رواية عاشقي ومنقذي من العالم الاخر الفصل الثامن 8 بقلم نشوة عادل
رواية عاشقي ومنقذي من العالم الاخر البارت الثامن
رواية عاشقي ومنقذي من العالم الاخر الجزء الثامن
رواية عاشقي ومنقذي من العالم الاخر الحلقة الثامنة
-فى اليوم التانى فى المستشفى دخلت الممرضة ع غرفة اشرف عشان تطمن عليه لكنها اتصدمت لما لقيته طاير فى الهوا فصرخت بأعلى صوتها واتجمع الدكاترة والممرضين ونجاة وكارم واسراء طبعا كل الدكاترة والممرضين خافوا وخرجوا من الاوضة
اسراء بزعيق: آيييييييييت اظهرلى انت مش هتستفاد حاجة لما تإذى اهلى اظهرلى انا واعمل اللى انت عايزه فيا
فضلت تبص كتير لحد ما شافت واحدة ست هى اللى شايلة اشرف ورفعاه بواسطة عصا فى ايدها وكانت الست دى هى زيتونة اللى وشها كان عبارة عن جمر من نار وعيون حمرا بسواد مخيف
زيتونة بصوت مفزع: لازم انتقم منك واحرق قلبك ع حبايبك زى ما حرقتى قلبى ع ابنى واتسببتى فى لعنته كلكم من بنى البشر كده مؤذيين بسبب ابوكم ادم عزازيل ( هو ابليس وكان اسمه بالجنة عزازيل )اتلعن وخرج من الجنة وبسببك انتى يا بنت حواء ابنى بقى منبوذ وضعيف
اسراء بخوف: ابنك هو اللى اذانى ابنك هو اللى دمرلى حياتى
زيتونة: ابنى مأذاش غير نفسه لما حب واحدة من بنى البشر وخرج عن طوعنا
كارم مكنش شايفاها وقال: اسراء انتى بتكلمى مين ؟
اسراء بخوف شاورت ع زيتونة لكن كارم مكنش شايفها ….. اكملت زيتونة : بدأت بأبوكى ودلوقتى امك
حركت العصا بتاعتها باتجاه نجاة اللى فجأة جسمها اتشنج ومبقتش قادرة تاخد النفس ووقعت فى الارض فاقدة الوعى جرى عليها كارم وحاول يقومها لكن فشل فضل يصرخ وينده ع الدكاترة لكن محدش دخله لانهم كانوا خايفين اما اسراء كانت بتبص ع امها بصدمة
كارم بزعيق: اسراء فوقى لازم تبقى قوية لازم يبقى عندك ايمان بالله
لكن اسراء مكنتش سمعاه اصلا من صدمتها فبدأ يقرأ ايات من القرآن كآية الكرسى والمعوذتين وكذلك قوله تعالى( واعوذ بك من همزات الشياطين واعوذ بك ربى ان يحضرون) وبسبب قرآته للقرأن ده كان بيسبب ازعاج لزيتونة فوجهت عليه العصا لكن فجأة ظهر دايرة من نور حوالين كارم وكان كل كلمة بيقولها بتدخل ع صدر زيتونة وتشعل فيها نار اقوى افقدتها القوة وفجأة صرخت صرخة مرعبة وفرقعت واتحولت لشرار صغير وقع ع الارض ولما ده حصل نجاة فاقت وكذلك اشرف
اسراء جريت ع امها بلهفة وكارم راح ع اشرف وبعدها اتجمعوا كلهم خرج كارم للدكتور
كارم: من فضلك يا دكتور تعالى اكشف ع عمى هو فاق من الغيبوبة
الدكتور بخوف: انا اسف انا مش هدخل غرفة المريض ده
كارم بثبات: هو فى ايه يا دكتور احنا بنهزر ولا ايه اتفضل شوف شغلك بدل ما اقدم فيك شكوى واوقفك عن العمل
الدكتور بلع ريقه واستسلم ودخل لاشرف واتفاجئ ان حالته الصحية كويسة جدا
اسراء: ها يا دكتور!
الدكتور: لا ده الاستاذ اشرف بخير جدا وكمان ممكن يخرج من المستشفى وياريت متشرفوناش هنا تانى عن اذنكم
ضحك كارم واسراء لكن نجاة واشرف مكنوش فاهمين حاجه …. بعد خروج اشرف روحوا ع البيت
كارم: حمدالله ع السلامة يا عمى البيت نور
اشرف: ربنا يبارك فيك يا ابنى انا مش عارف لو انت مش موجود كنا هنعمل ايه؟
كارم: متقولش كده يا عمى حضرتك فى مقام والدى وده حقك عليا ع العموم استأذن انا عشان اسيبك ترتاح
اشرف: لا طبعا انت هتقعد تتعشا معانا
كارم: لا يا عمى معليش اعفينى انا جعان نوم هموت واحضن السرير
اشرف: ماشى بس اعمل حسابك هنتغدى كلنا بكرة سوى
كارم: ان شاء الله بعد اذنك يا عمى بس عاوز اسراء فى كلمتين
اشرف: ماشى يا ابنى
طلع كارم مع اسراء ادام باب الشقة وسألها: انتى مقولتليش نجم قالك ايه؟
حكت له اسراء وكملت: معنى كلامه او اللى قدرت افهمه ان فيه حد بيساعد آيت والحد ده من المقربين ليا وجدا كمان بس يا ترى مين هو؟
كارم: مش عارف بس واثق ان ربنا مش هيخذلك وهينصرك ع مين يعاديكى
ابتسمت اسراء بحب وقالت: شكرا لانك جنبى وفى حياتى
مسك كارم ايدها وباسها ونزل روح ع شقته …… اما اسراء لقت فونها بيرن وكانت اسماء فردت عليها : الو يا سمسمة
اسماء بتمثيل عياط: الحقينى يا اسراء الجن ظهرلى وقالى انه هو اللى اذى امى ودلوقتى بيهددنى انه هيقتلنى انا خايفة اوى
اسراء بخضة: اهدى يا حبيبتى متخافيش انتى فين دلوقتى ؟
اسماء: انا فى البيت
اسراء: طيب خليكى زى ما انتى انا هاجى ابات عندك الليلة
اسماء باستغراب: طب عمو وطنط
اسراء: لا ما هو بابا خرج من المستشفى ورجع البيت وبقى كويس اوى وكمان ماما معاه
اسماء: خرج! خرج امتى ؟!
اسراء: هفهمك كل حاجة لما اجيلك سلام
استأذنت اسراء من ابوها عشان تبات عند اسماء ووافق واتجهت لبيت اسماء اللى كانت بتمثل التعب والخوف وحكت لها اسراء كل حاجة حصلت فى المستشفى وسط ذهولها وصدمتها انهم اتخلصوا من زيتونة
فى مكان تانى كان تحت سطح المحيط الهادى فى قصر مرصع بالاحجار الكريمة والدهب وقف نجم فى غرفته وقت دخلت عليه الاقرب لقلبه وهى تاج زوجته
تاج: حبيبى سرحان فى ايه؟!
نجم: فى اسراء واللى بيحصل ليها
تاج: طب انت ليه متساعدهاش مع انك تقدر تخلصها من آيت باشارة واحدة منك؟!
نجم: لازم هى اللى تخلص نفسها منه ومن اذاه لازم يبقى عندها قوة ايمان بالله اكبر من كده وعشان متفكرش انى انا صاحب الفضل عليها
تاج بابتسامة: حبيبى افضل واحن جنى فى الكون
ابتسم لها بحب وضمها ……… عند اسراء واسماء كانوا لسه بيتكلموا وبعد ما خلصوا استأذنت اسماء انها تقوم تاخد دش وترجع ليها دخلت اسراء ع غرفة اسماء ولفت انتباهها وجود قماشة بيضا ع المراية ووووووو…………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عاشقي ومنقذي من العالم الاخر)
