رواية فرصة تانية الفصل الخامس عشر 15 بقلم زينب أحمد
رواية فرصة تانية البارت الخامس عشر
رواية فرصة تانية الجزء الخامس عشر
رواية فرصة تانية الحلقة الخامسة عشر
ليل وهي تنظر ل ليلي بترقب: هااقولتي اي
ليلي وهي تخفض بصرها: موافقه
ليل: يحي العدل
مصطفي وهو. ينظر ل ليلي: بجد موافقه؟
نرجس: بس بقا يامصطفي متحرجهاش
ليل: هانيجي نتقدملك رسمي بكرا ان شاء الله
مصطفي: بكرا اي انتي لسه تعبانه
ليل: لا مانا هاخرج معاك النهارده
نرجس: خير البر عاجله يا مصطفي خلينا نفرح بقاا
يدخل الدكتور سامي: سامع حد بيقول هايخرج
ليل: اه انا في اعتراض
سامي: اه مفيش خروج النهارده لحد مانتطمن ان كل حاجه تمام
ليل: بس
مصطفي والد ليل: مبسش ياليل عشان نطمن عليكي
ليل: ايوه بعني هاخرج امتا
الدكتور سامي: لو كل حااجه تمام ممكن علي بكرا
ليل : تمام هاستني بس للصبح وبعدين هاخرج
الدكتور سامي بسخريه: كتر خيرك والله
ذهب كلا منهم لبيته ماعدا نرجس التي اصرت علي المبيت مع ليل
نرجس: كلهم مشيوا اتكلمي بقاا وطلعي الي جوااكي
ليل بدات عينيها تتجمع بها الدموع
ليل: شوفتيه ياعمتو جااي بيقولي اي ده عذر اقبح من ذنب قال بسبب شغله ضحك عليا
نرجس: يمكن فعلا مكنش يقصد الي حصل
ليل بسخريه من وسط بكائها: مكنش يقصد لعب بيا وكذب عليا ومكنش يقصد انتي اكتر حد عاارف ان بثق في الناس بصعوبه لان اي حد بيقربلي بيكون عاوز يقرب لسياده المستشار ويستفاد من علاقاته
ومفيش غير نور الي حستها تعرفني عشان انا ليل مش عشان بنت سياده المستشار
ولما لقيته بابا مش حابه وهو كمان قولت كويس يبقي صديق ليا عشان انا مش عشان حااجه تانيه
طلع حتي ده جزء من الخطه عشان يضحكوا عليا
ثم تكمل ببكاء: هو انا ساذجه لدرجه دى
نرجس: وهي تربت علي كتفها: لا ياليل متظلميش ابوكي…… ابوكي مكنش يعرف انو ظابط انا سالته معرفش غير بعد ماتخطفتي
ليل: بس هو كان يعرف ياعمتو
تحتضنها نرجس بشده: هش بس خلاص ياقلب عمتك
تخرج ليل من حضنها وتقول بقوه مزيفه: بس خلاص مفيش عياط بعد كده انا هاضحك وبس عشان فرح بابا برده
نرجس: طب وموسي
ليل: ولا كاني عرفته ولا قبلته ميستاهلش اصلا دمعه مني
نرجس: بنوتي القويه اهي
ثم تظل نرجس بجانبها الا ان تغفو ليل وتذهب في نوم عميق
………………………………………………
في اليوم التالي وبالتحديد في المساء
كانو يجلسون جميعا في بيت ليلي
مصطفي ونرجس وليل
وكان في استقبالهم تسنيم وادم
نرجس: اي هي عروستنا كل ده بتجهز
تسنيم: ثواني هاندها
وبعد دقيقتين
تدخل ليلي وترتدى فستان باللون الاسود وطرحه باللون البيج
وتجلس بعد ان تسلم علي ليل ونرجس
وتجلس بخجل بجانب مصطفي
تسنيم ل ليلي: سياده المستشار طالب ايدك ياليلي اي رايك
ليلي وهي تخفض ابصارها: موافقه
تسنيم: علي خيرة الله
ادم: تمام خطوبه الاول وبعدين الجواز
مصطفي: بعد اذنكوا احب نكتب الكتاب والفرح بعد اسبوعين
ادم بصدمه: اسبوعين قليل جداا
مصطفي: انا البيت عندى جااهز ومش هااحتاج حااجه تجيبوها وبالنسبه للشبكه ننزل بعد بكرا بالليل نجيبها
ليل: ايوه يابابا بس مش هانلحق نشترى الفستان ونحجز قاعه ونعزم الناس
ليلي: مفيش داعي لكل ده ياليل
ليل: لا في داعي لازم هانعزم الناس ونعمل فرح كبير
مصطفي: خلاص ياليل هانعمل الي انتو عاوزينه وهانلحق متقلقيش
تسنيم: انا شايفه ان كده متفقين يلا نقرا الفاتحه
وقراوا الفاتحه واطلقت نرجس زغروطه كعاده تلك المناسبات
وسلمت نرجس وليل علي ليلي ومصطفي وتبادلوا المباركات
…………………………………………………..
في بيت مصطفي
ليل: اي يابابا اسبوعين قليل اووى هانلحق كل ده ازاى
مصطفي: كل الي انتي قولتيه ده امره سهل
ليل: لا مش سهل لان عاوزه اغير ديكور اوضتك واشترى عفش جديد
مصطفي: ليه وماله ده
نرجس: يامصطفي بنتك عندها حق وليلي من حقها علي الاقل تدخل علي اوضه جديده
مصطفي: كل الكلام ده مش فاارق اصلا ولا مهم
ليل: ده بالنسبالك بس لكن هايفرق معاها
مصطفي؛: طيب قدامك اسبوعين اعملي فيهم الي انتي عاوزاه واعملي حسابك عمليتك بعد اسبوعين
وتركهم وغاادر
ليل: شايفه اخوكي بيعمل اي
نرجس: معلش هو خايف عليكي وهدفه الاول هو عمليتك
ليل بتعب: طب هانعمل اي الوقتي في حاجات كتير عاوزين نعملها
نرجس: هانرتبهم وهانظبط الدنيا هاتي ورقه وقلم كده ونظبط الدنيا
ليل: مااشي
………………………………………..
مرت الايام وليل منشغله بالتحضيرات
وموسي حاول ان يحادثها عده مرات ولكن محاولاته فشلت
في صباح يوم جديد
ليل: يلا يابابا البس
مصطفي: مش خير يعني انا لسه هافطر وبعدين هاروح الشغل
ليل: هو انت متعرفش
مصطفي: يارب صبرني… عملتي مصيبه اي
ليل بنصف عين : بعت رساله من موبايلك انك تعبان شويه ومش هاتروح النهارده
مصطفي: بت اتهبلتي
ليل: اهدى بس في فستان وبدله عاوزين نجيبهم
مصطفي: وانا مالي ماتروحي مع ليلي انا مش عطيتك الكريدت عشان الفلوس
ليل: وجودك مهم ياصفصف خلي في شويه رومانسيه
مصطفي: بطلي الدلع المستفز ده…. ثم يكمل بهدوء: عمتك فين؟
ليل: راحت تشترى شويه مفارش مع طنط تسنيم وهاتعدى علي الاوضه تشوفها جهزت ولا لا
وتقوم بدفعه للغرفه: بلا بسرعه بقا البس مفيش وقت
………………………………………
موسي: لما بتشوفني بتعمل نفسها مش شايفاني
حسام: عاوزها تعملك اي يعني
موسي: تتكلم تعاتبني حتي
حسام: معني انها معاتبتكش يبقي زعلها منك كبير اووى
موسي: يااخي انا مكلمك عشان تواسيني ولا تزودها
حسام: اجاملك يعني
موسي: بس بقاا سيبني افكر في طريقه اكلمها بيها
………………………………………….
مصطفي بضيق: طالما مش هاشوف الفستان منزلينى معاكوا ليه
ليلي: ليل الي صممت عشان تتفاجي بيه
ليل: ممنوع
مصطفي وهو يوجه انظاره ل ليل بغيظ: طب ماانتوا شوفتوني وانا بقيس البدله اشمعنا بقاا
ليل: بقولك اي ياصفصف ماتعزمنا علي اكله حلوه كده لان جوعنا
مصطفي: طبيعي ماانتي بتلفيفيني من الصبح
ليل وهي تعد علي صوابعها: لا ده لسه الشوز والبوكيه وحجز الميكب
مصطفي وهو يقلدها : الشوز والبوكيه ابقي انزلي مع ليلي في يوم
ميكب مش عاوز ميكب لانها جميله من غير حاجه
ليلي تنحرج وتنزل راسها لاسفل
ليل: احم نحن هنا… طب ماانت بتعرف تقول كلام حلو اهو امال مخبي ليه
مصطفي بغرور مصطنع: ده اقل حااجه عندى
ليلي: انتي جبتي فستان ليكي ياليل
ليل بتذكر شي ما: لا تصدقي نسيت
ليلي: طيب تعالي بقاا نشوف فستان ليكي
مصطفي بتذمر: هانلف تااني…ثم ينظر ل ليل: وبعدين حد ينسي لبسه ياست هانم
ليل: مااعمل اي انت لابخني في اكتر من حااجه
مصطفي: طب يلا ياختي نتغدى الاول
ليل: طب تعالوا في مطعم هناك اهو روحوا اقعدوا وانا هاطلب الاكل واجي
مصطفي: مااشي يلا ياليلي
………………………………………………..
كانو يجلسون في انتظار ليل
ليلي: ليل جميله اووى
مصطفي: ايوه برغم انها مطلعه عيني بس شخصيتها حلوه وجدعه
ليلي: ههههه عجبني اوى علاقتكوا ببعض
مصطفي ينظر داخل عيون ليلي
ليلي بتوتر: في اي بتبصلي كده ليه
مصطفي: مبسوطه ياليلي؟
ليلي بخجل: انت شايف اي
مصطفي: يعني مش زعلانه ان جوازنا هايبقي بسرعه
ليلي: لا مش زعلانه وعارفه ومقدره انت بتعمل كده ليه
مصطفي يمسك يدها: هاعوضك عن كل ده صدقيني بس اطمن علي ليل
ليل: الله الله انا امشي من هنا الاقي في غراميات
يسحب كلا من مصطفي وليلي يدهم
مصطفي: بنت عيب
ليل: علي العموم ياسيدى هااسيبك تقول غراميات براحتك
مصطفي: راحه فين؟؟
ليل: نور كلمتني وعاوزاني معاها
ليلي: طب وفستانك ياليل مش كنا متفقين نجيبه سوا
ليل: لو قابلني حاجه عجبتني وانا مع نور هاابقي اجيب متشغليش بالك بيا ركزى بس مع سياده المستشار وانهت كلامها بغمزه
مصطفي: ليل. بطلي ليلي بتتحرج
ليل: خلاص خلاص مااشيه اهو يلا سلام
……………………………………………………
في الحرم الجامعي
_مصطفي
يلتفت ليجده اخر شخص يتمني لقائه
مصطفي ببرود: عاوز اي… مش مهمتك خلصت؟
موسي: طب ممكن نتكلم دقيقتين مع بعض
مصطفي: اتفضل قول الي عندك
موسي: طب تعالي نقعد في مكان
مصطفي ببرود : قول الي عندك عشان عندى محاضره مش فاضي
موسي: تمام… انا بعتذرلك عن المره الي قولت فيها كلام مش لطيف مكنتش اعرف انك اخو ليل
مصطفي: تمام عن اذنك
موسي: استني بس
مصطفي: انت مش صريح وبتلف وبتدور.. لان معتقدش انك مكلف نفسك المشوار ده كله عشان تعتذر عن موقف عدى عليه مده ولا اي؟
موسي: تمام هاكون صريح معاك
مصطفي: هاا
موسي: عاوزك تصالحني علي ليل لانها رافضه تتكلم معايا
مصطفي: وده يفرق معاك في اي؟
موسي: انا بحب ليل وعاوز اتجوزها بس هاصلح الي حصل الاول وبعدين هاقولها
مصطفي: ابعد عن ليل ياحضره الظابط انت مبتعملش حاجه غير انك بتاذيها وبس وانا ليل غاليه عندى اوى ومش هاسمحلك تاذيها تاني
موسي: طب اعطيني فرصه طيب واوعدك مش هاذيها
مصطفي: لا
كاد ان يغادر موسي بياس ولكن اوقفه صوت مصطفي: حضره الظابط
موسي: ايوه
مصطفي: هاعطيك فرصه واحده بس
موسي بابتسامه : موافق
مصطفي: هاخد رقمك واقابلك بعدين هاعطيك دعوه فرح خالو مصطفي وتيجي وتحاول تصلح الي عملته بس لو زعلتها هانسي انك ظابط اصلا وهاتشوف مني تصرف مش هايعجبك
موسي: لا مش هازعلها… شكراا اووى ياامصطفي
مصطفي: العفو… بس اتمني مندمش ان عطيتك فرصه تانيه
……………………………………………………
في احد المولات
نور: انا خلاص يأست
ليل: لا هانلاقي حااجه مناسبه
نور: خلاص بقا مش مهم هابقي اشوف اي حاجه عندى مناسبه وخلاص
ليل: لا هاتجيبي فستان وهاتعملي ميكب وتركبي لينسسز
نور: ومالها النضاره يعني
ليل: حلوه بس مغطيه جزء من جمالك
نور: انتي ليه محسساني اني العروسه ده انتي مهتمتيش بنفسك الاهتمام ده
ليل: فاكره ادم الي اتخانقنا معاه في الكليه
نور: ايوه ماله
ليل: ليلي تبقي عمته وبيقولها ماما لانها مربياه واكيد هايبقي حااضر في الفرح وعاوزين بقاا نصدمه لما يشوفك اد اي جميله من غير النضاره في الفرح عشان يتحرج ويبطل يدايق حد
نور وهي تفرك في اصابعها: متظلميهوش ياليل هو جه بعدين واعتذرلي ان مكنش يقصد
ليل وهي تنظر ل نور: هو انا شامه ريحه اعجاب ليه
انتي معجبه بيه ابت
نور بتوتر: انا لا لا
ليل: ااه وااضح طب يلا يااختي ده كده سبب اكبر ان ينصدم.. عشان يبقي اعجاب متبادل وانهت حديثها بغمزه
نور: بس بقاا ياليل
ليل: يلا بس عشان نلحق
نور: طب وانتي لسه مجبتيش حااجه لنفسك
ليل: متقلقيش هااجيب اخلص منك بس الاول وابقي ارتحت ان كل حااجه تمام
كادت نور ان ترد عليها
ليل: استني ده مصطفي هارد عليه
مصطفي: انتي فين ياليل
ليل: في المول انا ونور بنشترى الحاجات الي ناقصه
مصطفي: طب انا هاجيلكوا
ليل: ايوه حتي اشوفلك بدله انت كمان عشان تبقي قمر كده وبنت الحلال تيجي تخطفك واخلص منك بقاا
مصطفي بغرور: انا قمر من غير حااجه
ليل بسخريه : مااشي ياعم مصطفي قمر
مصطفي: رخمه علي فكره
ليل: بعض مااعندكم علي فكره… يلا سلام
………………………………………….
مرت الايام سريعا واتي اليوم المنشود
حسب تخطيط ليل تم كتب الكتاب صباحا كانت ترتدى ليلي دريس بسيط باللون الذهبي وطرحه بيضاء وهيد بيس باللون الذهبى
ليل: يلا ياعروسه عشان نجهز اللوك التاني
مصطفي: لوك تاني اي مش ده هاتحضر بيه بالليل
ليل: لا طبعا ده مينفعش ده لكتب الكتاب وبس
مصطفي: مش عامله لابوكي لوكين يعني
ليل: لا حاجزه لابويا اوضه يطلع يرتاح فيها عما نخلص والبدله التانيه توصل
نرجس: ليل حاجزالك بدله تانيه بس من وراك عشان عارفه انك هاتعترض عليها
مصطفي بعدم فهم: هاعترض ليه
ليل: لما تشوفها هاتعرف يلا اطلع ارتاح شويه
انتهي الجميع من ارتداء ملابسه
كانت ليلي كالاميره بالفستان الابيض المنفوش والتاج الذى يزين حجابها وبعض الميكب البسيط وسط اعتراضات ليلي بانها لا تريد ميكب
وارتدت ميرنا فستان باللون الاسود بسيط وطرحه باللون الذهبي
وارتدت نور فستان باللون البيج ووضعت بعض الميك اب وتسريحه للشعر ووضعت لينسسز
وتسنيم فستان باللون الاسود
ونرجس فستان باللون الازرق
اما عند ليل ارتدت فستان باللون النبيتي منفوش يصل لركبتها وباكمام وفتحه صدر مربعه وعملت شعرها علي جنب ووضعت روج احمر وبعض الميكب البسيط
ليل: تعالوا نتصور
ميرنا: يلا
قاموا بالتقاط بعض الصور وقطع تلك اللحظات صوت نرجس
نرجس: الحقي ياليل ابوكي مصمم ميلبسش اللوك التاني
ليل بصدمه : اي… ثم تكمل بعصبيه: لا مش وقته بجد لسه في سيشن عاوزين نلحقه قبل القاعه
نرجس: طيب تعالي اقنعيه معاايا
تذهب ليل لغرفه والدها
ليل: في اي
مصطفي: انا استحاله البس الي انتي جايباه ده
ليل: ليه ماله وحش
مصطفي: انا علي اخر الزمن هالبس بدله بيضا
ليل: واي المشكله مش العريس
مصطفي: ولو برده
ليل بهدوء ماقبل العاصفه: ياحبيبي اي الي هايبقي مختلف عن باقي الايام لازم تلبس حاجه مختلفه في اليوم ده
مصطفي: مالها البدله السوداء الي كنت لابسها الصبح هالبسها تاني مش مشكله
نرجس: مش هاينفع يامصطفي
مصطفي،: ليه ان شاء الله.. عاادى يعني
ليل بعصبيه: بقولك اي انا طالع عيني ومنمتش عشان اليوم يطلع حلو هاتيجي انت تبوظهولي
نرجس: اهدى ياليل
ليل بنفاذ صبر: بقولك اي هاتلبس البدله ولا الغي كل حااجه ولا يبقي في فرح ولا جواز ولا عمليه
مصطفي: لا رد
ليل: خمس دقايق هاروح اشيك علي الفوتجرافر واجي تكون لبستها
وتتركه وتغادر
نرجس بضحكه : عجبك طلعت البت عن شعورها
مصطفي بضيق : علي فكره انا الي اخوكي
نرجس: مااشي بس هي عندها حق ده طلع عينها في كل التجهيزات
وادى انت شايف حجزت فيلا نص يوم لكتب الكتاب وعشان تغيروا وبعدين سيشن وبعدين قاعه
بنتك مكنتش بتنام قدر ده بقاا ومتزعلهاش
مصطفي بضيق: طيب
نرجس: ربنا يهديك هاروح اشوف ليلي واجي
………………………………………………
في مكان اخر
في شقه سامح
هبه: كان هايجرى اي لو روحنا وحضرنا الفرح دى اختك علي فكره
سامح: عاوزاني اروح بعد الي حصل ده
هبه: عاادى طب عبد الرحيم راح وحط ايده في ايد عريسها
سامح: بقولك انزلي من علي وداني… روحي اعملي حاجه مفيده اقولك اعملي العشا
هبه: انت مش عاوز تشوف نفسك غلطان وخلاص انا هاحضر العشا احسن
سامح: صح … ثم يكمل بتساؤل: تقي فين؟؟
هبه: في اوضتها بقالها كذاا يوم قافله علي نفسها
سامح: طيب هاادخل اشوفها
يدخل يجد تقي نائمه علي السرير
سامح: تقي… قومي يابت نتعشي سوا… تقي
ثم يزعق: هبه هبه
تاتي هبه مسرعه: في اي
سامح: البت مبتردش عليا
هبه: اي… ثم تحاول افاقتها تجد بجانبها شريط
تعطيه لسامح: اي ده ياسامح
سامح بصدمه : ده شبه الي لقيناه في اوضه ليلي
سامح بصدمه اكبر: بنتي مدمنه!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فرصة تانية)
