رواية البنت غير الشرعية الفصل السابع 7 بقلم ياسمين
رواية البنت غير الشرعية البارت السابع
رواية البنت غير الشرعية الجزء السابع
رواية البنت غير الشرعية الحلقة السابعة
جبتها حتى لل10 هكاك وانا غير نمشي تفكرت ماما جبدت تيليفوني لقيتها معيطالي شحال من مرة وليت غير ندور في راسي على كذبة نقولهالها حتى خممت نقولها بايتة عند دلال يماه مش فالدار وخافت وحدها (ماما تعرف دلال خاطر شحال من مرة توصلني للدار وقالت لماما بلي نخدمو مع بعض ) المهم وصلت حومتنا نلقى لكلوشار نتاعي يستنى هذا واحد ولد حومتي من يامات الليسي طايح فيا ويقولي غير أنا لي نديك الحق قداه من مرة حاولني نتزوج بيه ويخرجني من الميزيرية على قولو بدراهم لادروق والسرقة بصح أنا مبغيتش ديما نقوله نتا كي خويا وهو يولي يربرب مرة تبعني وعرفني وين نخدم ومن نهارها وهو مسمط عليا يحاسبني على كلش حتى ولى يجي للبار يشوفني إذا نخرج مع الرجال ولالا وانا غير مطفياتو باش ميبيعنيش لماما المهم بدا يزن عليا كي عوايدو وين كنتي وطولتي وسنيتك على 6 ومجيتيش باينة رحتي مع كاش واحد وهذا وين طلقك وانا ديجا كنت مقلقة ومنسواش من هدرة ذاك الخرى وزاد هذا ونشعل فيه ونتا واش مدخل قسامك يا
خرا بويا نتا ولا خويا المهم لصقت فيه كي العظمة ميقدر يبلعني ميقدر يتقياني تلمو علينا الجيران حتى ماما وخالتي بختة جاو قاللها خالتي حليمة ضوكا نزوج ببنتك ضوك نروح نجيب العدول ونجي قتلو نتاع وجهك إذا نقبل بيك قاتلي يماه حتى حنا مش ميتين عليك بنت حرام وزايدة هازة نيفك ولدي نجيبلو لالاك قالتلها ماما شدي فمك حتى نتي ولدك مهوش صحابي وحتى أنا ميشرفنيش ولدك ياه ويطرطق قاللها ياو بنتك راها تخدم فالبار وتضل من ذا لذا واذا مديتهاش أنا لي مارانيش عاجبك تهناي مكان لي راح يتزوجها دارت ليا ماما شا راه يقول هذا قوليلي يكذب قوليلي مدرتهاش أنا تبكشت معرفتش شا نهدر وطيح فيا بالضرب والعض والتقراص قتلتني وليت نعيط لربي لي خلقني شدتني من شعري وتجر فيا من راس الدرب حتى دخلتني للدار وزادت طاحت فيا بالشلاقة نتاعها خلاتها مواير كحل في جسمي وتعاير اه يا الكلبة اه يا الفرخة هكا تشفي فيا فالعديان هكا تخليهم يهدرو عليا وعليكم ها ما خيتي أنا قلت بنتي تقرا وتخرج لي حاجة وترفعلي راسي بين الجيران ساعة خرجتلي غير قحبة كول ليلة وين نبات ومعامن تبات ها ربي سيدي لاه بليتني بذي الكلبة لاه أنا نبكي الدم
ونقولها اماما والله مدرت حاجة راهم غير يكذبو عليك وهي تصادي وتنوح يا ربي كون موت ولا شفت هذا النهار يا ربي كون غير خليتيني موت ولا داويتيني بدراهم الحرام وتبزق عليا شوية طاحت تغاشات بالسيف لا فطناها أنا وخالتي بختة غير فطنت قاتلي تلفي وجهك عليا منزيدش نشوفك قدامي جيت فالصالة وتكسلت جسمي الكل يسطر عليا جبتها غير بكا حتى رقدت منضتش حتى ل 7 نتاع العشية نضت غسلت وجيت دخلت عندهم للكوزينة حاوزتني ماما وبزقت عليا وسمعتني الكلام عاودت جيت فالصالة وبقيت متكسلة عيطت لدلال قتلها مش جاية قاتلي علاه قلتلها ماما فاقت بيا وحكيتلها كلش قاتلي متقوليليش غير قتيلها صح نخدم فالبار قتلها لالا مقلتلهاش قاتلي خلاص أنا نجي نهدر معاها قتلها غير متشقيش روحك والله متسمعلك وكوبيت حتى خرجو هوما من الكوزينة رحت درت لقمة صبرت غير الجوع ورجعت للصالة حتى دخلت عندي خالتي بختة قاتلي علاه يا بسمة وصلتينا لهذا الحال علاه يا بنتي مشيتي في هذي الطريق وليت نبكي ونعيط أمنتو هذاك لي نهار
كامل وهو معمر راسو ومأمنتونيش أنا والله نروح من هذي الدار ومتزيدوش تشوفوني حتى دخلت عليا ماما قاتلي هاذا لي راه كاليلك راسك بهذي الهدرة غير يخرط عليك كون عينو فيك كون قصدك للدار مش كل يوم وين ملاوحك تبعيه وتتعياي كي حالتي حاصلة ببز ومترحمكش الناس واش قاصتني هدرتها يعني صح أنا بنت حرام وهي كانت غير تكلخلي جبت ليل كلو نتلوى ونبكي شا درت في عمري حتى راه صاريلي هكا .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
