 |
| رواية تميم وملك الحلقة الثانية 2 بقلم فاطمة ابراهيم |
رواية تميم وملك الحلقة الثانية 2 بقلم فاطمة ابراهيم
تميم = هو لو باباكي عرف أنك مصاحبة شاب
أو بتكلمي حد من وراهم تفتكري هيكون رد فعله ايه ؟!!
ملك تبصله بصدمة = أنت مين !!!
تميم = وبعدين في كتلة الزهايمر المتنقلة دى
ما قولنا أسمي تميم …
ملك = أنت كمان بتزعقلي!!
تميم = لأ مش قصدي …
ملك = تعالي أدينى قلمين تعالي….
تميم = لأ مش للدرجادي…
ملك = لو فاكر انك بتهددني تبقي متعرفنيش انا ملك ..
تميم = وانا تميم
ملك = وانت اخبارك ايه
تميم = الحمد لله بخ….
ملك = اخرس انت لسه بتكمل!!
تميم = انا استحملتك كتير ودي حاجة عكس طبيعتى .
ملك = وأيه إلا غضبك ع كدا ما تغور…
تميم = خلي أسلوبك أحسن من كدا …
ملك = قصدي يعنى تتفضل حضرتك و تغور من هنا …
تميم = دا الأسلوب الاحسن من وجهت نظرك!!
ملك = دا إلا متوفر هنا …
تميم = خلاص وانا موافق
ملك = موافق على ايه ؟!
تميم = ع إلا متوفر !! …. بقولك ايه عندك الزهايمر وقولنا معلشي هتتعالجي انما الغباء دا مبستحملوش…
ملك لنفسها = أنت عارف لو عمر كان شافك ولا عرف أنك جاي تتقدملي كان عملك خريطة في وشك الغتت دا ….
تميم = سرحانة في ايه!! … فيه صح
ملك = والله لاخليك تندم ع إلا بتقوله دا بعدين …
تميم = انا هطلع بقي علشان اتفق مع عمي ع التفاصيل مبروك ي عروسة…
ملك = مش موافقة ومش هوافق و صدقنى هتندم …
تميم = طيب تمام اطلع برضو اقعد مع عمي واقولهم ع الاستاذ الا حضرتك كنتى مستنياه وهما يتصرفوا بقي …
ملك = يخربيت سزاجة أهلك دي …
تميم = بتقولي حاجة ؟!
ملك = بقول ماشي انت إلا أخترت انا بقي عاوزة خطوبة سنتين علشان اخد عليك الأول…
تميم = قصدك علشان تطفشينى فيهم يعنى …
ملك = بالظبط كدا لأ اااقصدي يعنى لأ دى فترة تعارف
تميم = انا شهرين ومسافر ع فكرة
ملك = يااه سكة السلامة ي جدع اتوكل على الله…
تميم = بس هتكوني معايا …
ملك = مش حاسس ان ليفل العبط عندك كل مدي بيعلي عن المرة إلا قبلها …
تميم = وانتي ليفل الأدب عندك بيقل برضو …
ملك = أنت بتغلط فيا !!
تميم = بصي بقي علشان شكلك رغاية اووي ومش بتفصلي احنا هنعمل الخطوبة بكرا وبعده بإسبوع الفرحة هنقعد هنا باقي الشهرين وبعد كدا نسافر وهنبقي نيجى اجازات …
ملك = أنت طموح أووي ي كمال …
تميم = كمال مين !!
ملك = سوري دا إفيه متخدش في بالك كلامك جميل ع فكرا بس انت نسيت حاجة في كل دا …
تميم = ايه هي ؟!
ملك = العروسة … مين هي العروسة إلا هتعمل معاها خطة الزواج السعيد دا إن شاء الله
تميم = لأ دا الكلام مبقاش ينفع معاكي بقي احنا نشوف رأي عمي في موضوع الأستاذ إلا كنتي مستنياه بقي …. يااا عمي
ملك = شششش أخرس هحط السكينة دي في زورك هطلعها من قلبك صدقنى …
أبو ملك = ايه ي ولاد في حاجة …
تميم = اه ي عمي كنت عاوز اقولك ان ملك ااا
ملك تقاطعه= ان ملك موافقة … كان عاوز يقولك انى موافقة …
ايوا انا موافقة ع الخطوبة ي بابا …انا هلاقي زيه دا
تميم يبتسم ليها ويغمزلها من غير ما حد يحس وملك كانت هتنفجر من كتر الغيظ…
بس ترجع ملك تطمن نفسها وتقول = أكيد عمر مش هيسمح للموضوع دا أنه يتم … انا قلقت عليه أووى يا تري مجاش ليه معقول يكون حصله حاجة!!!
_______________________________
تاني يوم:-
ملك قاعدة في أوضتها عمالة تعيط ولسه مش عارفة توصل لعمر …
فجأة الفون بتاعها يرن من رقم غريب
ملك = ألوو…
_ وحشتك صح
ملك = مين معايا !!
_ لحقتى من امبارح للنهاردة تنسي صوتي …
ملك = هو انت!! …. جبت رقمي منين
_ هو رقمك دا حاجة سرية يعني …
ملك = بقولك ايه انا مش نقصاك سيبنى في حالي ومش تتصل بالرقم دا تاني فاهم …
_ مش هتبطلي الدبش إلا فيكى دا برضو
ملك تقفل السكة في وشه وترمي الفون جمبها وهي بتقول = يا رب مفيش حاجة أكفر بيها عن ذنوبي أخف من الغتت دا …. انا عارفة انه ابتلاء من عندك
وفجأة الفون يرن تانى برضو برقم غريب …
ملك تمسك الفون وبعصبية = أنت مش هتجيبها لبر في يومك إلا شبه وشك دا ولا ايه …
_ملك … مالك انا عمر !!
ملك تمسح دموعها بفرحة = عمر !! … عمر انت فين أنت كويس صح …
أصبر عليا دا انا لما أشوفك مش هخلي فيك حتة سليمة من إلا عملته دا… وحشتني اووى اووى
_ والله غصب عني يحببتى أنتي كمان وحشتينى اوي
ملك = بكلمك من امبارح تلفونك مغلق ليه ي عمر وايه الرقم الغريب إلا بتتكلم منه دا كنت فين ومجتش ليه انت مش عارف ايه إلا حصلي بسبب انك مش جيت …
_ حصل ايه ي ملك وماله صوتك انتى بتعيطي!!
ملك = عمر أنت لازم تيجي تقابل بابا في أسرع وقت في واحد متقدملي وعاوز يتجوزنى في خلال أسبوع .
_ نعم !! … مين دا إن شاء الله ملك انتي ليا مهما حصل أرفضي هما هيجوزوكي غصب ولا ايه…
ملك = دا موضوع كبير هحكيلك عليه لما تيجى هخدلك معاد مع بابا انهاردة ماشي …
_ ملك أنا اااا
ملك = مالك ي عمر ما تتكلم !!
_ ملك انا سافرت … مكتب العمل إلا في لندن بعتلي إمبارح وانتي عارفة اني كنت مستني الفرصة دى من سنين فاتت….
ملك بصدمة = سافرت !! … من غير ما تقولي انت مش كنت قولتلي انك سحبت ورق التقديم دا ي عمر ونسيت فكرة السفر دي …
_ ملك أنا سافرت علشانك …علشان اقدر أحسن مستوايا المادي واجبلك كل إلا بتتمنيه… انا عارف أني غلطان وكنت المفروض أقولك الأول بس للاسف كل حاجة جت بسرعة ولو مكنتش لحقت الفرصة دي كانوا هياخدوا حد تاني …
ملك = عمر انا مش عاوزة حاجة … انا عاوزاك انت !!
_ هما خمس شهور بس وأول أجازة ليا هاجي واتقدملك فيا … انا بحبك ي ملك وعمري ما هتخلي عنك أبداا …
ملك = خمس شهور أيه ي عمر بقولك فرحي الاسبوع الجاي ..تعالي ي عمر علشان خاطري لازم تكلم بابا …
الشخص دا بيهددني لو عارضته هيقول لبابا أني بكلمك ووقتها هيجوزوني ليه غصب عنى…
_ أزاي يعنى مستحيل دا يحصل…
ملك = تعالي ي عمر انا مش عاوزة غيرك متسبنيش…
_ أهدي بس ي ملك أنا هتصرف وهاجيلك وهكون عندك قبل ما الاسبوع دا يخلص متقلقيش…
ملك تبتسم وتمسح دموعها = أنا واثقة فيك وعارفة أنك هتيجي …
================= قبل الفرح بيوم
فون ملك يرن …
ملك = ألوو
تميم = مبروك ي عروسة هانت أهو كلها ساعات …
ملك = مش تثق في نفسك كدا إلا في بالك دا مش هيحصل…
تميم = واثقة فيه للدرجة دي !!
ملك = اه واثقة فيه وهييجي وهنتجوز انا وهو …
تميم يضحك ويقول = كان جه من أول ما عرف بخطوبتك…
ملك = …..
تميم = يعنى مردتيش !! …
ملك = هييجي ي تميم وهتشوف …
تميم = بكرا نشوف ي عروسة… سلامم
ملك تقفل مع تميم وقلبها مقبوض وتقول لنفسها =
هو عمر ممكن فعلا مش ييجي ؟!
ممكن يتخلي عني وعن حبنا بالسهولة دى …
لأ لأ مستحيل عمر هييجي وهيقنع بابا أنه يوافق
=========== يوم الفرح
البيت كله بيزغرط وملك قاعدة عمالة تعيط في الأوضة خايفة للحلم إلا بتحلمه دا ينقلب لكابوس لو عمر مش جه …
بتحاول تكلمه الرقم مغلق ومش عارفه توصله …
وفجاة الباب يخبط :-
ملك بخوف= مين ؟
ام ملك = ايه ي ملك كل دا بتلبسي خلصي ي حببتى تميم جه علشان يوديكى الكوافير…
ملك تترعب اكتر وقلبها بدأ يدق جامد …
وفجأة تجيلها رسالة ع الفون…
تجري ملك ع الفون وتفرح أول ما تشوف الرسالة جاية من عمر
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
