رواية ابن حلال الفصل الخامس 5 بقلم Eli Smith
رواية ابن حلال البارت الخامس
رواية ابن حلال الجزء الخامس
رواية ابن حلال الحلقة الخامسة
-احمد!!!
جربت على جوزي اللي كان في الارض والد.م حواليه في كل مكان.
-خلي بالك من عمر ياليلى.
-احمد انت بتقول ايه متسيبنيش انا هعيش من غيرك ازاي.
الدموع ملت عنيا مقدرتش امسك نفسي.
-ايه الاوفر اللي انتي فيه ده ياليلى انا بهزر الطلق.ة جات في كتفي بس اطلبي الاسعاف بسرعة قبل ما د.مي يتصفى.
قالي كده وابتسام ابتسامة ضعيفة.
-انا بحبك اوي ياحمد.
………………..
في المستشفى اكدوا لينا انهم قدروا يطلعوا الرصlصة وانه محتاج يفضل في المستشفى فترة علشان يتعافى. حمدت ربنا ومبقاش فيه غير سؤال واحد افكر فيه. ياترى مين اللي عمل كده! وهل الموضوع له علاقة بخط.ف ادم!
ايوة اكيد له علاقة بالعقل كده مش معقول كل شيء هيحصل في يوم واحد ويبقى مفيش اي رابط ما بين الاتنين. لكن اللي خط.ف ادم ايه مصلحته في انه يتخل.ص من أحمد؟ ممكن قاصدين يعرفونا انهم بيتكلموا جد مش هزار… انا مبقتش فاهمة حاجة فعلا.
-ليلى! ياليلى!
فوقت من شرودي على صوت ماما يتنده عليا.
-انتي نمتي ولا ايه؟
-لا ياماما صاحية هنام ازاي بس في اللي احنا فيه ده. هو مين بيعمل كده هما عايزين مننا ايه؟ انا بجد تعبت نفسي الاقي ابني واقفل الصفحة دي كلها نهائي.
-ان شاء الله يابنتي هتلاقيه. قولي يارب بس. ادعي.
-يااااااارب ربنا يحفظك يابني في اي مكان انت فيه.
-بقولك ايه مش اطمنتي على المحروس مش يالله بينا بقى ولا هنبات هنا.
ده طبعا أيمن اخويا اللي اضطر اسفا انه يوصلنا لان مكنش ينفع نروح مع الاسعاف وماما رفضت اني اسوق وانا في الحالة دي.
-عايز تمشي انت اتفضل انا مش متنقل من جنب جوزي.
-طيب وابنك الصغير اللي انتي مبهدلاه معاكي ده وسايباه مع الشغالة مين اللي هياخد باله منه؟ انتي يابنتي معنكديش مخ. يعني ضيعتي واحد ومهملة في التاني؟!
-احترم نفسك يا ايمن! وادم ما ضعش باذن الله هيرجع لحضني في اقرب وقت.
ماما ادخلت في الكلام: هو انتوا كل ما تتجمعوا في مكان هتمسكوا في بعض ولا ايه؟؟ ما كفايا بقى بقالكم سنين ع الوضع ده ومفيش فايدة فيكم.
-هي السبب. بكرة تعرفي ياليلى ام مكنش ينفع تتجوزي الانسان ده.
-انت مالك؟ لا بجد انت مالك انا واحمد اتجوزنا خلاص على فكرة وعندنا عيلين يعني الأمر منتهي. وياريت تبطل تدخل في حياتي بعد اذنك.
-عيلين واحد منهم الله اعلم فين.
مقدرتش استحمل الرد ده.
-ما كفايا بقى انت ايه يا اخي مبتحسش كفايا بقى انت بجد شمتان فيا طيب والله العظيم انا شاكة انك ليك اصلا دخل في الموضوع ده اصل خط.ف…
ماما قاطعتني: ليلى ايه اللي بتقوليه ليه؟! اخوكي مش بلط،جي ولا له في السكة دي! واوعي اسمعك تقولي حاجة زي دي تاني.
أيمن مردش على كلامي بس وشه قلب وحسيت ان الكلام وجعه. في الاخر حط صباعه على كتفي وقالي بمنتهى البرود:
-هتندمي. على. كلامك. ده.
وراح سايبنا وماشي.
-ايه اللي قولتيه ده ياليلى هي دي اخرتها تتهمي اخوكي انه خط.ف ابنك هي دي التربية اللي انا وبيتها اخ.ص عليكي.
ارتبكت ومعرفتش ارد على الكلام حسيت اني زودتها اوي مع أيمن.
-بقولك ايه ياماما انا هبات هنا انهردا مع احمد وان شاء الله بكرة الصبح هرجع البيت. بالله عليكي تخلي بالك من عمر.
-في عنيا يابنتي. محتاجة مني حاجة قبل ما امشي؟
-لا سلامتك.
بعد ماما ما مشيت واطمنت على احمد اللي لاقيته لسه مفاقش بسبب البنج قررت اني انزل الكافيتيريا واقعد مع نفسي افكر في احداث اليوم العجيب ده.
ياترى ادم فين وبيعمل ايه وياترى فعلا هيرجع اما ندفع الفيد.ية ولا انا بوهم نفسي.
ابني وحشني اوي ووحشتني ضحكته وكلمة ماما اللي بيقولها عمال على بطال. مش عارفة ليه كنت بتضايق من طلباته كل شوية… انا ادفع نص عمري دلوقت وتلاقيه قدامي بيقولي: ماما… انيم (ايس كريم)
ابتسم بوجه لما افتكرته.
لا حول ولا قوة الا بالله الاحسن اني اطلع انام بدل الأفكار السوداوية ما نسيطر عليا من تاني.
فوق الساعة ٧ الصبح على اتصال من ماما. مش عارفة ازاي نمت بالعمق ده مع كل المشاكل والكوابيس اللي في حياتي.
-ايوة ياماما.
-ليلى الحقي… عمر اختفى!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابن حلال)
