رواية لم أكن أتوقع أن يصبح زوجي الفصل الثاني 2 بقلم كريمة العدوي
رواية لم أكن أتوقع أن يصبح زوجي البارت الثاني
رواية لم أكن أتوقع أن يصبح زوجي الجزء الثاني
رواية لم أكن أتوقع أن يصبح زوجي الحلقة الثانية
في صباح يوم جديد
الساعة ٤ فجرا قامت كارما تتوضأ وتصلي فرضها وتقرأ وردها من القرآن وظلت كارما مع شروق الشمس تفكر في عرض الزواج الذي حدث في اليوم السابق .
– صح انا كنت معجبة بيه بس انا كنت في سن حرج معرفش اذا كان دا صح ولا لأ يلا خلاص اللي فيه الخير ربنا يقدمه منكرش إني كنت عاوزاه وإني صليت ودعيت كتير إنه يبقي من نصيبي بس الموضوع كان من سنتين ومبقتش بفكر فيه بس اكيد ربنا مدبر حاجة حلوة ليا . دا اللي كانت كارما بتفكر فيه وفاقت من شرودها علي صوت المنبه لقت الساعة ٧ الصبح .
نزلت الشقة جهزت الفطار لباباها عشان الشغل وبدأت ترويق في البيت ونوم وكذلك دي خلصت تالتة ثانوي وبعد العصر كان وقت الغروب كانت بتتغدي مع أهلها
بابا : في حاجة عاوز اقولهالكوا بخصوص كارما .
ماما : كارما مالها اي الموضوع.
بابا : في عريس متقدم ل كارما وهو عمر بن صاحبي .
ماما : عمر الظابط بس …. قاطعها بابا في الكلام : ايوه هو انا عارف اللي هتقوليه بس خلي الكلام هو يقوله ليها وش ل وش .بصي يا كارما انا يابنتي عمري ما هرميكي ولو انا عارف انه مش كويس ليكي مش هخليهم يدخلوا البيت هو بيحبك وطلبك مني وانتي كنتي في أولي ثانوي لسه فأنا مارضيتش لأن كان لسه سنك صغير اقعدي معاه وشوفيه وصلي مرة واتنين وعشرة ولو ارتاحتي ليه هقوله .
كارما : طيب ماشي هشوفه بس انا عاوزة هدوم 😂عشان اقابلهم بيها وشنطة عشان الكلية بقي 😂😂
ماما : هو مش لسه شاريين ليكي حوالي ٤ طقمة قبل الامتحانات.
كارما : اه بس انا عاوزة كمان .
بابا : حاضر تعالي بكره ليا الشغل وبعدين نروح انا وانتي وخالتك تجبلك .
كارما : تمام حاضر هجيلك بكره علي الساعة ١٢ كده بحيث تكون خلصت شغل انت وخالتو. طيب الحمدلله انا شبعت هقوم اكلم العيال صحابي.
كارما : الو يا مانو اي الأخبار
منار : الحمدلله بخير يا كيمو .
كارما : بصي في عريس طالب ايديا من بابا وهو عمر
منار : يا روحي ألف مبروك ربنا يتمم بخير
كارما : اي يا حجة هو انا لسه وافقت .
منار : هتوافقي وانا متأكدة من كده لأنك بتحبيه ومن زمان انتي كنتي بتعيطي ل ربنا وتترجيه عشان يبقي من نصيبك واهو جيه الوقت.
كارما : مش عارفة مشاعري متلخبطة وانا متوترة جدا مش عارفة ليه وحتي ماما كانت هتقول حاجة بس بابا منعها وقالها هو اللي عاوز يقولها الحاجة دي .
منار : متقلقيش يا حبيبي ان شاء الله خير يلا سلام عشان سليم بيعيط وشكله جعان .
كارما : ماشي يا حب سلام وسلميلي علي عبدالله وبوسيلي حبيب خالتو اللي وحشني ده .
– مر اليوم دون أي أحداث تذكر .
في صباح يوم جديد تستيقظ بطلتنا كارما كعادتها كل يوم لأداء قيام الليل وفريضتها صلاة الفجر وقراءة وردها من القرآن وظلت تدعو الله في سجودها أن يريح قلبها ويجعل هذا الزواج مبشر بالخير لها وذهبت إلي مكانها المفضل فوق سطح المنزل تحضر شروق الشمس فهي مغرمة بالمناظر الطبيعية جدا ومر يومها إلي أن اتي موعدها مع أبيها .
كارما : ازيك يا عمو اخبارك اي فهي علاقتها مع صاحب والدها جيدة جدا وهو يعتبرها ك ابنته لأنه ليس لديه بنات فقط ولدين والابن الصغير هو من سيصبح زوجها
صاحب والدها : الحمدلله بخير يا بنتي تسلمي وتنوري ان شاء الله بيتنا.
كارما بكسوف : ان شاءالله يا عمو ربنا يقدم اللي فيه الخير .
شخص ما ونظر إلي الجميع: اي التجميعات الحلوة دي
كارما اتكسفت جدا فهذه المرة الأولي التي تراه أمام عينها مباشرة ف تسألوا كيف احبته. من خلال كلام والدها عليه و صوره والبوستات اللي كان بيشيرها علي صفحته الشخصية علي فيس بوك ولأنها كانت في فترة مراهقة ف أعجبت به لأن عمر شكليا جميل جدا بعيونه التي تشبه القهوة والتي جذبت كارما اليه فهي من عشاق القهوة .
بابا كارما : بشمهندس عمر اي الاخبار.
عمر : بخير والله يا عمي .ازيك يا آنسة كارما .
كارما بكسوف وصوت منخفض: احم احم الحمدلله بخير
عمر : دايما يارب بس اهدي خلاص مكنتش كلمة . طيب بالمناسبة تعالوا اتفضلوا اعزمكوا علي حاجة وبالمرة نتكلم انا وكارما مع بعض شوية لأن في حاجة عاوز اقولهالها .
كارما باستعجال: لا شكرا معلش اصل متأخرة علي حاجة يلا يا بابا يلا يا خالتو .
بابا كارما : استني يا بنتي شوية عشان في حاجة عمر عاوز يقولهالك ضروري وتفرق في الجواز
كارما :تمام يابابا . كارما في نفسها : بس انا مش عاوزة اقعد لوحدي معاه ولا حتي مكان عام .
عمر : متقلقيش مش هتقعدي لوحدك معايا هنقعد بعيد عنهم شوية ونكون قدامهم .
كارما باستغراب وخوف : أعوذ بالله من الشيطان الرجيم بسم الله الرحمن الرحيم اي دا هو انت عرفت انا بفكر في كده ازاي .
عمر : ههههههه لا متخافيش لأننا متدربين علي كده كويس ف خافي مني .
كارما : علي مهلك شوية اخاف من اي انت متعرفنيش بقي كويس صلي على النبي كده في قلبك .
عمر: شكلي هتعب معاكي كتير بس كله يهون .
والد كارما ووالد عمر وخالة كارما : احنا هنا علي فكرة لسه .
كارما : احم آسفة.
عمر : طيب يلا بينا .
وصلوا المكان المتجه إليه و كان عمر وكارما علي طرابيزة لوحدهم وكان والد كارما ووالد عمر في الجهة المقابلة لهم.
عمر : بصي يا كارما فيه موضوع عاوز اقولهولك قبل ما ادخل بيتكوا .
كارما : تمام اتفضل .
يا تري اي الحاجة دي ؟؟؟؟ وهل كارما هتوافق عليه ؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لم أكن أتوقع أن يصبح زوجي)
