رواية البنت غير الشرعية الفصل الخامس والسبعون 75 بقلم ياسمين
رواية البنت غير الشرعية البارت الخامس والسبعون
رواية البنت غير الشرعية الجزء الخامس والسبعون
رواية البنت غير الشرعية الحلقة الخامسة والسبعون
ماي راحت دلال موليتش نلقى معمن نفرغ قلبي ولا معامن نقصر حليت فيس باسم بسمة ألم كنت نفاجي فيه على روحي شوية مكان لي يعرفني مالا نكومونتي ونعلق كيما نبغي كانو كاينين معايا ديزامي بصح والله متعديت الحدود ربي شاهد عليا خدمتي لاباس الحمد لله نكملها ونجي للدار مع عمي الحاج اي راه مصر يزوجني لحما بنتو وانا كلما يقولي نردو ونقولو منيش نخمم فالزواج ضوكا وهو يقولي يا بنتي الزواج سترة ديري دار ووليدات آه يا عمي وتدري قصتي والليل غير يجي تضيق فيا النفس ويهرب عني الرقاد نبات نتلوى لللفجر باه نرقد نصبح راقدة لل 10 ولا 11 نوض نغسل نطيب نتغدا ضربة وحدة ونشرب كافي نواغ نلبس ضوكا راني نهتم بروحي شوية لبسة مكياج ونروح لخدمة ،
اليوم صبحت مريضة في حالة لاقريب الحمى عييت نوض مقدرتش مع العشية عيطلي الحاج بنتي علاه مجيتيش قتلو مغرببيا
قالي ربي يشافيك شوية سمعت الدقديق فتحت لقيتها مرتو داتني معاها بالسيف للدار دارتلي تيزانة وطيبتلي حريرة سخونة الله الله كليتها وزدت شربت تيزانة ورقدت فالليل بايتة نتشوى بالحمة و السخانة حتى داوني للسبيطار جبت سمانة مريضة تهلاو فيا كثر خيرهم كيما يلزم كي بريت رجعت لخدمتي ولداري وحد اليوم كملنا الخدمة وجايين للدار حتى قالي عمي بسمة بنتي كاين هدرة باغي نقولهالك كان تقدري غدوة نتلاقاو و نهدرو قتلو صحا معليش دخلت للدار غير نخمم يا ربي واش راح يقولي زعما يعاودلي سيرة الزواج هيا غدوة وتبان جيت في بلاصتي نقلب فالتيليفون حتى خرجتلي الاغنية نتاع اليسا عكس لي شايفينها
آلو سعيدة فحياتها واصلا لكل أحلامها
باينا عليها فرحتها. في عينيها وفي ضحكتها
وععايشا كأنها في جنة. وكل الدنيا مالكاها
وقالو عنيدة وقوية مياثرش شي فيها
محدش في الحياة يقدر. يمشي كلمتو عليها
هتحلم ليه وتتمنى. مفيش حاجة نقصاها
ومن جوايا أنا عكس لي شايفينها
وعلى الجرح لي فيها ربنا يعينها
ساعات الضحكة بداري جرح كبير
ساعات في حاجات منحبش نبينها
كثيرا ابقى من جوايا بتالم
و مليون حاجة كاتمتها بتوجعني
يبقى نفسي أحكي لحدا وأتكلم
وعزة نفسي هي لي بتمنعني
بكيت الدم من عينيا وولاتلي ادمان كل ليل نسمعها ونبكي حتى نرقد، الصباح نضت بكري تقهويت ولبست عيطت لعمي الحاج رحنا مع بعض وهو غير ساكت حتى وصلننا للشط في البلاصة لي لقيتو اول مرة فيها قالي يا بنتي ربي يشهد اول ملقيتك هنا اول مرة حلفت نديرك بنتي ونعاونك بلي نقدر عليها قتلو ربي يفضلك وحتى انا ربي شاهدت بلي بلاصتك عزيزة
عندي بصح يا عمي إذا على حكاية الزواج والله مراني مستعدة قالي علاه قتلو هكا فوت صوالح بزاف عيانين ومع موتت ماما راني تاعبة وعيانة قالي غير كي راكي وحيدة كون كاين لي معاك تنساي كلش قتلو الله غالب مقدرتش ننسى قالي قوليلو يتقدم وانا نشوفو إذا يصلحلك ولالا قتلو شكون قالي لي راكي معاه قتلو عمي الحاج والله مراني مع حتى واحد قالي وشكون يوسف كي اسمعت اسمو تخطفت قتلو وين تعرف يوسف قالي كي مرضي ضليتي تهترفي بيه وتعيطي عليه وحتى كي ديتك للسبيطار حتى قالك الطبيب انا يوسف راني هنا وشدلك يديك باه تهدنتي وهبطت عليك الحمى طحت على ركاببي غير نبكي حطيت راسي على حجرو وحكيتلو كلشي من نهار تزوجتو حتى نهار تلاقيتو وراني خدامة معاه ، حكيتيلو حتى انو غتصبني واني أجهضت لي لدلال حبيبتي ومتقدرش نحكيهالها كنت محتاجة نخرج كلشي عسى تطفى ناري ونريح ،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
