رواية مصيبتي الحلوة الفصل الأول 1 بقلم حنين عادل
رواية مصيبتي الحلوة البارت الأول
رواية مصيبتي الحلوة الجزء الأول
رواية مصيبتي الحلوة الحلقة الأولى
_ولااااا نظام الجواز الإجباري والهبل ده مش عليا أنا ,أنا قرأت عشروميت رواية عن الشخصية السيكو سيكو النرجسية عاوز تتجوزني عشان تسحلني وتطفي السجاير في قفايا وت….ولا بلاش !
كان واقف بيبُص ليها وفاتح بوقه من ردة فعلها وفي ايده سيجارته اللي بتطلع دخان وقال وهو بيتنهد:
عشروميت وسيكو سيكو !!
وطول في النظر ليها
اتكلمت وهي لسه واقفة علي السرير وحطت ايديها في وسطها :
ايه هاتفضل مسبهل كده
اتنهد وقال:
انزلي بس من فوق السرير ونتفاوض
هزت راسها بالنفي:
لأ الموضوع منتهي !
انت ياض …..
قاطعها: ياض !!
قعدت واستربعت وهي بتضرب كف فوق كف:
انت سفرك لكندا خلاك طري ياض يا يوسف
أغمض عينيه وابتسم وهو ينظر لها وقال بنبرة هادئة:
ملك يا حبيبتي انا مش عاوز أتجوزك !
اتبدلت ملامح وشها للغضب وقالت بردح :
نعاااااام وهو أنت تطوووول قال رضينا بالهم والهم مش راضي بينا بقا انا اترفض واحدة زيي في جمالي وحلاوتي وطعامتي تترفض دا الأغنية تامر حسني غناها ليا مخصوص !
قعد جمبها وبص ليها شافها لاوية بوقها علي جنب ورافعة شفايفها
فضربها بخفة علي خدها وقال وهو بيضحك:
اعدلي بس الشراب المقلوب ده وانا افهمك …!
شالت ايده من علي وشها بعصبية :
طب بس ما تقولش شراب مقلوب
_لأ شراب مقلوب يا ملك اي ده ماكنتش سنتين اللي بعدتهم عنك وسافرت فين ملك البنت البريئة الكيوت بقيتي رداحة يا ملك !
برقت بصدمة ووقفت بسرعة وربعت ايديها:
ايوه انا بقيت بيئة البنات اللي بشعر اخضر وعينين صفرا هما الحلوين.
نام علي السرير وحط ايده تحت رأسه وقال وهو بيفتكر:
وهما حلوين بس !
دول حلوين بشكل !اووووووه ياااه
بصت له بعصبية وغيرة ….
مش عارفة ليه انا اتضايقت وانا اللي رافضة الجواز منه
بصيت علي الكوميدينو اللي جمب السرير لقيت عليه شفشق مايه مسكتها وكبيتها فوقه وهو سرحان في البنات الملونة وبيضحك
ضحكت بانتصار:
حظك بقا ياسي يوسف أنا كنت عاوزه افشفش دماغك بفاظة بس قولت الطيب احسن
مسح الماية اللي بهدلت شعره ونزلت علي وشه وهدومه ونفض ايده وقام وهو متعصب
جرت بسرعة وهو وراها وبيحلف ليموتها:
ملك اقفي احسن لك
بلعت ريقها بخوف وقالت وهي بتجري وبتتنهد:
لااااوالنبي خلاص يا يوسف خلاص
قال بصوت عالي وهو بيجري وراها :
بقا انت ياشبر ونص تعملي فيها كده يا قصيرة يا مكيرة دا انتي 150 سنتي يا بت
_*155 لو سمحت والخمسة سنتي راحت فين كلتهم. …..والنبي اسفة خلاص خلاص
مسكها من قفاها وابتسم بمكر :
اعاقبك ازاي اعمل فيكي ايه ؟!
قعد يهزها يمين وشمال رايحة جاية فقالت بعصبية:
اعتقني لوجه الله مش عاوزه اتجوزك !
بص لها في لحظات صمت من غير ما يقول اي حاجة بس بيبص لها فبصت للأرض وكأنها بتهرب من عيونه من غير ما تتكلم هي كمان
سابها ومشي وملامح وشه حزينة وقفت تبص عليه وهي مستغربة وقالت بصوت عالي:
يا بطتي ايه انت زعلت ولا ايه ؟!
هز رأسه وهو يقول :
بالله البعيدة ما بتحس !
مشي ودخل اوضته فرجعت تاني لأوضتها وقعدت عالسرير اللي كان مليان ماية
ابتسمت وهي بتفتكره لما كان بيبتسم قاطع شرودها الباب وهو بيخبط
ملك: ادخل
بتدخل ست كبيرة …
ملك بابتسامة :
اتفضلي يا تيتة تعبتي نفسك ليه كنتي ابعتي إشارة قولي يا لوكا وثانية تلاقيني قدامك يا منمن
ضحكت ستها (مني):
انت عارفة انا جاية ليه
ضحكت ملك:
لأ خالص
مني: ايه اللي عملتيه في يوسف ده !
ملك: عملت ايه هو انا بعمل حاجة دا انا غلبانة والله هههه
مني : اه انا عارفة الغلب بتاعك ده قولتي ايه في اللي قولتك عليه
ملك :
مش عاوزة اتجوزه يا تيتة دي حياتي وانا اللي هاعيشها
وده اختياري انا يعني ماحدش يقدر يغصب عليا حاجة
مني:طب مش عاوزة يوسف في دماغك حد غيره قولي لي
ملك : ياتيتة لا يوسف ولا غيره مش عاوزه اتجوز صعبة دي ..
كنت واقف اسمع كلامها مانكرش أن مع كل كلمة منه حاسس ان قلبي بيتفتت
يعني كارهاني للدرجة دي !
انا اللي رجعت بعد السنين دي كلها عشانها
عشان اصون عهدي لما وعدتها اني ارجع لها
دخلت اوضتي ووقفت قدام مرايتي وضحكت:
انت يا يوسف , يوسف راضي يترفض !!
بقلم حنين عادل كاتبة الجيل😎
*_______________________________*
مني: لأ ها تتجوزي يا ملك
ملك بتنهيدة:
اه اه هاتجوز يا تيتة طبعا بس يوسف مش مرتاحة ليه الصراحة يعني سفره وكان وسط اجانب وانا مش ضامنة أخلاقه برده هو ابن عمتي بس يعني دي بلاد سداح مداح
مني بتنهيدة: انا هاموت يابنتي وعاوزه اطمن عليكي طب انا عندي فكرة
ملك : بعيد الشر عنك يا حبيبتي بس ايه الفكرة
مني: لو طلعتي في يوسف عيب مش هخليكي تتجوزيه ايه رأيك ..
ملك بابتسامة : موافقة!
مشت مني وقعدت ملك تكلم نفسها:
منمن زعلت مني عشان مش عاوزه أتجوز هو انا ماينفعش ابقي براحتي لازم يكون في راجل في حياتي
ليه لازم يكون في حياتي راجل انا بكره الرجالة بكرهم اوي ماتضحكيش علي نفسك يا ملك دا مش السبب الأساسي دا من ضمن الأسباب
بتقعد علي السرير وبترجع دماغها لورا وبتفتكر
#flash_back
_ايه الشاي البارد ده ياست هانم
بيدلق الشاي وبيقف بعصبية .
بتقف تترعش قصاده:
والله منزلاه من عالنار حالا دا كمان لسه بيدخن اهو
بيقرب منها وهي بترجع خطوات لورا بخوف :
يعني أنا كداب مثلا
بتهز راسها بتوتر ..
بيمسك شعرها فبتتوجع:
انت بتوجعني يا سيف
بيزقها بعصبية فبتقع عالأرض وبتتفتح في العياط
سيف: اسكتي مش عاوز اسمع صوووووووت اسكتي
مش بتقدر تكتم عياطها وبتشهق بيشد الحزام وبينزل عليها ضرب وهي بتصوت ولا كأنه سامعها
سيف: عشان تسمعي الكلام مئة مرة اقولك كلمتي ما تتقالش مرتين بس انا اللي شكلي سبت لك السايب في السايب
بيضربها كتير وهي مش قادرة من كتر الصريخ والعياط بيقعد بعد ما بيتعب علي الكرسي وبيطلع سيجارة .
بتحاول تقوم وهي كاتمة بوقها بايديها وتدخل الحمام وبتفتح المية وبتقعد تعيط …
بتسمع خبط علي الباب بتمسح دموعها وتقوم تفتح
بيقابلها وهو متغير 360 درجة وعلي وشه ابتسامة وبيشدها لحضنه وبيقول:
أنا آسف بس انتي الغلطانة انتي اللي عصبتيني!
وفي بنت صغيرة في نفس الوقت واقفة بتترعش بيبُص عليها وبيقرب منها
بترجع لورا بيقرب اكتر ..
بتعيط وهي بتقول:
يارب تموت عشان نرتاح
بيتعصب وبيشتالها وبيرفعها لفوق وامها بتجري عليها والبنت بتصرخ وبيرزعها في الأرض
#Back
بتفوق من شرودها وهي بتشهق بخضة ….
بتقوم وبتفتح الدولاب :
انا أسفة يا يوسف أنا آسفة يا تيتة ياريت تسامحوني….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مصيبتي الحلوة)
