رواية البنت غير الشرعية الفصل الخامس والخمسون 55 بقلم ياسمين
رواية البنت غير الشرعية البارت الخامس والخمسون
رواية البنت غير الشرعية الجزء الخامس والخمسون
رواية البنت غير الشرعية الحلقة الخامسة والخمسون
دارت مندبة انا يماك تقولي معندو مدخلك قاللها للمرة الألف قتلك مكيش يما يما نصيرة وبس نتي يمات خاوتي عيط عليه باباك كيفاه مهيش يماك ياطفل واش بيك نتا قالو منيش طفل ومنيش وليدها هي صح ولدتني بصح كاش يوم حنا عليا كاش يوم عاملتني كيما تعاملهم ياك تنحي الحاجة مني وتمدهالهم هي هذوك ولادها تلهى بيهم بزاف عليها قاتلو حرام عليك الهدرة هذي قاللها حرام غدوة كي توقفي قدام ربي ويحاسبك على ولادك لي موش عادلة بيناتهم قاتلو كيفاه منيش عادلة بيناتكم نتا ولدي ونهتم فيك كيما هوما قاللها كون جيتي مهتمة بيا تعرفي وين كنت وعلاش مجيتيش للدار قاللها كنت غايب خاطر مرتي مريضة ملاوحة فالسبيطار قاتلو وكيفاه متقولناش قاللها علاه سقسيتوني كون جيت نهمك تهمك حتى مرتي وتهمتمي بيها قاتلو هذا قاع على جال مرتك ميكون غير خاطرك من اليوم نتهلى فيها قاللها كثر خيرك مرتي متهلي فيها بزيادة تهلاي غير في ولادك وسيرتو بنتك راني نشوف فيها ضوك طيح علينا مصيبة كثر من عمها مفهمتش علاه عمهم هذا
يقولو بلي نتاع مصايب يبانلي هو أعقل واحد مايهش ماينش تنوض الحرب هو قاع ميهدرش ميدخلش كامل روحو المرة لي فاتت قاع واش صرا بيني وبين بنتو بصح كلمة مقالهاليش المهم حتى نطقت مروى علاش انا واش راني ندير قاللها نتي علابالك وانا علابالي قاتلو تلهى غير بمرتك خيرلك عيط عليها محمد مروى اعدلي فمك هذا خوك الكبير قاللها يوسف مرتي راها قدامي وعارفها وشايفها مرتي راه لاهية بقرايتها هاذا العام على الأقل تتخرج انجينيور اعلام الي شوفي نتي ل 6 سنين فالجامعة ما بان والو من رايي غير شدي الدار خيرلك بدات تعيط بابا شوف واش راه يقولي كرهت من حسهم رحت لشومبرتي دوشت ولبست وجيت على الفوتاي فتحتو وتكسلت طول هو مجاش وغير دخل لقاني متكسلة طار فيا نتي واش ديري تم قتلو راقدة واش ندير قالي امشي شدي بلاصتك معايا فالسرير قتلو ياك بلاصتي هنا نرقد هنا قالي بسمة منعاودش
الهدرة معاك يسمو جدك تنوضي قتلو آي موش هوما ماتقدرش عليهم جي تخرج غشك فيا أنا زيرلي وجهي تسقمي هدرتك ولانكسرلك قسام فمك وراح للدوش دوش وخرج لابس غير السوغتي لقاني مزالني في بلاصتي جبدني من يدي ورماني على السرير قلت لر#ك ترقدي معايا بهذي الجاست فكرني فالمرة لي فاتت نضت نعيط تعيش لالا تعيش تهسترت وليت غير نعيط ونبكي عيا معايا يا طفلة مكان والو اتهدني والو رفدني بالسيف وانا نفارع ونضرب فيه حطني فلابينوار وفتحت عليا الماء باه فطنت بقى غير يشوف معايا ممبعد قالي علاه راكم ديرو فيا هكا حابين تقتلوني وتريحو وخرج بقيت شحال تما نبكي ممبعد نحيت حوايجي المشمخين وخرجت غير بالسوغتي لقيتو موش تم لبست وجيت في بلاصتي وتكسلت عييت نستنى فيه حتى 2 صباح باه دخل كي العادة طافي ترمى على السرير ورقد….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
