رواية قبر الجد الفصل السادس 6 بقلم رانيا عمارة
رواية قبر الجد الجزء السادس
رواية قبر الجد البارت السادس
رواية قبر الجد الحلقة السادسة
بصيت لقيت ابن عمي..واقف ووشه كله دم..وباين على وشه التعب..كان باين عليه جاي بيجري!..قربت منه بخوف وسألته “مالك ايه اللي حصلك؟”..قالي ان انا كلمته وقولتله يجيلي بسرعه هنا!..ولما جه كان في واحد بيطارده وضربه لحد ماهرب منه وجه على هنا!..قولتله”ازاي وانا مكلمتكش!.. دي تاني مره تحصل وانا فعلاً مكلمتكش!”..ولسه هيتكلم سمعنا صوت حاجه جايه!..طلعنا نجري كلنا بما فينا صاحب جدي!..لحد ماوصلنا بيت ودخلنا استخبينا فيه احنا الأربعه!..ووقت مااحنا كنا مستخبين..كنا سامعين خطوات رجل حد بتلف في البيت!..لقيت صاحب جدي بيقولنا” لازم نرجع على بيت جدك في أقرب وقت عشان نفك اللعنه قبل ماتزيد وتأثر علينا بالسلب!”..وفضلنا نص ساعه على الحال ده لحد ماالصوت راح..وبعدها خرجنا بكل حذر..لحد مااتأكدنا ان مفيش حد في البيت..ولما خرجنا..رجعنا على بيت جدي..وصاحب جدي خدنا وطلعنا للمكتب لتاني مره..وابتدا يطلع ورق ويرسم حاجات غريبه كل ده واحنا واقفين مش فاهمين حاجه..لحد ما قالنا “اقفلوا أوضة المكتب بالمفتاح”..خدت المفتاح منه وقفلت الأوضه..وكنا مستنينه يخلص..وبعد ماخلص خدنا وخرجنا من البيت..وروحنا عند قبر جدي..وابتدا يقول كلام غريب مش مفهوم!..فجأه قرب ابن عمي منه ومسكه من رقبته وقاله “انت شكلك نصاب وبتحور علينا كلنا،ايه علاقتك بـ جدي وعايز مننا ايه؟ “
..اتعصب منه صاحب جدي وقاله “انا هنا بساعدكم!..لو مش عاجبكم همشي!..ولكن هتغرقوا من بعدي لو مشيت!”..قاله “وانت بتساعدنا بصفتك ايه؟..وهتاخد ايه أساساً من ورا مساعدتك لينا!”..قاله “انتوا اولاد أعز صاحب ليا!..وانا بعمل كده علشانه هو!..وعلشان كل الخير اللي قدمهولي طول ماهو عايش!.ولو مش عايزني انا همشي ومش هتشوفوني تاني”..رديت انا وقولتله” احنا محتاجينك تخلصنا من كل ده!.. واللي هتطلبه هننفذه! “..بصلي وابتسم وكمل!..وبعد ماخلص سمعنا صوت عالي في قبر جدي!..والقبر ابتدا يتفتح لواحده..واول مااتفتح طلعنا نجري وهربنا بعيد..جه ورانا صاحب جدي..وشاورلنا نرجع ولكن احنا رفضنا من شدة خوفنا!..وبعيد لقينا نفس العربيه بتاعت كل مره جايه ناحيتنا!..لحد ما صاحب جدي شاورلنا وقالنا اتحركوا
بسرعه!..طلعنا نجري كلنا ونزلنا في مكان تحت الأرض..فضلنا ماشيين فيه لحد ماوصلنا لمكان زي الجبل بس تحت الارض!..كان في شموع وأضواء..لحد ماجاب قطعة أثار كبيره..ولما شوفناها استغربنا وسألناه “دي أثار بجد؟”..قالنا “ايوه بس دي متجيش حاجه في اللي موجوده في المنطقه عندكم!.. امال جدك عمل كل ده ليه؟”..خدناها منه وفضلنا نبص فيها..وفجأه الحيطه اتفتحت وطلع منها صندوق صغير..قرب صاحب جدي وخده وفتحه وطلع منه ورقه..وخدنا وطلعنا فوق تاني!..لحد مارجعنا عند قبر جدي..وبمجرد اننا وصلنا..لقينا نار طالعه من قبره!..وفي حاجه خرجت ولكن احنا مش شايفينها بس حاسين بيها!..ولقيت حاجه بتشد الأثار والورقه من صاحب جدي..وهو بيعافر معاها!..هى تشد وهو يشد!..لحد ماطلع مصحف صغير من جيبه..ورفعه في وشها..وقرأ عليها بعض الآيات من القرآن..ورمى الورقه دي وسط النار..لحد
مااتحرقت!..شويه والنار هديت..لحد ماقالنا “ولعوا نار بعيد عن هنا..وخلي معايا واحد فيكم هنا”.. راح ابن عمي مع زميلتي يولعوا نار هناك..وانا نزلت معاه في قبر جدي..لقيت جثه واحده بعيد..قربنا وشدناها..كانت تقيله تقل غير طبيعي..وحرارتها عاليه كأنها في فرن!..وبعد ماشيلنا الجثه
بكل صعوبه.. رميناها على الأرض..ووطى صاحب جدي وعرى وش الدجال..يادوب لمحت جزء من وشه ومقدرتش استحمل منظره!..وبعد مااتأكد انه هو..شيلناه وروحنا عند النار..وحدفناه وسطها!..والغريب هنا انه كان بيصرخ بأصوات مرعبه!..رغم انه ميت..فضلنا فتره طويله قاعدين عند الجثه لحد مااتحرقت تماماً واتحولت لـ رماد..راح صاحب جدي مطلع كيس ولم الرماد فيه..وخدنا وروحنا عند صاحب العربيه اللي كانت بتيجي!..وحط قطعة الآثار قصاد بيته من بعيد وصَفر..ولما سمع صوت الصفير نزل وفتح الباب!.. كان لابس ماسك على وشه!.. ولما شاف الآثار طلع يجري عليها ياخدها وأثناء ماهو بيعدي.. كان عدى على..رماد الدجال.. وبمجرد ماعدى.. وقع على الأرض وجاتله تشنجات..راح صاحب جدي واخدنا ودخلنا بيته..ودخل جاب ورقه وقالنا
“دي لو اتحرقت كل حاجه هتتحل!..احرقوها”.. وبعد ماخرجنا لقينا الراجل ده في وشنا..فضلنا نضربه كلنا ولكن هو كان أقوى مننا..لحد ماضربناه ووقع..وحرقنا الورقه دي..واول مااتحرقت..كان اختفى من قصادنا!..طلعنا نجري كلنا وروحنا عند قبر جدي..والحقيقه اننا المره دي لقيناه ..فرحت وحضنت صاحب جدي..وبعدين قفلنا على قبره بالطوب والطينه..وخدنا ورجعنا
بيت أهلي..وهناك كانوا اهلي قاعدين..ولما لقونا جايين قاموا وقفوا وسألونا “كنتوا فين؟”..قعدنا وحكينالهم على كل اللي حصل من البدايه للنهايه!..اتصدموا جداً من اللي قولناه ومحدش كان مصدق!..لحد ما فعلاً صدقوا..وتاني يوم العيله اتجمعت في بيت جدي..ولأول مره نتجمع ومفيش حاجه تحصل..شكرنا صاحب جدي..وكل واحد اداله مبلغ من معاه مكافأه على اللي عمله..وبعد فتره وزعنا الميراث على العيله وكل واحد خد حقه وحياتنا رجعت زي ماكانت وأحسن من الأول..وعرفنا ان “الجري ورا سكك الدجل والخرافه آخرتها الهلاك..زي ماحصل معانا وصابتنا اللعنه بسبب طمع جدي!”
تمت
لقراءة الرواية كاملة اضغط على : (رواية قبر الجد)
