رواية حبي الفاخر الفصل العاشر 10 بقلم أسماء عبدالموجود
رواية حبي الفاخر البارت العاشر
رواية حبي الفاخر الجزء العاشر
رواية حبي الفاخر الحلقة العاشرة
(مليكه)
رجعنا على المستشفى وحكينا اللي حصل للكل
خالتو: من حقه يزعل انا نفسي زعلت من الكلام ده
علي: ولا يهمك يا خالتو «عمر» مع الوقت هينسى
خالتو: اتمنى يا ابني
حسام(بضيق): على فكره هو مكبر الموضوع
-: اظن أن بابا قال لك وأنت مردتش.. لو حد غلط فيك مش مره كذا مره تعمل ايه ؟؟
حسام(بغضب): أنتي معنا ولا معه!
-:مع الحق يا دكتور ‘حسام’ ده اللي اتعلمناه من بابا
بابا: خلاص يا ‘مليكه’ سيبك منه لما حد يغلط فيه وفي شغله ساعتها يحس احساس ‘عمر’
علي: عمي بما انه خالتو قامت بصحه وسلامه عايز الاسبوع الجاي كتب الكتاب هو والفرح
بابا: طيب يا ابني مش بدري؟
ماما: شكله مستعجل.. ايه رايك يا محمد
بابا: نشوف راي العروسه.. ايه رايك يا ‘مليكه’
نزلت رأسي وقلت: اللي تشوفه يا بابا
بابا: خلاص على بركه الله الاسبوع الجاي الفرح وكتب الكتاب
علي: طيب يا عمي عايزك بره في موضوع
حسام: ما تقلقش يا دكتور هي اشتريت الاجهزه بتاعتها وكل حاجه من زمان
علي: لا يا ‘حسام’ عايز عمي في موضوع تاني
بابا: طيب تعال يا ابني
خرج «بابا وعلي» وانا ما بين شعور مبسوطه وشعور خوف او قلق بارك لي الكل وهم مبسوطين،،
——————————————————————
(علي)
اخدت عمي ورحنا الكافيه وطلبته قهوه بدانا نتكلم
محمد: خير يا ابني
اتوترت شويه وقلبي بدا ينبض جامد شجعت نفسي وقلت
: عمي أنا جاهز يعني بيتي هنا وموجود وكل حاجه فيه انا عايز اعمل كتب الكتاب يوم السبت في قاعه والفرح يوم الخميس في قنا لان ده شرط الحج ابويا يعني انا ابن العمده الكبير لازم نعمل الفرح هناك
محمد: فاهم يا ابني ابوك كلمني ووافقت بس عايزه اعرف هتعيش في [قنا] ولا هنا
-: بصراحه يا عمي في [قنا] لكن اكيد هنيجي هنا من فتره للتانيه
محمد: ماشي يا ابني وانا موافق
[ الويترجاب القهوه وبدانا نشرب حطيت فنجان القهوه]
وقلت: في موضوع تاني مهم يا عمي ولازم تعرف بي
اخدت نفس عميق وبدات اهدى وقلت: عمي انا كنت متجوز قبل كده
محمد: ابوك قال لي وأنا عايز اعرف السبب
اتوترت وقلت في سري (هو بابا قال له ايه ليكون قال له على كل حاجه) فقت من شرودي على صوت عمي وهو بيقول: مالك يا ابني رحت فين
-:مفيش يا عمي.. يعني انت مفيش مشكله اني كنت متجوز
محمد: بص يا ابني انا لما سمعت كده من ابوك امبارح اضايقت وقلت ازاي تخبي حاجه زي دي …فانا نسيت اكلمك لما عرفت ان المدام ‘جنات’ فاقت
-:عمي انا اسف بس أنا اهو كنت هفتح الموضوع قبل ما تحصل حاجه رسمي
محمد: بس يا ابني ‘مليكه’ لازم تحضر وتسمع أنت هتقول ايه انا هاتصل بيها هتنزل تسمعك
-: حاضر يا عمي
شويه وجت مليكه
مليكه: خير يا بابا بتقول عايزني
محمد: اسمعي يا ‘مليكه’ خطيبك هيقول ايه !
-:مليكه اسمعيني وبلاش تحكمي بسرعه
مليكه: حاضر بس فيه ايه!؟
-: انا كنت متجوز وانفصلت و…
مليكه (بصدمه): ايه متجوز ؟؟
وقفت مليكه من الصدمه اتكلم باباها وقال: مليكه اسمعي للاخر
مليكه: اسمع إيه يا بابا وده كان متجوز وما فكرش يقول
محمد: ‘مليكه’ هو كان بيكلمني أهو في الموضوع… اقعدي عشان الناس بتبص علينا
قعدت مليكه وقالت :كمل
-: أنا اسف اني خبيت بس انا كنت خايف تبعدي عني لما تعرفي
محمد: تمام كمل يا ابني
-: من سنه انفصلت عن مراتي اتجوزتها بعد ما اتخرجت واشتغلت.. جوازي كان عادي من غير حب عشان باباها كان يعرف بابا من الشغل في يوم كنت راجع من الشغل واللي حصل خلاني بقيت اشك فيها لقيتها بتتكلم في التليفون {بلغه الامريكيه} ما عرفتش مع مين وبقيت كل يوم وأنا نايم تقوم من جنبي اسمعها بتتكلم بنفس اللغه…. في يوم رجعت البيت لقيت الخزنه بتاعتي متاخد منها كل فلوسي حتى الساعات بتاعتي الغاليه انا قلت حرامي وفضلت ادور عليها في البيت كله ما لقيتهاش طلعت تاني لقيت جواب مكتوب فيه [انها سافرت امريكا وكتبت هي اللي سرقت كل حاجه]
الشغاله اللي عندي سالتها قالت ان المدام هي اللي بعتتها امبارح بيت اهلها وقالت لها تيجي النهارده
مرت فتره كلمني المحامي الخاص بها وقال لي انها طالبه الطلاق وافقت وبعدها مقدرتش اصدق أن هي اللي عملت كده وعرفت انها هربت مع واحد بس دي حكايتي يا عمي وانا اول ما شفت ‘مليكه’ حبيتها جدا يا عمي
محمد: يا ابني انا من اول مره شفتك حبيتك وأنت تستاهل كل خير واللي عملته طليقتك ربنا هيرجعه لك.. اما على قرار جوازك من بنتي الراي كله رايها هي ومقدرش اغصبها على حاجه اديها كم يوم تفكر مش كده يا ‘مليكه’
مليكه: هاا…. ماشي يا بابا محتاجه كم يوم
-: وانا تحت امرك يا عمي
مر أسبوع وكان المفروض كتب الكتاب بكرا ده بشوفها بس مش بتتكلم خالتها خرجت و’ميرا’ رجعت لشغلها بتحاول تعتذر لعمر بس هو مش مديها فرصه ولا حتي بقي يتكلم معايا..
———————————————————————
(عمر)
يوميا وبتحاول تعتذر بسيب المكان اللي فيه لحد النهارده دخلت علي وانا بتكلم في التليفون
-:طيب سلام يا حبيبتى
ميرا( بغضب): انت هنا قاعد تكلم في البنات وأنا بقالي يومين بعتذر ومش قابل تسمعني
ماردتش عليها وسبتها وخرجت رحت المخزن بتاع الادويه وهي كانت برده ورايا كنت بدور في الادويه علاج للصداع لان مصدع وهي بتتكلم وأنا مش مركز معها،،
ميرا: انت يا مغرور بقالي كم يوم بعتذر ومش عايز تسمع ولا بتسمع وبتكون عامل عبيط
كانت ماشيه نحيتي عشان تقرب كنت لسه هقول لها في جرد الميه بس وقعت قبل ما انطق
ماقدرتش امنع نفسي من الضحك اتغرقت ميه وشكلها مضحك
ميرا: اه يا ظهري… انت اللي بتضحك بتضحك على ايه!
مشيت خطوات بعيد عن الميه اللي غرقت المكان اللي وقف فيه حاولت امشي واسند عشان مقعش مديت يدي وقلت: هاتي ايدك
ميرا: شكرا هعرف اقوم لوحدي
-: تمام قومي
كل ما تحاول تقوم تتزحلق من الميه
ميرا: خلاص هات ايدك انا تعبت
-: ما رفضتي
ميرا: خلاص قومني انا مش قادر هات ايدك بقى
مديت ايدي مسكت ايدها وبحاول امسك في اي رف من الادويه عشان مقعش وقامت بس فجاه اتزحلقت ووقعنا احنا الاتنين وقع مشبك شعرها بصيت لها ومش قادر امسك نفسي من الضحك،،
شلت شعرها من على عينها وسحرت في عينيها حاسس ان فيهم سحر لدرجه اني نسيت انه غلطت فيا سحر يخلي قلبي ينبض جامد كانت بتحاول تقوم من علي بس كل مره عشان الارض فيها ميه مع صابون ومسحوق للارض بتوقيع تاني،،
-:ما تحاوليش تاني عشان كل ما بتحاولي بتقعي
ميرا(بغضب): المفروض لما سندت عليك ماكنتش وقعت
-:انتي اللي سحبتيني… أنتي السبب الارض فيها ميه مسحوق غسيل ماشفتهوش ازاي ؟
ميرا: طيب وبعدين عايزه اقوم ماينفعش كده لو حد شافنا يفهم غلط
-:احنا محتاجين حد كده عشان يمسح الارض عشان نعرف نقوم
كانت بتنادي بس ماحدش سامع حطيت ايدي على وسطها وبايدي التانيه حطيت شعرها وراء ودنها،،، كان قلبها بينبض لدرجه ان سمعته من التوتر غمضت عنيها قربت منها وطبعت قبله سريعه على خدها فتحت عينيها بسرعه وحاولت تقوم تاني بس بتقع كل ما تحاول ومش قادره تبص في عيني
فجاه الباب اتفتح ودخل {عم احمد عامل النظافه} واتصدم من اللي شافه
عم احمد بخضه: انتم بتعملوا ايه
ميرا اتخضت وماقدرتش تتكلم اتكلمت انا وقلت: ينفع كده يا عم احمد حاطين جردل فيه مسحوق وميه وسايبينه هنا كده وقعنا وما قدرناش نقوم
عم احمد: والله يا ابني انا اللي سبته عقبال ما اجيب الشرشوبه من تحت عشان هنا في ادويه واقعه وكان لازم امسحها
-:ماشي يا عم احمد
,, وفعلا بدا ينشف بسرعه وانا كنت حابب انه يتاخر مش عايز ابد وهي متوتره تبص في عيني وتبعد بسرعه شكلها من الخجل من الموقف بقت شبه الطماطم خلص مسح بسرعه وقمنا
رحت على غرفتي وهي مشيت بسرعه
قفلت الغرفه وقلعت التيشيرت مسكت المناديل بحاول امسح جسمي,, الباب اتفتح على غفله وكانت «ميرا» ما كانتش مركزه كانت غيرت طقمها وجت وهي شكلها غضبانه قربت مني وقالت بغضب :أنت ازاي تتجرا وتعمل كده!
عملت عبيط وقلت: عملت ايه؟
ميرا: انت عارف عملت ايه؟
-: لا مش عارف
رفعت ايدها ولانها اقصر من شوي قدرت امسكها قلت: اوعي مجرد تفكير تعملي كده لانك هتندمي
,,لفيتها وقربت جنب ودنها وقلت: اظن انك لو مش عايزه كده كنت مغمضتيش عينيك الجميله
ميرا: سيب ايدي والا هتندم
-:حابب اشوف الندم..
,,بطريقه مش عاديه وسريعه فكت ايدها لدرجه اني تفاجئت وقلت في سري (مصارعه مش ممرضه)
ميرا: انا غمضت عيني عشان كنت قلقانه حد يدخل علينا واحنا بالمنظر ده
مسكت تيشيرت جديد وبحاول البسه خدت بالها اني من غير تيشيرت لفت وشها الناحيه التانيه وقالت بغضب: انت قليل الادب
لبست التيشيرت وقلت: اتعدلي
ميرا: لبست
-:لا
ميرا: طب البس لو سمحت
-:لا حابب اكون كده
————————————————————-
(ميرا)
شلت ايدي من على عيني بحاول اشوف اتجاه الباب واطلع لقيته واقف قدامي ولابس تيشرت قلت بغضب: انت لابس
عمر: لو حابه ممكن اقلعه
-:انت قليل الادب
عمر ببتسامه خبيثه: متربي على قله الادب
مشيت وانا متضايقه وعايزه اخرج بسرعه مسك يدي وقربني منه لدرجه ان مفيش مسافه غير حاجه بسيطه
عمر (بوقاحه): مش حابه تجربي تاني بس في مكان تاني ،، وغمز
بعدت عنه وضربته تحت الحزام و مشيت بسرعه وقفت عند الباب وقلت ببتسامة نصر: دي بقى عشان تعرف تحترم نفسك وانت بتكلمني
نزل على الارض ومقدرش يتكلم بس عيونه بقت حمراء اوي
مشيت ورحت كملت شغلي وانا مبسوطه..
——————————————————————-
(علي)
رجعت من شغلي بدري لان مفيش حالات وكان في ملل اكلت وقعدت شويه مع ابني وبعدين رحت غرفتي وفتحت اللاب فتحت {لايف} كان في ناس برده زهقانه وفي اللي بيتفرج عليا طلبوا مني اغني وفعلا غنيت اغنيه حزينه «لتامر حسني» اتكلمت شويه مع الفانز وقفلت اللايف وانا مش قادر انام رميت نفسي على السرير وانا دماغي بتفكر في الف حاجه فقت من شرودي على صوت رنه الموبايل
محمد: الو سلام عليكم
-: وعليكم السلام يا عمي اخبارك ايه
محمد: الحمد لله يا ابني انت اخبارك ايه؟
-:الحمد لله بخير
محمد: طب يا ابني بكرا هات اهلك وتعال نكتب الكتاب
قلت بفرحه: بجد يا عمي مليكه وافقت
محمد: ايوه وافقت احجز قاعه يوم الاحد الجاي كتب الكتاب طيب يا عمي انا امي تعبانه بابا بس اللي هيجي
محمد: خلاص تمام ربنا يشفيها لما يوصل الحج نكتب الكتاب
-:حاضر يا عمي هكلمه وهو بكرا ويوصل وبعد بكرا الاحد نكتب الكتاب
محمد: ماشي يا ابني تصبح على خير
-: وانت من اهل الخير ،،قفلت وما كنتش مصدق خلاص هطير من الفرحه يعني خلاص ابني هيكون عنده ام تهتم بي مش هيكون وحيد اخدت المخده في حضني ونمت وانا مبسوط…
———————————————————————-
(مليكه)
صحيت من نومي على ميه بتغرقني قمت مفزوعه وقلت (برجفه): ايه البيت بيغرق ولا ايه
حسام (بضحك): قومي يا عروسه
قلت (بغضب وصوت عالي): حسام الكلب مش هسيبك
قمت مسكت الشبشب والجريت وراه نزلنا في الدور الاول من بيتنا وانا فضلت وراه وهو اتكعبل ووقع مسكت الشبشب كويس وفضلت اضرب فيه لما كان هيعيط وشالت ما بينا ماما
ماما (بغضب): بقى ده منظر واحده هتتجوز الاسبوع ده
قلت (بنرفزه): ما تتكلمي مع البارد كنت نايمه وسكب عليا الميه
ماما(بغضب وهي بتبص لحسام): الكلام ده بجد
حسام (بخوف من نظرات ماما): ابدا يا ماما دي كدابه
قلت (بغضب): امال الميه اللي على هدومي وشعري دا ايه تبول لا ارادي
مسكت ماما حسام من ودنه وقالت: وبعدين أنت مش ناوي تكبر
حسام (بالم): اسف يا ماما مش هعمل كده تاني
في الوقت ده دخلت خالتي وميرا بعدت حسام عن ماما اتخبى حسام ورا خالته
خالتو: بتعملي كده ليه في ابني
ماما (بغضب): سيبيني اربيه ده مش ناوي يكبر
خالتو: عمل ايه يعني لكل ده
ماما: اساليه
خالتو: عملت ايه يا حسام
حسام: كنت بهزر مع مليكه وكبيت عليها الميه
قلت (بغضب): وده اسمه هزار برده اقوم مفزوعه
خالتو: خلاص يا ‘مليكه’ … ‘حسام’ هيعتذر وبعدين اخوكي استحمليه
ماما: طبعا ما انت مدلعاه اخر دلع ده انتي مش بتدلعي بنتك كده
ميرا (بتمثل الحزن): شفتي بقى يا خالتو مدلعه ابنك وانا لا
خالتو: خلاص يا جماعه امال انا عندي كام ‘حسام’
حسام: حبيبتي يا خالتو والله
-:اعتذر ياد
حسام: مش معتذر
بصيت لحسام نظره تحدي ووجهت كلام الماما وقلت : ماما تعرفي بنت الجيران ‘ملك’ كانت مرتبطه ب,,
حسام: انا اسف
-: ما تجيش غير بالعين الحمراء
ماما: مالها ما هي كل البنات بترتبط
-:لا يا ماما دي كانت مرتبطه بشاب من عيله ومحترم وأنتي عارفه سيره ملك انها مش محترمه و..
حسام: يلا بينا يا خالتو نطلع
طلعت ماما وحسام وخالتو قدامنا اتكلمت ميرا بضحك: مش بيخاف غير من سيره ملك
ضحكت وقلت: طبعا انت عارفه الحكايه المهم يلا بينا عشان اغير ونخرج نشوف فستان ليا وليكي
ميرا: طب الميك اب ارتست
-: أنتي هتعملي لي ميك اب عادي أنتي عارفه مش بحبه
طلعنا غرفتي غيرت هدومي لطقم خروج جهزت واخدنا حسام معنى لفينا انا وميرا وحسام على محلات كتير ونشوف الفساتين كانت تصاميم قديمه وتعبنا دخلنا كافيه نشرب حاجه
ميرا(بتعب): يخرب بيت كده على اللي عايزه تتجوز والله تعبت
-: زي ما انت شايفه مفيش حاجه كويسه
حسام: انتو كده تفضلوا سنه وما بتشتروش حاجه في الاخر
-: اسكت انت امال ناخد حاجه وخلاص
حسام: طيب يا سندريلا اخرك معايا محلين كمان انا تعبت وعايز اروح ارتاح
-: والله طيب انا اتصل ببابا احسن
حسام: وعلى ايه خلاص اشربي العصير وأنتي ساكته
سابت ميرا العصير من ايدها وقالت مبتسمه: بس لقيت المحل اللي هيكون فيه الجديد «اتيليه زهره» فكره فستان البنت ‘شاديه لملوم’ اللي اتجوزت من شهر
-:أيوه ازاي راح من بالي الاتيليه ده
وقفت وقلت: يلا بينا على زهره
حسام: زهره مين
ميرا: قوم بس وهنقول لك المكان واحنا في العربيه دفعنا الحساب ومشينا وبعد نص ساعه وصلنا «اتيليه زهره» دخلنا وراحبت بنت بينا وصلتنا مكتب صاحبه الاتيليه وخرجت البنت رحبت بينا صاحبه الاتيليه وعشان كانت تعرف ميرا بدات معها هي بالكلام
طلبت منها افضل التصاميم اتفرجنا على التصاميم وكانت كل التصاميم اجمل من بعض وقعت عيني على فستان مناسب جدا [باللون السكري ممزوج بالابيض محتشم باكمام طويله وطويل] اخدت الفستان ودخلت غرفه تبديل الملابس وخرجت كان الفستان يحتاج بعض التعديلات واختارت ‘ميرا’ [فستان باللون الابيض من فوق به لمعه ومن تحت ساده وكانت طويل و محتشم] واخدته تقيسوا وكان محتاج بعض التغييرات والتعديلات اتفقنا على الاسعار ودفعت نص المبلغ والنص التانيه عند الاستلام … خرجنا مكان الانتظار وكان ‘حسام’ مشغول بالتليفون خرجت خلفنا صاحبه الاتيليه انتبه لنا ‘حسام’
حسام: امال فين الفستاتين؟
زهره صاحبه الاتيليه: ان شاء الله تسيب العنوان ويوصل بكرا
مد حسام ايده يسلم عليهم استغربت زهره لكن ابتسمت وسلمت عليه طلع حسام كارت خلاص بيه واداه لزهره
زهره باستغراب : ماله الكارت دا
حسام: كارتي لما تجهز الفساتين اتصلي عليا اجي اخدهم
استاذنا منها وخرجنا ركبنا العربيه بدا يسوق ‘حسام ‘
قلت بغضب: حتى دي بتشقطها انت ماشي بمبدا اي حاجه ماشي
حسام: أنتي مالك البنت عجباني
بصيت لميرا وضحكنا في وقت واحد وقولنا ,بنت،
استغرب حسام وقال: مالكم بتضحكوا على ايه..اه بنت
ميرا: دي مدام يا استاذ
وقف العربيه مره واحده وقال: بجد متجوزه ولا بتضحكوا
ميرا بجدية: طبعا يابني متجوزه ماخدتش بالك من السلسله اللي عليها إسم (وائل)
حسام : أنا كنت فاكر اخوها او باباها
بصينا على شكل حسام المصدوم انا و ‘ميرا’ وضحكنا تاني حتى ‘حسام’ضحك
—————————————————————–
“علي”
خرجت من شغلي بدري ورحت استقبل بابا من (محطه القطار) اخدته بيتي يرتاح واطمنت على أبني واخدت شاور ونمت..
___________________________________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبي الفاخر)
