رواية ظلام الرعد الحلقة الثالثة 3 بقلم فاطمة عيد

 رواية ظلام الرعد الحلقة الثالثة 3 بقلم فاطمة عيد

رواية ظلام الرعد الحلقة الثالثة 3 بقلم فاطمة عيد

رواية ظلام الرعد الحلقة الثالثة 3 بقلم فاطمة عيد

_دلف الي شرفته واشعل سيجارته وهو ينظر إلي حديقه القصر كمحاولة لتهدئه نفسه فالنظر الي تلك المساحه الخضراء المليئه بالورود المختاره بعنايه يعطيه طاقه ايجابيه بالطبع

_ سعلت رغماً عنها ..فهي أيضاً في شرفتها ..كانت تتابع شروده وصمته حتي قطعته بسبب سُعالها قالت في نفسها :-

غبيه

_نظر الآخر لها لدقائق وظل يتفحصها بجرأءه كمحاوله للفت نظرها أن ثيابها فاضحه دون القول ولكنها تجاهلت نظراته….تجاهلها اشعل غضبه ليقول لها:-انتي يازفته

كيان:-

ما تحترم نفسك …عايز اي

رعد بغضب :-

واقفه كده وبتسألي عايز اي

كيان بعدم فهم:-

كده ازاي يعني

رعد بصوت جهوري:-

اي الهباب اللي لابساه ده جسمك كله باين

كيان:-

انا ف اوضتي والبس براحتي انت مالك

رعد:-

انتي فالبلكونه والحرس كلهم تحت ممكن جدا حد يشوفك ده غير جدك والشحوطه اللي تحت

كيان:-

وانت …محسبتش نفسك منهم ليه اديت الحق لنفسك انك تشوفني كده مثلا

رعد بوقاحه:-

مانا شوفت خلاص ف مفيش مانع اشوف تاني

كانت نظراته جريئه للغايه لتقول هي :-انت واحد غبي وقليل الادب

رعد :-

انا قليل الادب وببصلك غيري انتي والبسي مقفول واوعدك مش هبص عليكي خالص

كيان بعند:-

بص براحتك

قالتها وهي تدلف الي داخل غرفتها …دلفت ونظرت الي منامتها لامت نفسها علي الخروج بذلك الثوب ..كيف نسيت أمره ..تنهدت بضيق ثم ابتسمت عندما تذكرت نظراته وقالت:-

ما طلع حلو اهو ومش معقد امال في اي

_قام برمي سيجارته ودلف الي غرفته وهو يقول:-

وانت مالك تلبس ولا تقلع وانت ولي أمرها ماتولع

استقل اخيرا في سريره ونام بثبات محاولا تجاهل كل شئ

_ظلت مستيقظه تفكر في الأمر من تلك الذي كان برفقتها ظلت تفكر للحظات طويله واخيرا قررت أن تسأل ورد بدلت ثيابها وقررت النزول إليها

_نزلت الي غرفتها وطرقت الباب بخفه ..فتحت لها الأخري بسرعه لتقول كيان:-

اي ده كنتي ورا الباب

ورد:-

لا كنت سامعه خناقكم قولت اكيد هتنزليلي

كيان:-

خبطت براحه فكرتك نايمه

ورد:-

كنت بكلم أدهم

كيان:-

اي الهبل ده ما تنزلو فالتراس ده انتو عايشين ف مكان واحد

تنهدت ورد وقالت:-

رعد مانع الكلام ده

كيان:-

هي مين مي اللي كان بيكلمها

ورد:-

السكرتيره بتاعته ..بس كان بيكلمها دلوقتي ليه

كيان:-

لا مش دلوقتي ..بس انا لازم اروح الشركه باسرع وقت مش لازم استني الدراسه تبدأ اصلا الشغل حاجه والدراسه حاجه

ورد :-

جدو يخلصلك الموضوع ده بس تتكلمي معاه لوحدك ويكون رعد مش فالبيت

كيان:-

حاضر…مش عارفه هفضل احاول لحد امتي

ورد:-

بتحبيه اوي كده ياكيان

كيان بحزن:-

انا بحبه من زمان اوي رعد هو حب طفولتي رغم فرق السن اللي بينا اللي هو دايما شايفه كبير

ورد:-

ماهو 9سنين مش شويه برضو

كيان:-

تعلقي بيه غريب …أما اتجوز كنت بغير عليه من مراته عشان كده يوم فرحه رفضت اني انزل مصر مع عمو وكلكم ساعتها استغربتو من غيابي ماعدا جدو هو اللي كان عارف اني بحب رعد ساعتها اتصل بيا وقالي ده مقدر ومكتوب يابنتي هو مش من نصيبك ولازم تشيليه من دماغك لانه حاليا راجل متجوز

ورد:-

وشيلتيه من دماغك

كيان:-

حاولت كتير بس مقدرتش كنت وقتها 17سنه قولت يمكن اعجاب وهيروح ..يمكن حب فعلا بس ايا كان كنت مقتنعه أن الوقت كفيل ينسي …قربت من ربنا كنت بدعيه ف صلاتي أنه يخرجه من قلبي..بس مكنش بيخرج

ورد:-

الحكايه غريبه فعلا بس مدام بتحبيه اوي كده…يبقي اللي حصله حصل عشان ربنا شايف انك تستحقي تكوني جنبه ..ربنا ادالك فرصه تانيه ياريت تعرفي تستغليها وتوصلي لهدفك

كيان:-

خايفه احاول وموصلش …وخايفه محاولش واضيعه …اصلا انا بحاول من غير تدبير لحاجه خالص واصلا مش فأيدي اخطط لحاجه لانه صايع ومش سهل واكيد هيفهم

ورد:-

احترمي نفسك ده اخويا

كيان:

اخوكي ده مشافش تربيه..انا هطلع اصلي الفجر عشان فاتني وهنام

ورد:-

غريبه منتظمه فالصلاه ومش محجبه

كيان:-

مفيش حد كامل ..ومتحكميش علي حد من لبسه مش كل المحجبات منتظمين

ورد:-

عارفه

كيان:-

طب هروح انا بقي

ورد:-

اشطا وانا هرجع اكلم أدهم

خرجت كيان من غرفتها أغلقت الباب وراءها وقامت بالاتصال به مره اخري ليقول هو:-

يابنتي ارحميني بقا من الساعه9 واحنا بنتكلم وقبلها كنت قاعد ف وشك ودلوقتي الساعه6 ارحميني عايز اتخمد ورايا شغل…ربنا على المفتري ياشيخه

ورد:-

خلصت

ادهم مصتنع الغضب:-

ايوه

ورد بهمس:-

طب وحشتني

ادهم :-

اد ايه

ورد:-

كتير اوي

ادهم:-

طب ما نتنيل ونتجوز بقا

ورد:-

ادهم أنا فعلا عايزه كده بس انت عارف دراستي

ادهم:-

هساعدك فيها بس احنا كده مش واخدين راحتنا مع بعض ومفيش مانع اننا نتجوز ودراستك انا اللي هذاكرلك بنفسي وهجيبلك ناس تشتغل ف بيتنا يعني زي هنا بالظبط مش هتعملي حاجه

ورد بخجل :-

قول لجدو وشوف هيقولك اي

ادهم:-

حاضر ياحبيبتي ..ممكن تسيبيني انام عشان رعد هينفوخني

ورد:-

ميقدرش ياحبيبي وراك رجاله

ادهم:-

ياشيخه اتنيلي ده انتى بتخافي من خيالك

ورد:-

صدق اللي سماه رعد ..عاملنا زعابيب فالبيت

يتبع..

لقراءة الحلقة الرابعة : اضغط هنا

لقراءة باقي حلقات الرواية : اضغط هنا