رواية ميراث العشق الفصل التاسع عشر 19 بقلم مريم نصار
رواية ميراث العشق الجزء التاسع عشر
رواية ميراث العشق البارت التاسع عشر
رواية ميراث العشق الحلقة التاسعة عشر
(ميراث العشق)
بسم الله نبدأ
ف الجهاز .
مراد : وفهد خارجين من مكتب المدير ..
مراد : بقولك ايه ياحوت ؟
فهد. : ارغي ياصقر ..
مراد : تعالى قبل ما تخرج نشوف الواد آدم ابنى وهو ف مكتبه ..
فهد : يلا بينا واتحركو .. بس انت هتقوله؟
مراد : اتنهد . ايوه وربنا يستر..
فهد : ربت ع كتفه متقلقش آدم ابنك قدها ..
مراد : بجد قلقان دى اول مهمه رسميه هيطلعها .
فهد : يبنى انا مش قلقان عليه . عارف آدم ابنك لو حد سهل وضعيف . هقولك ايوه ليك حق تقلق . لكن انا شايف قدامي مراد العدوي التانى ..وكمان هو تحت تدريبنا انا وانت . يعنى متعلم ع ايدينا . ابنك ماشاء الله كتلة زكاء و شجاعه متقلقش عليه
مراد : هز راسه ربنا معاه إن شاء الله ..
فهد : إن شاء الله .. تعالى مكتبه هناك ..
مراد : خبط ..
آدم مراد : بثبات .. ادخل..
مراد : دخل وقال بمرح .. السلام عليكم .
آدم مراد : قام وقف . مين مراد وفهد باشا بنفسهم … وعليكم السلام ..
فهد : سلم عليه . اذيك يا ياحضرة الملازم .؟
آدم مراد : الحمد لله ياخالو . اتفضلو . اذيك يابابا عامل ايه؟
مراد : كويس جدا ياحبيب ابوك . خلعت انت قبل منى ؟
آدم مراد :معلش بقى انت عارف الشغل عندى مافيهوش هزار .
. ولازم اكون ف التدريب ع الميعاد بالظبط . ولسه مخلص وداخل الجهاز حالا ..
مراد : اممم بالتوفيق إن شاء الله ..
فهد : مدير الجهاز . قالك حاجه امبارح ؟
آدم مراد : كشر عينيه لا ليه؟
مراد : بتنهيده . ف مهمه جديده وهيكون موجود فيها الرائد سعد . وبلع ريقه بغصه . وانت موجود ف فريقه .احنا منعرفش ايه هي نوع المهمه زى ما انت عارف أنه ممنوع.
آدم مراد : ابتسم . وهز راسه لأ كدا تمام اوى .
فهد : ابتسم وافتكر نفسه زمان . وشاف ع وش آدم نفس ابتسامة الشغف ..
مراد : بخوف . اسمع يا آدم انا عارف انك بتحب شغلك .
.ومهما اقولك انت صوتك من دماغك . لكن يبنى ف المجال ده لازم تسمع لل اكبر منك .
. لازم تسمع لرأي رئيس الفريق بتاعك . ومتهج#مش قبل ما تاخد منه الأمر ..
آدم مراد : مسك القلم بين ايديه وقعد ع طرف المكتب .
وقال أنا مش عايزك تفكر ولا تتعب نفسك ياحج . والقلق الل انا شايفه ف عينيك ده عليا . امحيه . امسحه . انا ابنك . وحفيد آدم العدوي . واستحاله انى ااقصر ف شغلى وخصوصاً وقت الهج#وم ع الع#دو وانا باخد حقي ..
مراد : فتح عينيه بدهشه . وشاف فهد السيوفي من تانى لكن ع اقوى .
. ميكس من آدم العدوي ومراد وفهد . لكن استسلم للأمر الواقع وقال جواه . ربنا يستر ..
فهد : قام وربت ع كتف آدم وقال جدع ياض يا آدم انا مش قلقان عليك . وكمان عندى ليك خبر احلا من كل ده ..
آدم مراد : رفع حاجبه بثقه .خير ياخالو ؟
فهد : بعد المأموريه ما تم ع خير .اول مأموريه تجيلى انا وابوك هتكون ف الفريق بتاعنا . يعنى هنكون جيش كامل ..
آدم مراد : قام وقف بحماس كبير وانا مستنى المغامره دي بفارغ الصبر ..
مراد : بتعجب . بص لفهد وقال بيقولك مغامره؟
فهد : هههههههه احلا مغامره دي ولا ايه؟ ههههه
آدم مراد : ابتسم بسيط ..
مراد : غصب عنه ضحك . ماشي ياعم الحوت . يلا بقى عشان عندى مشوارين ..
فهد : كشر عينيه مشوارين ايه ؟ انت مش هتيجى معايا عند دكتور محمد انا ورينو والولاد معزومين هناك ع الغدا ؟
آدم مراد : قابض ع ايديه بخنقه ..
مراد : لا مره تانيه الدكتور محمد قالى بس انا اعتذرت . انا هطلع اشوف العمال وصلو لفين ف العماره .. واطلع ع العياده اجيب فريحه ..
فهد : هز راسه تمام .
مراد : بص لابنه هتعوز حاجه ياوحش؟
آدم مراد : قال بغيره لأ ..
——————بقلمي مريم نصار.
فيلا العدوي .
ميرو : حاولت تهدي نفسها . وقفلت فونها وركبت تاكسي ورجعت ع البيت ..
شاهين واقف مع الجارد .. وشاف تاكسي وقف قدام الڤيلا. وشاف مريم نازله منه .. واستغرب جدا . وبص ف الساعه وكانت ٢ وقال بهمس دكتوره مريم؟ طيب هي ما اتصلتش عليا ولا حد قالى انى اروح اجيبها . هي قالت بعد العصر؟
ميرو : نزلت من التاكسي . ودفعت الحساب . رايحه ع الفيلا . ورسمه ع وشها الجمود وكأنها عاديه ..
الجارد : فتح ليها بوابة الفيلا ..
شاهين : متجرأش يسألها هي ليه مطلبتش منه أنه يروح يجيبها ..
ميرو : دخلت الفيلا .ف صمت تام . وماشيه ف الجنينه . ودخلت الفيلا . وملقتش حد ف الليفنج .. وحمدت ربنا . وطالعه ع السلم بسرعه ..
زينب : خرجت من المطبخ وشافت مريم طالعه بتجري ع السلم . وقلقت عليها . وقالت ل عزه. بت ياعزه خلى بالك من الاكل الل ع النار .. وطلعت ورا مريم .
ميرو : دخلت اوضتها بسرعه . ورمت نفسها ع السرير وعيطت بوجع كبير ..
زينب : طلعت وخبطت عليها . دكتوره مريم .
ميرو : بشهقات مكبوته . روحي ياداده . انا مش عايزه اتكلم مع حد .
زينب : بقلق . خبطت تانى طيب افتحي لداده زينب حبيبتك . مش انا الل مربياكي افتحي ياحبيبتى وطمنينى عليكي اصل مش هنزل وقلبى واكلنى عليكى كدا ..
ميرو : مسحت دموعها . وقامت بتعب وفتحت ليها . ورجعت تانى قعدت ع السرير ..
زينب : دخلت وقفلت الباب . وشافت عيون مريم حمرا . وشهقت بصوت عالى يمصبتى انتى بتعيطي ياست مريم؟ لاااا قوليلى ف ايه ومين الل زعلك ؟
ميرو : بخنقه . ارجوكي ياداده انا مش عايزه اتكلم مع حد . كل الل انا عايزاه انام وبس . ممكن؟
زينب : جابت كوباية ميا . وقالت طيب امسكي اشربي واستهدى بالله ..
ميرو : هزت راسها بدموع لأ مش عايزه . وصعبت عليها نفسها وعيطت وحطت وشها بين ايديها ..
زينب : اتصد#مت وحطت الكوبايه . وقعدت جنبها وقالت بلهفه. ست مريم الله يسترك قوليلى مالك . سيدى آدم بيه لو عرف هيتجنن عليكي .
ميرو : رفعت راسها بسرعه . وبصت ليها لأ لأ اوعي ياداده تقولى لحد اى حاجه ارجوكي. وياريت تنزلى عشان ماما مريم متحسش بحاجه ..
زينب : ربتت ع ضهرها . اهدى طيب ووحدى الله . سيدى آدم بيه وست مريم خرجوا من بدرى . و تالين بعد المدرسه دخلت اوضتها وتلاقيها نايمه ولا بتذاكر . ومفيش حد موجود ف البيت .
ميرو : مسحت دموعها . وقالت لا إله إلا الله .
زينب : لو تقوليلى مالك بس هتريحى قلبى .
ميرو : ابتسمت بتمثيل ابدا حصل مشكله كبيره عند صحبتى وانا زعلت علشانها. وياريت ياداده محدش يعرف انى رجعت بالطريقه دي .
زينب : طيب من عينى حاضر مش هقول لحد . بس ياحبيبتى متاخديش كل حاجه ع اعصابك كدا . لا صحبتك ولا حد هينفعك . وعايزاكي تفوقى لنفسك كدا . ايوه اومال ايه؟
ميرو : ابتسمت بوجع . إن شاء الله ياداده . ياريت لو مامي أو بابي أو اي حد سأل عليا تقولي انى نايمه . لانى تعبانه شويه ومحتاجه انام بجد ..
زينب : ابتسمت من عينيا حاضر ياست البنات . خديلك دوش سخن كدا وارتاحي ..
ميرو : هزت راسها شكرا يا داده .
زينب : قامت ربنا يريح بالك ياست الكل . وخرجت . ونزلت ع المطبخ ..
ميرو : قامت بتعب وقفلت الباب بالمفتاح . وسندت بضهرها ع الباب . وسمعت صدى صوت كامليا وهي بتحكى قد ايه هي وتيم بيحبو بعض . وحطت ايديها ع ودنها وعيطت بصوت كله وجع .. وقالت كفاااايه . كفااااايه مش عايزه افكر فييييه تاااني .
——————بقلمي مريم نصار
ف الطريق .
تيم ف العربيه . وهيتجنن بيتصل ع مريم وفونها مغلق . ونفخ بخنقه كبيره جدا . هتكووووون راحت فيييين؟ انا مش عايز اتصل ع حد من العيله واعمل قلق. روحتي فييين يامريم ؟
كامليا : قاعده جمبه وبصت ليه بصدمه . وقالت انت بجد مصدق نفسك إن الل انت بتعمله ده طبيعي؟
تيم : …………
كامليا : بنرفزه تيم رد عليا انا بكلمك ..
تيم : مردش عليها. وفونه رن . وكانت آرين . وبص ل كامليا. وقالها مش هنبه عليكي تانى صوتك وانتى بتتكلمى معايا مايعلاش . ورد ع آرين .وابتسم الو ..
آرين : بطفوليه انت فين يا استاذ . احنا هنا من بدري ؟
تيم : معلش ياحبيبتى انا بس عندى مشوار مهم جداً. هخلصه وارجع ع البيت.
كامليا : غمضت عينيها بغيظ. وقالت اكيد دي مامته . اهدى ياكامليا انتى عيبك الوحيد التسرع ف كلامك مبتعرفيش تخبى مشاعرك . وديما ف مشاكل بسبب النقطه دي .. انتى بتحبى تيم . وهو بيحبك . يبقى ليه تعملى مشاكل . انتى متقدريش تعيشي من غيرو . اهددددي .
آرين : ياسلام . ومشوار ايه ده بقى إن شاء الله الل طلع فجاءه . انا جوعت ومفيش حد منكم راضي يجي . لا انت ولا عمو محمد ولا بابي . اعاااااااااا انا جوعت اوى ياتيمو حرام عليكم . انتو عازمينا تعذبونا. اعااااااا..
تيم : ضحك بتمثيل . ههه يابت اهدى وبطلى طريقتك الطفوليه دي .. واتنهد بزعل انا بس حصل حاجه كدا اخلصها واجيلك جري .
آرين : ببراه . هتجيلى شوكليت كتير ثح .
تيم : ابتسم حاضر يا آرين هجبلك الل انتى عايزاه .. بس اقفلي بقى عشان انا سايق وكدا غلط ..
كامليا : شهقت بصوت مهموس وفتحت عينيها ع الاخر بصدمه. وهمست بغل وغيره كبيره . اررررررين ؟ كل الهزار والضحك ده مع اررررين؟
آرين : بجديه ماشي ماشي . اقفل بقى عشان عمو محمد وصل . وعقبالك انت وبابي يارب.
تيم : ماشي يا آرين مع السلامه. .
آرين : باي وقفلت .
تيم : رجع لخنقته وقلقه الكبير ع مريم . وبيفكر بتصل ع مين عشان يطمن عليها ..
كامليا : بدموع .. تيم انت كنت بتكلم آرين وبالطريقه دي؟
تيم : ايوه ياكامليا .. و آرين دي حاجه تانيه وبالنسبالى اختى الل مربيها .. وكبرت بيها ومعاها . اوعي تكوني غيرانه منها هي كمان؟
كامليا : عيطت . نزلنى هنا ياتيم لو سمحت ..انا مخنوقه اوي ..
تيم : مش هينفع انا هوصلك لحد البيت . وليا كلام تانى معاكي ع تصرفاتك الغريبه دى انهردا ..
كامليا : بصتله بزعل . وقالت بدموع هو انا مش مسموحلى انى اغير عليك ؟
تيم : بتفكير . ثوانى ياكامليا . وفتح فونه واتصل ع فون فيلا العدوي الارضي ..
كامليا : بصت من الازاز ومخنوقه من تجاهله ليها ..
زينب : ردت الو .
تيم : الو . اهلا ياداده انا تيم ..
زينب : بابتسامه اهلا بدكتورنا اذيك يسي تيم عامل ايه؟
تيم : بحيره . انا كويس الحمدلله . احم وماما مريم عامله ايه؟ وكل الل عندك؟
زينب : ست مريم الكبيره زى الفل الحمدلله وخرجت مع سي آدم بيه من بدرى . ومفيش حد هنا غير الدكتوره مريم الصغيره وتالين . والباقى كل واحد ف شغله .
تيم : فرمل العربيه . واطمن . وقال بطريقه غير مباشره .. ايه ده هي مريم مراحتش الجامعه انهردا ؟
زينب : لا راحت . ولسه راجعه من نص ساعه . هي نايمه دلوقتي ..
تيم : ابتسم تمام ياداده . انا هتصل ع ماما مريم مع السلامه . وقفل .. وقال الحمدلله ميرو بخير ..
كامليا : بوجع .. فتحت الباب ونازله من العربيه ..
تيم : بسرعه قفل الباب قبل ما تنزل. وقال ممكن افهم ايه لعب العيال الل انتى بتعمليه ده ؟
كامليا : من غير ما تبصله انا عايزه انزل لو سمحت .
تيم : مش هينفع . انا هوصلك .
كامليا : تيم انا بجد مخنوقه وعايزه اكون لوحدي ..
تيم : ع فكره انتى الل خانقه نفسك علشان تفكيرك وطريقتك من البدايه غلط ..
كامليا : بصتله باستغراب . طريقتى غلط ؟ انك تشيل بنت ف سنى وأنى اشوف الخوف عليها ف عيونك وكمان تهزر مع آرين ومش عايز منى اي رد فعل ..؟
تيم : بصلها . هو انا خبيت عليكي حاجه واتفاجيتى بيها؟
انتى ممكن متكونيش مستوعبه طريقة تربينا وعمق علاقتنا مع بعض ف كل العيله . انا قبل كده شرحتلك انى قد ايه عندى عيله مفيش منها اتنين . ع قد ما هي متسامحه ع قد ما ليها قواعد من نار .
آرين دي بجد كبرت قدامي يوم بيوم والدتها تبقى امي التانيه اتربيت ف بيتهم وارين اتربت ف بيتنا وكلنا بالاجماع اتربيتا ف بيت جدو آدم العدوي.
عندنا ترابط مش عند حد .. اتعلمت ف بيت جدي من جدتى إن الحب الحقيقي انى اشوف عيلتى والل بحبهم مبسوطين .. حتى لو ع حساب سعادتى .
لارين أو رينو هي خالتي ف الحقيقه لكن عمرى ما قولتلها خالتو .. لأ من صغري بقولها رينو هي امي عشت معاها طفولتى حبي ليها كان ع الفطره . لدرجة انى كنت بغير عليها من جوزها .
ويوم ما قولت اخدها بعيد .ابويا وامي وجدتى علموني إن كدا غلط . والل بيحب حد لازم يخليه مبسوط ويكون مبسوط عشانه.
.ميرو و آرين كل واحده ابوها ع طول ف سفر مستمر . وانا كنت ليهم الاخ والاب والسند. ودول بالذات خط احمر.
انا اتعودت من صغري انى احب واضحي عشان الإنسان الل بحبه .حتى لو حساب نفسي..
.كبرت بخاف ع افراد عيلتى كلها شباب وبنات . مفيش فرق بين دي اخت مين ودي بنت مين لا .دي بنت خالى تبقى اختى ومينفعش متكونش اختى.
وكمان افديها بروحي . مريم و آرين بالذات غالين جدا عندى وماينفعش تغيرى منهم ولا من ليليان .
اتعلمنا إن البنت ف عيلتنا جوهره وليها مكانتها . وتتعامل ع انها ملكه . البنت ف عيلتنا مصانه مكانتها عاليه فوق ف السما . غيرتنا عليهم من نا#ر . ومش هنسمح لأى مخلوق يلم#سهم حتى لو ممرض ياكامليا . واظن الرساله وصلت.
كامليا : خافت وفرحت ف نفس الوقت . وحاولت تكون هاديه .
.وبصت ل تيم وقالت أنا اسفه .. انا بجد مبسوطه اوى انك بالشخصيه دي وانك راجل ناضج وقوي . تيم انت عارف انى بحبك جدا . هي كانت مجرد غيره .
.انت يعنى لما شوفتنى واقفه مع شباب ف الجامعه زعقتلى مش دي غيره برضو؟
تيم : بجمود . رجو#لتى تحتم عليا انى رافض مبدأ انى اشوف حد يخصنى واقف مع حد غريب . ومش هسمح بكده . وياريت تاخدي بالك من تصرفاتك وخصوصاً نبرة صوتك معايا ..
كامليا : بفرحه اوكي اوكي خلاص اسفه بجد . ومش قصدي ازعق والله انا بس كنت مش قادره استوعب . وياريت بقى لو تعزمنى ع حاجه اشربها بجد عطشانه اوي .
تيم : بص وراه وجاب من الكرسي الخلفى ازازة عصير . اتفضلى.
.معلش انا اتأخرت عندنا ضيوف مهمين جدا. ومش هينفع نخرج لكن اوعدك مره تانيه ..
كامليا : اخدت الازازه وابتسمت اوكي ياحبيى مفيش مشكله.
تيم : شغل العربيه . وقال اومال فين عربيتك؟
كامليا : بتشرب . امم سبتها ف الجامعه . واتصلت بالجارد وهيروح يجيبها ع البيت.
تيم : هز راسه تمام .
——————بقلمي مريم نصار.
فيلا الصاوى.
جاسر : بفرحه كبيره انا مبسوط جدا يا آدم إنك شرفتنى انهردا .
آدم : الشرف ليا ياجاسر ياخويا.
ملك : بس انا زعلانه منك . ازاى مش هتتغدى معانا بقى ؟ انت تقعد تتغدى ولا هزعل.
آدم : معلش ياحبيبت اخوكي . خليها مره تانيه .
ملك : ماتقوليله حاجه يامريم . هو هيعمل فيها ضيف لا انا بجد زعلانه ..
مريم : بابتسامه . حبيبتي مايهونش عليه زعلك . بس بجد خليها مره تانيه . احنا لسه عندنا مشوار عند هنا . هنطمن عليهم . عشان انتى عارفه اكيد ميرو قربت ترجع ع البيت وتالين تلاقيها قاعده لوحدها . بالله عليكي متزعليش .
ملك : ابتسمت وانا عمرى ما ازعل منك ياحبيبتى. بس ع الاقل يدوق الحلو الل انا عملاه .
آدم : وانا مش هزعلك . هاتي يستى الحلو.
ملك : بفرحه من عيوني حاضر . وقامت تجيب الحلو.
آسر : راجع من الجامعه. وابتسم بفرحه . السلام عليكم .
كلهم وعليك السلام .
آسر : ضحك . جدو آدم عندنا. وانا اقول الفيلا منوره ليه ..وسلم عليه بحب كبير..
آدم : ربت ع كتفه وابتسم بحب. بنورك يا أسر ياحبيبى ..
آسر : اهلا اذيك يا تيته عامله ايه؟
مريم : بحب . الحمدلله يا أسر انت عامل ايه؟ ودراستك عامل فيها ايه؟
آسر : الحمدلله كل حاجه تمام . وقرب من جدو .اذيك يا جدو وباس ع ايديه .
جاسر : ابتسم حبيب جدك انا تمام . يومك كان حلو؟
آسر : قعد طبعا الحمدلله . اومال ناناه فين؟
ملك : من وراه انا هنا ياقلب ناناه . وسلم عليها ..
آسر : بص ل آدم وقال احم جدو بما إن حضرتك موجود .كنت عايز استشير حضرتك ف حاجه كدا ..
جاسر : مش وقته يا أسر احنا اتكلمنا ف الموضوع ده وانتهى.
آسر : بص ل آدم بترجي .
آدم : لحظه يا جاسر … خير يا أسر ياحبيبى . قول استشارة ايه ؟
آسر : بص ل جاسر. اسف ياجدو. لكن لازم اقنعك بأى شكل . وبص ل آدم. انا عايز امسك مجموعة الصاوي ..
آدم : هز راسه بتفهم . وقال انت فاكر الموضوع بالسهوله دي يا آسر يبنى؟
جاسر : قولتله والله يا آدم ياخويا. هو بس زعلان عشان شايف إن الحمل تقيل عليا. وكمان مالك ابنى محتار ومش عارفين يعملو ايه؟
آسر : بص ل آدم. ياجدو . جدو جاسر تعب لما اسس باقى شركات جدو حسين الله يرحمه. وبابا زي ما حضرتك شايف من المحكمه للشركه .
.وماما ف شركتها. ومفيش حل . وانا عارف إن خالو زين بدء وهو ف الجامعه واتدرب تحت ايد حضرتك كويس جدا ودلوقتي ماشاء الله صور خالو زين ع السوشيال ميديا والجرايد وفخر للعيله كلها . ف ليه جدو شايفها صعبه عليا ..
آدم : مط شفايفه بتفكير . وساكت .
جاسر : ل آسر . يبنى المسؤليه كبيره عليك . ولازم تكون جاهز للشيله دي ..
آسر : ………واتنهد بزعل .
آدم : ل جاسر وانت لما شيلت شيلة الحج حسين الله يرحمه كنت جاهز ياجاسر؟
جاسر : بتنهيده لأ يا آدم بس الأمر يختلف عن زمان ودلوقتي.
آدم : بس الإنسان هو الانسان وتفكيرو متغيرش . واسر الصاوي قدها ..
آسر : ابتسم بسعاده بجد ياجدو يعنى هتقنع جدو انه يوافق ..
آدم : ابتسم .متستعجلش ع التعب . انا إن شاء الله هلاقي حل ..
آسر : بخيبة أمل وبص قدامه بزعل.
جاسر : ربت ع كتفه متزعلش يا آسر.
آسر : بخنقه . لا عادي دي شركة حضرتك وانت اكيد شايف انى مش جدير بشيل الحمل عنك .
جاسر وملك ومريم بصو لبعض بدهشه من كلام اسر ..
آدم : ابتسم ورفع حاجبه بإعجاب.
جاسر : بدهشه ايه الل انت بتقوله ده يا آسر؟
آسر : انا اسف ياجدو . بس انا كنت حابب أثبت نفسي واخليك مش محتاج لحد .. ولا تفكر وتتعب نفسك .
.كنت عايز راحتك كنت عايزك تكون فخور بيا . لكن انت شايف انى لسه صغير ..
ملك : بزعل عيب كدا يا أسر. ده مش وقت كلام ف الموضوع ده. انت عارف إن جدك عايز مصلحتك وتهتم بدراستك إنت لسه ف اولى جامعه..
آسر : قام وقف انا اسف جدا . بعد اذنكم وجه يتحرك ..
آدم : تعالى يا آسر .
آسر : لف ليه تحت امرك ياجدو .
آدم : بفخر . والله ياجاسر انت عندك حفيد ماشاء الله عليه . راجل وقد المسؤوليه . وانا واثق إن مجموعة الصاوي هتكبر ع ايديه مش كدا يا جاسر؟
جاسر : كشر عينيه وقال ايه الل ف دماغك يا آدم؟
آدم : حط رجل ع رجل وكمل بثقه . دمج شركة ساره الصاوي مع مجموعة الصاوي . وبكده جميع الأطراف اتراضت ..
جاسر : اتعدل بتركيز . وقال انت تقصد…….؟
آدم : ابتسم وقال . ساره ومالك خليهم يعدو عليا بكره ف الفيلا الساعه ٦ بليل . وبص ل آسر .وانت لازم ف الاجازه تثبت نفسك وعايزك تفوق كل التوقعات وانا واثق انك قدها .
آسر : ضحك بسعاده كبيره شكرا . شكرا جدا ياجدو .
آدم : وخلى بالك . جدك جاسر خايف عليك . شغل مجال الإعمال ده مش سهل بالمره . وكله مطباات ..
جاسر : بتاكيد . وانا ده فعلا الل خايف ع حفيديني منه . مش عايزه يواجه تحديات ومصاعب ..
آسر : قعد جمب جاسر بسرعه ومسك ايدو وباس عليها وقال بتفائل . متقلقش عليا ياجدو . حضرتك بكره هتكون مبسوط بقرارك انك وافقت امسك مجموعة الصاوي . وإن شاء الله هثبت نفسي وبجداره انا لازم اشرفك ياجدو اكيد .
ملك : ابتسمت بسعاده وقالت ربنا يوفقك يا آسر ياحبيبى يارب .
جاسر : ربت ع ضهرو. وانا واثق فيك ياحبيب جدك . بالتوفيق إن شاء الله.
——————بقلمي مريم نصار.
عند محمد .
بعد الغدا .كلهم قاعدين ف الليفنج .
رينو : قاعده وجمبها تيم . وآرين جمبها من الناحيه التانيه .
وفهد : قاعد ومحمد جمبه . واركان جنب فهد
ونور : جنب محمد وجنبها تمارا .
فهد : تسلم ايدك بجد يادكتوره .
نور : بالهنا يافهد . انت متعرفش بجد انا مبسوطه انكم موجودين معانا انهردا .
محمد : منورني والله يافهد .
فهد : حبيبى يادكتور . تعبت نفسك .
محمد : انا برضو الل تعبت نفسي . وايه يبنى كل الحجات الل جايبها دي ؟ هو انا غريب؟ انا خالك يالا متعملهاش تانى ؟ مش كل مره هقولك انت ومراتك فاهمين .
رينو : ياخبر يادكتور . ايه الل بتقوله ده . وبعدين الحجات دي لتيم وتيما . اوكي .
نور : ابتسمت تسلمي يارينو . ثوانى هقوم اجيب الحلو .. وقامت .
رينو : فهد احنا هنروح عند حد من العيله انهردا؟
فهد : ايوه يا حبيبتي . هنروح عند الحج طارق نسهر معاهم .
رينو : ابتسمت اوكي . دي هيبقى ضحك للصبح . بابا طارق ده قمررر
محمد : ههههه طارق ده مشكله . وخصوصا هو والبت چود . ميكس فقر بجد .
آركان : فعلا چود كلها بابا طارق . لكن چواد هادي لعمو فارس .
فهد : رفع عينيه ايه ياتيم . من ساعة ما رجعت وانت سرحان ف حاجه حصلت؟
تيم : بابتسامه . ابدا يافهد انا كويس جدا . بس بحب اسمع حديث العيله ..
آرين : همست مامي . هو تيم ماله بجد ؟
رينو : مش عارفه اساليه انتى ؟
آرين : نو نو نو . سالته قالى مفيش يابت . وغايظنى جدا . وكمان مجابش الشوكيلت وقالى .. اثف نثيت خالث .
رينو : ههههههههه مجنونه.
بعد شويه .
——————بقلمي مريم نصار.
فيلا عزيز ..
مصطفى : واقف قدام المرايا ولابس شورت فقط . وبيقلد ابطال الجيم . وبيكلم نفسه .
. وبيتريق ع چود . فين الباي؟ فين التراي؟ قال يعنى كل الشباب رياضيين .
. انا واحد بيكره الرياضه. هي ناقصه فرهده. اروح اتمرت ١٠ سنين. وف الاخر اتجوز ويطلعلى كرش . مش عارف انا بنات تافهه ..
مريم : خبطت . مصطفى انت بتعمل ايه عندك جوه ؟
مصطفى : ثواني ياست الكل بلبس حااااااضر . الدنيا متكهربا انهردا ليه .
.اوووف . فييين الباى؟ قصدى فين التيشرت. اه اهو تعالى ياخويا انت كمان. قال ايه لأ مش بحبك يامصطفى ؟ دى هتم#وت عليا. بس وحيات الغاليه الل انا سايبها تخبط ع الباب دى؟ لاربيكي ياچود الك#لب . وحيات كوثر الغاليه كمان مااااشي هتشوفي .
مريم : خبطت اكتر. انت يبنى بتعمل ايه كل ده؟
مصطفى : لبس التيشرت وفتح الباب ايوه ياماما . بلبس. بلللبس ..
مريم : بنفاذ صبر. ساعه بتلبس يامصطفى؟ من وقت ما جدك آدم وناناه مريم مشيو . وانت طلعت تلبس كل ده؟
مصطفى : اله . ايه بس يامريومه . كنت باخد شاور . انتى ديما متسعجله كدا ..
مريم : نفخت اووف . ربنا يرجعك ليا بالسلامه ياكريم . مريح قلبى .
مصطفى : يعنى القلب اهو . ماهي دي النقطه الل انا بتكلم فيها. القلب . مش الباي ولا التراي؟
مريم : ببلاها . ها؟ انت بتقول ايه ياولد انت؟
مصطفى : هز راسه والله انا ملاقى حد يفهمني . انا خياره ف البلد دي. هههههههههه.
مريم : هههههههههه خياره . اسمها خساره خسااااره . اااه يارب يهديك يامصطفى ياحبيبى يارب .
مصطفى : هرش ف دقنه . ادعي ادعي عليا كتير كدا .
. ولما نجمد قلبنا عليكو . يقولو الابن العاااااق اهووووووووو.
اهووووووووو يارب الابن الل اكل من طبق أمه اهووووو . ونبقى مهمشين ف ام المجتمع ده.
مريم : هههههههههه مهمشين؟ هههههه . يلا يلا . تعالى انزل .يامجنون ..
——————بقلمي مريم نصار.
بعد فتره .
فيلا العدوي . عربيه فخمه جدا . حواليها عربيات حراسه كتير جدا . ونزل جارد خاص ضخم واسمه عاشور. وقرب من شاهين الل ف نفس جسمه تقريبا.
ونص حرس آدم مع شاهين .
الجارد عاشور : بجمود . آدم باشا العدوي موجود ؟
شاهين : بص ف عينيه . ايوه نقوله مين ؟
الجارد عاشور : بلغه إن رؤوف باشا الجبالى وابنه ساهر باشا الجبالى . عايزين يقابلوه ؟
شاهين : هز راسه بكبرياء . ف ميعاد سابق؟
عاشور : لأ ولكن الأمر مستعجل وخاص ياريت تبلغه.
شاهين : ثانيه واحده . واتصل باللاسلكي .الو ايوه ياهارون ؟ اتصل وبلغ آدم باشا إن ف ضيف عايز يقابله واسمه رؤوف باشا الجبالى ..وقفل ..
بعد ٣ دقايق ..
رؤوف : قاعد ف العربيه ينفخ . وقال راجل معندوش دم . كل ده؟ هنستنى الرد من سيادته .؟
ساهر : نزل ازاز العربيه . وبص للفيلا بانبهار . وقال ايه ده يابابا . الجمال ده . انا اول مره اشوف فيلا بالحجم ده . ده قصر مش فيلا ..
رؤوف : بغيظ . فلوس فلوووس ياساهر يبنى . وهي الفيلا دي تيجي حاجه ف املاك آدم العدوي . ده باني حتة فيلا جديده لحفيده تحس انها من الماظ صافى . وبيبنى ف واحده تانيه و عماره كبيره جدا .
ساهر : بانبهار . يااااه طيب انت عرفت كل حاجه عنه ازاى ؟
رؤوف : بغيظ انا مراقبه من زمان جدا . وهو ولا يعرف انا ليا عين خاصه .
شاهين : حاله اتصال . ايوه يبنى . اه ايوه. تمام . وقفل .
وبص للجارد . رؤوف باشا وابنه بس الل هيدخلو الفيلا . وهيتفتشو قبل ما يدخلو . والعربيات هتفضل بره الفيلا .
عاشور : بدهشه . انت بتقول ايه. . انت مش عارف انت بتتكلم عن ميييين؟
شاهين : بهدوء . لأ . ودي أوامر آدم باشا .وانا عبد المأمور وينفذ شغلى .. واتفضل روح قول للباشا ..
عاشور : بغيظ . راح ونزل راسه وقال ل رءوف الل اتغاظ جداااا . وقال حسابك تقل اوووي يابن العدوي . بس معلش .. الصبر حلو اوى اوى. انزل يا ساهر .
رؤوف نزل وساهر ابنه. والجارد حواليهم .
شاهين : لو سمحتو كلو يرجع مكانه . الباشا هيدخل لوحدو . وقرب من رؤوف اتفضل يا باشا . آدم باشا ف انتظارك .
رؤوف : بكبرياء وغيظ . هز راسه ودخل وابنه وراه .
شاهين : قفل البوابه . وقال ثوانى يا باشا.
رؤوف : وقف بغيظ .. خير ..
شاهين : اسف لسيادتك لكن الأوامر . وفتش رؤوف . وطلع من جيبه مس#دس . وسكي#نه من ساهر ومسد#س . وقال تقدرو تتفضلو . ونده . وقال . هاررووون . هاروون ..
جارد : هارون. جه بسرعه ايوه ياكابتن شاهين ؟
شاهين : وصل الباشا للباب الداخلى. والريس عوض يدخل معاه.
هارون : هز راسه تحت امرك . اتفضلو معايا ياباشوات ..
رؤوف : ماشي مخنوق . رغم انبهارو من حجم الفيلا الكبير وتلات ادوار وتصميمها الخرافي .
وبص حواليه. وشاف عربيات ومكن ريس . وحرس كتير . وكلب وواضح عليه أنه شرس جداااا . وقال جواه اممم انت مش سهل يابن العدوي …
عوض : قابلهم . اتفضلو يابهوات . اتفضلو .
رؤوف : اول ما دخل انبهر من جمال التصميم .
ساهر : بهمس بابا كل ده ليفنج . ده كأنه قاعة مؤتمرات.
رؤوف : هششش وطي صوتك. واعمل الل اتفقنا عليه . ورايح يقعد في الليفنج.
عوض : لامؤخذا يابيه . اتفضل معايا مكان تانى .
رؤوف : بزهق . اتعدل .. ايه هنقعد ف المكتب؟
عوض : لا يابيه. اتفضل ف اوضه خاصه للضيوف اتفضل.
رؤوف : اوووف تعالى يبنى.
عوض : مشي جمب المكتب . وضغط ع زرار ع الحيطه جمب برواز كبير . والحيطه اتفتحت ..
ساهر : اتخض .وبلع ريقه بتوتر . وقال بابا انا خايف .
رؤوف : هشش خايف من ايه. امشي وانت ساكت.
عوض : اتفضلو يابهوات. وسيدي آدم بيه نازل حالا .
رؤوف : دخل وشاف صالون من التراث العريق ومكان فخم جدا .. وأعجب بالديكور . وقال امم طول عمرك بتقع وانت واقف يا آدم ..
——————بقلمي مريم نصار.
آدم : لبس ترنج رياضي..
مريم : بنفاذ صبر . يا آدم انت هتنزل للضيوف بالشكل ده ؟
آدم : باسها ع الهوا. وقال دول ناس مالهاش لازمه ههههههههه .
.بس بما انهم ف بيتى لازم أرحب بيهم . واشوفه عايز ايه ؟ وايه الجراه الل هو فيها دي؟.
مريم : طيب يحبيبى الله يهديك البس بدله وانزل .
آدم : كلمه زياده هنزل بشورت . انا عارف انا بعمل ايه .
مريم : نفخت بنفاذ صبر. ياااالله صبرني يارب .
آدم : ماتجييى سكر هههههههه ..
مريم : هزت راسها بيأس. يعنى انت مصمم تنزل بترنج للضيوف .
آدم : هز راسه ببرود اممم . واسمعي ماشوفش طيفك تحت . وكمان ريتال وفريحه واحفادي انتى فاهمه ..
مريم : حاضر ياحبيبى بس مراد وفريحه لسه مرجعوش من العياده.
آدم : قعد ع طرف السرير يشرب العصير .
مريم : تنحت . آدم انت بتعمل ايه؟ زينب جت من بدرى وقالت الضيوف ف الصالون .
آدم : بيشرب امممم . مريم انا عارف انا بعمل ايه قولتلك ؟ وبعدين هريحك . عارفه مين الضيف البج#ح ده؟
مريم : بعدم فهم وانا هعرف ضيوفك منين؟
آدم : بص قدامه . وصك ع اسنانه بغيظ. وقال ده اكبر تع#بان ف السوق . ده رؤوف الجبالى الل كان مشغل هيكل عندى ف الشركه.
مريم : شهقت. ياالله . لأ لأ يا آدم متنزلش لوحدك الله يكرمك .لا يعمل فيك حاجه .
آدم : ابتسم ايه هيق#تلنى ف بيتى. متخافيش الجبالى أجبن من كدا بكتير
مريم : بخوف . استودعتك عند الله..
آدم : هههههههه قمر ياروحي . فين السكر بقى .
مريم : ياراجل انت ف ايه ولا ايه؟
آدم : بغمزه. خلاص انا مش عايز سكر دلوقتي. خليها بعدين عشان انتى وحشانى اوى .
مريم : وشها بقى احمر وبعدين معاك بقى ..
آدم : ايه بس ياروحي انتى وحشانى جدا فيها ايه بس . والبسى حاجه اروجينال كدا هههههههه.
مريم : هزت راسها بنفاذ صبر الله يهديك يا آدم.
آدم : بعتلها بوسه ع الهوا . يارب ياروحي ..
الباب خبط .
مريم : ادخل .
زين : دخل بغيظ كبير جاهز ياحج ؟
آدم : قام . يلا بينا . وعايزك تهدى . اشترى للآخر تمام ؟ ونزلو .
——————بقلمي مريم نصار
رؤوف : بغضب . لااا دي قلة تقدير .نص ساعه قاعدين ومفيش حد عبرنا .
ساهر : بياكل ليه بس يابابا. ماهما جابو ضيافه كتير اهو . البسكويت ده حلو اوى ..
رؤوف : اسمع يا ساهر . عايزك تتكلم بقلب ميت .
ساهر : بخ#بث . مش عايزك تقلق من حاجه يابابا .
آدم : ضغط ع الزرار والباب اتفتح . ودخل مع زين .
زين : ساب الباب مفتوح . وقعد من غير ما يسلم .
آدم : قعد ع الكرسي وحط رجل ع رجل . وهز راسه اهلا اهلا يارؤوف .
رؤوف : بقناع الاف#عي . اهلا وسهلا بحضرتك يا آدم باشا . احب الاول اعتذر عن الزياره المفاجئة دي .
آدم : لا متقولش كدا يا راجل تشرف ف اي وقت طبعا .
رؤوف : ههههه تسلم يا آدم باشا احب اعرفكم يا ابني ساهر الجبالي نائب رئيس مجلس إدارة شركة الجبالى .
آدم : اممم جميل جدا اهلا اذيك ياساهر .
ساهر : بخبث . الله يسلم حضرتك يعمى . احم انا حلمى من زمان جدا انى اتعرف ع شخصية حضرتك .
آدم : بثقه والحلم اتحقق اهو ياساهر ..
زين : قاعد مش طايق حد .
رؤوف : ايه يازين باشا انت مخاصمنا ولا ايه؟
زين : بثبات . ابدا يا يارؤف باشا . انت منورنا انت … وابنك اسمك ايه ياحبيبى؟
ساهر : ههههه ساهر ياعمي . ساهر الجبالي. احفظه كويس .
زين : بص ف عينيه .ساهر…امممم . ايوه طبعا أنا حفظته خلاص . متقلقش ياساهر يا …جبالى.
آدم : بص ع زين وساهر . وقال أنا بحييك ع جراتك يارؤوف انك تجيلى لحد بيتى .
لأ بجد فوقت توقعاتي . انما قولى بقى ايه سبب التشريفه دي ؟
رؤوف : بلع ريقه . احم بصراحه ياباشا . انا عايز اعتذرلك عن حجات كتير جدا .
. وانا جاي وناوي خير إن شاء . وعايز اقولك انى زمان كنت صغير ف السوق وطموحي عماني وخلانى عايز ابقى زيك . ايوه انت مثلى الاعلى ياباشا. وعايزك تعرف إننا ف الشغل حاجه . وبره الشغل حاجه تانيه خالص ..
آدم : بمكر . اممم طبعا يارؤوف . وانا مش زعلان منك . ده كان سوء تفاهم مش كدا ؟
رؤوف : طبعا طبعا كان سؤ تفاهم . وانا بعترف بغلطي وعشان اثبتلك حسن نيتى انا جاي وناوي خير إن شاء الله ..
آدم : خش ف الموضوع ع طول يارؤوف .
رؤوف : بلع ريقه بصعوبه . وقال احم احنا عايزين ننول الشرف ونسابكم ..
زين : فتح عينيه بصدمه وقام وقف بغضب. نعممممم؟ انت عايز اييييه ياخويا ؟
آدم : جواه بركان ن#ار . وقال بهدوء . زيييين؟
زين : قبض ع ايديه . وقعد ونفخ بديق حقيقي . انا اسف ياحج ..
آدم : غمض عينيه وبيحاول يستوعب . وقال كمل يارؤوف .
رؤوف : بخ#بث ومثل التوتر .. احم . انا جاي ومعايه ابنى ساهر انهردا علشان نطلب ايد ربة الصون والعفاف . حفيدة حضرتك الدكتوره مريم..
زينب : داخله بالعصير وسمعت ..
زين : فتح عينيه بصدمه كبيره وقام وقف بغضب اكبر . عايز اييييه؟ انت اتجن#نت يارؤوف. ولا اتهب#لت انت وابنك العبيط ده .
آدم : بصوت جهوري . زيييين؟
زين : مردش وقبض ع ايديه . وقعد وجواه عايز يقت#لهم .
زينب : حطت العصير . وخرجت .
ليليان نازله ورايحه المطبخ . وشافت زينب محتاره وسألتها . اله مالك ياداده.
زينب : قالت بحيره وانبى ياباشمهندسه منا عارفه. انا دخلت العصير للضيوف وسمعتهم بيطلبو ايد ست الدكتوره مريم . بس سي زين بيه متعصب ع الآخر انا خوفت وجريت ..
ليليان : بصدمه . عريس ؟وبابي متعصب؟ لأ انا لازم اطمن ع بابى .. وجريت وقفت بعيد تطمن ع ابوها .
آدم : جواه غضب من نا#ر .ومردش …….
ساهر : بقلق. لكن اتكلم . بص يا آدم باشا انا معرفش ف ايه بين والدي وحضرتك .
. لكن انا عن نفسي بعتذر لحضرتك . وصدقنى انا شاري . وحفيدة حضرتك هتكون معززه مكرمه وهتنور علية الجبالى. وياريت بجد الاقى موافقه من حضرتك .
. لانى مسافر قريب. وعايز اكتب كتابى واتجوز ف اسبوع قبل السفر ..
زين : بصوت جهوري . لاااااا بقى ياحج . انا مش قادر اسكت اكتر من كده؟ ساهر ابن رؤوف الجبالى يتجوز بنتنا ده ع جث#تى ؟
ليليان : شهقت بصوت مهموس وخافت من صوت ابوها . وجريت طلعت لميرو .
آدم : تفهم غضب زين . وقال بغضب مكبت.. شوفتها فين يا رؤوف؟
رؤوف : بلع ريقه بتوتر وبص ل ساهر ينقذ الموقف …
آدم : بصوت جهوري . انا سألت وقولت شوفت حفيدتى فيييين يا رؤؤؤوف ؟ ومبحبش اعيد كلامى مرتين؟
رؤوف : بتفكير . وهي دي عايزه اجابه يعنى يا باشا. انت اشهر من النار ع العلم .
. وماشاء الله مفيش حد جاب سيرتك الا بالخير . وتربية عليتك وأخلاقهم العاليه . ماشاء الله حاجه تشرف بجد .
آدم : بفحيح اف#عى . برضو مقولتش شوفت حفيدتى فيييين يابن الجبالى؟
رؤوف : …………
ساهر : خاف . وقال احم انا هقول لحضرتك . بصراحه انا كنت ف الجامعه بالصدفه .
وشوفتها هناك . ولما سالت عليها لقيتها مشهوره جدا ف الجامعه و عرفت انها حفيدت سيادتك . وليا الشرف طبعا ..
آدم : رفع حاجبه مشهوره هناك؟ انت فاكر شكلها مش كدا ياساهر؟
ساهر : بص لابوه . وقال بلخبطه . ايوه.. لأ. احم هوا انا مش متذكر اوى . لكن لو شفتها هعرفها ع طول.
زين : بغضب . طلع فونه. وجاب صوره . وقال ل ساهر … وماله يسلام .. هي دي الدكتوره مريم . وانت ليك رؤيه شرعيه . شوفها قبل ما ناخد رأيها..
آدم : ابتسم ع ذكاء زين ..
ساهر : شاف بنت محجبه . وانبهر وقال ايوه هي الدكتوره مريم. مفرقتش كتير عن الصوره .
زين : هههههههههه
آدم : ضحك. بصمت .
رؤوف : شك إن ف حاجه غلط . هما اصلا مايعرفوش شكل مريم ..
زين : بص ع الصوره .وكانت صوره بنت محجبه من ع النت . وقفل الفون .
آدم : بنبره تخ#وف . اسمع يا رؤوف . انت كنت بتحاربنى زمان ف شغلى . وفشلت ف كل محاولاتك .
.وانا سبتك بمزاجي عشان ده بيزنس .. وكمان انت بعيد عن أهم حاجه الا هي عيلتى .
. انما دلوقتي انت تخطيت كل الخطوط الحمرا . واحمد ربك الف مره ان ابنى الكبير واخوها مش موجدين . اقسم بالله كان زمانك ف مخزن من مخازن العدوى وصوت عذ#ابك انت وابنك واصل لحد هنا …وانا هديلك فرصه اولى واخيره الل هي ؟
. انك هتقوم دلوقتي وتاخد ابنك ده وراك . ولو شوفت طيفك جمب مملكة العدوي . ساعتها انا مش هعرف ايه مصيرك فاهم ياجبالى؟
رؤوف : جواه اتر#عب من طريقة آدم .. لكن قام وقف بغضب . انت بته#ددنا و بتطردنا من بيتك يا آدم باشا؟ وعشان ايه ؟ احنا جايين نعتذر ونبدء صفحه جديده يبقى ده جزائنا ؟
زين : قام وقف بغضب اكبر . صوتك مايعلاش ع آدم باشا .
.ولا تعتبر نفسك مع الام#وات . واسمع انت وهو الحوار ده مش هيدخل دماغنا . ودور ع مصلحه تانيه بعيد عننا. واتفضل اطلع بره انت والشي الل ساحبه وراك ده ؟
رؤوف : بص ل آدم عاجبك اسلوب ابنك ده ؟
آدم : بكبرياء . جدااااا .
رؤوف : بغيظ .ماشي يلا بينا يا ساهر. واتحرك..
آدم : حط رجل ع رجل وقال بصوت جهوري . رؤؤؤؤوف ؟
رؤوف : وقف ولف خير عايز تهز#ئنا تانى يا آدم باشا؟
آدم : تؤ . عايز اقولك ارفع المراقبه من ع بيتى . علشان اقسم بالله هبعتهملك جث#ث وع راسهم انت . فاهم يارؤوف .؟
رؤوف : اتصدم وساهر مش ااقل صدمه من قوة الراجل ده . وفعلا مايلقش عليه غير لقب الامبراطور..
زين : فتح عينيه بدهشه . وهمس. ايييه مراقبه؟
رؤوف : بلع ريقه بصعوبه .ا.انا مش مراقب حد يا آدم باشا ..
آدم : من غير تفاصيل . انا نبهت عليك وانتهى الأمر. مع السلامه..
——————بقلمي مريم نصار.
قدام الفيلا . مراد راجع مع فريحه . والبوابه اتفتحت .
فريحه : بعدم فهم ايه كل العربيات الل قدام الفيلا دي يامراد ؟
مراد : شاور ل شاهين . وسايق داخل الفيلا . وقال مش عارف . ده واضح كدا انه وزير .
. لا وكمية حرس ايه تقوليش أسطول . يلا هنفهم كل حاجه. بقولك ايه انزلى انتى . وانا هركن العربيه ف الجراج اوكي ياقلبى ؟
فريحه : بابتسامه اوكي ياحبيبى . ونزلت . واخدت الشنطه . وشنطه اللاب توب .. وداخله ع الفيلا .
رؤوف : صك ع أسنانه بتوعد ل آدم . يلا ياساهر. وخارج .بغضب بسرعه .
مع دخول فريحه . وخبطه ف بعض عند الباب .
فريحه : كل حاجه وقعت منها و اتخضت ورجعت لورا بسرعه. وقالت بحرج . ياخبر . احم . ا.انا اسفه جدا ..
رؤوف : شاف فريحه . وبص ليها بإعجاب كبير . وابتسم بخ#بث .وقال ياخبر انا الل اسف جدا لحضرتك . ونزل ع الأرض وجاب ليها الشنطه . اتفضلى .
زينب : طلعت بسرعه . ست الدكتوره فريحه انتى كويسه .
فريحه : هزت راسها ميرسي جدا . واخدت الشنط ودخلت ومحرجه من الموقف . وطالعه تطمن ع ميرو وتالين ..
رؤوف : خرج مع ساهر. وع وشه ابتسامة خب#ث جديد واكبر .
. ووصل خارج الفيلا . وقال للجارد عاشور . انا اسبوع ومسافر امريكا 4 شهور عايز منك اول ما ارجع مصر ملف كامل ع مكتبى تجبلى فيه كل حاجه وكل معلومه عن الدكتوره فريحه العدوي ..
عاشور : هز راسه اعتبروا حصل ياكبير .. وركب . العربيه واتحرك والعربيات مشيت وراه ..
——————بقلمي مريم نصار.
ف نفس الوقت .
ميرو : قاعده ع السرير . وحاسه بخيبة أمل . وبتفكر انها لازم تنسى تيم . خلاص مبقاش من حقها ..
ليليان : دخلت تجري ع ميرو وبتنهج..
ميرو : بقلق . ف ايه ياليليان؟
ليليان : انتى قاعده ومش حاسه بحاجه؟ ف عريس تحت جه وطلب ايدك للجواز ..
ميرو : قامت من مكانها بسرعه . عريس؟.
ليليان : ايوه واسمه ساهر الجبالي . وسمعته بيقول عايز كتب الكتاب والجواز ف اسبوع واحد ..
ميرو : بصت قدامها بجمود . وقالت من غير تفكير . وانا موافقه
ليليان : بصدمه . انتى بتقولى ايه؟
ميرو : بدموع. قولت موافقه . ومش هغير رأي.
ليليان : بزهول . انا مش مصدقه الل بسمعه منك ده . اصلا بابي رافض العريس .
. انا جيت بس اقولك من باب العلم بالشيء. وبعدين انتى اتقدملك عرسان كتير جدا ومناصب كبيره وبابا آدم يقولك ع تفاصيل حياة العريس وانتى. ترفضي.
رغم انك عرفتى كل حاجه عن العريس . انما ده من غير اي معلومه تعرفيها عنه توافقي؟ انتى بتن#تقمى منك ولا من مين بالظبط ؟ طيب وتيم ؟
ميرو : زعقت بغضب لاول مره. تيم تيم تيم ؟ خلاص مفيش تيم تانى ياليليان.
. ومن امتى تيم حس بيا . اقولك ع حاجه؟ ودموعها نزلت بكسره.
تيم عنده حبيبه ياليليان . تيم خلاص مبقاش من حقى افكر فيه.
ليليان : بدموع وصدمه انتى بتقولى ايه يامريم؟
ميرو : اترمت ف حضنها وعيطت لاول مره بوجع كبير.
. تيم بيحب زميلته ف الجامعه ياليليان . خلاص كل خيط صغير انقطع.
. مفيش ف ايدى حاجه اعملها غير انى لازم انساه .. وعشان كده.
.خرجت من حضنها . ومسحت دموعها . وقالت أنا موافقه ع اي عريس مهما كانت ظروفه ..
فريحه : قدام باب ميرو وسمعت كل كلمه من بنتها .. وحطت ايدها ع قلبها وغمضت عينيها بوجع كبير . وعيطت بصمت.
ليليان : تعالى اقعدى هنا واهدى خالص .. واشربي الميا دى ..
ميرو : قعدت ودمو#عها نازله .. وشربت منها .
ليليان : قاعده جمب مريم . ها احسن دلوقتي؟
ميرو : هزت راسها بحزن الحمدلله .
ليليان : مريم . انتى تصرفى نظر عن فكرة جواز اي عريس وخلاص دي ؟
مش علشان تنسي حبك . تدفنى نفسك معاه . وتد#مري نفسك.. وفوقى كدا الله يكرمك . عمو مراد لو شاف بس عينيكى حمرا كدا . مش هيسكت.
ميرو : مسحت دموعها . وهزت راسها حاضر ياليليان..
——————بقلمي مريم نصار.
ف الليفنج .
زين : رايح جاي ومتغاظ جدا.
آدم : هز راسه بيأس . خلاص يازين . اقعد بقى .
زين : قعد قدام ابوه. وقال بغ#يظ .يعنى ابن الك#لب ده كان بيراقبنا ؟ واحنا ازاى منعرفش ؟ اومال الحرس دول لزمتهم ايه ؟
آدم : ممكن تهدا . واسكت عشان مراد اخوك جاي. ولو عرف بحاجه زي دي مش هيسكت .
. وهريحك انا كنت عارف أنه مراقبنى . لكن مراقبنى انا مش أهل بيتى . ودى الل مش هسامح فيها أبدا .
مراد : دخل سلامووو عليكوووو .
آدم : ابتسم وعليك السلام . حمدالله ع سلامتك ياحبيب ابوك .
زين : بخنقه وعليك السلام ..
مراد : باس ع ايدو . الله يسلمك ياحج. وقعد جمبه اذيك يازينو ؟
زين : بيحاول يهدأ . الله يسلمك يامراد .حمدلله ع سلامتك.
مراد : الله يسلمك. ايه البيت ماله هادي كدا .امي فين؟
آدم : فوق . قولى فريحه فين؟
مراد : دخلت قبل منى. انتو مشوفتهاش؟
زينب : بتحط القهوه ل زين . وقالت ست الدكتوره فريحه . طلعت فوق تطمن ع الهوانم الصغيره.
آدم : هز راسه. تمام
زينب : حطت القهوه قدام آدم و مشيت.
مراد : طيب انا هطلع اسلم ع ست الكل . والبنات واخد شاور وانزل.
آدم : اطلع ياحبيبى.
مراد : طلع.
آدم : بيشرب القهوه وظاهريا طبيعي جدا عكس الل جواه ..
زين : بص لابوه بغموض . وقال بابا. انا جوايا نا#ر بتاكل ف جسمي كله من رؤوف الجبالى وابنه .
وأنه اتجرا ودخل بيتنا وجاب سيرة بناتنا . وحضرتك اكيد غضبان اكتر منى .
.لكن واضح ع معالم وش حضرتك انك طبيعي جدا .مع دخول مراد اخويا .
. السؤال ازاى عند حضرتك القدره انك تتحكم ف نفسك اوي كدا؟
آدم : حط الفنجال . واخد نفس عميق واتنهد بتعب شديد . وبص ل زين وقال.
. الزمن والحياه ياما بتعلم . انا اتعودت انى اسمع للاخر. اشترى ومابيعش .
. اشوف ردود الفعل . اقرأ الشخص الل قدامي . مابينلوش نقطة ضعفي ابدا .
. نقطة الضعف دي يازين أخطر حاجه . يعنى لو كنا قولنا ل رؤوف الصوره الل هو شافها دي مش صورة حفيدتى . كان فضوله هيخليه يدور وراها.
. وده لو حصل يبقى كتب نها#يته بايدو .
زين يبنى . انت متعرفش انا جوايا ايه دلوقتي ؟ انا جويا إعصار وبركان وعواصف . ولو محبستهاش جوايا هد#مر كل حاجه حواليا.
.واني اتحكم ف نفسي دي مش بتاعتى . دى قدره من عند ربنا. انا حتى لو جوايا مد#مر لازم ارسم ع وشي انى مبسوط ومفيش اى حاجه حصلت معايا علشان خاطر عيلتى كلها..
زين : بتفهم. وقال سؤال اخير ياحج . مين من الاحفاد وارث منك الميزه دي ؟
آدم : بص قدامه . وقال تيم عزيز ——-
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميراث العشق)
لقراءة الجزء الأول من الرواية اضغط على : (رواية جريمة عشق)
لقراءة الجزء الثاني من الرواية اضغط على : (رواية عشقتها منذ نعومة أظافرها)
لقراءة الجزء الثالث من الرواية اضغط على : (رواية عشق الفهد)
