رواية حكايات عفويه الحب الفصل الثالث 3 بقلم رودينا محمد
رواية حكايات عفويه الحب الجزء الثالث
رواية حكايات عفويه الحب البارت الثالث
رواية حكايات عفويه الحب الحلقة الثالثة
فى صباح يوم جديد ملئ بالتفاؤل والحيويه راحت ملك شغلها وقعدت على المكتب وبدأت تظبط حاجات فى المشروع عقبال ما احمد يجى وسمعت خبط على الباب تكلمت بالحظه من الحماس
ملك: اتفضل يا احمد
احمد: بت بقولك اى هو عشان هبقا خطيبك خلاص
-ده معناه انك تقوليلى احمد كده عادى لا ياحبيبتى اسمى بشمهندش احمد
ملك: امم وماله ياخويا ولا تحب اقولك عم احمد بتاع اللمون
احمد: فكرك كده هتحرجينى تؤتؤ فى احلامك
-ولا تحبى افكرك بالبس ام محمود بتاع امبارح ها قولى عادى
ملك بإحراج: احم انا شايفه اننا ندخل فى الشغل افضل
احمد بإنتصار: ايوه كده ناس تخاف متختشيش صحيح
وبدأو فى الشغل وخلصوه مابين هزار وجد ووجهات نظر كل منهم
احمد: حلو اوووى كده كفايه ونكمل شغل بكره
ملك: بنى ادم كسيل بصحيح
احمد: خلاص ياحبيبتى همشى انا وخليكى انتى يا نشيطه كملى المشروع لوحدك
ملك: لا بالله عليك خلاص يلا كل واحد يروح على بيته احسن
احمد: ايوه كده يلا اخلع انا بقا
روحت ملك بيتها وبتدخل بسعاده وغناء بمرح واستقبالتها حنان من على باب المنزل
حنان: وطى صوتك خطيبك قاعد فى الصالون خشى بهدوء
ملك: اى الى جابوا ده ماهو لسه مخلصين شغل مع بعض
حنان: معرفش بقا خشى انتى واتصرفى
ملك: لا الهى ربنا يكرمك يانونو انا هنزل اعمل حاجه على السريع
-بس بصى هرن عليكى عشان تسهيه وتتكلمى كتير وتعرفينى
حنان: لا ياستى بلاش انا لا ده انا لبخه يبنتى ومبعرفش اكدب
ملك: الهى تنسترتى ياشيخه عشان خاطرى
حنان: ماشى بس بسرعه
اللهم صلي وسلم وبارك على سيدنا محمد 💞
ودخلت حنان قعدت مع احمد
حنان: ازيك عامل اى منورنا والله
احمد: بنورك والله اسمك اى بقا
حنان: اسمى حنان يا احمد
احمد: وانتى على كده فى كليه اى
حنان: فى كليه آثار سنه تالته
احمد: حلو ربنا يوفقك ياترى بقا ملك بتقول اى عنى
حنان: ملك طيبه جدا ومرحه وان كانت عملت معاك حاجه فا ده
-لانها حريصه انها تخلص رساله الماجستير قبل اى حاجه
احمد: امم قولتيلى
حنان: اهى بترن على السيره
احمد بتسرع: استنى ردى وافتحى الاسبيكر
حنان بتردد: حاضر
-الو اى ياملك فى حاجه
ملك: اخلصى يابت خشى لهيه فى الكلام عقبال ما اخرم كوتشات العربيه
احمد خد التيلفون من حنان ورد
احمد: اه قولتيلى هتخرمى كوتشات العربيه
-واى كمان متتكسفيش قولى ، وقفل معاها ونزل جرى على الجراش
ملك: اه ياحوستى السوده يانا يما ده هيشلوحنى
احمد من وراها: حصل وربى لانفوخك ياملك الكلب
ملك بخضه: ده ورايا اجرى يامرسى
احمد وهو ماسكها مسكه حرامى الغسيل
احمد: بقا انتى عايزه تخرمى كوتشات عربيتى تعاليلى بقا
ملك: بهزر معاك اجدع متبقاش قفوش كده
-ده حتى هبقا المودام فى المستقبل
احمد: ما عشان كده هربيكى من اول وجديد تهذيب واصلاح
ملك: لا وحيات ابوك اخر مره اباشا
احمد: ماشى ياختى اما نشوف همشى انا بقا
ملك: احسن حاجه والله
احمد: بتقولى حاجه يامو محمود
ملك: لا اباشا هو انا اقدر
وطلعت ملك على بيتها
سبحان الله وبحمده سبحان الله العظيم🩷
***********************************************
فى صباح يوم جديد دخلت ملك مقر الشغل وكانت لسه هتدخل المكتب سمعت السكرتيره بتنادى عليها
ملك: نعم يارشا فى حاجه
رشا: اه استاذ احمد سابلك الجواب ده وطلب نقل من المشروع
-حضرتك من دلوقتى تقدرى تختارى المتطوع الى يساعدك فى المشروع
ملك:اى ده ازاى وامتى اصلا
رشا: استاذ احمد مقدم الطلب ده من اول ما اشتغل مع حضرتك
ملك: طب معلش ينفع امشى لانى حاسه نفسى تعبانه
رشا: تقدرى تتفضلى واستاذه عُلا هتمسك مكانك
روحت ملك البيت ودخلت على اوضتها من غير ماتكلم حد وفتحت الجواب كالأتى: ملك انا مش هفضل احاول معاكِ لانى تعبت ومن الواضح انك بتحبى حد وعايزه تبقى شريكه حياتى وعمره ربنا يسعدك معاه وبتمنالك كل خير……. احمد
ملك بعياط لنفسها: لا انا محبتش غيرك ولا عمرى هحب ومش هبقا غير ليك وبس لانى حبيتك يا احمد ياريتك كنت فهمت ، وكانت منهاره وفى وسط عياطها لقت باب اوضتها بيتفتح وبيدخل منها
احمد وبيقولها
احمد: واحمد بيموت فيكى ياملاكى
ملك: لالا انا العياط مأثر عليا وبتخيل استحاله يكون هو
احمد وهو بيقومها: لا انا قدامك اهو ومش هسيبك طول عمرى
ملك: طب اقرصنى كده
-اى قرصتك بتوجع كك ضربه
احمد بضحك: يخربيت لسانك الى عايز قصه ده
-يلا اجهزى بقا عشان انا جبت المأذون وهكتب عليكى النهارده
ملك بعياط: لا بقا والله ده ظلم انا مجهزتش حاجه وفى حبايه فى وشى
احمد: لاحول الله يارب شوف اقولها اى تقولى اى
-يابت بقولك كتب كتبانا كمان خمس دقايق
ملك: لا ياخويا انا مجهزتش حاجه انا بعترض بس ها
احمد: افتحى دولابك كده
ملك: اى هتكون جايبلى الفستان مثلا زى سندريلا
احمد: مثلا روحى كده افتحى
راحت ملك فتحت الدولاب لقت فستان بالون اللافندر االناصع ومعاه تاج ورد وحلق بالون الفضى وجزمه بالون الفضى
ملك بنبهار: الله دول جمال اوى يا احمد انت عملت كل ده عشانى
احمد: ايوه واعل اكتر من كده كمان اجهزى يلا
ملك: فوريره واكون عندك
وبعد وقت طلعت ملك وكانت اسم على مسمى فعلا وتم كتب الكتاب
وقام احمد شالها ولف بيها
ملك: مش قادره اصدق انه خلاص بقيت مراتك
احمد: لا صدقى ياملاكى
-وجئتى انتِ وآنرتى عَتمتىِ…… واليوم انتِ اعظم انتصاراتى 🫂♥
#اسكريبت حكايات عفويه الحب💝
#تمت
لقراءة الرواية كاملة اضغط على : (رواية حكايات عفويه الحب)
