رواية البنت غير الشرعية الفصل الثاني والسبعون 72 بقلم ياسمين
رواية البنت غير الشرعية البارت الثاني والسبعون
رواية البنت غير الشرعية الجزء الثاني والسبعون
رواية البنت غير الشرعية الحلقة الثانية والسبعون
تغدينا ورحت للخدمة بصح تخمامي غير في يوسف يا ربي مكانش منها موحال نكون نبغيه ممكن والفتو خاطر صح مرات كان حنين عليا سيرتو المرة لي طرحت فيها كملت خدمتي ورجعت مع عمي الحاج للدار كي وصلنا قتلو عمي عندي امانة كون غير تخبيهالي عندك قالي معليش بنتي رحت جبتلو الذهب و الدراهم يوسف حطلي 10 ملاين و10 ملاين بقات من دراهم خالي هاهي 20 مليون والكارني درتهم كامل في ساك صغير وديتهملو رحت معاه لدارو شحال فرحت بيا مرتو وراهملها قاللها هذي أمانة بنتي نخبوهالها واذا غابت عيني راكي شاهدة قتلو ربي يطول في عمركم ويخيلكم عيات فيا مرتو اقعدي باتي عندنا قتلها اسمحيلي مرة خلاف ان شاء الله ورحت لداري غسلت وجيت فوق مطرحي وجبدت هذا الدبدوب وذوك البوبيات بقيت غير نتفكر في هذوك اليامات لي فوتهم معاه سيرتو في الجبل مع الثلج فشلت دموعي غير يطيحو قلبي يدق بسيف
رقدت وبايتة نوم فيه يبوس فيا ويعمل فيا للصباح لقيت روحي محتلمة دوشت وشربت قهوة ورحت لحفافة قريبة قتلها سقميلي شعري قاتلي راكي كامل مخصراتو نديرولك كوب قاغسون وخليه يطوال على ضربة قتلها معليش قطعاتولي وسشوراتولي جاني شباب بصح موش كيما كان شعري رجعت للدار غسلت شوية حوايج موسخين عيطت لدلال قاتلي منجيش عندي صوالح قتلها صحا رحت خرجت شريت بيض وكاشير طن وخبز درت تغديت لبست سروال نواغ مع شوميز غوز مونش قصيرة من القدام وطويلة من اللور كونفاغس القري بالروز ساكودو نواغ درت شوية مكياج غير ماسكارا وغوج غوز كلاغ ورحت للخدمة كي دخلت بقاو قاع يشوفو معايا عمي الحاج قالي والله معرفتك يا بنتي قالي بصح من راي بداي تخدمي سارفوز قتلو اواه من الكوزينة منخرجش ولا يضحك عليا كملت خدمتي ورجعت للدار كي جيت نرقد عييت نتقلب والو قتلني غير التخمام بقيت ندور كاش ما نتفرج والو جبت الصباح جات عندي دلال لقاتني غير نثاوب قتلها منيش نقدر نرقد فالليل
قاتلي مزلتي موالفتيش الدار ممبعد جبدت تيليفونها نحات منو لابيس قاتلي هاكي تيليفون تلهاي فيه شوية قتلها خلي للسمانة ونشري واحد ضوكا راهم يخلصوني بالسمانة انا هكا بغيت قاتلي عندي زوج هذا دايراتو غير زيادة هاكي ديه قتلها صحا ممبعد نخلصك قاتلي ذاك مابقى درت لابيس نتاعي فيه وكي جيت رايحة للخدمة فليكسيت فيها 200 ميل واكتفيتها انترنت وهدرة ورحت للخدمة حتى كملت تاني رجعت مع عمي الحاج يوصلني للدار ويستناني حتى ندخل ونغلق الباب باه يروح لدارو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
