رواية حين التقينا الحلقة الثالثة 3 بقلم شيماء جمعة
 |
| رواية حين التقينا الحلقة الثالثة 3 بقلم شيماء جمعة |
رواية حين التقينا الحلقة الثالثة 3 بقلم شيماء جمعة
جه يوم الخطوبه وخلود صحيت الصبح بصت لنفسها ف المرايا
_ النهارده اليوم اللي هيلبسني في الدبله ف وسط الناس وفي وسط كل معارفنا , شويه وهتلاقي الخبر انتشر ع السوشيال ومحدش عارف انها لعبه وشويه وكل واحد هيروح لحاله
دخل عدنان عليها
عدنان : صباح الخير ع اجمل عروسه
خلود : صباح الخير يا بابا
عدنان : تعالي اقعدي هنا هتكلم معاكي كلمتين
قعدت خلود وعدنان جنبها
عدنان : انتي حققتيلي حلمي وهتتخطبي لمروان من زمان وانا نفسي اشوفكو مع بعض وانا كمان هحققلك حلمك وجهزتلك الأوراق كلها وبعد خطوبتك انتي ومروان تقدري تمضي ع الورق وتحولي كل اسهمك وممتلاكاتك للمياتم و لذوي الاحتياجات خاصه
عين خلود دمعت من الفرحه
خلود : تسلم اي احلي اب
عدنان مسك ايد خلود
عدنان : خلود بس انتي متاكده من قرارك داه بقالي سنين بعاند معاكي ع امل انك تغيري رايك انتي ثروتك بتساوي ملاييين هتتبرعي بيها كلها
خلود : الإنسان اللي جرب احساس أن يفقد أمه عارف يعني اي احساس الشخص اليتيم وان حياتهم صعبه جدا وعشان كده متبرعه بنص ثروتي ليها
والشخص اللي جرب الاعاقه لسنين عارف احساس يعني أي تكون شخص عندك اعاقه او اي احتياجات خاصه وعشان كده هتبرع بالنص التاني لذوي الاحتياجات الخاصة أنا جربت الشعوريين ف نفس الوقت بس انا كان من حظي أن من عيله كبيره ومعروفه وفلوسي ساعدتني أن اقدر امشي تاني وانت كنت معايا وحاولت تغطي ع غياب الأم إنما الاطفال ف المياتم معندهمش اب او ام أو مال أنا متاكده من قراري داه الفلوس بالنسبه ليا متساويش حاجه جنب بسمه أو سعاده انسان
خلود كانت مخلصه كلامها وهي بتدمع متذكره امها و الحادث اللي حصل
Flash back
خلود راكبه مع مامتها العربيه وبيضحكو وإذا فجاه تدخل فيهم عربيه نقل
اصوات صراخ من الناس حواليهم
اخدت الناس خلود ومامتها ع اقرب مستشفي ووصلو لعدنان
بعد فتره بيخرج الدكتور
عدنان : طمني يا دكتور
الدكتور : أنا آسف البقاء لله ملحقناش المدام
بيدمع عدنان : طب وبنتي بنتي خلود
الدكتور : قدرنا ننقذ حياتها بس للاسف الحادثه سببتلها اعاقه ومش هتقدر تمشي
فضلت خلود تتعالج فيزيائيا سنين عشان تقدر تمشي من تاني و تقف ع رجليها
من خوف عدنان عليها منعها من الخروج لوحدها فاي مكان وكان دائما السواق بياخدها لاي مكان ويرجعها حتي بعد ما اتعافت
Back
نرجع للحاضر
عدنان : ف قمر يعيط يوم فرحو يالا قومي يالا عشان تجهزي
خلود : كان نفسي تبقي معايا ف يوم ذي داه
عدنان : هي ف مكان احسن دلوقتي
يالا يالا وريني نفسك كده وقومي اغسلي وشك واجهزي كده
خلود قامت دخلت حمامها واخدت شاور وخرجت بدأت تجهز
لبست خلود الفستان و لفت الخمار حطت مكياج خفيف ورفضت أن تروح كوافير وحطت طوق ورد ع خمارها
بصت خلود ع نفسها ف المرايا
_ اي القمر داه جمال ودلال
قال كوافير قال كانت هتحطيلي بويا ع وشي
الجمال الطبيعي يا ولاد نقول عليه اي بقا
لفت لفه بفستانها وبصت ف المرايا وابتسمت
نزلت ع عدنان واول ما شافها دمع
عدنان : اخيرا شوفتك عروسه
خلود : شوفتني وانا قمر
عدنان : القمر ينحني لجمالك
خلود : مبحبش اتكلم عن نفسي كتير بس
عدنان : متتكلميش يا اختي متتكلميش
مروان اتصل بيا وهو ف الطريق هيجي ياخدك للسيشن وبعدها ع القاعه
خلود : وانا ف انتظار البيه لما يشرف
عدنان : انتي علقتي ع كلمه بيه
خلود : مش احسن ما أقوله ياض
عدنان : لا لا بيه حلو
خلود : عشان تعرف بنتك محترمه يا حج
عدنان : طبعا طبعا اومال
وصل مروان البيت ودخل كانت خلود واقفه مستنياه قرب منها وفضل باصصلها شويه سرحان فيها
خلود : اذيك يا بيه سرحان في أي
مروان : هاه لا مفيش ولا حاجه
اتفضلي بوكيه الورد
خلود بصت للورد عنيها لمعت واخدته فهي بتحب الورود جدا
اخد مروان خلود وركبوا العربيه وراحو لمكان السيشن
قبل ما يبدأ التصوير قاعد مروان وخلود مع بعض
مروان : قولتلك انك طالعه حلوه النهارده
خلود : أنا طول عمري حلوه اصلا
مروان : مبتعرفيش تقولي ميرسي أو شكرا
خلود : شكرا يا بيه
مروان : مروان مروان اسمي مروان
خلود : ماشي يا حج اهدي علينا كده في أي
وصل المصور وبدأ يصورهم
بعد ما خلصو تصوير ركبو ف العربيه في طريقهم للقاعه
مروان : سرحانه في أي
خلود : هاه لا مفيش
مروان : مستعده احنا خلاص وصلنا
خلود : مستعده
نزلو من العربيه ودخلو القاعه
خلود كانت مبسوطه ومتعرفش هي مبسوطه كده لي حاسه بفرحه حاسه بفرحه حقيقيه لاول مره
خلص اليوم وروحت خلود البيت ومروان معاها
الخدم كانو مجهزين اصناف كتيره من الاكل ليهم
عدنان : أنا وعدتك أن بعد الخطوبه هتقدري تمضي ع الورق
لمعت عين خلود وعدنان جايب الورق ومضت بصت بفرحه لمروان وشكرته
مروان وهو بان عليه الحزن شويه : العفو
سابهم عدنان لوحدهم عشان ياكلو ويتكلمو
خلود : مالك
مروان : لا مفيش مبروك حققتي حلمك
خلود : أنا فرحانه جدا حقيقي بتحيل ع بابا بقالي كتير بس بجد مش عارفه اشكرك اذاي يعني بسببك انت بابا اقتنع ووافق
مروان : وانا مبسوطلك جدا جدا حقيقي
خلود : بس باين عليك أنك مش مبسوط
مروان : لا مفيش جعان ومنظر الاكل جوعني اكتر
خلود : طيب يالا يا باشا قول بسم الله
قعدو ياكلو ويتكلمو شويه ع الاكل وقعدو يضحكو مع بعض واليوم خلص مروان روح بيته خلود طلعت أوضتها غيرت فستانها نامت ع سريرها وكانت حاسه انها مبسوطه لاول مره كده بس كانت مستغربه لي مروان اتضايق بعد ما مضت ع الورق ع طول مع أنه كان مبسوط جدا قبلها
فتحت موبايلها نزلت صورتها هي ومروان وكتبت تحتها الشخص اللي يحققلك حلمك يبقي افضل شخص تسلم جدا
شويه ولقت هزه تليفونها بتبص لقيتها ماسدج من مروان
مروان – أنا عملت اللي لقيتك تستاهليه وانتي تستاهلي تفرحي من تاني
ومبروك يا ستي حققتي حلمك ومبقتيش مضطره تكملي خطوبتك معايا
شافت خلود الماسدج افتكرت اتفاقهم
– أنا اذاي نسيت حاجه ذي كده فرحتي بالموضوع نساني أن كل دي لعبه
خلود حست نفسها متضايقه
_ طيب أنا لي متضايقه كده مش داه اللي أنا كنت عوزاه اساسا
قطع تفكيرها رساله تانيه من مروان
مروان _ شوفي انتي عاوزه نعرف باباكي امتي وانا هخلص الموضوع بدون ما حد يتضايق
قفلت خلود الموبايل بدون ما ترد وعنيها دمعت
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
