رواية عاشقي ومنقذي من العالم الاخر الفصل العاشر 10 بقلم نشوة عادل
رواية عاشقي ومنقذي من العالم الاخر البارت العاشر
رواية عاشقي ومنقذي من العالم الاخر الجزء العاشر
رواية عاشقي ومنقذي من العالم الاخر الحلقة العاشرة
-فتحت اسراء النت بالصدفة وشافت خبر موت اسماء فضلت تعيط بهيستريا وهى مش مصدقة اللى حصل استأذنت من امها ونزلت جرى ع بيت كارم اول ما فتح لها الباب
كارم بخضة من شكلها: فى ايه يا بنتى حد حصله حاجة عندكم !
اسراء: اسماء ماتت محرو.قة يا كارم
كارم شدها دخلها واخدها فى حضنه عشان تهدى وسألها: ازاى ده حصل وعرفتى منين؟!
اسراء: كنت فاتحة الفيس وشوفت الخبر ومعرفش ده حصل ازاى
صوت من وراهم : آيت هو اللى عمل كده كان بيعاقبها لانك عرفتى الحقيقة
اسراء بعياط: يعنى انا السبب فى اللى حصلها؟!
نجم: لا يا اسراء عاجلا او اجلا آيت كان هيق..تل اسماء بس لانها بقت كارت محروق بالنسبة ليك اتخل..ص منها
كارم: طب وبعدين الحل ايه؟!
نجم: انا قولتلكم قبل كده الحل فى المراية منها جه آيت ومنها لازم ينتهى وده لان غضبه دلوقتى بقى اكبر بعد ما حرق..تم امه
اسراء: بلاش الغاز وفهمنى انا المطلوب منى اعمل ايه؟!.
نجم: ما انا قولتلك المراية بتعكس الحقيقة لكن مبتغيرهاش
اسراء بزعيق وغضب: مش فاهمة مش فااااااهمة
نجم: لما تروحى هناك اكيد هتفهمى وخلى بالك النهاردة ليلة قمرية يعنى قوة آيت هترجعله الليلة ومن غير ما الحجر اللى ثبر اخدها منه فلازم تخلصى منه قبل القمر ما يظهر فى السما النهاردة
اسراء بصت لكارم اللى مسك ايدها بحب عشان يقويها وقاموا نزلوا راحوا ع بيت اسماء وكانت امها قاعدة لوحدها فى الصالة بتعيط
اسراء: طنط البقاء لله
فاتن بعياط وهى بتحضنها: شوفتى يا اسراء حبيبتك ماتت وسابتنى لوحدى اللى كنت بقول هلبسها الابيض بايدى لبستها الكفن مش الفستان
اسراء بعياط : عشان خاطرى اهدى وادعيلها بالرحمة بس هو بصراحة انا كنت عايزة ادخل اوضة اسماء
فاتن: ليه يا حبيبتى ؟!
اسراء: اصلها وحشتنى اوى وكنت عاوزة ابات فى اوضتها
فاتن: ماشى يا حبيبتى ادخلى
فضل كارم مع فاتن ودخلت اسراء الاوضة وكشفت المراية وفضلت واقفة قصادها فترة مش عارفة تعمل ايه لحد ما حست بوجوده فى الاوضة لفت وشها لقيته واقف وراها ع طول وبيضحك ضحكة مخيفة وشهوانية
آيت بضحك: انتى مفكرة انك هتعرفى تنتصرى عليا ببساطة تبقى غلطانة كان ادم وحواء فضلوا فى الجنة
اسراء بقوة وبضحك: انت صعبان عليا اوى هو انت مفكر ان ابليس هو السبب فى نزول ادم وحواء ع الارض لا ده ربنا من الاول رايد انه يخلف ادم ونسله فى الارض عشان يعمروها
آيت : اسراء انا بحبك ومحدش فى الدنيا دى هيحبك ادى خليكى معايا هعيشك فى نعيم وهخليكى ملكة ومحدش هيفدر يإذيكى طول ما انتى فى حمايتى
اسراء: ربنا وحده هو الحامى والحارس وانت ضعيف واوى كمان
وقتها اتحول آيت لشبح بدون ملامح فقط عيون حمرا ووجه بها شعاع لاسراء لكن فجأة ظهر نجم وصدها وصرخ فى اسراء : بسرعة خلصى
اسراء: اعمل ايه ؟!
نجم : كل الكلام اللى موجود ع المرايا اشطبى عليه واكتبى عكسه واسمك انتى وكارم اكتبيه مظبوط
بالفعل اسراء عملت كده لكن مفيش حاجة حصلت فضلت اسراء تبص ع المراية بيأس لحد ما شافت لوحة معكوسة فى المرايا مكتوب عليها لا اله الا الله محمد رسول الله فكتبتها فى نص المرايا فجأة المرايا اتفتت لاجزاء صغيرة وآيت اتحرق واختفى واسراء اغمى عليها ومن قوة الصوت دخل كارم وفاتن وفوقوها
فاتن: ايه يا بنتى ايه اللى حصل
كارم كان لسه هيتكلم لكن اسراء منعته: مفيش يا حبيبتى انا معرفش ايه اللى حصلى فجأة قعدت اكسر فى المراية سامحينى
فاتن: فداكى مليون مراية المهم انك بخير
عدى فترة ع الموضوع اسراء حست بشعور مميز وانها قوية جدا ومهما اتعرضت لصعوبات وظروف كانت مؤمنة ان ربنا جنبها وبايده الحل وكانت بتزور فاتن دايما وبتطمن عليها وراحت زارت قبر اسماء ودعت لها بالهدى والنهاردة يومها المميز فرحها هى وكارم بعد ما خلصوا الفرح وروحوا ع شقتهم شالهم كارم ودخلوا ع غرفتهم فجأة سمعوا خبط ع الباب راح كارم يفتح لقى نجم
كارم: والله عيب انت جايلى يوم دخلتى لييييييه؟
نجم بضحك: جاى ابارك ليكم ع الزواج
كارم: والله انك جن مبتفهمش فى الاصول يعنى طول الفترة دى كنت مختفى وجاى تظهرلى النهاردة
اسراء من وراه: عيب يا كارم بصت لنجم وقالت: انا مش عارفة اشكرك ازاى حقيقى لولا وجودك جنبى مكنتش عرفت اخلص من اللى انا فيه
نجم: متقوليش كده يا اسراء انا كنت مجرد سبب ربنا هيأه عشان يساعدك والبطل الحقيقى كان انتى وكارم خلى بالك منه عمرك ما هتلاقى راجل زيه يحبك ويخاف عليكى
كارم: شكرا يا باشا والله قولها والنبى
نجم: انا جاى النهاردة لسببين الاول انى ابارك ليكم والتانى انى اقولكم انى مهمتى انتهت ومن دلوقتى مش هنتقابل تانى
كارم واسراء بحزن: ليه كده ؟!
نجم: لانى مكانى مش ع الارض مكانى تحتها او تحت المحيط لكن مش هنا فى امان الله
اختفى نجم فى وسط ضوء قوى وساب ليهم ذكرى منه كورة بلورية من اللؤلؤ عشان لما يشوفوها يفتكروه
وبكده اقدر اقول توتة توتة خلصت الحدوتة
لقراءة الرواية كاملة اضغط على : (رواية عاشقي ومنقذي من العالم الاخر)
