رواية نغمة الياسين الفصل الثالث 3 بقلم ميرولا ممدوح
رواية نغمة الياسين الجزء الثالث
رواية نغمة الياسين البارت الثالث
رواية نغمة الياسين الحلقة الثالثة
ياسين بخبث = طب براحتك لو مش عايزه تردي، بس انا هرد عليكي دلوقتي، قولتي عليا اني بضـ…ـربك وبهـ…ـددك هااااااا
نغم بتوتر وخوف _ ا..ازاي يعني
ياسين قرب لنغم اوي وبعدين لاحظ ان القلق ف عيونها زاد وبدأت تسرح
ياسين بهمس ف اذن نغم = ايه، شايفك قلنانه وسرحانه
نغم بتلقائيه _ نسيت احط الفراخ ف التلاجه
ياسين اتصدم من رد نغم = نسيتي ايه
نغم بخوف _ يالهوي نسيت احط الفراخ ف التلاجه، ده انا امي هتعمل مني شاورمه اول م اروح البيت
ياسين وهو يحاول كتم ضحكاته متظاهرا بالغـ…ـضب = طب روحي من وشي دلوقتي يا نغم بدال م اوريكي انا هعمل فيكي ايه
نغم جريت بسرعه لصاحبتها سما وحكتلها ع اللي حصل كله من اول م اتقابلوا ف الميكروباص لحد م طلعت من مكتبه دلوقتي
سما _ ههههههه يخربيتك ياشيخه ههههههه ملقيتيش رد تاني غير ده هههههههه
نغم = اعمل ايه طيب، م انا مكنتش عارفه اقول حاجه لما سألني وده اللي جه ف دماغي وقتها، وانا لو مردتش كان هيصيح ع الفاضي
سما _ بس بجد ايه القصه الخرافيه دي هههههه
نغم = سما متتريقيش لو سمحتي خليني اروح البيت سليمه المره دي
سما _ وانتي صح محطيتيش الفرجه ف التلاجه
= اهاااا، ورنيت علي اختي خليتها تحطها قبل م ماما تصحي
_ مبيتهيأليش انها هتحطها وتسلك معاكي اصلا، انا مشوفتش اخت زي اختك دي، هي بتعاملك كده ليه
نغم بتنهد = ماعرفش
____________________
في بيت نغم……
نغم _ ايييييييه يا حاره، مفيش ترحيب ولا ايه
سُميه بضحك (والدة نغم) = اييييييه يا نغم ايه اللي حصل انهارده شايفاكي مبسوطه اوي
نغم _ مبسوطة مين، ده انا كنت هترفد انهارده وربنا سترها ههههه
سميه = ليه حصل ايه
نغم _ محصلش
سميه = نغممممممم
_ بقولك ايه يا سميه الخشاب انتي، عامله اكل ولا اروح اشتري من بره
= علي سيرة الاكل الفراخ اللي كن……….
_ يانهااااار، هي منار محطتهاش ف التلاجه، ده انا موصياها الصبح تحطها علشان كنت متأخره ع المحاضره
سميه لنفسها = يعني منار هي اللي عملتها فيها المره دي برضو، ماشي يا منار
نغم _ ماماااااا
= هاااااااه، اه لا هي حطتها علفكره، انا كنت هسألك عايزينها انهارده محمره ولا مسلوقه
_ لا حمريها احسن، اومال منار فين صح
= خرجت مع صحابها
_ اممم، ماشي
= عايزه حاجه
_ لا بسأل عادي
= باباكي عايزك ف موضوع كده هييجي يكلمك فيه بليل، متناميش بدري
_ ده علي اساس بنام قبل 3 الصبح اصلا، بس اشطا ماشي
= انا قولت اقولك علشان تبقي عامله حسابك
_ عايزني ف ايه
= ماعرفش، لما ييجي هنعرف
__________________________
في المساء……….
يوسف بحزم (والد نغم) _ في عريس جاي بكره هنا وانا وافقت عليه، جهزي نفسك
نغم = ايه يا بابا الهزار التقيل ده، انا لسه ف اولي
_ كليه
= بس اولي
_ وايه المشكله
= لسه عندي حاجات كتير اوي، يعني عندي اني هكمل دراسه الاول وبعدين هعمل دراسات عليا زي الدكتوراه والماجستير و……
يوسف بعصبيه _ انتي بتستهبلي يا بت انتي، انا وافقت عليه والموضوع انتهي
نغم بعصبيه = ايوه بس انا ماعرفهوش اساسا ازاي توافق عليه يعني، وازاي تتخذ قرار زي ده من غير م تلجألي اصلا
_ مش محتاج اقولك، انا ابوكي وعارف كويس انا بعمل ايه
= اه ده ف البطاقه بس
يوسف ضـ…ـربها بالقلم _ احترمي نفسك واتكلمي كويس مع ابوكي بعد كده انتي سامعه
سميه ببكاء * يوسف انت بتعمل ايه، الكلام مش بيبقي كده
= لا مسمعتش وانا مش هتجوز حد غير لما اعرفه واقعد معاه واوافق عليه بنفسي
سميه * نغم حبيبتي اهدي شويه محدش هيغصبك علي حاجه
يوسف _ انتي كده كده تعرفيه كويس، ده يبقي مراد سعد
نغم بتحديق = مش ده اللي بينا وبينهم تار المفروض
يوسف _ احبك وانتي فاهمه، علشان ننهي موضوع التار اللي بين العيلتين ده لازم تتجوزي ابنهم
سميه بشهقه * ايه اللي انت بتقوله ده يا يوسف، انا مستحيل اوافق علي حاجه زي دي
يوسف _ انتي تسكتي خاااالص، من امتي وانتي ليكي رأي هنا اصلا، قررت وانتهي
منار # خلينا نستفاد منها يا ماما بدال ما هي مش نافعانا بحاجه كده، واهو نعيش اخر يومين لينا بسلام
نغم بدموع = يعني ايه ؟ هتبيعوني بسهوله ليهم كده ؟
هو انا رخيصه عندكوا للدرجه دي ؟
يوسف _ قررت وانتهي والموضوع ده مفيش نقاش فيه، جهزي نفسك بقي مش عايز اي غلطه بكره……….
وبكده البارت التالت يكون خلص يا حلوين 😊
ايه اللي هيحصل بعد كده، ياتري نغم هتستسلم وتتجوز مراد ؟ ولا هيكون لبطلتنا رأي تاني ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نغمة الياسين)
