رواية اهلي جوزوني في بيت عيله الفصل الثالث 3 بقلم نور ناصر
رواية اهلي جوزوني في بيت عيله الجزء الثالث
رواية اهلي جوزوني في بيت عيله البارت الثالث
رواية اهلي جوزوني في بيت عيله الحلقة الثالثة
_عدي اكتر من اسبوع، وكان حماده فالمسجد بيصلي العشا بالناس ووراه كان احمد واخوه سليم، وبعد مخلصو الصلاه طلع حماده..
سليم _
روح ي احمد ورا حماك وراضيه ورجع مراتك الراجل باين عليه زعلان..
احمد بقلق_
انا غلطان فحقه ومليش عين اكلمه بعد ممديت ايدي ع سما…
سليم _
انت غلطان اياً كان اللي حصل متمدش ايدك ربنا خلق الانثي ضعيفه عشان احنا نحميها ونبقالها سند بعد ربنا مش نستقوي عليها، اياً كان الغلط ميتصلحش باللي عملته..
سكت احمد وبان عليه الزعل، زعق فيه سليم _
انت لسه هتسرح روح يبني كلم الراجل ورجع مراتك وسيبك منامك واختك شويه وبص لنفسك..
اتنهد احمد ومشي ورا حماده بسرعه وقاله بصوت عالي _
استني ي شيخ حماده لو سمحت..
وقف حماده وهو مكشر ورد عليه _
خير عايز اي؟..
اتوتر احمد وقاله _
احم انا كنت عايز اتكلم مع حضرتك شويه..
كان حماده مدايق منه فرد عليه_
ولسه ليك عين تتكلم معايا كمان، انا يوم مديتك بنتي امنتك عليها وطلبت منك تصونها وتصون كرامتها..
اتوتر احمد وقاله _
ي عم حماده انا ا..
قاطعه حماده بعصبيه _
حتي لو بنتي غلطت تيجي تقولي مش تمد ايدك عليها ..
احمد _
انا مكنتش اقصد هي عصبتني وبعدين ي عمي انا متفق معاكم من الاول انها هتساعد اهلي فشغل البيت وكلنا بيت واحد…
زعق فيه حماده وقاله _
انا اتفقت معاك ع كده ومختلفتش ولو كانت بنتي قصرت فحاجه كنت انا اللي وقفتلها، بس متفقتش معاك ان بنتي تبقي هي اللي شايله البيت كله لوحدها ما علينا من الست والدتك ست كبيره ومش هتقدر تعمل حاجه، اختك مفيهاش حاجه لقدر الله عشان تقعد حاطه رجل ع رجل وبنتي تقوم بيكم كلكم..
حس احمد باحراج ورد عليه _
حقك عليا ي عمي اوعدك ان بعد كده زي م سما هتعمل اختي هتعمل وكل اللي طالبه منها انها تراضي امي وبس انا مش عايز اغضبها..
حماده بجديه _
وده ميرضنيش ولا يرضيني تقاطع اهلك وانت اللي ليهم وشايلهم، بس اللي طالبه بنتي تتقدر وتبقي ليها خصوصيتها شقتها محدش يدخلها غير باذنها ولو قالت لحد متجيش وقتها يبقي ليكم حق تتكلمو..
احمد بهدوء_
وانا موافق ع كل شروطك ومستعد كمان اعتذر لسما واطيب خاطرها بس ترجع…
اتنهد حماده بهدوء ورد عليه _
اذا كان كده انا معنديش مانع، بس انها ترجع ولا لا دي حاجه تخصها هي، وبالمناسبه مراتك حامل..
فرح احمد اووي وقاله _
انت بتتكلم جد، سما حامل يعني انا هبقي اب..
ضحك حماده وقاله _
ع الله بقي تعقل انت وهي وتعرفو قيمة النعمه اللي ربنا كرمكم بيها..
احمد _
اكيد طبعا يعمي طيب انت مروح انا عايز اتكلم مع سما دلوقتي..
حماده _
ايوه يبني نروح يلا بينا..
_كانت سما فالبيت قاعده جنب مامتها وبيتفرجو ع التلفزيون وبعدين دخل حماده..
وقال بصوت عالي _
تعالي ي احمد ي بني اتفضل..
لبست امال حجابها وقامت ترحب بيه، ادايقت سما وقامت عشان تدخل اوضتها بسرعه..
بس وقفت لما حماده قالها _
استني ي سما جوزك عايز يتكلم معاكي شويه..
ردت ع باباها بعصبيه _
بعد اذنك ي بابا انا مش عايزه اتكلم مع حد..
قرب منها احمد وقالها _
انا اسف ي ستي وشالله ايدي تتشل لو اتمدت عليكي تاني..
امال _
خلاص بقي ي سما اهو جه واعتذر..
سما _
تلاقيه جه لما عرف اني حامل..
رد. عليها بسرعه _
لا طبعا حتي اسالي عم حماده. انا كلمته وقولتله اني عايز ارجعك وهريحك فالبيت من قبل معرف انك حامل..
سما بقلق_
وانت هتريحني ازاي بقي فالبيت؟..
احمد بجديه _
بصي ي سما مش هكدب عليكي انا مقدرش اسيب امي واختي لوحدهم وسليم ده الصغير وانا الكبير يعني انا المسؤل عنهم، فمقدرش اقولك انك ملكيش علاقه بيهم، بس اوعدك اهو قدام اهلك ان زي مانتي هتعملي غاده هتعمل ومحدش هيرمي حمله ع التاني، كده انا عداني العيب صح عم حماده؟..
كان نفسها بابها يرفض ويقوله بنتي تقعد فشقتها لوحدها بس صدمها باباها لما قال…
حماده _
ايوه يبني معاك حق، خلاص ي سما بقي روحي لمي حاجتك يلا وارجعي بيت جوزك..
اتملت عينيها دموع بس مقدرتش ترفض وراحت لمت حاجتها ورجعت البيت مع احمد، وراح هو قال لمامته واخته ع اللي هيحصل وانهم ميتعبوش سما عشان الحمل..
غاده بعصبيه بعد. مطلع احمد. شقته _
شايفه ي ماما اهي عرفت تمشي كلامها عليه وتخليه يجي يتشرط علينا..
الام_
انا المهم عندي دلوقتي حفيدي وبعد متولد يبقي يحلها حلال..
بصت غاده لمامتها بغيظ ودخلت اوضتها وفضلت تلف فيها زي المجنونه من عصبيتها..
وبعدين قالت لنفسها بحقد_
اقسم بالله مهخليكي تتهني بالعيل ده ي سما ولا هسمحلك انتي تفرحي وانا اعيش متنكده ع جوزي وبنتي يتيمه…
_تاني بوم نزلت سما فعلا ورتبت الشقه لحماتها ودخلت المطبخ عشات تعمل الاكل، لقيت حماتها دخلت وراها..
سما بهدوء_
خير ي ماما انتي محتاجه حاجه اعملهالك؟..
ردت عليها _
لا ي بنتي انا هساعدك شويه، انتي حامل والحركه الكتير وحشه ليكي..
استغربت سما من طريقتها وردت عليها _
بس انا مش تعبانه روحي انتي ارتاحي ولو تعبت هقولك..
ضحكت حماتها وقالتلها _
يبنتي انا عايزه اساعدك متخلنيش اتكلم كتير بقي..
ابتسمت سما وسابتها تجهز معاها الاكل، بس من جواها كانت مبسوطه ان حماتها بقيت تعاملها كويس..
ام احمد _
هو انتي روحتي لدكتور عشان تتابعي الحمل بتاعك..
ردت عليها سما بقلق _
لسه ي ماما بصراحه معرفش دكاتره ابقي اخلي احمد يوديني..
ام احمد بجديه _
واي اللي يفهم الرجاله فالحاجات دي بس، انا هديكي عنوان دكتور كويس جدا العياده بتاعته جنب الحضانه بتاعت جني بنت غاده..
سما _
حاضر ي ماما هبقي اخلي احمد يوديني ليه واتابع معاه..
_خلصت سما تجهيز الغدا مع حماتها وبعدين روقت ليها المطبخ بعد الغدا ونزلت شقتها لقيت احمد رجع بدري ورتب ليها الشقه..
استغربت سما وسألته_
انت بتعمل اي ي احمد؟..
ساب المكنسه من ايده وقالها _
من النهارده اليوم اللي هتطلعي فيه عند ماما، انا هروقلك الشقه هنا عشان متتعبيش..
ضحكت وقالتله _
وده من امتي بقي؟..
عمل نفسه زعلان وقالها_
يعني انا غلطان كده؟..
ضحكت وردت عليه _
لا طبعا بس بلاش تتعب نفسك انا كنت هرتاح شويه وارتبها..
مسك احمد ايدها وقال بصوت هادي_
وانا مش بتعب نفسي اللي يقدر ع حاجه يعملها ي سما، المهم ادخلي انتي غيري هدومك عشان هنروح للدكتور اللي قالتلك عليه ماما، هي كلمتني وقالتلي احجز ونروح نطمن ع البيبي..
فرحت سما جداً وقالته _
بجد يعني انت حجزت وهنروح سوا..
رد عليها_
ايوه بس متتعوديش ع كده، انا بعد كده هكون مشغول ممكن تخلي سلمي اختك تروح معاكي..
سما _
حاضر، هروح اغير هدومي عشان منتأخرش..
_عدي كام شهر وكانت حياة سما حلوه وبقيت فالشهر السابع وحماتها بقيت تعاملها كويس وكمان احمد، وكانت مبتتعاملش خالص مع غاده عشان متحصلش بينهم مشاكل..
وفيوم كانت سما بتروق فالمطبخ، ودخلت غاده وجابت اطباق من التلاجه وحطتها من بره وبعدين وقعتهم فالارض وهي قاصده تعمل كده..
وزعقت فسما _
انتي ي بت انتي نضفي القرف ده..
اتعصبت سما وقالتلها _
انتي اللي وقعتيهم ونضفيهم انتي..
اتغاظت غاده وقالتلها _
ده يومك فالتنضيف ويلا نضفيهم ومترغيش كتير..
ادايقت سما من طريقتها وردت عليها_
انا ايوه ده يومي فالتنضيف بس انضف الشقه والمطبخ لماما مش انضف وراكي وانتي متشلتيش عشان متقدريش تشليهم..
كانت غاده هترد عليها بس سمعت صوت احمد وسليم جم بره..
فقالت لسما بخبث_
انا هوريكي ازاي تردي عليا كويس..
طلعت غاده ومثلت انها بتعيط وقالت لاحمد_
يرضيك ي احمد مراتك تزعقلي عشان الاكل وقع مني ع الارض من غير مقصد وتقولي مش كفايه قاعده زي الهم عندنا..
طلعت سما من المبطخ وكانت لسه هتدافع عن نفسها بس احمد زعق فيها وقالها بعصبيه_
انتي ازاي تقولي لاختي كده انتي اتجننتي؟..
دمعت عيون سما وقالتله _
محصلش ي احمد والله د..
قاطعتها غاده وقالت بعصبيه _
وكمان بتكدبيني انا لو كانو اهل جوزي رضيو يقعدوني عندهم بعد مجوزي راح مكنتش جيت فوشك وبقيت حمل تقيل عليكي انتي واخواتي..
ادايقت حماتها وقالت لسما _
كده برضو يبنتي تزعليها بالكلام كده..
زعق احمد فيها _
انتي لسه هتكلميها ي ماما، هي كلمه ي سما تعتذري دلوقتي لغاده واياكي الكلام ده يتكرر تاني ..
بكت سما وقالتله _
بس انا مغلطش فيها ي احمد عشان اعتذرلها..
سليم _
خلاص ي احمد مش مشكله بلاش تكبر الموضوع..
مسمعش احمد كلام اخوه وزعق فيها جامد بعصبيه_
ده بيت غاده قبل ميبقي بيتك فاهمه ويتقعدي وانتي محترماها ي تغوري فستين داهيه..
بكت سما وقالته _
ماشي انا هغور فستين داهيه بس والله العظيم انا مقولتلهاش ولا كلمه من اللي هي قالتهم..
مشيت سما وطلعت شقتها ولمت حاجتها ومشيت..
قربت مامته منه وقالتله _
هو انت كل متتخانق معاها هتخليها تمشي، غلط كده يبني وهي حامل..
غاده _
ومش غلط انها تغلط فيها ي ماما اروحلكم فين بس اطفش ولا اروح فين..
حضن احمد اخته وطبطب عليها وقال لمامته بزعيق _
انا محدش يزعل اختي ي ماما، وبعدين هي بتعمل لي كده احنا كلنا بنراضي فيها اخرتها تقول كده لاختي..
_ابتسمت غاده بخبث ان خطتها نجحت، وراحت سما لبيت اهلها اللي زعلو من اللي حصل وقالولها تفضل عندهم لحد متولد وبعدين يشوفو هيعملو اي..
_بعد شويه كانت ام احمد داخله تتكلم مع غاده عشان تخليها تصالح سما وتخلي احمد يرجعها، بس وقفت عند الباب..
وسمعت غاده وهي بتكلم صاحبتها وبتقولها _
بس يبنتي وعملت نفسي ببكي وزعلانه واحمد طردها بس اي رئيك خطه متخرش المايه..
رجعت الام وقعدت فالصاله وهي مصدومه ازاي بنتها تعمل كده، وخافت تقول لاحمد تبقي بتشوه سمعت بنتها..
_وفيوم كانت سما قاعده مدايقه ان احمد ظلمها ومصدقهاش، فمسكت موبيلها وكلمته..
رد عليها وهو مدايق _
نعم..
سكتت ومعرفتش تقول اي، فقال هو بعصبيه _
انتي متكلمه عشان تسكتي ي سما..
ردت عليه وهي بتمسح دموعها _
ي احمد اسمعني والله العظيم انا مقولت لغاده حاجه الحكايه انها ا..
قاطعها وزعق فيها _
مدام مش معترفه بغلطك يبقي مش عايز اسمع حاجه ي سما، انا حبيتك بجد وكنت بحاول ارضيكي ع قد مقدر بس انتي مقدرتيش ده، ولو عايزاني ارجعك اعترفي انك غلطي واعتذري لغاده..
ادايقت وقالته _
اعتذر ع حاجه معملتهاش ي احمد..
اتعصب ورد عليها _
براحتك ي سما انا قولت اللي عندي..
_قفل فوشها وبعدين هي فضلت تبكي وحست بألم جامد فبطنها وفضلت تصرخ وجه باباها ومامتها وودوها المستشفي..
راح احمد ومامته المستشفي بعد مكلمهم حماده..
احمد بقلق _مالها ي عمي اي اللي حصل؟..
زعقت امال فيه وقالتله _
يعني مش عارف اللي حصل بعد مزعلتها وخليتها تعيط بتسأل مالها،انا اللي غلطانه من الاوا اني سيبت بنتي تتجوز فبيت عيله..
حماده _
بس ي امال، مراتك بتولد عالسابع لانها تعبت جدا..
الام بحزن_
ربنا يقومها بالسلامه..
_كان احمد واقف زعلان فقربت منه مامته وقالتله بحزن _
مراتك مغلطتش فاختك ي احمد، اختك بس غيرانه منها شويه وظروفها خلتها تتصرف بحقد..
احمد بصدمه _
ماما لو سمحتي بلاش تطلعي غاده غلطانه عشان تخليني اسامح سما..
ردت عليه _
لا انا بقول الحقيقه مراتك من اول يوم جات فيه عندنا وانا واختك بندايقها كنا خايفين تاخدك مننا بس انا فوقت لنفسي وسما كويسه وصعبت عليا، انما غاده غيرتها خلتها تتصرف كده، ظروفها وحشه انها صغيره وتتأرمل وكمان اهل جوزها يرموها وتشوف بنت زيها عايشه مبسوطه ده خلاها تبقي غيرانه وبتحقد عليها..
اتصدم احمد وكملت مامته _
رجع مراتك ي احمد ومتخربش بيتك..
ادايق احمد وقالها _
انا هرجعها ي ماما بس هرجعها فبيت لوحدنا بعيد عنكم عشان غاده تبقي مرتاحه..
الام بحزن _
ازاي بس..
احمد بجديه _
ده الاحسن ي ماما عشان متحصلش مشاكل والمفروض كان يحصل كده من الاول طول مسما بعيد عن غاده كده هيكون احسن ومتقوليش حاجه لغاده ي ماما هي ظروفها صعبه وربنا يهديها، وهبقي اخدك تقعدي معايا شويه ونجيلك شويه،ومصاريف البيت وكل حاجه هتفضل زي مهي مني انا واللي تحتاجو هيجلكم،بس مراتي وابني مش هرضالهم بالتعب ولا لاختي..
الام _
اللي يريحك يبني المهم تكون مبسوط..
_بعد. شويه ولدت سما وجابت ولد ودخلو كلهم عشان يباركولها..
احمد وهو بيقعد. جنبها _
حقك عليا ي سما متزعليش مني فاي مره زعلتك فيها..
سما بصوت واطي من تعبها _
يعني انت مصدقني ي احمد..
ابتسم ورد عليها_
ايوه مصدقك وكمان هنطلع من هنا ع بيتنا الجديد لوحدنا..
سما بحزن _
طيب ومامتك هنسيبها ازاي و..
ضحك وباس ايدها وقالها _
هنبقي نزورها ونخليها تيجي تقعد معانا كام يوم كل اسبوع، بس المهم تقومي انتي بالف سلامه..
ضحكت سما وردت عليه _
الله يسلمك ي حبيبي، وربنا يخليك ليا..
_الي اللقاء ونتقابل فقصه جديده..
لقراءة الرواية كاملة اضغط على : (رواية اهلي جوزوني في بيت عيله)
