رواية البنت غير الشرعية الفصل الثامن والثمانون 88 بقلم ياسمين
رواية البنت غير الشرعية البارت الثامن والثمانون
رواية البنت غير الشرعية الجزء الثامن والثمانون
رواية البنت غير الشرعية الحلقة الثامنة والثمانون
مع حليت الباب نسمع القح#بة تقولو والله يا سيدي ملي خرجت الصباح مرجعت وكي سقسيتها ونخطفلها التيليفون قتلو وي قالي وين كنتي وكيفاه هذا وين تجي قتلو سافا الحمد لله حنوني معليش شوية ونعاودلك وكوبيت عليه قتلها زوج كلمات مكاش غيرهم ترفدي قشك وتطيري من قدامي قاتلي بسمة قتلها من جاي مدام منيش صحبتك انا ومنحب نسمع والو قاتلي والله ضلمتيني وأنت انا خاطيني هو لي غير خرجتي عيط وكي قتلو مكاشها تقلق قتلها ماهمني غي والو طيري عليا ودخلت لبيتي حطيت دوزاني كامل لي جبتو فوق السرير جبت التيليفون نتاعي فورماتيتو قاع حليت فايس جديد بعثتلو انفيتاسيون ورسلتلو ميساج سلام انا بسومتك شوية لقيتو يعيط بلاكام كنت عارفتها هزيت عليه سافا لاباس قالي شوية مقلق قتلو علاه قالي راكي علابالك قتلو يوسف والله رحت جبت دوزاني ديجا كنت قاعدة قدامهم باينة شافهم قالي بصح طولتي قتلو لالا هذا هو خرجت على 11 وراك عارف قريب ساعة باه وصلت تما مع السيركيلاسيون قالي خرجتي 11 قتلو ايه
علاه وقتاه قالولك رحت قالي لالا مقالوليش بصح من تعابير وجهو باينة قالي كون خليتي جيت ورحنا جبنا صوالحك قتلو نحتاجهم وحبيت نفرز صوالحي باه نعرف واش نحتاج ونشري قتلو هاه كيما التيليفون عندي علاه نشري قالي خلاص كيما تحبي حكيتلو غير الأمور الاساسية وبقيت نجبد في صوالحي حتى جبت البوبية قتلو علابالك هذي لي داتني تالمو والفت نرقد بيها مننيش نقدر نرقد هنا ولا يضحك ممبعد قتلو يوسف راني طردتها منحتاجهاش قالي بسمة على وجهي استحمليها غير شوية قتلو مانقدرش كرهتها تخيل سمعتها البارح تهدر فيا وهدرة عيانة قالي والله يا عمري حتى انا موش عاجبتني بصح مانقدرش نتهنى عليك نخاف تمرضي فالليل ولا كاش ما يصرالك صحا حنونتي استحمليها غير نجي ونشوفلك واحدة قتلو صحا على جالك برك قالي ربي يخليك حنونتي هيا روحي ديبريي ممبعد نعاودلك قتلو صحا بصح بدا تعيط عندي متزيدش تهدر معاها قالي غيارة ولا يضحك ممبعد قالي ارسليلي نيميرو نتاعك قتلو اوكي وكوبيت خرجت نغسل جات عندي مدام تعيشي
متقطعيليش خبزتي اسمحيلي غلطت قتلها صحا بصح سقمي روحك هذا الاولى والتالية نتاعك ، غسلت وبدلت رحت للكوزينة لقيتها دايرة العشا معجبنيش قليت بيض تعشيت ورحت لبيتي نفرز في قشي قاتلي مدام خلي انا نسقمو قتلها لالا روحي تعشاي ونقي الكوزينة والماعن اغسليهم نتي مديريهمش فاللاففيسال قاتلي واه مدام فرزت حوايجي وحوايجو تاني درت دورة فيهم وتكسلت في بلاصتي بعثتلو ميساج إذا قاعد عيطلي عاودلي تم تم قالي كملتي قتلو واه قالي شاطرة حكينا شوية ورقدت.للصباح كي نضت لبست لقيتها طيبلي فالقهوة قتلها راح نخرج نقضي ونتي سيقي الحالة ملي جيتي مشفتكش سيقتي قاتلي مدام الحالة ناقية غير انا ونتي قتلها والغبار منيش نقولك كل يوم سيقي بصح امسحي نقي الحالة ضوك نروح ونجي ونتفاهم معاك على الخدمة .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
