رواية أولى خطوات العشق الفصل الثالث 3 بقلم سارة محسن
رواية أولى خطوات العشق الجزء الثالث
رواية أولى خطوات العشق البارت الثالث
رواية أولى خطوات العشق الحلقة الثالثة
بإمكان الصُدف ان تفعل اشياء عجز البشر عن فعلاها فماذا لو جمعت بين قلب مجروح وقلب برئ
اخذت تتبع ريڤان صوت الأغنيه الي ان وقفت امام مرسم اياد المصنوع من الزجاج وجدته يرسم وخصلات شعره البني متساقطه علي عيناه ومن الواضح انه كان مندمجاً في الرسم نظرت لهُ ريڤان بتدقيق ونظرت حوله فوجدت العديد من اللوحات مرسومه بمهاره عاليه لفت نظرها لوحه مرسوم بها كلب بالون الأبيض وعيون زرقاء وشعره كثيف الي حد كبير بعد قليل من النظر الي اللوحات قررت ريڤان ان تذهب قبل ان يراها احد وهي في طريقها للذهاب كان يوجد العديد من المزهريات حول مرسم اياد فصدمت بواحده منهم
ريڤان بصدمه/يالهوي البتاعه اتكسرت هعمل اي ديلوقتي
سمع اياد تلك الصوت فخرج ليري من الذي فعل هذا فوجد تلك الفتاه في حاله من الإرتباك الشديد
اياد وهو ينظر الي عيناها الملونين بلون العسل /انتي مين
ريڤان بإرتباك وتسرع وهي تبادله النظرات / بص هقولك ا ا انا كنت ماشيه بص اصل
اياد بهدوء ومازال ينظر لعيناها/ششش اهدي قولي انتي مين بالراحه مافيش حد بيجري وراكي
ريڤان /انا ريڤان
عقد اياد حاجبيه بإستغراب وهو يقول /ريڤان وبتعملي اي هنا يا ريڤان /انا كنت بتمشي شويه في الجنينه وسمعت الأغنيه فمشيت وراها لحد ما جيت هنا
اياد بتساؤل/طيب انتي بتشغلي هنا جديد اصل اول مره اشوفك في الڤيلا
ريڤان بتسرع/ اه اه انا اول يوم لسا النهارده وبجد اسفه انا مكانش قاصدي اضايق حضرتك خالص واسفه تاني مره علي المزهريه اللي كسرتها انا ممكن اجيب غيرها
اياد بضحكه خفيفه /بس بس في اي انتي ماتعرفيش تعملي حاجه في حياتك غير انك تعتذري خلاص محصالش حاجه لكل ده المزهريه في غيرها كتير
ابتسمت ريڤان فهي كانت تظن انه سوف يوبخها مثلما كانت تفعل زوجة ابيها عندما تقوم بشئ خاطئ
ريڤان بفضول /هو حضرتك رسام
ضحك اياد بخفه قائلاً/امم رسام
ريڤان /ماشاء الله لوحاتك شكلهم يجنن
اياد بمزاح/دي انتي واقفه بقالك كتير بقي بتتفرجي علي اللوحات
ريڤان بخجل/امم
اياد /طيب يا سيتي لو حابه تتفرجي عليهم كلهم تاني ابقي تعالي في اي وقت انا دايما ببقي قاعد في المرسم بتاعي اللي انتي شوقتيني فيه من شويه
ريڤان /طيب انا مضطره امشي ديلوقتي
اذن لها اياد بالإنصراف وابتسم ودلف مره اخري لمرسمه كانت روان تراقب كل ذلك من شباك غرفتها المطل علي الجنينه
روان بغيظ /مين الزفته دي كمان اللي كان بيتكلم معاها ويبتسم يا تري كانوا ببقلولوا اي اوووف يا اياد
✨عند سيف✨
كان يتنقل بين الشوارع بسرعه كبيره بحثاً علي تلك الهاربه فهو حقاً يخشي من اسامه وما سيفعله بعد ان يعلم بهروب ريڤان وخصاً بعد ان اخذو منه الكثير من النقود مقابل زواجه من ريڤان الغير شرعي اجل الغير شرعي فمدام العروس غير موافقه فالزواج غير شرعي ،وبينما كان يبحث عنها توقف عندما لاحظ فتاه تقف امام منزلها الصغير جداً ،نظرت لهُ تلك الفتاه بخوف شديد واخذ صدرها يعلو ويهبط من شدة الخوف اجل فتلك الشاب كان السبب في تدمير حياتها بشكل نهايئ فبسبب تلك الشاب عاشت تلك الفتاه المسكينه اصعب اوقات من المستحيل ان تتحملها اي فتاه اخره سواها ،كانت تنظر لهُ وعيونها تكسوها الدموع ،سمعت تللك الفتاه تأوهات طفل صغير فمسحت دموعها علي الفور ونظرت لسيف نظره استحقار ثم اسرعت بالدلوف لمنزلها الصغير واغلقت الباب خلفها بشده وسندت علي باب المنزل وانهارت من البكاء فسمعت صوت تلك الفتي الصغير يبكي مره اخره وكأنهُ يخبرها انها ليست بمفردها في تلك الغابه اجل غابه وبعض البشر يمثلون الذئاب في تلك الحياه ،اسرعت الفتاه الي الفتي واحتضنته وشرعت في البكاء وتلك المره كان بكاؤها شديد الي ابعد الحدود
خارج المنزل ••
نظر سيف للمنزل واوطي برأسه بخيبة امل وذهب ليكمل البحث عن شقيقته
✨في المساء في قصر بدر الطحاوي ✨
كانت تجلس كوكب هي وبدر في صالون القصر ويتناولون الشاي
كوكب وهي تضع فنجان الشاي علي الطاوله المقابله لها /ايه قولك في الموضوع ده يا بدر
بدر /انا طبعاً اتمني اني اشيل احفادي بس ذي ما انتي عارفه اياد قال انا مش هتجوز الا عن حب وغسان بعد اللي حصل لخطيبته قال مش هتجوز
كوكب /انا هفاتحهم مالكش دعوه انت بالموضوع ده ،ما ان انهت جملتها وجدت غسان دالف اليهم
غسان بمزاح /شكلكوا كيدا يتخططوا لحاجه صح يا حجوجه
كوكب بضحكه /اقعد يا غسان عاوزاك في موضوع ،جلس غسان بجانب جدته واخذ قطعه بسكويت من الطبق الموضوع علي الطاوله المقابله امامه وشرع في اكلها بتلذذ وهو يستمع لجدته
كوكب وهي تملس علي ظهره/مش ناوي تفرحني بيك بقي يا غسان يا حبيبي نفسي اشوف عيالك قبل ما اموت ،توقف غسان عن مضغ قطعه البسكوت ونظر لجدته بحزن قائلاً/بعد الشر عليكي يا يته انا مستريح كيدا واستحاله اتجوز بعد صفاء
كوكب بإندفاع /صفاء ماتت وشبعت موت شوف حياتك انت بقي ،وقف غسان بشكل مفاجئ وبعصبيه شديده تحدث قائلًا/صفاء ماتت في عيونكم كلكم الا عيني انا لأنها عايشه في قلبي وعقلي وماسمعس حد بيتكلم انها ماتت تاني سامعني ،انتفضت كوكب من صوته المرتفع وبدر نظر لإبنه بحزن دون ان يتحدث تقديراً لحالة ابنه ،بينما غسان فترك المنزل ورحل
بدر بحزن /انا سيبتك تفاتحيه عشان تستريحي يا امي مش اكتر وانا عارف رده ايه
✨في جنينة المنزل ✨
كان يتنقل اياد في الجنينه الخاصه بالقصر فلمح غسان يخرج من القصر بعصبيه شديده فصاح لهُ كي يتوقف ولكنه ذهب وتركه
اياد /ده مين اللي مزعله ده ،دخل اياد للقصر فوجد جدته و والده يجلسان فوقف امامهم وهو واضع يده في جيب بنطاله
اياد /مين اللي مزعل غسان
كوكب /والنبي يا ابني. ما في حد مزعله دي انا بس كلمته في موضوع جوازه
اياد بحزن علي حال اخيه /انتوا كلكم عارفين كويس قوي صفاء كانت بالنسبه له اي. فبعد اذنكم ماحدش يفاتحه فالموضوع ده تاني اصله مش بنت هتجوزوها غصب عنها اوف
بدر بحزم/ ولد اتكلم بأسلوب احسن من كيدا مع جدتك انت فاكر عشان كبرت تعمل اللي انت عاوزه ولا اي ،تنهد اياد بحزن وذهب بجانب جدته واحتضنها قائلاً/اسف والله يا تيته انا زعلان بس علي غسان فسامحيني
كوكب وهي تملس علي ظهره/عارفه يا بني وانا والله انا كمان زعلانه عليه عشان كيدا بتكلم ،خرج اياد من احضان جدته
اياد /انا نازل المطبخ عشان اشوف حد من الشغالين يجي يروق المرسم بتاعي حد عاوز حاجه من تحت اخليهم يبعاتوهالكم
بدر /لا انا وجدتك هنطلع ننام وانت كمان ريح نفسك شويه
اياد /حاضر يا بابا
✨في منزل رائد✨
كان يجلس كل من نعمه وسيف واسامه في صالون المنزل ورجال اسامه منتشرين في ارجاء المنزل
كان يجلس اسامه وهو واضع قدم فوق الأخري ويشرب من كأس الخمر الخاص بيهِ وتحدث قائلاً/انتوا فاكريني عيل صغير عشان اصدق الكلام اللي انتوا بتقولوه ده ده انتوا واخدين مني ٥٠٠الف ولا كأني هتجوز السفيره عزيزه
نعمه بتلجلج وخوف /والله يا بيه هربت ومانعرفش راحت فين قليلة الربايه دي
اسامه ببرود وهو يعتدل في جلسته/صادقه يا مره بس عشان تعرفوا قدامكم شهر لو البت دي ماكنتش علي ذمتي ومخلف منها كمان اعتبري نفسك انتي وجوزك الخمورجي وابنك. الشمام ده ان امركم انتهي ،اندفع سيف وكاد أن يخرج الموس من فمه الا ان اسامه اشار لأحد رجاله ان يمسك بهِ وكأنه كان يعلم ان سيف سيفعل هذا
وقف اسامه واتجه ناحية سيف الذي يمسكه احد رجاله وامسك رأس سيف بقوه جعلته يفتح فمه رغماً عنه فأخرج اسامه الموس في فم سيف وتحدث ببرود قائلاً /انا مارضنيش ان خال عيالي المستقبلي يبقي بالتشرد ده حاول تحسن من نفسك شويه،القي اسامه بالموس فنظر لهُ سيف بغل
نعمه برجاء لأسامه /سيبه وانا هجيبلك البت دي من شعرها في خلال شهر ذي ما قولت والله بس سيبه،
اشار اسامه للراجل الممسك بسيف فألقي بيه ارضاً فأسرعت نعمه اليه وهي تتفحصه
اتجه اسامه لباب المنزل قائلاً /٣٠يوم واجي اخد مراتي يا اخد ارواحكم يا عالم يا رمم ،خرج اسامه هو ورجاله ورزع الباب خلفه بقوه شديده
نعمه وهو محتضنه بسيف /منها لله بنت منال
سيف بغل /والله لهربيها هي والعره ده اللي بيتحاما في رجالته
✨في المطبخ داخل قصر بدر الطحاوي ✨
كانت تجلس ريڤان مع خديجه و بعض الشغالين ينظمون المطبخ والبعض الأخر ينظمون المنزل
خديجه /قومي يا حبيبتي ريحي شويه
ريڤان /مش نعسانه ومش عاوزه اقعد لواحدي خليني قاعده معاكي،دلف اياد الي المطبخ
اياد لخديجة /بعد اذنك يا خالتي ممكن حد يجي يروق معايا المرسم
خديجه بتفكير /هاجي انا يا اياد عشان مافيش حد فاضي
اياد بتسرع /لا يا خالتي خلاص استريحي انتي هنا بتشرفي بس
ريڤان بتسرع /اجي انا
اياد وقد لاحظ وجود ريڤان / لو مش هتعبك يعني
ريڤان بإبتسامه /انا اصلاً زهقانه
اياد /طيب انا هسبقك علي المرسم
ريڤان /تمام ،ذهب اياد للمرسم
خديجه /كنتي استريحتي انتي النهارده
ريڤان/عادي بقي اصلاً مش تعبانه وعاوزه اتسلي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أولى خطوات العشق)
