رواية جمانة الفصل الحادي عشر 11 بقلم هوس ريجا

رواية جمانة الفصل الحادي عشر 11 بقلم هوس ريجا

رواية جمانة البارت الحادي عشر

رواية جمانة الجزء الحادي عشر

رواية جمانة الحلقة الحادية عشر

بقيت واقفة ونسمع فالتبريكات ليه نسمع في خالي يهدر مع عمي ديرولنا طريق يروح يشوف العروس ويسمع الموافقة من فمها طلع راسو يشوف من من وهدر كيفاه يشوفها علاه مايعرفهاش حتى يدخل يشوفها _علبالي يعرفو بعضاهم بصح لازم يشوفها وتشوفو ويسمع المواقفة من فمها هذا زواج ماشي لعب بعد الشد والجذب بين خالي لي لازم العريس يدخل وحمزة لي ماعندناش عريس يدخل يشوف العروس بهذا الجاست كشغول راكم تقولو بلي جبرنا الطفلة عليكم كون ما جاتش موافقة مانقولولكمش ارواحو وفي الاخير دخل عمي وقال معليش يشوفها ماشي غريب وليد خالها وموالفة تروح عندهم عادي حسيتو ماعبجوش الحال ڨاع كي راح يدخل نشوف في اسامة يهدر معاه بالشوية يقنع فيه جاني ماشي مليح متوتر ومقلق يمسح على وجهو يغمض عينيه ويعاود يفتحهم اللحظة لي ناضو راح يدخلو عندي شفتو فتح القمجة من الفوق رجع راسو على الفوتاي وحط يدو على رقبتو وجهو حمار وضاق عليه النفس ماقدرش يتنفس ناض عندو اسامة راحو يجرو عندو تلمو عليه بقيت نطل ماشفت والو دخلت نجري عند مرت عمي اجري حمزة مانعرف واشبيه ناضت ياخاه واشبيه بعدتني وخرجت تجري لحقتها راح تخرج رجعها عمي ارجعي لهيه وين جاية _وليدي واشبيه _مابيه والو داوه السبيطار ضك يرجع خرجنا كامل نطلو ونستناو مرت عمي وعبلة داهم عمي وراحو لحقوه وحنا رجعنا لشمبرة قاعدة نبكي مستغربين ردة فعلي وماما تتخنزر فيا وتبررلهم حقها تبكي خوها هذا تربات معاه ورباها هو جات عندي بنت عمي رهوة هذي قصتها كي قصتي انا نحب وليد عمي وهي تحب اسامة لكن هي اسامة يحبها ويماه هي لي ماهيش حابة تخطبهالو خاطر ماتتفاهمش مع ام رهوة وحابة تجيبلو بنت ختها همستلي جمانة واشبيك احكمي شوية في روحك راكي درتي الشك لروحك واشبيك تبكي عليه هكذا ماتنسايش اليوم خطبتك من عمر ماترجعيش روحك لزيرو ،مانقدرش نخاف عليه من نسمة لهوا اذا ماشي كحبيب نخاف عليه كاخ لي نطقت مرت خالي _واشبيك تبكي عليه هكذا نشالله مابيه والو انا علبالي في مقام خوك بصح ماتبكيش عليه ڨاع هكذا كيفاه راح يشوفك عمر وانتي فالحالة هذه مارجعتلهاش بقيت نستنى حتى دخلت عبلة نضت عندها ها واش راه _لباس دارولو اكسجين وفطن شوية يجيبوه سمعت عمي يعيط من الكولوار خرجت عندو _استري روحك باه يدخل يشوفوك ،عمي مانيش حابة ياك نعرفو ويعرفني علاه حتى يشوفني خليها غير مرة _ كيما تحبي ديجا ماشي وقتها راح خرج وصح هذاك ماصرا قررنا الخطبة في غير مرة راحو روحو وفات هذاك النهار ستنيتو يرجع لدار لكن راح لدارهم
____سمانة وقربت قرايتي خرجت انا وبنت عمي رهوة تكسينا هي تقرا فالجامعة كيما انا بصح عايشة في بيت جدها وتقرا ثم عندهم شرينا وجينا نمشو لدار ماسقسيتيش اسامة على حمزة _سقسيتو بصح تعرفيه هذاك وحمزة كيفكيف الحيط ينطق وهما ماينطقوش حاولت نجبد من عندو الهدرة بصح والو يقولي ماعندو مادخلك فيهم ،ماقالكش واش صرا كي دخل السبيطار _ما قال والو غير كي فطن سقسا واش صرا فالخطبة قالو اجلناها سكت _جمانة خلاص ارمي عليك روحي تزوجي واخطيك منو والله وجيت في بلاصتك نحب اسامة وهو مايحبنيش مانقعد معاه دقيقة ،ياوو علبالي علاه ماعلباليش بصح مانقدرش عييت ماندير القلب عليه لكن والو نضعف معاه غير نشوفو نفقد السيطرة على روحي ونولي كالعمية _بصح راه مايحبكش ،شكون قالك اسامة ؟؟ _لالا هذاك سقسيتو وقتلو حمزة علاه راه يدير في جمانة هكذا واسكو يحبها يقولي جمانة ماتحبش حمزة غير مشاعر مراهقة وتفوت ،وراهي مشاعر المراهقة ديجا ويني وين المراهقة كاش مابقالي انا المراهقة نتاجاتي تزوجو وجابو لولاد وانا مزال يقولو عليا مراهقة ،مانعرف هذه هدرة حمزة هو لي يقول عليك بلي ماتحبنيش راهي مشاعر مراهقة وتعلق واصلا دايرها كي ختي جامي خممت فيها كحبيبة ،هو قال هكذا _ايه هو هكذا قالي اسامة بكيت_جمانة والله غير خلاص الراجل شايفك ختو وجامي خمم فيك كحبيبة والدليل راح خطب وانتي راح دمري نفسك على جالو الحب ماشي يالسيف جمانة ماتقدريش تخليه يحبك بالقوة سكت مالقيت ما نقول

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جمانة)