :انتي مين
:اكيد مش هتعرفني لأننا مااتقبلناش قبل كدا، نزعت سترتها من على وجهها
شروق بفزع:عاااااااااااااا، اي دا مين عمل فيكي كدا
:اعرفك بنفسي الأول، انا حياه
شروق :………………
بقلمي منه وائل
❣️❣️❣️❣️❣️❣️❣️❣️❣️
في قصر العرباوي
عبد الرحمن :ها يا نادر
نادر :قفل تليفونه خالص يا جدي
عبد الرحمن :استغفر الله العظيم يارب
وائل :وانت يا معاذ وصلت لحاجه
معاذ :العربيه مسروقه يا بابا ولاقوها مرميه في مكان بعيد
ناديه :يعني اي يعني بنت خلاص كدا راحت مني، لا لا بنتي لا
ثم وقعت مخشيا عليها
عصام :ناديه
بقلمي منه وائل
❣️❣️❣️❣️❣️❣️❣️❣️❣️
عند شروق
شروق بصدمه :حياه، خطيبه مراد القديمه
حياه :وحبيبته، انا المفروض اللي اكون مكانك مش انتي، بس انتي اخدتي مني
شروق :انا مااخدتش حاجه من حد انتي اللي ضيعني نفسك لما سمعتي كلام ابوكي انتي لو كنتي بتحبي فعلا ماكنتيش دخلتي اي خلاف شغل بعلاقتكم، بس انتي اختارتي الفلوس
حياه :الله، هو حكالك كل حاجه بقا لا بجد شابو، دا طلع بيحبك جدا يا حرام
شروق :اه بيحبني وانا كمان بحبه
حياه بغيظ :وانا هخلي يكرهك، هات مايه النار
شروق بصراخ:لا لاااااااااااا عاااااااا
