رواية البنت غير الشرعية الفصل الحادي والسبعون 71 بقلم ياسمين
رواية البنت غير الشرعية البارت الحادي والسبعون
رواية البنت غير الشرعية الجزء الحادي والسبعون
رواية البنت غير الشرعية الحلقة الحادية والسبعون
رحت للخدمة قالي عمي الحاج علاه جيتي كون قعدتي خملتي دارك واستمتعتي بيها شوية قتلو ربي يحفظك بصح معليش كل حاجة في وقتها كملت خدمتي حتى للتالي خرجت مع عمي الحاج بعد العيشا ضوكا مكان لي يحاسبني كاين ضميري وبس وصلني عند الدار قالي كون غير تجي تباتي عندنا قتلو معليش عمي لازم نوالف ستناني دخلت بعد ما وصاني نبلع الباب مليح دخلت شعلت الضو ياعمري كيفاه رجعت وكيفاه خملتها دلال ربي يعطيها ويمنيها كل حاجة في بلاصتها هذوك المطارح دخلتهم فالبلاكار فتحت هذيك الماطلة تنسفت هي والمخاد القضيان كل حاجة في بلاصتها المهم أخيرا عندي عش كي الناس ، رحت دوشت كاين الما الحامي و البارد كل الوقت مينقطعش قاع علامة لبست بيجامة وفرشت الكوات لي شريتها رقدت فوقها خاطر الماطلة مزالها تتنسف تكسلت صح هذا وين حسيت بالراحة بصح تاني هذي اول مرة نبات وحدي
وفي دار جديدة منيش موالفتها تفكرت ميمتي جبدت البيسي نشوف في تصاويري معاها ومع خالتي تحيرو مواجعي درت الغنية نتاع عزالدين “توحشتك يا الميمة صبران مفاد صبري صبران مفاد صبري كي نشوف صورتك الزينة نوح ويضياق صدري نوح ويضياق صدري ،توحشتك يا الميمة مكوي و هذاك قدري ومكوي و هذاك قدري ……” شبعت بكا حتى رقدت بدمعتي ، الصباح نضت غسلت رحت شريت حبيبات كرواسون ورجعت درت قهوة تقهويت وخرجت جبتها عند خالي في الحانوت غير شافني قالي يا بسمة لا جيتي للدراهم والله معندي قتلو لالا لي مديتهملي راني خلصت بيهم الكرا 6 شهر مالا دير حسابك تلملي باه نخلص المرة الجاية قالي خلاص معليش قالي وين كريتي كذبت عليه قتلو فالبلاصة الفلانية قستو قاع منحتاجوش يعرف وين راني قتلو جيت على حوايجي لي راهم عندك جبدهوملي زوج فاليزات كبار وواحدة صغيرة قالي راهم مبلعين
بالكود تنجمي تحليهم قتلو في قلبي يا وحد الباندي علابالي بيك تموت تقرعج كثر من مرتك قتلو يا حصراه وضوكا كيفاه نفتحهم وديتهم وخرجت كي وصلت الحومة نتاعي شفت دلال عند الدار تهدر مع السيد لي كرالي لحقتهم قتلو هذي بنت عمتي عندي غير هيا قالي معليش بناتي مرحبا بيكم دخلت انا وياها قاتلي وين كنتي قتلها جبت صوالحي لي جابهملي قاتلي مالا خلاص كملت الحكاية قتلها وي كملت فتحت الفاليزات الكبار لقيتو باعثلي كامل حوايجي كي الشتاء ونتوع الخريف نتوع الصيف جابهملي المرة الاولى قاع جبدناهم قتلها منحتاجهمش كامل بزاف واش ندير بيهم قتلها شوفي لي تعجبك إديها بقات تخير خيرت بزاف صوالح وغير العمليين كيما السراول لي بيل لي كونفاغس. المونتو نتاع الفورير وزوج لي فاست خفاف وحدة كوير وواحدة قماش ، قاتلي هذو ليك نتي البسيهم سقمي روحك وامشي روحي للحفافة سقمي ذاك الشعر لي كي نتاع المعزة تهلاي في روحك وشوفيلك راجل مليح قاتلي مالغري متاكدة مرايحاش تلقاي واحد كيما يوسف بصح شوفي واحد
تقدري تعيشي معاه وديري عايلة قتلها موحال يا دلال غير الرجال لي منزيدش ندور بيهم قاتلي ناوية تبقاي هجالة طول عمرك شوفي واش صرا فيك كي بقيتي بلا راجل قاتلي شفتي واش رانا متمحنين منكذبش عليك انا وقيلا دبرت راجل قتلها احلفي قاتلي خليها تصدق ونحكيلك كلش ونتي تهلاي كيما راني نقولك هيا زيدي فتحي الفاليزة الصغيرة خلي نفرزلك منها وهذو لي بقاو نديهم نبيعهملك نجيبلك فيهم مصيريفة فتحتها لقيت فيها الدبدوب والبوبيات قلبي ولا يدق يدق لقيت المكياج لي بارفان سيشوار ليسور والذهب الباغوغ لي شراهلي ولي مداتولي يماه وذهب لي شراتولي ماما الله يرحمها لقيتو حاطلي تاني 10 ملاين معاهم قاتلي كي قتلك محال تلقاي كيما يوسف مغلطتش يا بسمة انعلي الشيطان وعيطيلو يا سيدي خلي انا نعيطلو قتلها والو والله ديريها نايفك ومكيش صحبتي وتفرعو دموعي ويدان قاتلي بسمة والله ثلاث غير تبغيه ومكيش باغية تستعرفي نضت غسلت قتلها هيا نروحو نتغداو باه نروح للخدمة .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
